二撇雞

营业中

休息中

今次食既呢餐，係位於觀塘駱駝漆大廈4樓嘅二撇雞，可能真係性價比同口碑都幾好，就算星期六既下午兩點都排晒長龍，而且記住人齊先準入座，因為真係好多人，好在我係自己一個食，其他人又未齊唔入得，我等左10分鐘左右就入到去啦，而環境方面都乾淨企理，人手間中比較忙，但都態度係盡責有禮既，作為健身教練既我要足夠既蛋白質，所以今次就試下佢個宮廷貴妃雞啦，不過講真，隻雞就正正常常冇咩特別，但反而令我有驚喜既就係佢個湯，奶白色一啲油都冇好鮮甜😍，另外嗌左個香炸腐皮魚角，薄薄一片炸到外脆內軟，唔會太油膩，如果可以配埋啤酒就認真係絕配💪🏻，見到隔離枱個胡椒濃湯雞米線都好吸引🤤，下次黎開會再黎試下😚，同埋佢有個個名好有趣，叫失傳已久的豬扒都想試吓😂最尾埋單都係一百蚊鬆d咋😚

睇見好多人推介依間米線店，標榜無味精又好味，就入去試吓係咪真係咁好食！花膠雞濃湯米線花膠大大舊又多又足料，湯底無味精又養生，仲有杞𣏌同雲耳喺入面，食完飲埋湯都唔口渴。啲雞份量夠多唔會淨係得嗰兩三雞，而且口感好滑好嫩一啲都唔鞋又有雞味，好值得去食吊你癮小鍋吊你癮個味就夠過癮喇，未見到食物之前完全聯想唔到係咩黎嘅，一試之後就覺得好惹味，食落都重豆瓣醬嘅味，湯本身都比較濃稠，第一啖好驚艷又食到啲麻味，但呢個就唔建議飲埋啲湯，因為會好膩架。而料嗰方面就好足料，勁多雞柳，有舊大雲吞，仲有好多配料，都幾抵食架。

#觀塘美食 真人實證飲哂個湯 無叫野飲 走咗都唔覺口渴🤣唔係叫大家唔幫襯嘢飲 只係講聲您知原來無味精嘅湯底係真係唔會渴架啫😂· 黃酒藥膳雞米線 (HKD 59)呢碗野齋睇啲材料都覺得養生 有紅棗、杞子、木耳、蟲草花等等食材 足料靚湯！上枱已經聞到好香🌟酒味唔算好重 絕對接受到✅🐓啲雞件全部無骨 大大嚿 好多雞(最後係食唔哂啲雞🥹Sorly咁樣先係$59 直情係一路食一路覺得抵😂唯一覺得美中不足嘅係 菲姐平時都係覺得有骨雞似新鮮雞多啲🫣雞件唔係幾有雞味呢…排隊狀況閒日兩點鬆啲 排咗5分鐘有位 但係依然坐爆 勁👍🏻服務態度有效率 而且有禮貌👌🏻

米線永遠都係我同男朋友既comfort food☺️，聽聞觀塘工廈呢間米線好出名，主打無味精，咁梗係要試試佢喇，而我既總結就係：觀塘返工既都去食下唔該！推薦指數：🐷🐷🐷🐷（5分滿分）（原因：米線質地特別，湯好飲）🐔吊你癮小鍋米線 𝐇𝐊𝐃 66呢個真係冇改錯名，食完真係想再食🥹，真係吊緊你癮😂 酸辣湯底好濃郁，配料冬菇、豆卜、魚片頭，雞件都唔少，特別係有粒超足料既雲吞🥰，淨係蝦仁都3,4粒，超正🤩！🐔胡椒濃湯雞米線 𝐇𝐊𝐃 59胡椒味唔會太勁，易入口，雞件嫩滑👍🏻，唔會俾d邊邊冇肉位，重點係米線好特別，煙煙韌韌好得意🤤🐷失傳已久的豬扒 𝐇𝐊𝐃 28失傳已久又稱唔上😂，炸得好香脆，唔會乾身，但都係想像到既味環境：裝修有d似自修室🤣🤣，比普通工廈餐廳闊落，老闆態度好好，好感up🫢

二撇雞🐣🐓今日去到觀塘嘅工廠大廈搵食！可能近排天氣凍，真係食多咗好多有熱湯嘅嘢食，搞到而家個page好似變咗米線專區咁😂😂🫣黃酒藥膳雞米線 $59🍲🐣尼一碗黃酒藥膳雞米線，侍應喺離遠拎過嚟已經聞到好香酒味！啖湯真係感覺到佢係真材實料！😈😈配上蟲草花、雲耳、杞子煮嘅湯底，喺咁凍嘅天氣食就啱啱好啦，食完即刻個人暖晒！🔥🔥雞肉一樣好滑，米線值得一讚嘅位就係好有咬口，特別爽口彈牙嘅！沙薑雞米線 $54🍜🐔雞嘅肉質好滑，就算我今次食嘅呢一個部位係雞胸，都絕對唔會放入口覺得好韌鞋颯颯鞋，仲有一個好貼心嘅位，就係佢啲雞幾乎係冇雞骨！⭕️🦴今次佢俾咗雞翼同埋雞胸俾我，雞鎚位置竟然已經起好骨！絕對係懶人最愛！💓💓不過我就略嫌佢個沙薑雞果汁有啲杰，所以令到個雞冇咁入味，不過整體個雞都係幾好食嘅，只係覺得如果做得好啲，就Perfect啦！👍🏻👍🏻講完個雞講吓個米線，米線湯底冇味精，有淡淡嘅腐竹味，配上杞子雲耳，我一啖米線一啖湯咁，成碗清晒！🐣🐣每個米線跟餐加幾蚊就有嘢飲！我今次揀咗鹹檸七，貪佢唔係周圍有得飲，先至加$10咋！

近排天氣凍左❄❄ 想搵番啲啱而家天氣既野食🤣 見依間主打無味精😍😍好吸引咁🤤 所以就試下依間🤤 我哋去個陣已經見到唔少人排隊🤔 整體環境都幾舒服👍 🎠二撇雞📍觀塘開源道60號駱駝漆大廈三期4樓O室==============================每款可自選米線/米粉/上海麵(+$3) 花膠雞濃湯 💲69我哋揀左米線，米線口感幾彈牙👍口感非常好👍雞好滑而且係無骨😍 花膠既份量都唔少👍仲有其他配料，包括雲耳及 腐皮🤤 雖然主打無味精，但個湯唔算濃😅 較為普通🤏 黃酒藥膳雞 💲59依款我哋都係揀左米線🤤 冬天食依個一流👍湯底相對較上面個款濃🤤 飲落係有藥材及花雕酒味，但唔會太過濃郁🤔 但雞比較鞋🤏 麻辣擔擔麵 💲43湯底幾濃郁👍但芝麻醬同花生味都唔夠突出🤏反而麻辣味都幾突出🤣 失傳已久的豬扒 💲28咬落肉質唔太硬👍但肉質較乾身😔 而且味道方面可作改善😅 食落既味道有陣用左好耐既油味😅 🙌歡迎大家介紹不同香港好食好玩好地方

對於唔熟悉觀塘嘅我要搵喺觀塘食咩，就去OpenRice碰碰啦隨手揀左一間幾岩食，到路上先細閱OpenRice 食評，發現誤打誤撞好似搵到好嘢喎。上到去見到有長長人龍，但等候時間一啲都唔長，傾吓偈好快就有位朋友點嘅花膠雞湯米線同我點嘅二撇雞米線湯底都一樣好清好味，佢就有埋花膠上碟米線唔同普通連鎖餐廳嗰啲咁咁淋食，令我發現到原來米線係可以有咁好嘅口感😋邪惡嘅蔥油配上嫩滑嘅雞，真係好好味，喺觀塘上班幾年嘅朋友第一次食完都已經即刻話要帶老公嚟食另外仲點左份炸豬扒，唔乾食，脆口，食到飽都要清埋佢同埋佢杯奶茶都唔錯，茶奶比例好，滑得嚟唔淡呢餐真係好滿足另外仲點

#20230114 💛📍 二撇雞 @brotherchickenhk 觀塘開源道60號駱駝漆大廈三期4樓O室——————————————————————————————#黃酒藥膳雞 #米線 $59💭黃酒味好香🍶啲雞就算唔係髀位都好滑🐥個湯有啲紅棗又有啲蟲草花，所以個湯好甜，食完會想飲埋個湯，感覺好補😋.#吊你癮小鍋 #米線 $66💭其實即係酸辣小鍋米線🍲入面已經有好多料，有啲魚角呀、蟹柳呀、豆卜呀等等，連冬菇都有3粒，最值得提佢粒雲吞，超大隻，入面睇到有幾隻蝦🦐食落勁爽口，湯底酸辣平衡都好好，唔會過酸又唔會過辣，反而佢啲酸菜仲帶啲甜甜地，令個湯好易入口，會想一啖接一啖咁飲😋.#畢生難忘炸雞翼 $24💭上枱果陣見到面頭啲油仲滾緊，🐷都唔夠膽即刻食🥶雞翼好滑，好juicy，第一下咬仲滴汁，好好味👍🏼.#觀塘美食 #觀塘黃店 #🐷_食

呢間係喺駱駝漆嘅一間人氣米線店🫶🏻 佢最出名嘅係佢嘅湯底同二撇雞😍 平時晏晝嘅時候一定大排長龍! 好彩佢嘅舖位都算幾大☺️ 所以就算排好長龍~ 都等唔算好耐就可以入到👍🏻 加上佢嘅上菜速度等等都好快~ 所以成個用餐體驗都好唔錯🫶🏻 佢嘅食物質素真係令我好有驚喜🥹 米線本身同湯底都好正🥹 米線真係好煙靭, 口感好好☺️ 再加上嗌佢嘅二撇雞都好有質素!! 喺觀塘返工嘅朋友一定要經常食🤣🤍生滾花膠雲吞雞米線 $88雖然呢一碗嘅價錢算係偏高~ 但係因為入邊都有幾舊花膠~ 而且雲吞大大粒🥰 成碗嘅份量都好大, 所以其實價錢係非常合理!! 而且佢湯底真係好濃郁, 好香雞湯味☺️ 米線有好多舊雞, 而且雞本身都幾嫩滑! 🫶🏻🤍黃酒藥膳雞米線 $59藥膳雞湯嘅湯底顏色望落同雲吞雞嘅湯底好似🫶🏻 但係啲碗嘅藥材味好出!! 好有酒香味🥰 所以佢入邊嘅雞都有醉雞嘅感覺~ 🤍胡椒濃雞湯米線 $59胡椒雞湯一樣都係好濃郁! 本身會有啲怕胡椒嘅辣味~ 但佢雖然好香胡椒味, 又一啲都唔嗆! 唔會覺得好辣🥰 🤍蔥油二撇雞(例牌) $45呢款蔥油雞真係好有驚喜🥹 一對蔥花係雞上面賣相已經好靚仔🥰 雞肉好嫩滑!

一到冬天就會比較想食湯麵類，暖一暖個身。平日嘅夜晚一人晚餐，不用等位，但有部份嘢食已經賣晒。我係花膠雞同黃酒藥膳雞之間掙扎咗一陣，最後決定食黃酒藥膳雞米線。🐓🍶黃酒藥膳雞米線藥膳湯底偏甜，加上黃酒飲得幾舒服。配料仲有蟲草花、紅棗同杞子。米線係煙韌類型，會較有口感。無骨去皮雞件大大件都算嫩滑。可以食得出成碗米線都好有心機。怕熱記得叫杯凍飲，因為食食下會好熱。如果我係觀塘返工，一定會成日嚟食🥰🥰

聽個名就知尼間餐廳最出名嘅係雞不過都幾多人所以要早啲尼排隊呀！尼間餐廳嘅米線特別煙韌😚配上特製雞湯🐓仲要係無咩味精嗰種食完唔會好口渴😋花膠雞濃湯米線真係食到原隻花膠！！🤩🤩$69食到花膠同雞真係超抵👍🏼仲要配上濃厚嘅雞湯🐓係冬天食真係好補身~🫶🏻黃酒藥膳雞米線飲落去有濃濃藥膳味🥃仲有藥酒味食得出材料好豐富🫶🏻胡椒濃湯雞米線胡椒味略淡🤔但係尼個組合真係非常匹配好西隊長唔係特別鍾意食雞但係都覺得啲雞肉好嫩滑🥹食完個人都㷫烚烚🔥

呢間係工廠大廈上面嘅二撇雞我已經聽過佢個名好耐，今日老院去觀塘嗰度約朋友仔食下。叫咗個花膠雞米線雞夠嫩米線湯底唔會太鹹，睇得出餐廳真係非常用心製作係好值得推介嘅一間餐廳。

第一次接觸呢間鋪係食外賣，返到嚟 超香，未打開都勁吸引。我食花膠雞湯米線，屋企人食黃酒藥膳雞湯米線。我就覺得黃酒雞好食好多，所以下次嚟幫襯堂食就一定係試佢嗰個黃酒藥膳雞湯米線。於是今次放假帶埋朋友嚟食， 1:30等位兩點入座。叫咗兩個黃酒藥膳雞湯米線加多個小食酥炸魚角。小食先到，第一次試，還可以，不算酥脆。米線嚟到：超級香，酒味香濃，雞無骨，配料全部都好足，湯好飲所以唔需要嗌嘢飲😋價錢相宜 $59 一碗 大大碗

平日晏畫兩點令黎到門口都有條短短既人龍, 真係想像唔到放飯時間同週末係要等幾耐🫣 呢度主打養生雞湯米線同埋一啲特色小食😋香炸腐皮魚角🐟($24)熱辣辣外脆內軟, 入面既魚肉超香好彈牙, 極推介俾大家🤩失傳已久的豬扒🐷($28)薄身得黎又炸到好脆既豬扒好Juicy, 有啲沙薑既味道唔算太特別, 不過都好食既☺️黃酒藥膳雞🥃($59)好足料, 湯頭好香藥膳味如果冇咁甜就咁好🤔 有大量既蟲草花, 雜菌, 入曬味既雞肉, 米線同湯一齊食好正, 真係忍唔住飲曬成碗湯🤤花膠雞濃湯🐓($69)相對地呢個湯比較清淡, 奶白色既湯飲落有啲似少糖版腐竹雞蛋糖水🤭 有三大塊爽身既厚身花膠, 杞子, 黑木耳🍄 雞就係好滑身同濃味既鹽焗雞係另上, 份量都幾多嫁🌝呢間米線既CP值相當高, 會趁少啲人既時候想黎試下胡椒豬肚雞米線😍

之前係TY 睇左介紹依間二撇雞，所以特登去食，有時中午去到見到勁多人排長龍，所以無去到，去左食第二間，今次就特登簡夜晚8pm 黎到，唔洗等位就有得入，雖然都要搭枱，叫左個「花膠雞濃湯米線」$69 ，我覺得食個唔錯，雞都算滑，個湯其實都算多料，但我就覺得有d太甜，一個湯米線個湯太甜，食落總係覺得爭小小，但整體都算唔錯，而另一個「黃酒藥膳雞米線」我就覺得麻麻地，個湯底我覺得鍾意飲藥膳既人會覺得唔錯，但係d雞就唔係好得，佢係無皮既一舊舊雞肉，唔滑，我自己唔係咁鐘意，另外仲叫咗個「紅油抄手」$24 ，我覺得都算足料，唔錯。味道：🌟🌟🌟🌟環境：🌟🌟🌟服務：🌟🌟🌟🌟價錢：🌟🌟🌟🌟再食：🌟🌟🌟