九記牛腩

营业中

休息中

1.上湯牛腩米 $60牛腩超級軟林，比左6、7舊😋湯底偏鹹，米粉質感正常，份量吾係好多，整體高質吾錯，但價錢偏貴🤣值得一提既係飲落吾似味精湯，飲完都吾會好鹼，吾錯喔 （評價：6.9/10）2.咖喱牛筋腩伊面 $65咖喱汁超濃郁，香辣惹味，用黎撈麵一流，而且超級掛汁😋個汁好好味，牛筋牛腩都十分軟林，份量都多，整體好味推介，我覺得呢個值得番兜 （評價：7.2/10）💡個環境同服務吾算好好，我覺得如果經過中環，就可以黎試試，吾洗特登黎食

由90年代大排檔開始 幫趁多年 當年嘅牛腩同埋湯底真超班。 然後多年無去 因水準下降驚人 價錢卻拾级跳 由街坊食堂 搖身变成遊客打咭点。今午路過 午飯時問1：30pm 都唔使排隊 故且去懷舊一吓 食碗腩伊。賣相仍不錯 先飲啖湯 有水準 伊麪都夠冧 但主角牛腩就 乾、柴、無肉味。難食情度 超哂標。盛惠$65大元。呢度D招呼 咁多年都出哂名差啦 今天依然故我！今時今日 清湯腩選擇多的是 咁嘅食物水準，服务態度和離地高价錢 真係祝佢好運。 對佢雖然仍有D情意结，支持佢起家嘅街坊，尤其當年最捧場嘅的士大佬 真係回頭太難！

最近疫情外賣，味道差到不得了，吾知係咪咁啱果日，我地又係叫平常的咖哩伊麵，咸到不得了，沒咖哩味只有一個咸(我自己加水加咖哩醬)，另外果個清湯又係咸，九記過诲必買，例牌order 4碗咖哩伊+2個淨清湯，足夠2人午餐和晚餐，太失望，老公最近經過都無再買，失左信心，遲D再睇吓老公佢再比吾比機會再食。

唔知幾時開始，當堆砌係街嘅唔係遊客而係香港人時，九記嘅人龍都慢慢消失。每次經過都諗緊到底有咩吸引，但每次都俾長長嘅人龍嚇到打退堂鼓。今次倖存者之所以食到係因為過咗peak hour無人排隊。茶記嘅服務水平大家都預咗，無咩特別之處。都係坐底，9秒9叫野食，然後9秒9交臺。九記清湯牛腩河最經典嘅菜式點少得佢。湯算清、河算滑、但牛腩少少失色。首先要讚佢嘅切法，切到岩晒一啖放入口，但又唔會太細件。同埋懷疑佢嘅切法同牛腩紋路有關，避免食到筋部咬唔開，但可惜肉味唔濃同食落都係痴牙，聽聞以前食佢都牛腩係唔痴牙加入口即溶。俾倖存者評嘅話，佢正常發揮，無唔好食，無特別之處。

昨天，去上環九如坊逛逛，蕃茄通粉人山人海，老公話唔好等位啦 ，見斜對面九記無人排隊，中伏，所謂咖哩牛腩撈麵，其實是倒紅色辣椒油係麵到（紅油撈麵），食咗兩口麵辣到咳咳，放棄唔食，我問掌櫃小姐：依個唔係咖哩，係辣椒油撈麵，佢個男伙記即刻答口話：「依個係正常」。吓！咁係咪我唔正常啊九記，依個完全唔係咖哩播，係紅色辣椒油撈麵，伴清湯牛腩。我哋未入座時，見到個惡伙計 （又係佢）趕走個女仔，原因佢朋友仔要出去攞錢，未落得單。係兩個少女，佢紅都面哂咁離座。

一碗麵嘅時間，聽足幾個是非，當住客人面嘲笑其他客人，你就知道e班老嘢唔係態度差咁簡單，係人品問題。推薦人地食淨腩，一睇個價錢即刻走，e句嘢個收銀阿姐講咗三次，前前後後嘅意思係話人食唔起唔識食，有個阿叔話而家大把地方有得食，佢就再講埋大埔油麻地邊間邊間，難食到咩咁😒總之九記係牛腩嘅唯一標準，只有佢好食，無所謂口味嘅嘢，唔啱你就係你唔識食嘅果種驕傲，well 好嘅，人生有碗牛腩俾你驕傲下。熟客咪好態度囉，見我生面口又後生，個光頭侍應企係檯邊全程望住我食！見我落醋，陰陽怪氣話果枝醋黎㗎...鬼唔知係醋咩，我都唔想咖哩麵落醋，你啲鹼水味重到咖哩都冚唔住嗱曬鼻，逼我落醋，仲以為搵到位寸人。食物上公平講佢，咖哩牛腩好似地拖咁爛溶溶，麵鹼水味太濃，提一下，今日濕度60幾乾燥晴天，無必要落重鹼水。朋友碗清湯腩，佢好欣賞個湯，不停話好飲，牛腩淋得黎都成型無溶溶爛爛，不過麵佢唔鍾意，可惜無河粉。口味嘅嘢百人百味，對我來說，屋企長輩整嘅清湯腩都好好味，無嘢吸引我再去，除咗去觀察班停留係80年代大富豪夜總會思維嘅夥計。

前幾日突然好想食九記 就專程走咗去 食呢碗 咖哩牛筋腩伊麵！ 真係太好味！ 既唔會因為好濃味食到口乾 又好夠味！真係 咁多年 都係呢個味 先真心勁！By the way 依家有外地人排隊 服務態度 超好 仲識講笑☺️

咁啱收早，跟上司去左中環一間老字號好出名嘅牛筋腩。位置都算幾偏僻，對面有間大排檔，可能因為疫情關係，加上唔係正式晚飯時段，所以餐廳冇乜人，但都有6-7成滿，門口有齊中，英，韓，日4國語言，提醒旅客排隊等候，同有排隊專用嘅分隔工具， 睇得出平時同正常時期有好多旅客排隊等位。入到嚟餐廳揀咗個對住開放廚房嘅位，見到廚房師傅就算好熱都有戴口罩，認真辛苦哂佢地，疫情關係，見到檯面放住有獨立包裝嘅餐具，令食客好安心,服務員落單好快手，食物都黎得好快。2個人叫左1碗咖哩牛筋腩撈伊麵，1碗清湯牛腩湯河。餐牌簡單易明，一眼睇哂咖哩牛筋腩撈伊麵，牛筋腩同唐生菜 分量十足，熱辣辣，牛筋好軟滑，但似花膠有d 腥味，牛腩唔算好軟滑，但好多汁，港式咖哩汁好香濃，比平時食到既會辣少少。同行上司推介伊麵，佢地都算整得唔錯，因為多菜又出水，所以搞到個撈麵好多水，所以建議隔左d水同個汁可以再杰啲，另外要留意碗湯雖然賣成$12,但撈麵係送嘅，雖然都幾清甜，但飲得出好多味精，所以千祈唔好飲曬，我因為飲哂，返到去飲左2大杯水仲好口渴，建議女仔可以2人share呢個撈麵，我本身都算大食，但因為食左d野，又唔太肚餓，所以食完好飽好

係中環做野，日日都見到有人龍，直至無哂遊客，人龍就唔見左😂lunch time 1230落到去，有小小人龍出現，大概5分鐘唔使就入到去👍🏻睇左食評，當然有哂心理準備。預期唔會太好，但都係想試下，話哂都係出名，旅遊書推介。牛腩一般，其實食唔出係咪新鮮牛腩，但河粉真係好差，一啲都唔滑，我同事話10蚊就抵食🤣🤣🤣但佢開左咁多年，係有佢成功既地方。只係口味人人不一，所以我覺得一般岩我口味喇！但都係一個好既體驗！不用排長龍既人龍店😊

It's good when you don't have to line. But is it that good - no. It is not worth the hype. Curry beef brisket is a bit salty but otherwise it is pretty good deal and tasteDefinately an establishment to go to when no line and support it so it stays aliveIf you are on Gough St and you want to have Hong Kong food then go Kau Kee and not the tomato soup CCT opposite as Kau Kee is better. Otherwise Zagin on Gough Street is best thing in sheung wan

前2天9月23日専程坐車到上環九記嘗嘗清湯牛腩麵，到座後叫了2碗清湯牛腩麵，來了2碗都是粗面，原來現時没有幼麵的選擇。麵硬口感差，湯底味精重及甜味太重，十分奇怪為何甜味咁重，牛腩味淡粗鞋，牛腩順纹切法奇怪，令牛腩肉質口感太韌不好吃。。。以前人山人海的九記清湯牛腩去了哪兒呢？？？收費每碗成惠$55元正，收費與食物質素完全不符比例！！！怪不得全店客人疏落，不用排隊等侯便有位。真的完蛋了，照片也没拍便速速结賬離去。之前看到的差評也设在意，原來是真實寫照。。。。其他地点收費三，四十元的清湯牛腩，比九記的清湯牛腩還好很多。

十幾年冇食今日路過，點知真係令我懷疑從前嘅我，啲牛腩一個字柴，個湯又甜又怪而家連對筷子都換咗即棄餐具，用即棄餐具真係會冇咁好食㗎，不過原來佢巳經唔好食！我會完全忘記佢

限聚令放寬、昨日同老友記即興落九記隊翻碗麵，唔使排隊，馬上入閘。先叫碗咖喱伊，20年來從來未試過食剩半碗、啲面煮得過諗，嗰啲牛腩望落去好似全部一絲絲以為已經問得溶化，點知全部攝牙，啖湯大不如前，沒有咖喱的香味，食食吓仲送條頭髮俾我再來一碗淨爽、咁多年來不嬲不是每舊係爽就係人都知，總會俾啲下欄嘢你，但爽腩完全唔掂，一啲都唔爽，唔入味、太多肥油淨河粉：湯永遠係靈魂，飲落去同之前簡直天淵之別，好像飲師姑尿一樣淡而無味舊夥計同我講雖然我哋人腳有少少變動但係最緊要牛腩冇變........PS : 去之前請你煲一煲 「暗花」先好去

住了香港那麼多年從來沒有去這家店吃。第一因為地點比較偏僻，而且一直聽到這家店很多人排隊，所以一直沒有過來嘗試。今天周末剛巧到附近吃晚餐，看到這家店終於鼓起勇氣入內。由於是下午茶時間所以基本上沒有什麼人不用排隊。這家店在是香港開了80年的老字號。全店只買一款產品就是牛筋腩面。點了最有名的咖喱牛筋腩伊面，份量不大但已經要60元實在不算便宜。牛筋腩非常多而且煮得非常嫩滑，咖哩的味道簡直就是齒甲留香，又辣又香口。最驚喜的是伊面，很少店鋪會用伊麵配上牛筋腩這種做法。伊麵泡在咖哩汁內。完全吸收了咖喱的味道實在超級好吃。這次的偶遇簡直就是太值了。

食了一個清湯午腩河（$55）1. 味道平平牛腩有臘鴨味牛腩偏肥湯河上有一厚厚油層河粉太碎了桌上沒提供辣椒油2. 對服務有保留可能因為我問左樓面加凍飲是正價（$25）就唔要，所以我飲一啖自攜樽裝茶，還沒有放上枱，正想放回袋，佢立即提我餐廳不可飲自攜飲品😂其實佢啱嘅，揸正嚟做講真，大把清牛腩河做得好過佢平過佢，這牛腩河性價比太低了。例如尖東兩間扎根多年粉麵舖。呢個價錢，不如食一係例分家雲吞麵，細碗但高質👍