九頭鳥米線

营业中

休息中

網上平台叫了外賣，等了一個時候都還有10幾個號，lunch時間就這樣被浪費！唔該做唔到唔好接咁多單！永遠唔會再幫襯！奉勸大家lunch time時間遠離這家餐廳！

今日試下嗌呢間既外賣，因為平時見呢間成日大排長龍，所以聞名不如見面！我12:30用網上預訂平台落order, 點知等到1:50分d食物先來到！但明明只係隔一條街的距離，d食物黎到仲熱辣辣，證明唔係外賣平台的人行得慢/漏單，真係間餐廳製作得太慢，要客人等接近一個半小時確實有點離譜！但好彩既係，佢既食物味道唔錯，否則真係會嬲到癲左我點咗雲南2小辣雞肉魚片頭米線，酸酸辣辣的味道好開胃，花生香脆可口，米線的軟硬度適中，雞肉正常，魚片頭份量竟然有5塊。P.S. 平時都幾食得辣的同事叫小辣，但佢地覺得好辣，下次會食返2小辣。

12:15pm到達，叫一個米線外賣，我詢問大概要等幾耐，收銀阿姐話要15-20分鐘，ok，我便去其他地方處理私事，諗住15分鐘後折返攞個外賣。返到去，門口都有7-8個人企喺度，嗰陣時間已經係12:40pm, 我走去收銀處問我個外賣有未，答覆話未有，就得；最後12:53pm, 我忍唔住…天氣好熱，35度高溫下，我著火了，再走入去憤怒地問：出左咩問題？等左7-8個字，我坐喺度食埋都得喇！究竟幾時有？然後有個阿姐先幫我跟….最後12:57pm我先攞到外賣!!!!!!! 龜速出外賣好離譜！如果我得一小時午飯時間，我就白白浪費左喺等呢個外賣上！九頭鳥….我變憤怒鳥😡😡 味道，一般般，湯好重口味，食完好口渴，隔離南記不輸佢，仲平過佢，出餐快過佢！香港地午飯時間最緊要快，出餐出得咁慢，唔該檢討！

係中環夜夜地又唔算好肚餓，2個人就入左去打算食個米線，點知入到去個餐牌同知名米線店一樣😂無論係餐牌設計，價錢，內容都好似。。最後叫左個蒜泥白肉同埋過橋米線🍜過橋米線番茄湯十小辣講真料都算多既，但個湯底真係好一般，應該係番茄味唔夠但個辣又有少少啃。。最後同行友人食完一直肚痛，唔知關唔關事但係味道的確一般🥲蒜泥白肉啲肉幾好食，但個味道都係知名米線店好食d想食米線過下口癮都ok，但係咪好好食？就好個人口味了

之前一直對九頭鳥，都係好評價今次再去食晚餐，覺得湯底好似比三哥嘅酸辣，冇咁野味湯底叫咗胡南酸辣-有花生🥜芫荽，令到個碗麵山⛰️咁高，睇落好吸引-不過湯底有酸味，不過唔係酸辣，好少辣味，唔夠三哥酸辣咁好雞肉-食得到雞肉有預先醃制，好味😋不過唔係雞肉，係雞碎，如果大塊啲會好啲米線- 正常米線🍜，唔係太林，普通總結：以前一直都好期待去中環食，今次覺得質素略嫌下降，下次都係去三哥好啲

宜間米線舖同譚仔真係90%相似🫣 餐牌同裝修都似到十足！不過定價就比譚仔貴少少🤫⛵️過橋米線 麻辣小辣 $61（3.6/5）飲第一啖湯真係驚訝左😲 點解可以同譚仔既麻辣湯做到一模一樣⁉️但係啲餸係比譚仔新鮮少少，特別係豬潤同牛肉🐮👑霸王雞翼 $26（3.8/5）宜個即係譚仔既土匪雞翼🤣雖然唔係好大分別，但個人認為譚仔既調味係好味啲既😙不過宜間既雞翼大隻啲同埋嫩少少🐔整體黎講，未試過其他米線鋪做到譚仔既味道，係幾得意既，不過之後應該會去返譚仔食🤣

1/5Wanna enjoy a good bowl of rice noodles on my day off, choosed a new one to try and very disappointed.Thousand years egg is not good itself, no runny egg yolk is fine, no flavour is not fine. The sauce is too salty. Spicy and sour soup is not good, is vinegary and hot but other then that the flavour was just not good. Tomato soup is light and flat as well. Toppings are not nice as well to me. Only some are fine like bamboo fungus, chicken.

見有同事推介呢間，又話叫呢間嘅餸係有晒某兩間米線舖嘅嘢，就試試佢睇下個味道會唔會都似啦😏😏由於lunch time 次次都好多人，所以要留意番叫外賣嘅時間都耐架🤦🏻‍♀️🤦🏻‍♀️俾你哋參考下，今次”遮遮”話要等20分鐘先拎到外賣🥡🥡🥡🥡- 雞肉魚肉春卷 配雲南酸辣(3小辣) + 紅薯粉 $50佢嘅外賣都係將啲粉擺係面，同啲湯隔開咗嘅。佢除左米線，仲有紅薯粉揀嘅。佢啲紅薯粉唔係波浪幼身或者係扁嗰隻，佢係普通平滑圓嗰隻，好煙韌彈牙，同平時薯粉一樣唔使點咬就吞咗啦😆😆😆雞肉係一細舊咁，唔係條狀，食呢個唔痴牙。🐥雞肉顏色就冇其他間咁白啦。魚肉春卷嘅味道同另一個間似嘅，但口感上，呢間較為結實啲，冇咁彈牙。不過佢勝在大條啲，就算兩餸都有兩條半仔(今次有條細啲，所以當半條😆😆😆)雲南酸辣，有酸味，但辣味較重。不過佢啲花生🥜幾好食😋

評分：🌕🌕（2/5）總評：之前上網睇過話呢間好似譚仔無論係湯底配料都有譚仔嘅特色之餘仲會加入佢自己獨有嘅配方滿心期待過嚟試🤣🤣🤣環境都舒服嘅但味道感覺平平無奇之餘仲唔係好衛生冇咩事都唔會再食😕————————————叫咗個雲南酸辣湯嚟到又唔酸又唔辣個湯底都冇乜味😩配料上叫咗佢嘅招牌滷水但係都冇乜特別叫做多少少味🙁但你話好好食又唔係.另外叫咗幾個小食唔記得咗影但係佢嘅調味醬都係俾人感覺冇乜底蘊🤯🤯好似睇落好濃味但食落又冇乜味咁建議店家可以再改良一下出品先.最重要嘅衛生問題就係我自己嗰碗食食吓見到有發泡膠粒跟住連我男朋友個碗都發現有😖😖我覺得如果你話係一碗有都原諒你係唔小心但係如果兩碗都有嘅話可能都要諗吓廚房個格局係咪有啲問題😤希望可以再注重多啲衛生問題不過我就唔會再幫襯啦😥

喺中環搵食嘅時候見到呢一間九頭鳥米線，一睇個Menu心諗咁似譚仔嘅，就即刻上網check吓啦，原來網上傳佢係譚仔最大嘅勁敵喎，身為連鎖咁多fans嘅譚仔，竟然有間同佢差唔多嘅米線餐廳，仲要話同佢有得揮！就二話不說入咗去試吓啦～～餐廳嘅環境行木系風，感覺都幾家居幾舒服😂過橋米線 蕃茄湯底（+$3）入面嘅食材同譚仔嘅過橋米線真係差唔多，入面嘅食材都幾新鮮。而且佢蕃茄味嘅湯底好濃郁，係有好多煮爛晒嘅蕃茄蓉喺度，感覺真係真材實料嘅湯底。對比番譚仔嘅蕃茄湯，每間嘅質素真係好參差。所以蕃茄湯來講呢間嘅過橋米線真係好食好多，所以一嚟到已經忍唔住食咗幾啖先記得影相😂 佢賣相差都係因為我已經開咗餐😂😂😂冬菇米線 雲南酸辣（+$3）喺揀湯底嘅時候都唔知湖南酸辣同雲南酸辣有咩分別，見到雲南酸辣嘅辣到有多啲選擇，而且配料都幾多，入面有肉碎、酸菜、花生等等，感覺上似譚仔嘅酸辣～冬菇好入味，米粉偏淋，湯底清爽好惹味！

一行三人lunch time12:55左右開始等，10分鐘左右就入得，一睇個餐牌真係同譚仔勁似，佢d湯底款，今次同同事叫左3款不同既湯底。雞肉炸醬清湯 - $42(3.5/5) 炸醬係同譚仔好似但相比譚仔稀d，無咁有口感。不過都好味，雞肉份量都夠。炸醬酸菜春卷重慶酸麻辣米線 - $53 唔係講笑個湯底好正，夠酸夠辣(有得自選辣度) 佢既酸辣只會停留口腔，唔會落到喉嚨。下次叫我會酸薯粉！春卷都好好食，拍得住南記！最後我因為乜餸都想食，所以叫左過穚米線小米雲南酸辣 - $60 個湯底都好味，但對比重慶酸辣個辣度就底d。不過都好正，小酸小辣。佢餸既份量同譚仔差唔多，大部分餸都好好食！總結: 我個人覺得佢既湯底係比譚仔出色既，米線就不相伯仲，配料就好個譚仔出色小小。但如果食厭左譚仔又咁岩行開中環想食米線，佢係不二之選。不過要有心理準備因為店舖唔算好大，所以會坐得迫d。同埋姨到d staff 姨姨都好nice。

係中環返工諗唔到食咩就過嚟試下佢嘅米線一入到鋪頭 覺得鋪面好乾淨左邊就係卡位 但中間有塊膠板隔住而右邊就係對牆位服務態度都可以叫完餐後5分鐘就有得食啦都好快岩曬放lunch人士😊米線嘅軟硬度適中唔似譚X 一係就太冧 一係就太硬我叫嘅係雲南酸辣2小辣酸酸辣辣好好味😋最最最重要係佢個湯唔會好油食一啖米線飲一啖湯好正配料亦都好足如果中意食芫荽嘅更加唔可以錯過佢係好多芫荽係面架😍（唔中意食嘅話可以走左佢）總括黎講呢間米線係會再過嚟食的🥰好味道

魚肉春卷米線🍜呢間味道同價錢似係譚仔x南記crossover😆但都有新款小食，湯底同配菜都好味，湯底揀左10小辣，辣度同譚仔差唔多，魚肉春卷有5條，仲要岩岩炸起外脆内軟🌟呢間可以同一時間食南記出名既魚肉春卷同埋譚仔湯底😆配菜同米線份量都足

見到大家成日都話佢同譚仔、三哥差唔多，就搵日去試吓啦！初初見到個Menu大部份都同譚兄弟的很相似，不過款式是兩兄弟的合體。譚仔多內臟小食：生腸、雞腎、雞腳筋… 三哥多其他款式： 手撕雞、手帕青瓜等…Ｅ到兩樣都有！例如有生腸、雞翼尖、豬耳、口水雞、招牌土匪雞翼等等⋯⋯因為要做一個好好嘅對比，所以嗌嘅餸同平時嘅一樣，雞肉、腩肉 酸辣湯底，今次要薯粉。薯粉- 唔係扭紋薯粉，係一條粗嘅薯粉！ 係重慶酸辣嗰啲粗粉，好有咬口，正雞肉 - 大大件，唔會好「鞋」， 有時譚兄弟的會變咗做雞粒或者雞碎，所以雞肉大大件，兩啖一件到，讚！ 腩肉 - 正常，食到有一片碎骨頭，不過唔會太大扣分米線最重要嘅係湯底 - 重慶酸辣湯底 3 小辣同譚仔三哥三小辣味道差唔多，冇譚兄弟的三小辣咁辣，有啲似五少辣。不過E到多D湯料，感覺似自家製多，譚兄弟的冇呢度咁住家菜感覺。要咗一個巴蜀海蜇頭- 每一片都有手指尾咁長，唔會太細片，酸酸地，好爽，好有咬口！ 跟麵叫嘢飲加$9服務：店內都是香港嬸嬸幫忙，有人情味，有規矩，做事有條理。有時譚兄弟的內地姐姐會俾人感覺冇禮貌，大聲夾惡咁… 服務依度略勝一籌總結：兩碗面🍜，兩個凍飲🥤，一個

繼“墨演雲南米線”之外，又一米線新寵兒!🥢🥢😍放工後於上環做完運動，慣例在附近覓食。🔍🔍😋向中環方向走，沿途有不少茶餐廳，不過想找些特別的。🧐🧐行至中環街市，探頭向横街一望，連續有幾家食店。🍜🍢🍝🍲一家名"九頭鳥"，門口貼著米線彩圖，雖然內容與"墨演米線''相類似，不過味道相當不錯!😍😍🥰1️⃣ 🍲🥢 朋友點了雞肉、豬大腸(10小辣)薯粉雞肉嫩滑，豬大腸夠淋又入味，朋友邊吃邊讚！👍😋2️⃣ 🍲🥢 我就要豆卜、魚蛋(小麻辣)薯粉。我的至愛豆卜，軟硬適中，吸湯吃最惹味。魚蛋非常彈牙，好味！😋😋🥰配菜有牙菜、腐竹、酸菜，韭菜及芫荽，份量充足香口，我最欣賞！🌟🥳🥳薯粉煙韌，質感光滑，反而沒米線這般吸湯，配辣湯也不至於過辣，越吃越想吃！🤤🤤🤤此家的確給我們有新鮮感，餸料選擇多、有水準；米線或薯粉都同樣好吃，湯味適中，辣道恰到好處！👏👏👏人總愛比較，食物整體而言，此家稍勝一籌！🧑‍🍳🥇唯一不足之處，是座位較迫，不過位於中環黄金地段，座位充足，已算不錯！👌😘