九龍冰室

营业中

休息中

喺九龍灣佢返工，午飯時間周圍都要等位，今日想叫外賣，帶咗九龍冰室，九龍冰室本身座位唔多，所以直接叫外賣送上門。一叫即送， 15分鐘送到上嚟，時間都OK，可能因為係朝早早餐時間，所以人唔多，特別快。今日星期五，我叫咗水餃平豬柳漢堡豬骨濃湯出前一丁，另外加咗煎蛋同埋腸仔。個麵包冇叫到烘底，麻麻哋，下次要叫返烘底好食好多！講返個豬骨湯底，唔算太濃，不過茶記質素來講算唔錯。總括嚟講30幾蚊食到夠飽，仲有嘢飲，出前一丁唔使加錢，算唔錯。

喺同區來說， 九龍冰室算是有質數的冰室，但空間不足， 坐得較迫， 所以經常大排長龍， 有時可能要等10～15分鐘。雜菌黑椒牛扒配螺絲粉沙律 $50推介，牛扒又厚又大塊， 配上惹味嘅黑椒汁而色彩繽紛既螺絲粉沙律，就岩哂春夏天悶熱既天氣食。香酥雞扒拼台式滷肉飯 $54雞扒煎得香口， 令你連雞皮都想食埋，滷肉好多， 掩蓋白飯，但不是平常食到的味道，這裡的是帶點甜，似日式燒汁一樣， 個人口味， 覺得咸滷肉飯才是滷肉飯。

今日是星期六， 剛放工現在附近的九龍冰室快快趣食了個午餐。 但結果一啲都唔快。 因為叫了個焗豬扒飯， 雖然是在快餐牌上但仍是即叫即焗所以需要點時間。 結論是值得等！ 來時熱騰騰 ，飯有蛋香， 芝士亦溶在飯面， 豬扒不算太大塊但斬了件食得方便。 茄汁洽度好處不太濃味。 食了兩份餐154元。現時嚟講中規中矩。

食茶記早晨套餐，最重要就係隻蛋！呢間炒雙蛋係無咩加鹽，但又無雞蛋味，而且水份多左啲！算原味啦！至於多士，我覺得一定下次要叫烘底，因為多士太多牛油，有啲軟左呀，但overall都唔太差。

入左工業區, 求其停低食野, 本身諗住都係茶記, 食常餐果D,但原來都幾多選擇。叫左個日式叉燒豬軟骨蕃茄烏冬+ 餃子。日式叉燒有兩大塊, 仲要幾厚, 雖然係全瘦, 但唔會鞋, 啖啖肉5錯呀。豬軟骨就有一大舊, 有筋位有肉, 筋位滑DU DU, 瘦肉部分又唔會太DRY, 不過炆得咸左少少。蕃茄湯食得出5係用罐頭, 係自己用蕃茄煲, 清清淡淡, 5錯。仲配2隻煎餃子, 入面係椰菜同豬肉, 食落唔算好油, 又有少少脆邊, OK WOR

今日係九龍灣返工於是約咗舊同事喺依邊食飯，佢帶左我去九龍冰室，位置唔當眼，但嚟到嗰時都已經好多人等緊位。入面唔大間，枱與枱之間都比較迫，但係勝在依度食物價錢唔貴，同裝修特別-懷舊色劇院為主題。食物方便聽說依度每日都唔同午餐，有啲fusion食物咁，可以試吓唔同風味嘅嘢食。午餐仲會跟湯，亦可轉熱飲，或者支裝汽水亦都唔需要加錢依度食物啲份量大大份，同埋又比足餸料，同埋有好多菜，唔會怕食得唔夠均衡，岩哂忙碌嘅上班一族。

今日去開九龍灣做嘢，要搵嘢食都唔係咁容易，商貿區嗰便，一到午飯時間，到到都好多人。今日食嘅呢間九龍冰室，門口一樣有人排隊，見唔駛等好耐，決定排一陣試吓啦。呢間餐廳嘅裝修都幾特別，裏邊有啲昔日香港嘅裝修，不過座位來講都幾逼夾，食完亦都好快俾人趕走今日嘅午餐食咗個常餐，價錢$44連埋飲品。面揀咗煎豬扒麵，豬扒叫做幾入味，湯底可以揀忌廉雞湯或者羅宋湯，今日揀咗忌廉雞湯，不過其實冇咩味。炒蛋夠滑，有蛋味，有蛋汁。火腿有細細塊三角形兩塊，塊多士夠脆飲品凍飲要加$5 ，反而汽水唔使加錢，可以揀支裝，可以揀罐裝，支裝太細知唔夠飲，揀罐裝算囉。

喺九龍灣商貿區，午餐時間搵食一啲都唔容易，間間鋪頭唔理大細，都好多人排隊。等左10分鐘先至有位，坐低睇吓餐牌，除咗有每日唔同嘅午餐，亦都有一個以撈麵撈飯為主嘅餐牌。今日心血來潮，叫咗一個撈家4號，即係芝士忌廉汁豬頸肉撈面。首先講講個汁底，其實唔算有芝士味，亦都冇忌廉味，只有一Pat唔算稀唔算杰嘅醬汁，放上一堆麵上邊，亦都唔算係撈勻嘅。豬頸肉亦都冇豬頸肉香味，有幾塊煮得幾乾下，雖然撈落芝士汁裏邊，但係仍然感覺到乾真真硬掘掘，一啲都唔Juicy服務冇得講，一貫商業區小店模式，未食完已經準備趕你走。

點解會去食：2018-11-01 心思思想同班同事食好西！食物新鮮程度：⭐️⭐️⭐️⭐️即叫即整，個炸魚好嫩滑，無多餘的炸粉。個薯條仲係粗野黎架！食物合適溫度：⭐️⭐️⭐️⭐️熱到唔係即刻食到！食物驚喜程度：⭐️⭐️⭐️⭐️🌟個炸魚又唔大舊炸粉，又多份量，以為唔夠飽，最後係食唔晒！—————————————————服務員態度：中規中矩啦！唔會令你發動攻勢！—————————————————最重要係。。。我會唔會再去呢？重遊指數：⭐️⭐️⭐️以上評分標準以⭐️⭐️⭐️⭐️🌟為滿分

接友人放工見肚餓就係附近揾食，見呢間裝修得幾懷舊攪鬼又係友人提議，茶餐廳應該點都岩食，點知就出事！叫左呢個茶餐，有碗湯面/米/意粉，選擇東呢個餐，説好了嘅瑞士雞翼原來係鹵水味道，湯底轉忌廉雞湯但一d味都無！份炒旦唔滑不特止，仲要唔熱同頗咸，火腿又係凍嘅，份厚切方飽賣相令人失望，最後全餐係得杯奶茶係較為可取！係咁肚餓嘅情況下都覺得咁差，就真係浪費了今餐quota!

星期六朝早要去九龍灣做野，搞掂之後就喺附近揾食九龍灣地膽朋友帶路去咗呢間得意冰室裝修大玩懷舊風，地板舖咗花紋地磚，店面仲有好多七八十年代嘅擺設同海報朋友都係因為之前食過午餐見裝修得意先帶我一齊去試早餐早餐價錢非常合理，而且每日有特選早餐，選擇算多星期六嘅特選早餐係五香肉丁辛辣麵，朝早唔想食到咁重口味，所以嗌咗香煎豬扒麵，配茄汁豆加炒蛋，飲咖啡朋友就嗌咗沙爹牛肉麵，配煙肉加炒蛋，飲奶茶兩個餐都好快就到啦雖然餐廳裝修得好得意，其實都係普通茶餐廳，但係個香煎豬扒麵。。。個樣似係用咗黑椒醃，不過完全無黑椒味，鹹又唔夠鹹，可能係醃得唔夠耐，味道好奇怪個麵諗住係最簡單嘅公仔麵，麵質好硬，個湯都睇落好濃，但其實無味茄汁豆同炒蛋最正常，茄汁豆都係罐頭野，本身鍾意食所以點都覺得好味炒蛋無驚喜，唔好期望有澳牛或者華星嘅質素咖啡普通，無特別另外朋友嗌嘅沙爹牛肉麵個湯就超鹹，不過牛肉入味，肉質好滑，好味過我個豬扒麵好多餐廳其實喺工廠區，唔喺附近返工嘅人唔會識得行過去我俾個早餐嚇親，唔會再試呢間餐廳啦

星期二又係返工既日子,係九龍灣放lunch係一件辛苦事,尤其係近年冰室臨立的年代,每間都滿佈人!今次再去九龍冰室,其實已經有1個月無黎過既,無他既,位少人太多!3個人一點鐘去拿位,結果要等到1點半先有位! 入到去叫左我比較鐘意食既"撈家3號"-咖喱雞扒撈飯,配杯靚茶走! 個咖喱汁都算幾香濃,唔太杰,不過算撈飯好過撈麵,因為以往食過撈麵太漏啦! 雞扒煎得算okay啦,不過杯茶走就真算唔錯!係九龍灣茶記黎講,呢度既茶走夠滑夠香,每次來都會飲的!

一行五人係九龍灣搵食，每次中午去九龍冰室食飯都大排長龍，今次都唔例外。等左二十分鐘終於入到。平時食常餐覺得無特別，所以無特別寫食評，但今次試其他食物，結果俾我發現超好味既炸魚薯條！炸魚外層又脆又薄，魚肉又厚又多汁，五十幾蚊就有三塊大大塊既炸魚，配上他他醬好夾！薯條都唔錯，厚切之餘份量都多，食完真係好飽！午餐仲包忌廉湯同飲品，所以真係物超所值架！雖然好好食，但都幾熱氣，下次最好同人share，再叫其他食物！

見到呢到新開左間冰室 就入左去試試先 叫左個西炒飯 味道都唔錯 味偏濃 開胃既 飯粒同飯粒炒得幾好 唔會一舊舊 炒得幾鮮明 之後我就口渴叫左杯凍檸檬茶 茶味就夠重 檸檬都正常 飲品方面都過關

平時中午見很多人排隊等陳食午飯，今早早返工經過，見入面有位，就入去試佢早餐，今日係星期三就試佢星期三早餐，係豬頸肉辛辣麵套餐，有蛋、午餐肉、腸仔等兩養餸跟餐，並有方包及熱飮一杯，方包我改烘底，到多士送到嚟，多士面層的牛油冇溶化，知道有伏！食落是暖的！到麵啦，啲麵好似麵餅，都係用熱水整暖啲麵，大部份都係一早整定先！完全當食客係傻仔，最衰過一般大形快餐店，麥x勞都好過佢，真係連茶記一般質素都冇，真係冇下次。