二少門 (已結業)

最近發現有間以鮮蝦濃湯為招牌嘅麵店，每日用100公斤新鮮蝦頭及其他海鮮配料熬製，每100公斤的蝦頭只可以熬製66碗蝦湯！真係夠曬足料🤤▪️海鮮濃蝦湯麵($98)🦐套餐(+$18)配料有鮑魚、櫻花蝦、帆立貝、糖心蛋、蛋絲同紫菜，睇起嚟一啲都唔單調😋平時食蝦湯拉麵比較多，今次嘅麵底係類似上海麵相比起拉麵更加容易入味，完全將蝦湯嘅精髓融入到麵內。加錢變套餐有小食同飲品~▪️配炸蝦角🧡自家製炸蝦角頗薄餡靚，裏面全部都係蝦肉，外皮香脆。▪️配熱玫瑰蜜桃果茶🌹桃味同玫瑰嘅混合，散發住濃郁玫瑰嘅香味，冬天飲呢杯暖笠笠成個人都好舒服。▪️鹽水鴨湯麵($88)🦆鹽水鴨口味比較清淡略帶少少鹹味，肉質鬆軟腍身又唔會好肥膩。同樣有蛋絲同紫菜，都係我嘅最愛😋▪️配川味金錢肚🤎川味金錢肚麻辣鮮香，唔會好大舊切得好幼，食得又方便~底下仲有大量木耳絲！▪️霸氣玉油柑(+$3)🍹個名好霸氣🤣飲起黎酸酸甜甜，味道有少少似楊桃汁。

人氣濃蝦湯麵店，主打蝦湯麵及蝦汁撈麵，湯底每天用100公斤蝦頭熬製，絕對值得一試!!🦐🦐🦐- 海鮮濃蝦湯麵 HK$98 🦐🍜湯底濃郁，蝦味源源不絕，質地濃厚配埋彈牙手工麵條超掛湯!!配料有大大隻入晒味鮑魚及鮮味帆立貝，加上櫻花蝦乾及紫菜碎，鮮味湧埋黎!!- 牛寶寶蝦汁拌麵 HK$98 🐂🦐🍜同樣都有濃蝦湯底可以拌麵，而且仲加入蝦籽增添鮮味。滑嫩清湯牛腩肉同脂肪層次分明，慢煮牛肩胛肉味濃，同時食到蝦同牛味，超滿足!!- 自家製炸蝦角 HK$18 🥟🦐必試之選!蝦角外脆內鮮，蝦仲多過肉，超正!!

本身係喺社交媒體網站見到人廣告介紹影到好吸引…今日咁啱喺嗰頭就去食左…點知就咁係咁中左伏..兩個人一個叫左個叉燒煎蛋飯..呢個係Ok嘅 叉燒都幾多幾大舊嘅，都對得住個價錢..性價比唔差嘅….另一個叫左個豬豬蝦汁拌麵，一上枱已覺得中左伏…個蝦湯底并非所講嘅咁濃😫里面有兩塊豚肉，一塊真係勁肥，食唔到D乜…另一塊無咁肥，但直情咬唔到😅勁硬…唔知點解D人會推到咁…但個人覺得真係麻麻地好食，并非介紹中嘅咁好食🥲

見旺角開左間湯麵店，今日同朋友經過，就諗住去試下，拌麵同濃蝦湯麵今次都有試到。牛寶寶蝦汁拌麵揀左冷拌麵，撈完蝦汁的拌麵幾好食，跟一小碗蝦湯，撈埋落麵更香更濃，冷麵好有彈性，拌麵入面有牛肩胛肉、牛腩，配料有溏心蛋，紫菜碎，好豐富、好飽足。自家製炸蝦角外層炸得很脆，饀料足，蝦肉粒幾大，很有底氣。海鮮濃蝦湯麵新鮮熬製濃郁湯底，放左足料蝦頭精華，鮮味極致。配料有溏心蛋，帆立貝，份量比想像中多，十分足料，加上彈牙手工麵，十分讚🥰

行開旺角見店員推介話呢間好食，一於比個機會試下佢，Menu選擇唔算好多，不過款款都好吸引，叫麵餐仲可以加錢配埋小食同飲品，佢哋連小食都係自家製，大滿足💓二少滷肉飯上枱熱辣辣好吸引，滷肉份量多，入口肥而不膩、甜咸適口、香濃四溢，送飯一流香烤雞卷 見倒隔離枱食好吸引！外皮烤過更香口，雞肉份量都好多，好惹味，如果想飽啲可以轉麵餐加錢轉套餐個包支裝汽水🥤同時都可以加錢轉特飲，幾款特飲都好吸引☺️下次有機會試埋佢個招牌海鮮濃湯麵先😍

前排見旺角開左間湯麵店，今次終於有機會去試下，最出名當然係佢地個海鮮濃蝦湯麵🍜不過對佢地個鹽水鴨好有興趣所以叫左黎試下👍🏻鹽水鴨配清燉鴨湯麵鹽水雞食得多，鹽水鴨原來都好特別，啖啖鴨肉好足料😍肉質不會太鞋，麵質剛剛好，清燉到好入味，下次再試埋佢地個招牌海鮮濃湯麵先🤤脆炸豬手 4粒 豬手粒都係佢地自己整，外皮香脆不會太厚，豬手本手滿滿骨膠原，入口軟諗，值得一試哈密瓜梳打酸酸甜甜好開胃，有氣令入口更清新

依家越來越多人出街都要講求質素，揀食要求越來越高，我諗呢一間餐廳就絕對可以滿足大家對於食物質素嘅要求😆同事同我講嚟到呢度一定必點嘅就係海鮮龍蝦湯，果然份量十足，質素超班！ 個湯底真係冇得輸，有超濃厚嘅蝦湯味，再配上足料海鮮， 大大隻嘅鮑魚，再加埋帆立貝，櫻花蝦，海帶， 蛋絲，仲有我最鍾意嘅糖心蛋❤︎ 超足糙，$98 免加一，抵爆👍另外叫咗個香烤雞卷蝦汁拌麵，都好吸引， 有原條大塊雞卷，$78， 晚市都係呢個價😱 超抵食 再叫多個小食都唔肉痛，我哋就揀咗個椒麻鮮螺片，分量超多，同埋勁大塊嘅螺片，都只係$48， 太抵了吧😱😭飲品方面我哋就揀咗霸氣玉油柑，酸酸甜甜，好開胃，好飲🥰

📍今日去旺角攞啲嘢🤭因為我她時間唔係好⏳要快快手手食個晏就走嚕😍咁啱就見到呢間拉麵舖🍜我哋二話不說就入咗去食番碗麵🥳🦐海鮮濃蝦湯麵套餐 🌈呢個海鮮濃蝦湯麵個湯底味道真係好濃郁👅濃度好掛湯添🍜海鮮入面仲有鮮甜嘅鮑魚🦪青口、櫻花蝦、溏心蛋同埋木耳❤️呢度連麵嘅軟硬度都可以揀呀👍今次我就揀咗普通🤤食完之後我覺得我下次可以揀硬嘅都可以呀😍因為我本身自己鍾意食麵嘅硬度係有啲咬口✅整體唔錯🥳🐷脆炸豬手粒🌈豬手通常我哋就係食炆嘅🐽炸嘅豬手今次就真係第一次食🐷佢炸咗嗰個豬手個豬皮仲係好香口🔥咬落去嘅時候個膠質嘅口感好突出✅正呀🤤呢個好推介💯🍹霸氣玉油柑🌈清清地✅味道唔係好甜😍唔錯🥳🐮牛寶寶濃湯麵套餐 🌈鍾意食牛嘅我地😍見到呢個牛湯寶寶濃湯麵就真係勁開心😚有唔同牛嘅部位嘅牛肉🐃牛肉嘅味道好濃🐂湯底味道清甜✅好好食呀🥳🍤自家製炸蝦角🌈呢個炸蝦角🔥我會形容為係將一隻皮薄餡靚嘅蝦餃變大🤤跟住就令拎佢去炸🦐隨波波嘅皮包住彈牙嘅蝦肉🦐如果唔係食得太飽🤭我一定會再encore呢🥳🍸哈蜜瓜綠茶🌈欣賞佢哋呢度啲嘢飲🧃可以保持原味而又唔會太甜✅

沿住掃街條街向落行,, 過左好景直行好快到~估唔到掃街位都有間拉麵店香烤雞卷蝦汁拌麵 $88+1雞卷啖啖肉, 而且仲保持到香脆外皮, 好好味麵底本身有D 打蓉左嘅蝦汁, 因為冷面底所以有D 難撈有埋旁邊個蝦湯就稍為溝淡左少少味道面頭D 紫菜太多, 令到個味少少變左紫菜拌麵建議加哂佢比個蝦湯加強反個蝦味海鮮濃蝦湯麵 $98+1今次我地食就無青口, 不過有鮑魚, 帆立貝同蛋湯清得黎夠濃蝦味, 唔會咸到乾喉, 面質比拌麵掛湯再黎嘅話點叫湯麵好過拌麵重點係跟餐+$18 有小食同飲品我地叫左炸蝦角 同 霸氣玉油柑炸蝦角好大舊, 皮薄餡靚, 蝦膠好彈牙, 如果有個甜酸汁點埋就天衣無縫啦~不過呢個霸氣玉油柑飲落似楊桃汁, 都幾大杯,唔伏嘅但無柑味😂我地飲到咁上下先影Overall 我覺得可以一試如果隔離一生懸X 排長龍, 呢個價位比D 送都唔差而且個湯好飲有味我weekend 1400 去到一入就有位

朋友話旺角廣華醫院附近開咗間主打濃湯麵嘅餐廳，佢哋Menu主要推介蝦湯麵，亦有滷肉飯、拌麵同幾款小食😀除咗有單叫嘅湯麵之外，仲可以加$18升級做套餐，有齊小食同飲品，難怪今次去嘅時候都幾多人食海鮮濃蝦湯麵嚟到一定要試！店員話佢哋嘅湯底用咗超過1.5公斤嘅蝦精華製成，麵質彈牙掛湯，面頭仲有原隻鮑魚、大大粒帆立貝，吸了湯汁非常惹味自家製炸蝦角 4粒 炸粉唔會太厚，蝦肉餡好足料，鍾意蝦嘅朋友仔一定要試吓，配埋沙律醬一齊食更滋味百香果檸檬愛玉綠茶酸酸甜甜好開胃，加入檸檬愛玉口感更加豐富

呢間餐廳主打各款自家製足料湯麵同拌麵🍜其中招牌海鮮濃蝦湯更係每日新鮮用上100公斤蝦頭，連同其他海鮮慢火熬製🦐💗海鮮濃蝦湯麵($98)海鮮濃蝦湯濃郁充滿鮮蝦鮮甜味，配上扁身手工麵，配料則是有大大隻帆立貝、原隻鮑魚、櫻花蝦、溏心蛋、雞蛋絲、紫菜🦐💗自家製炸蝦角 (+$18/ 2件)炸蝦角炸得金黃酥脆，蝦肉餡滿滿漲卜卜🥟💗鹽水鴨配清燉鴨湯 ($98)清燉鴨湯以鴨髀清燉六至八小時，湯底較清淡帶淡淡鴨肉香，湯麵加上原隻鴨髀、溏心蛋、雞蛋絲、紫菜🍗💗椒麻鮮螺片 ($48)薄切鮮螺片爽口彈牙，加上椒麻油增添麻香，吊出螺片鮮味🐚

知道出名係好濃嘅蝦湯，不過我唔食蝦所以點咗牛寶寶🐮湯麵。佢可以揀麵要軟身定硬身。我就揀咗要軟身啲～出餐都好快，聞到好香嘅牛油味～有牛腩同牛肩肉。每塊都好大片！啖啖肉同埋真係好香，好重牛肉味。仲有隻糖心蛋同埋啲蛋絲、紫菜絲。湯底偏油，我估因為牛嘅關系？但唔好太咸，不過都飲幾啖就算～麵身雖然揀咗軟身，但我覺得係適中嘅口感，都幾好咬口同埋好滑。個麵身意外地好食！有啲似北京拉麵個種。本身以為係粗身嘅麵但食食下又發現有幼身嘅，應該係手工嘅關係？雖然佢要排隊，但排得快。大家都快食快走，我可覺可以再去幫襯$88一碗無收加一。咁大碗又飽肚都算係咁！

見網上咁多好評講佢的濃蝦湯好食，就諗住去試下，點知夜晚7點黎到已經話賣哂了。唔緊要，都仲有雞、鴨、豬同牛配搭的湯粉麵。到點餐時才知道雞都買哂了，想點杯可樂，可樂都賣哂了😂 唔知係咪好新開，入貨量唔係好足😂我地叫左個牛寶寶同鴨腿湯麵兩個湯麵都有同樣情況，就係舊肉好靭！牛果份係一邊好肥一邊好瘦，好唔均勻。鴨腿果個點解咁靭我都諗唔明，我見人地煲好耐果d 鴨腿湯應該係好冧先岩🤔 話佢煲唔耐咩，又唔似，因為舊肉都收縮哂另一個問題就係，佢個示意圖麵底係上海麵咁，麵係圓長型，上到黎竟然變左台式撈麵果種麵，仲要落單時無得揀麵底，我見其他桌的人都係呢隻麵。 先唔論好無食，第一個感覺係貨不對辦。然後個麵質係好簿又無味果隻。有時係出邊買比較平價的台式麵都會似咁樣，但係大佬，你收成88蚊碗牛麵，個牛腩已經片到好似肥牛咁簿俾得2片我，又唔係咩靚牛，俾個好少少ge 麵我都唔得？麵上面個溏心蛋又係癲，十成熟烚蛋仲要無味😂 張相蛋黃深色少少的地方，係d 湯濕左咋😂 我一夾起心諗，溏心蛋有無咁難煮呀？自己整都無咁嬲最後就係餐廳個環境，兩排食客背住間餐廳唯一一條走廊坐，坐得又好近，d 侍應要過親都要移位俾佢，成餐飯移左3

前排經過登打士街附近見倒店員推介決定試下，佢地主打湯麵、拌麵同多款自家製小食，lunch time 黎都見倒好多人食，除左單點佢地仲可以加$18轉套餐包埋小食同飲品，都幾抵食豬豬蝦汁拌麵 $78 拌麵可選冷拌/熱拌，麵質幾爽彈，黎到最想試係佢個蝦汁，事關話用左超過1.5公斤蝦肉精華製作而成，啖啖湯汁令人難忘，豬豬🐷有齊烤五花豚肉、日本豬手同溏心蛋，十分惹味脆炸雞塊 8粒 $38雞塊大大粒，外皮香脆炸粉不會太厚，雞肉份量多啖啖肉好滿足除左炸雞塊佢地仲有炸豬手粒同炸蝦角，下次再試下先

#pcfooddiary #pcfoodinmongkok #pcrating3fifty #pcfoodwithnoodles #pcfoodwithdumpling*- —- —- —- —- —- —- —- —- —- -*社交媒體網站好多人介紹，所以即刻試吓認真，一般般🥢 招牌系列 - 海鮮濃蝦湯麵 - 有帆立貝同鮑魚，係 ok 嘅，但佢主打嘅 100 公斤蝦頭煲成 66 碗嘅 濃蝦湯 就真係一般，有啲啲腥（我係唔食魚嘅人🫣），不過我都飲晒嘅🤓 另外，佢用嘅係類似上海麵，個人覺得唔太入味，所以我用咗支辣油（有麻油香味）撈嚟食，意外地好味🤪🥢小食 - 自家製炸蝦角 - 呢個足料，炸到啱啱好，好味😋#hkrestaurant #hongkong #mongkok #二少門 #yishinoodles📍二少門Shop 24B, G,F, Yan On Building, 1 Kwong Wa St, Mong Kok, Hong Kong*- —- —- —- —- —- —- —- —- —- -*#hkiger #travelhk #food #foodstagram #ins