九頭鳥米線

营业中

休息中

Always down to Nine phoenixes for their rice noodles whenever I’m in Central recently.Personal recommendation would definitely be their chicken. Different from Tamjai or other rice noodles eateries, their chicken is truly amazing, and I really fancy how tender their chicken is. It isn’t too stiff despite being lean, and the serving size of the sides is nicely balanced to that of the noodles (compared to those local rice noodles giants serving only an itty bitty portion)I once tried their signatu

每次食呢間多數係叫外賣自取/delivery app. 今次第一次黎堂食，lunch time等位唔算太耐,對打工仔黎講都可接受。坐低係scan QR Code落單，非常方便，遺憾今次鋪頭暫停供應手撕雞，上次食過好好食，仲唸住今次encore😅今次叫左個墨魚頭+春卷（湖南酸辣湯底）米線，第一次試呢個酸辣湯底，固定辣度，好彩唔太辣，個湯既酸度幾好，好開胃！個春卷第一次食到個皮係脆㗎❤️平時外賣都淋曬。其實如果店舖可以做到，外賣既春卷可以的話就另外用袋仔裝住，可能就無咁快淋曬

中環返工，放工又要趕返學，拿拿林去食個九頭鳥，6點幾中環個個趕返屋企，餐廳冇乜人我就可否盡興食米線。 叫左個最平既豬肉魚旦5小辣。 米線大大碗，特別介紹佢個辣椒油，麻而香，一定要試。 不過肉就俾得兩片， 好似少左啲， 如果肯俾多兩塊就叻個隔離間譚仔。 基本上味道同譚仔9成似，如果要突圍，就要係分量上俾多啲，做嚮個名。 如果冇特色乜， 大家不如去返譚仔好過啦。魚旦就係好爽， 不過就係細粒d. 老板真係要加大分量。

今日無帶飯，可以跟同事出來一齊食好西😃，去吃九頭鳥！午膳時間大概1點最多人，我在12點外出吃就比較少人，不用等位。餐廳設有隔板，環境枱凳也很整潔，令人安心。蕃茄湯豬肉紫菜米線：（10小辣）10小辣 只有很很輕微的辣，不能吃辣的人一定能接受，而且有微辣 更能提升惹味，令人愈吃愈想吃😋。蕃茄湯真材實料，不是用茄汁造成的湯，而是有真正的蕃茄果肉，感覺很新鮮 很清新。材料很足料，豬肉、紫菜都幾多，吃到最後都還有在底。

想試呢間好耐了，個個都話個湯底好似某連鎖米線店舖，今日經開中環就試下，餐廳唔算好大，好在下午3點幾唔算多人，一入去就有位了呢碗米線我叫咗酸辣湯底，小辣啲辣慢慢滲出嚟，我覺得我可以食中辣，酸度適中，夾埋都幾惹味又夠香濃，米線都偏向彈牙，吸到啲湯，餸要了微微粉嫩豬潤、爽口墨魚，仲有偏肥嘅豬腸，整體都唔錯會想再食另外仲叫咗麻辣鵝腸，個辣汁好正，偏向香辣中帶一點麻香，而鵝腸屬於爽口形唔算肥，仲有陣陣芫荽蒜香

平日lunch時間，係中環又想食平少少九頭鳥真係必食之選位置又方便，係中環街市旁邊Lunch時候爆滿，要等一等先有位商業區又多外賣出，堂食都要等一陣先出到，可接受時間重慶酸辣3小辣，米線可以揀爽D，多湯多麻，配魚旦，$39一餸既魚旦都幾多，超好食🤤🤤🤤配料足，三小辣唔算太辣，米線份量都幾多👍🏻👍🏻👍🏻麻辣3小辣，多湯多麻，配魚肉春卷，$41魚肉春卷係超正超好食，一餸有5條🫰🏻幾多👍🏻👍🏻兩個人都係食左$80🫢🫢🫢

食過譚仔嘅朋友唔知入去會唔會覺得有一陣味呢？？依間九頭鳥米線入去真係有陣譚仔嘅味道店內裝修：我個人覺得幾舒服、可能係4、5點時段周邊工作嘅人都已經在工作期間菜單：都真係幾似譚仔/三哥，整體價格大概單位數字出入（中環地帶算係咁）味道：春卷米線麻辣小辣小米爽d、過橋米線麻辣二小辣小米爽d、小食：麻辣墨魚頭、凍檸茶少甜。平時食開譚仔或者三哥都知道佢哋其實麻辣都有分別、依間米線嘅麻辣味偏向重麻多少少🤏辣到就反而一般、小食亦都比嗰兩間辣味輕啲、墨魚頭非常爽口而米線群組好多人讚嘆春卷，我個人覺得呢度分別係會再炸一次所以脆口d，但春卷口味我個人覺得南記好食d！Overall整體味道真係好似譚仔有九成相似，小食選擇出色，最出色係可以手機點餐，選擇項目亦多；例如；可以多湯、多油、走xxx之類。最後如果中環依個地段來講無端端有間譚仔食下真係幾好，因為附近都冇譚仔或者三哥，價錢我覺得亦都合理。如果路徑又like譚仔真係可以試吓。

1:05拎number，1:38入～超多人～聽講外賣等仲耐湯底湖南酸辣、雲南酸辣都淡湯，比較上喜歡雲南味，可以揀辣度，3小辣比sam gor mild啲，建議可以大膽上一兩級！配料雞肉、腩肉👍🏻都係大大舊，ok der；春卷南記會好食啲；辣椒油味道貼近南記，要加！另提感覺米線質感少稔，勝在份量夠多～麻辣生腸好惹味，份量唔錯，係細粒啲🤭豆漿，糖4g 都可以～比想像中平庸，點解會咁多人食～～～～～～～埋單$150/2；QR code落單；門口埋單

三哥酸辣升級版➡️九頭鳥麻酸辣湯底🔥即炸魚肉春捲，爽脆香辣拌墨魚頭/鵝腸鍾意食三哥酸辣嘅一定會愛上九頭鳥嘅雲南麻酸辣湯底!!!食完係會對譚仔失去興趣!!!沈迷九頭鳥!!!🤩😍推薦嘅餸豬潤：可以選擇熟d生d!切片夠厚有口感,我超愛!!豬大腸：軟淋入味,夾餸姨姨唔會手抖 每次都很多塊!!魚肉春捲：一餸有5條,兩餸以上就3條🤣建議食魚肉春捲就嗌一餸😛😍小食香辣墨魚頭：爽脆口感，每次必食!!麻辣鵝腸：洗的乾淨唔會有怪味，口感超好，份量夠足，讚👍🏻🥶唔推薦：丸類，味道普通嘅麵粉肉丸九頭鳥米線 (中環)中環域多利皇后街4號利隆大廈地下九頭鳥米線 (勝意大廈) (灣仔)灣仔莊士敦道191-193號勝意大廈地舖

中環最好食，首推蕃茄麻辣湯底，麻辣都好好！感覺比譚仔&三哥好，會上癮，每個月必食一次！小有地方有紅薯粉，襯湯底好好味，而且卡路里又底，減肥首選！💪🏻💪🏻💪🏻墨魚丸、竹笙、魚肉春卷、魚腐 👍🏻👍🏻👍🏻紅油雲耳 👌🏻👌🏻👌🏻霸王雞翼類似土匪雞翼 👍🏻👍🏻👍🏻不過午餐外賣最好預60分鐘，門口幾十人排隊，有排等，大熱天時好難搞，反正湯面分開。服務態度一般般 😒😒😒

極度不愉快既經歷經app叫外賣自取，顯示12:26可取餐。準時落到去話未有，咁心諗都係等一陣啦。聽到其他人張訂單早我十零張，都重等緊，咁我出去兜個圈再返黎。10分鐘之後返黎，一問又係未得，再等等。見到頭先前面班人重係度，開始覺得唔對路。聽到有位師兄話12點落既單都未有，開始投訴。於是同平台客服講，佢話幫手查詢下。間舖就愈黎愈多人叫外賣，個收銀就一味叫人等，重話好多單出緊。無意間聽到個收銀阿姐講電話，應該係平台客服，佢對住客服講x015之後既單全部出唔到收唔到啊！我心諗，我個號碼咁岩係呢個後兩個。即時再同平台客服講取消訂單，呢個時候已經講緊12:55分，我已經係間舖等左半個鐘。同阿姐再問，阿姐一味叫你等，重話好多單。個平台客服又話餐廳唔俾取消單，唔俾退款。同一時間已經幾位師兄同阿姐嘈緊(佢地個訂單早我十幾個號碼)我即時再嘈個平台客服，講返話餐廳完全收唔到訂單，一定要退款。又搞左十分鐘，先真正取消單。我後面聽到重有d單係遲我20個號碼既，我真係只能心裡祝福佢，我肚餓，拿拿臨走求其食野算。其實成件事就好簡單，阿餐廳你忙咪唔好接咁多單囉。好啦，接完單遲少少出到都唔緊要。點知由頭到尾，張單根本無

每逢午飯時間，這間米線店都會大排長龍。一般來講，普遍人都稱這間是抄襲譚仔，但味道的確是濃厚得多，只是「濃厚」不代表好吃。位置：在一起食堂的旁邊。環境：一點也不似米線店，反而有點像一間台式小店，裝修很有心思，天花板掛波波燈，左邊是木牆和卡座，右邊是吧台和二人枱，只是卡座會被安排搭枱，明明其他枱還是沒人坐，但都被安排搭枱，感覺很差，所以吃了半小時立刻離開。服務：不收加一。午市：🥢雞肉重慶酸辣小辣🍜 $39湯底很紅，辣油很多，真是辣到流鼻水，湯底是很濃郁，但只嚐到辣勁，沒有酸味，配料有腐皮、醃豆角、芽菜，但缺少了靈魂配菜—酸菜，雞肉是白灼再下湯，米線份量正常，整體來講是不錯，但沒有我想吃的酸菜，有點不滿。

去完中環街市咁啱見到呢間近日出名既米線舖因為佢餐牌同某間米線舖相近無人等位可以直入，不過要同人塔枱用QR落完單個姐姐話我地無落單搞左一大輪先OK 我同朋友都係諗過試下口味直接叫一碗過橋米線share加$1叫左四川麻辣5小辣 其他個湯底都唔差又唔係太重口味雖然個湯底望落去白雪雪但飲落其實都夠麻同夠辣 米線同餸既份量其實唔多一個人食呢碗過橋米線應該都係啱啱飽我地要求米線爽口d但佢太爽口，爽口到有部分係唔熟仲係硬條，食唔到 餸菜方面牛肉好硬，咬唔郁腩肉好肥又無味豬肉太大片，但好彩唔難咬其他就不過不失酸菜係比較好食同想再食既一款 我同朋友都覺得要食米線都係去返平時食開果間米線舖啦~

📍九頭鳥／中環✧ 重慶麻酸辣雞肉米線 $39✧ 四川麻辣豬大腸米線 $40✧ 霸王豬頸肉 $33 香辣墨魚頭 $34我估佢就係出名在係翻版譚仔🤣食完歸納出>就係譚仔&三哥嘅結合+重口味版！米線偏油膩( ～'ω')～ 較推薦小食!! 款式多又特別霸王豬頸肉其實姐係土匪雞翼嘅味嚟 haha 不過每舊肉都極重油脂lol 稍嫌太肥膩了墨魚頭ok!! 超級爽彈 不過小食份量都偏少～喺附近又冇冇譚仔食嘅 不妨try下佢(⁎⁍̴̛ᴗ⁍̴̛⁎)回頭指數😼3/5（食米線又多一個選擇( ・∇・)

網上平台叫左外賣。。1235顯示可以取。去到門口都知道出事，見到好多人等緊外賣。等到1310都仲未見到我碗米線。問佢仲有幾耐，跟住叫我等多陣先。仲話，等唔到咪打去取消lo. 已經聽到好多人打去網上平台取消訂單。最後，我等到1330，真係要趕返公司，都係網上平台到取消左。呢間野有幾好食我唔知，我剩係知道佢地5分鐘先可以出一碗米線外賣。大家叫外賣真係小心d.....隨時好似我咁，下晝都食唔到。。跟住係出面企左成粒鐘。中環返工既大家，大家執生啦。