二宜樓 (已結業)

今日約左個客傾野, 轉下環境去左二宜樓飲茶樓下有代客泊車,好方便~~~叫左好多點心,但我之前食左少少野,所以都無食好多~~d野叫完無耐到喇2點幾但全部都熱辣辣~~我食左蝦餃,燒賣,x菜餃, 炒米粉, 點心都幾油,尢其係個x菜餃 燒賣質感麻麻, 比較膠, 無咩肉既質感..蝦餃一般,無咩特別個炒米粉好好味, 好香好入味~!應該都唔會常來~~唔就腳~~~

三人前叫了以下小菜：胡椒豬肚湯: 奶白色的湯, 湯料看來很多, 賣相很吸引, 胡椒味很香, 豬肚很爽脆, 加了鹹菜調味, 很好味.鮮蝦蒸水蛋: 圓圓大碟, 份量大, 水蛋上排了鮮蝦, 再加上泡油&豉油, 灑上蔥, 水蛋真是蒸得很滑, 好好味. 牛肉煲: 份量不多, 用了很多蔥, 牛肉十分"林", 很野味.竹笙雜菇：味道較淡白飯:很大碗

成日去粵式酒樓飲茶，食嚟食去都係差唔多既點心，今日特別d，雖然都係飲茶，但今日去左二宜樓客家菜。雖然佢都有好多大路廣東點心，但有特色既選擇都唔少。特色好味籠仔飯，飯很香很軟，飯面是魚，好似係龍躉，d飯完全吸收了魚的鮮味，正斗。蜜汁雞翼，蜜汁很甜，雞翼很入味，面上洒了少少芝麻，更加香。杏片蝦球，炸得香脆，杏片好好味，略為少左蝦的鮮味。滑蛋蝦仁，滑蛋真係好鬼滑，d蝦都好大隻下。蝦餃，又係蝦，因為真係好鍾意蝦，好味，蝦很足料。流沙包，指定動作，一定要叫既招牌貨，好香好流，果然係生招牌。很滿足的一餐。

每年大節日也相約好友們聚餐,今次為中秋團圓飯及belated n advance生日宴, 從港島區中菜館中選了這間風評還可又未試過的客家菜館。地點雖距離港鐵站一段距離但還算方便,行人天橋電梯直達酒樓門口,腳骨力也慳回不少。酒樓裝潢蠻特別,門口那串串水濂、紙傘和紅辣椒吊飾,有別於一般中菜館,尤其門前那魚池,金魚和小龜令小BB高興不已。為免傷腦筋,選了一個很像婚宴酒席的套餐:客家四式拼盤大大一盤炸物非常壯觀! 手捲肉以腐皮皮豬肉卷成,腐皮炸得香脆,肉餡除了豬肉也好像有點魚肉,味道調得不錯,吃來像軟身版炸春卷; 蝦糕骨外表像炸豬扒,朋友們說是很不錯,最後自己卻沒試過,失敗了!幾款中以黃金豆腐最為好吃, 嫩滑豆腐外層沾脆漿炸成,炸漿弄得很酥脆,因此豆腐炸得外脆內軟,真的很不錯! 全碟唯一不是炸物的是以豬腳做的肴肉,肉質尚算彈牙,味道不太特別水準仍是ok的。西蘭花大蝦球同是大大一盤上桌,蝦球份量真的不少,跟平時寥寥幾隻蝦肉的壯觀得多;蝦肉爽口彈牙,明顯是新鮮蝦肉炒成,不是玻璃蝦仁水準可比,西蘭花熨得脆脆又翠綠的,比淋之之的好吃很多,配少量新鮮菇菌同炒, 清清的一道菜式。繼四式拼盤後另一熱氣炸物杏

今早出席完活動，打的到灣仔食LUNCH，天氣好熱好熱，下車便到附近的二宜樓飲茶，夠近夠方便。點了午市抵食套餐和少量點心，OVERALL來說出品都OK的，近日推出了秋季點心，但天氣一點也不秋季 點了幾款，有些好像叫素菜卷，賣相好肉酸，完全食慾大減，希望好好改善。其他出品都OK，最鍾意粉葛鯪魚湯，好清甜，又夠火喉，但飲完成人汗，冷氣不太足夠，邊流汗邊食LUNCH，真不是一個好享受。雖然是飲茶，但這裡的環境很靜和舒服，不太喜歡酒樓嘈吵的人不妨到這裡飲茶。

LUNCH 再去二宜樓，超多人.......好彩人唔多，等左一陣已經有位。入到去坐下，店員好好禮貌又好笑容，有禮貌到我都有D 唔好意思。其實好抵讚。叫左一個荷葉飯，唔係點心來的，份量係2個人食...... (都食唔晒)個飯好好味，佢既外層有荷葉既香，令到D 炒飯既外圍都有D 荷葉既味道，但近內部既飯就有D 扣肉既味同埋蛋黃既味，佢D 蛋黃好沙，撈暈佢之後就 FIT 晒因為每一啖都有荷葉香味同埋蛋黃既香味。勁正！！！而且佢好多餸，每一啖你都可以食到佢D 鮮蝦、搖柱等等既餸，所以真係好掂。因為佢份量太多，另外叫多左D 點心就算鮮蝦腐皮卷，D 蝦好爽口，皮就好脆，仲有D 菜芯定筍咁上下既菜在入面，咬入口好多爽既種類在內，總結係......爽呀！另外仲叫左隻餃子，唔知係咪我等得太耐至食定點呢，我覺得個皮都好厚，而且D 粉味幾重，不過個餿係OK 的。當然仲有流沙包喇~~~ 2個人，1人分1.5 個......飽都食晒佢呀，當甜品！肥就肥啦 哈哈哈

今晚約家姐食晚飯，家姐在銅鑼灣放工，我便提議到二宜樓食晚飯，因為可以靜靜地傾計。大約7點左右到，客人不算多。2個女仔不食得太多，只點了幾個餸。因為我超喜歡食蝦的關係，便點了一客蒜蓉蒸花竹蝦。蝦配蒜蓉其實一定無失手，花竹蝦比海蝦大，肥美好多，最欣賞其實是蝦底的粉絲，吸盡蒜蓉和豉油味，精華所在，好得！$48/份，價錢合理，有機會再試。

八月份的同學敘會，選了在二宜樓，地方環境不錯，有些寫有詩句的玻璃燈方柱，燈籠等，古色古香。食品以客家菜為主，因有些同學臨時有事，祇剩七人，我們點了半隻水晶雞，黑松露菌醬野菰，秘製沙拉骨，客家釀豆腐，胡椒豬肚煲，啫啫A菜煲，客家鮮蝦荷葉飯，流沙包。後侍應通知水晶雞賣光，轉鹽水雞。先來的胡椒豬肚煲有幾件豬肚，腐竹和瓜，有胡椒辟豬肚的味，也算爽脆，唯份量不多，腐竹頗鹹，鹽水雞幾滑，鹹鹹地可送飯，客家釀豆腐亦是用煲仔上，夠熱，而豆腐是超市貨品，因邊位仍見到盒的坑紋，釀有些少豬肉，清淡可口，秘製沙拉骨有鮮菠蘿，可減低肥膩感，肉質也不錯，但味道稍咸，啫啫A菜煲是麵醬炒油麥菜，很咸，客家鮮蝦荷葉飯與一般荷葉飯的配料不同，有用南乳醃過的扣肉粒，同學都喜歡，唯獨不愛南乳的我，斯人獨憔悴，黑松露菌醬野菰是蜜糖豆炒雜菌加雜甜椒絲，倒嗅不到黑松露菌醬的味道，流沙包不錯，流沙及夠熱。總括來說，食物偏咸，上菜超慢，每度菜相隔起碼十分鐘或以上，最令人咋舌的是我們訂了一張大檯，因有同學臨時缺席，祇來了七位，但也照收十二位茶錢及四碟酸菜，經我們查單後通知才更正，而酸菜則無得減，因已落檯。雖然每位約一百元不算太貴，但還有

聽朋友推介話好好味,終於有機會去試下因為地點超唔方便,所以一路都好懶冇去到試我地o個日飲早茶,11點半前賣單就超平, $4.8起叫左8個點心連茶$ ,好似$6x ,抵....個個點心都好好味..仲好熱....最好味既係炸兩,真係必食,超好味 一定會再去..

今日清清地，食客家菜。首次食這個客家煨翅，很濃、很 "杰"，同一般廣東粵式既翅好唔同。用來撈飯一流!!! 真正係魚翅撈飯，好豪氣!!!不過，都幾 "漏" ，好易飽肚...另外叫了清清地既蒸水蛋，羅漢齋豆腐(有營菜)，叫得3少有營系列，食落真係感覺很健康。甜品又點少得流沙包? 真係超流，又夠熱，唔小心一定會燙咀。值得一提，二宜樓的設計很Chinese，很有中國味，怪不得都有d老外幫襯。

叫一個 "dun"湯, 好其怪, 個湯係甜...放耐左就變得好難飲蒸桂花魚 - 腥到暈, 連我阿媽都忍唔順叫腥...鹽焗雞 - 點菜時個阿叔好sell 呢味, 但係佢又唔熱, 又肥...真係唔吸引上湯莧菜 - 除左咸, 可能係成晚比較ok 少少既野埋單4百幾, 真係慘...又貴又唔好食...難為我娘親請我食一餐咁唔好食既晚餐....

最喜歡這裡舒服的環境，而且價錢相宜，服務不錯。

有個 friend 話呢間 ok, 去試一下, 非傳統客家菜, 有d新意, 但味道一般,服務算ok

超香牛油！超香蒜蓉！賣相本來好靚的，係我自己唔小心撞散左佢個型雖然牛油同蒜蓉味都超香但係食個蝦果陣就好有蝦味好新鮮，唔似雪蝦。同埋佢個殼同d肉自己甩出來的用叉or用手食會好正因為你一叉就可以叉左成大舊肉出來！冇得頂

四人飯局. 叫的菜不多.客家煎咸肉 : 薄切來煎 , 口感有點像吃煙肉.鹽水雞：雞滑，也很入味．鮮蝦蒸水蛋 : 蛋絕對蒸得很夠滑！然而鮮蝦除了賣相上加分，味道一般．客家小炒：腰果炒菜，印象不深．瑤柱蛋白炒飯：也推介叫這個．這間二宜樓牆上掛了不少華安縣大地村的土樓照片，喜歡土樓／攝影的人不防一看．