二記飯店

营业中

休息中

二記最出名嘅一定係海鮮，喺入去鋪頭之前已經會望到門口擺住一箱箱非常生猛嘅海鮮，入到去玻璃窗上面貼住唔同嘅海鮮三寶配搭，包羅萬有，豉椒炒蟶子皇、薑葱炒蟹、蒸魚，諗到嘅都有，種類多之餘落完單後係親眼望住佢出去揀生猛嘅海鮮入去煮，雖然唔算平，但係食到咁新鮮嘅海鮮絕對係超值！特別要推介蒸扇貝，新鮮得黎又大粒，仲要好厚肉，配埋啲蒜蓉同粉絲，冇得頂！

經常見很多人到這裡宵夜..店外有很多魚缸…多款新鮮的海鮮….正因為之前一些不好的經歷, 令個人認為海鮮常賣「海鮮價」所以很少光顧這類海鮮飯店…很怕它價錢太貴但由於台灣朋友到訪, 要10:30pm才可以食飯,所以今次我地選這裡食宵夜原來食店經常有晚市3寶, 有$258, 或$298 的選擇~我們今晚點了1.$258三寶: 炒蜆+蒸扇貝+黃金蝦2.$50: 蠔仔粥3.$68: 薑蔥炒田雞4.$30: 一渣橙汁炒蜆: 最初我們只見到很多殼, 但原來蜆肉都埋在殼埋內, 蜆肉鮮甜, 新鮮的! 而且豉椒味不會搶去蜆肉的鮮味~! 不過期間有一, 兩隻蜆肉有沙蒸扇貝: 色香味俱全! 甜豉油很香! 而且蒜蓉與粉絲是絕配~! 扇貝新鮮, 肉質有口感!黃金蝦: 咸蛋配蝦, 炸得香口! 並不會感覺油味太重!! 而且用料是鮮蝦~! 值得一讚~!蠔仔粥: 每人食到3碗~! 非常足料~! 肉碎及蠔仔數量多不勝數~基本上每一啖粥都一定會有料~! 薑蔥炒田雞: 薑蔥炒得很香~! 量多~! 但美中不足…田雞很少賣單時, 正在想會否收茶位、加一、花生、醬油錢等….原來一切都免…侍應服務周到, 迅速清理吉碟…當我們後加「蠔仔

近幾星期站响十字路口, 無論家事、朋友、工作……, 幸兒哩個朋友每Call 即出, 絕無推托; 差不多餐餐佢仲俾錢!! 今日前都算解決及決定自己去向, 只是開心報喜, 哩個朋友帶我囄哩間食店慶祝; 果然係好朋友!!!雙併中的人生豉椒炒蟶子 = 殼與肉一般比例, 肥美有口感; 豉椒味蓋不上蟶子的鮮味清蒸果皮鮑魚 = 鮑魚鮮嫩, 腍且爽口; 一開即可分, 蒸的時間掌握得一流!!西蘭花帶子 = 味道淡而不實, 但帶子的鮮味是存在風沙豬仔腳 = 風沙是什麼........只是一般的炸豬仔腳; 沒什麼特別, 只是乾身香脆的炸豬仔腳!! 朋友老是看不過 “風沙” 是有還是沒有, 看了別枱都是如此無風沙; 才死心了!!! 風沙只不過是炸了的椒、蒜及薑蓋上面罷了, 有沒有也不要緊; 美味就得啦!!!又係佢找數……差不多四百大元!! 哈哈哈….大家開心就得啦!!

11月9日（星期二）晚，是日放假自己一個人走去做運動，跟住找個地方坐下來等女友收工一起吃晚飯。女友收工後想到西灣河附近吃，我便慢慢散步過去，為求放便，就選擇位於地鐵站對面的這店。我剛坐下來，女友亦到了，因為天氣漸有涼意，而且我們亦好想吃羊腩煲，所以就點了一個羊腩煲。因為此店的人客和店員的人數相約，所以剛落完單，店員已經快速地擺好陣了。不過個煲未出煙，女店員已經急不及待地打開煲蓋讓我們享用了。表面上看似很足料，豈料我一撈底，原來是用大量枝竹塾高的假像，實際羊腩的份量祇有十數件，仲要大部份是骨多肉少的部位，冬菇和冬筍亦象徵式有兩三件；羊腩全無羶味可言，就連羊肉味也差點吃不到，而且肉質既結實又韌，吃罷又不覺得暖身，可說是一個失敗的羊腩煲。

搬咗黎西灣河兩個幾月，行過好多次但都卻步，因為之前有個朋友話貴。今日攰攰地又唔想行，附近得既同唔得既又試過晒，不如就一於試吓呢間二記貴成點啦！我同老婆同個女（註：我個女四個月大）一開門，個侍應就問：『三位？呢邊啦。』跟住就帶我地坐低咗。打開餐牌睇睇有幾貴先！一睇個心都定啲，同一般出面食小菜既差唔多，係貴少少。正當我地諗緊食乜好既時候，個侍應伯伯就叫我睇吓佢地貼咗出黎既幾款晚市孖寶或者三寶。我老婆睇完一輪返黎，知我鍾意食又好耐冇食瀨尿蝦，卒之決定試吓佢個晚市孖寶：『椒鹽瀨尿蝦　拼　蒜蓉蒸扇貝』，盛惠 $188 。見冇菜，老婆話想食西蘭花，點咗個『西蘭花鮮魷』。等咗十分鐘左右開始上菜，先黎個『西蘭花鮮魷』，份量幾夠，魷魚又夠鮮，唯一要彈既就係啲西蘭花成棵樹咁，可以切細啲就仲好！跟住叫咗兩碗白飯，個『椒鹽瀨尿蝦』同『蒜蓉蒸扇貝』就同埋個飯一齊到。我老婆話開餐啦！點知我話等等先，唔係大家邊有相睇？先試試個『蒜蓉蒸扇貝』，幾大隻吓，同埋好好味！送飯一流！雖然輕輕煮老咗少少，不過都可以接受同埋食得出隻扇貝既鮮甜。喺清晒『蒜蓉蒸扇貝』同埋『西蘭花鮮魷』之後，終於都到我最愛既瀨尿蝦！總共有三隻，尺寸唔

有任務, 來到西灣河做野. 反正是下午的差事. 不如早一點到, 輕輕鬆鬆食個晏先做野. 一出地鐵站, 是1點多. 就近不如就對面食肆林立的太安樓. 門口有二記, 就近方便地解決算數. 不用愁.茶餐廳格局, 午餐選擇又非常多. 而且, 亦完全符合ABCDE餐, 都係少菜多肉既餐. 咁就不如一份揚州炒飯算數. 首先來一杯奶茶, 食茶記又怎能少一杯濃香奶茶呢. 同事黃國立的一杯鴛鴦, 兩杯都香濃香口. 茶到檯, 已經能清楚聞出, 邊杯係奶茶, 邊杯係鴛鴦.二人同時同樣都叫揚州炒飯, 用料都不錯. 有齊應有的菜, 肉, 叉燒. 有時好怕一些炒得唔夠味, 或仲有鹽粒未溶. 呢個炒飯味道剛好適中, 不用再加豉油. 其實有好多好食的, 但真的是食肉獸類食物. 太full了, 現在打健康牌, 自己在飲食方面都要控制一下.

以前曾到此試吃過晚飯，門外有生猛海產作招徠，不過試後覺得其包括一或兩味海鮮的所謂特價雙拼並不抵食，之後便一直沒有再來。周日下午要回公司OT，唯有先吃個early lunch。剛過11點，經過見其午市水牌已出，選擇頗多，價錢不貴，就再給它一個機會。點了梅菜扣肉飯和生炒排骨飯(@$25)，可惜兩樣都水準甚低，後悔不已！說是梅菜扣肉，卻只見扣肉，沒有梅菜沒有汁。問問阿姐，答稱梅菜在扣肉之下，當我夾開扣肉仍不見一絲梅菜時，她又含含糊糊說它們的梅菜扣肉是那樣的。我不想爭論，就不妨試試這碟特別的扣肉飯。扣肉雖香，但是不算太腍，未做到很滑溜，而且味道過咸，難給與合格。生炒排骨亦令人失望，排骨不鬆脆，骨多肉少之餘，咬落更是有渣。不會有第三次機會了。

今次嚟食晚飯，因為冇打邊爐，所以要小菜：晚飯孖寶有半只雞加一條班（$168)，都幾抵食，條班唔細重肉質幾好，而且蒸得ｏｋ；重叫了羊腩煲（連一碟菜）、炒蟶子、釀大腸。羊腩煲嘅汁味道幾好，但肉質麻麻，個樣似乎係煮好後再雪過。雞、蟶子同大腸都幾正，份量毫不欺場兼味道都唔錯。加埋啤酒飲品每人都唔洗一百蚊，算抵。

一行五人打邊爐，鴛鴦湯底，唔太突出，比較普通．叫了一個海皇窩（$280)，份量幾夠，有泥鯭、蠔、蝦、蟶子、扇貝、魚片等各種海鮮．食品都幾好，尤其是泥鯭和蝦，十分鮮甜，後來添食了一碟泥鯭($75)，都保持水準．蠔都幾正，夠鮮甜．另外叫了羊片同鴕鳥肉，都ｏｋ．熟食方面叫了炒蟶子，幾好．以街坊食肆嚟講，水準可以收貨，價錢也算合理．

太安樓下的二記,多年來只打過一次邊爐.因為單在太安樓內,實在太多選擇.單係即煎蘿蔔糕,$10兜即炒粉麵,吃得樂不思蜀.人去茶涼,西灣河已久未涉足,這次純悴路過.Lunch時段,人頭擁擁,見到有味鴨腿湯飯,即要一客,好過又係特餐快餐ABC餐.千篇一律碟頭飯那麼單調.鴨腿湯同飯分開上.鴨腿稔熟,有肉味,湯底為莧茜湯底,清甜好喝.隔夜飲到啤啤乎者,此味應該係閣下之回魂丹.連埋凍飲賣$30,也算抵食.就係咁多.

黎左呢度食早餐... 除左平.. 我無野讚得落...份早餐\有煎雙蛋、多士、火腿通粉、熱檸檬茶只係$16- 勁抵.. 味道真係好一般。最差係杯檸檬茶.. 勁苦... 最後同個阿姐講.. 佢\換過杯俾我就好少少啦... 但都唔係太好飲。

(2006.03.29 晚飯)今晚要到西灣河開工, 開完工當然要食晚飯, 見門口好多海鮮, 未試過就姑且試下.街坊小館格局, 價錢唔高, 碟頭竟然相當大. 有好多款海鮮"孖寶"可供選擇, 價錢更抵. 選了豉椒炒聖子加蒜蓉粉絲蒸元貝, 只賣$128. 再加個蒜蓉炒雜菜, 跟碗白粥, 兩個人都已夠有突. 只可惜份量係大, 功夫就差o左D. 聖子調味好濃, 食到一半見到o的醬汁一舊舊係中間, 真係嚇親. 蒸元貝就o岩o岩相反, 淡茂茂, 尤其D粉絲, 無口感又無味. 不過海鮮都算新鮮, 勢估唔到菜就離晒譜. 一睇就知菜蔬係烚完先炒, 唔單止腍, 直頭係爛, 梗係唔好食, 營養亦唔慌會有剩.唔知係唔係剛食完澳門三元同龍華o既粥, 返到o黎食呢度碗粥有種好難頂o既感覺, 真係食唔落. 終於係碗底找到一大舊未煮得開o既粉團, 我估計佢地煲粥係將米磨粉開水煲, 怪唔之得一D米香都無. 我睇返到o黎香港都唔好亂搵粥食o羅.

老公又買外賣回家給大懶人小頭。沙爹金菇肥牛- 名符其實肥牛，又肥又，好處是肯定沒有加梳打粉。味道麻麻，也沒有什麼沙爹香味，但很多肉多金菇多粉絲。半隻雞- 當然不是新鮮雞，老公話麻麻。滑蛋蝦仁- 蛋炒得幾滑，略鹹但各人喜好不同，可能別人覺剛好。蝦夠大隻，但中看不中吃，沒有蝦味，肉質不結實，有一兩隻帶少許腥。總結- 肚子給餵飽了但食慾得不到滿足，份量充足質素欠奉。

尋日一家人本想去太興食晚飯, 但眼見太多人排隊, 而行去太興途中我媽咪就留意到有間舖D 野食唔錯~ 所以我地就折返, 去左呢度食飯喇!座位都幾迫, 人客不斷~ 恰巧我既去到既時候有張四人位. 所以我地等都唔駛等就入去喇~胡椒豬肚湯= 幾香, 幾好味~ 不過飲落都幾辣~炸大腸= 我一向唔食大腸既, 所以我就冇食到, 但個個都話好好味!! (有少許菠蘿粒墊底)炸乳鴿= 呢個幾好味, 好入味~ 唔錯~XO 醬炒雜菇= 呢個個味都幾好~腐乳椒絲炒通菜= 呢個都好好味~!另叫白飯一個~ 全部既"送"都好大碟~ 埋單都只係$102 ~ 都幾抵~不過... 夜晚... 我媽咪嘔~ 家姐又痾又嘔~ 我又痾~ Daddy 冇事~慢慢回想... 我地(我, 家姐, 媽咪)都有食過炸大腸用黎墊底既菠蘿, 得我Daddy 冇食過~ 我地就估係菠蘿唔乾淨..................!

我同娜姐都好鐘意去呢類小菜館，所以打完波近近o地o黎o左呢度食。生炒骨-好強烈的甜酸味，還有陣陣刺鼻感覺，但我本人鐘意食酸，所以認為好味，一般人就可能覺得過酸。排骨都算炸得脆，但係肉質麻麻。煎蠔餅-我仲以為叫錯碟煎蛋角，煎得唔夠香脆，唔得脆口，而蠔仔又冇味，娜姐叫我呢碟菜要俾個喊面喎!紅燒豆腐-豆腐幾大件，份量又幾多，不過沒有豆腐味。粉絲雜菜煲-真係好多粉絲，又大煲。因為加o左少少腐乳，所以都幾野味。雖然味道一般，不是十分出色，但係連埋一枝啤酒都唔駛200蚊，真係經濟又抵食，仲想點!