二記飯店 (已結業)

我同娜姐都好鐘意去呢類小菜館，所以打完波近近o地o黎o左呢度食。生炒骨-好強烈的甜酸味，還有陣陣刺鼻感覺，但我本人鐘意食酸，所以認為好味，一般人就可能覺得過酸。排骨都算炸得脆，但係肉質麻麻。煎蠔餅-我仲以為叫錯碟煎蛋角，煎得唔夠香脆，唔得脆口，而蠔仔又冇味，娜姐叫我呢碟菜要俾個喊面喎!紅燒豆腐-豆腐幾大件，份量又幾多，不過沒有豆腐味。粉絲雜菜煲-真係好多粉絲，又大煲。因為加o左少少腐乳，所以都幾野味。雖然味道一般，不是十分出色，但係連埋一枝啤酒都唔駛200蚊，真係經濟又抵食，仲想點!

復活節的星期日都係要返工.早早出門口行行覺得唔係幾想買麵包食.呢間近地鐵站所以便入左去食.大排檔的格局, 還有幾部電視機播放節目.點了蛋牛治和熱奶茶熱奶茶好快便上桌.用的是茶餐廳傳統白色的杯碟茶唔夠香但多奶幾滑, 而且又夠熱.蛋牛治卻是普普通通蛋雖是滑但唔夠厚碎牛太少.片麵包也是太薄.$14 一個早餐還是可以的, 但唔好期望過大.