五月食堂 (已結業)

講真買個外賣要張單都搞成20分鐘，已經係算。第一次食急凍肉做個rare俾我咁高級。真係好抵食，60蚊食到高級西餐廳😂成盒飯掉咗，未試過買個飯咁垃圾！第一次寫食評，送俾你哋

舖頭係熟食街市入面，間隔同街市舖位一樣，但舖內用裝修搭救，令返環境加返分。 餐牌選擇多，但招牌燒春雞一定要打電話預訂，唔係既話午市半個鐘內必定賣晒。 今次去到叫左烤焗香草豬仔髀，即叫即整所以要等10分鐘左右，等既期間可以食跟餐附送嘅炸餃子同埋麵豉湯，炸餃子一般，麵豉湯唔會太咸，仲有d鮮味，都幾高質。 主菜方面配左薯菜，整體份量有點少，仲有點乾，所以配汁就變到好緊要，豬仔髀食落內外都有點乾身，味道亦無乜驚喜，正常發揮；薯角亦都有點乾，絕對需要配茄汁食，食完成個餐絕對令心想飲返杯涼茶。

今日同朋友黎左觀塘，唔想食咁貴就去左呢間五月食堂食野。呢到啲高級肉類一份都唔洗一百蚊仲送野飲同湯，好抵食！我同朋友都鍾意食芝士，就一人叫左一個A02同埋A08。首先係火炙芝士安格斯封門柳牛肉飯伴糖心蛋，醬汁配埋芝士送飯一流，好惹味但又唔會覺得漏，牛肉係薄切，口感好好，平時食牛好怕會羶但呢個完全唔會，配埋啲醬味道好夾！另一個就係火炙芝士鹽燒美國黑豚肉飯伴糖心蛋，鍾意食豬肉嘅人就岩晒，特別係唔食牛嘅人。鹽燒整得好好，豬肉好入味又好香，同樣係味道岩岩好嘅配搭！特別一提嘅係呢到嘅老闆服務態度好好！會再encore!

餐廳：五月食堂 (觀塘)地址：觀塘駿業街67號駿業街熟食中心1樓40及44號舖喺觀塘捐窿捐罅都喺為咗搵好西同埋搵一啲平嘅飯堂🍴，今次就俾我喺駿業街熟食中心搵到呢間平民價高質素嘅中西日式餐廳——五月食堂 @may_canteen ，點解會有呢個名？因為呢間餐廳今年5月先開囉🤣老闆堅持用最優質嘅食材，期望食物質素過得到自己過得到人，由食材選擇、烹調方法🔥、醬汁都喺全自家整，相當用心💕。佢哋主打唔同嘅扒餐同中西日式飯麵，基本上一個套餐都只喺五六十蚊，而所有嘢食都喺即叫即整，中午12點前預早落單叫外賣每個餐平$5🥡，去到先叫外賣亦會平$3，晚市仲有鐵板燒烤任食放題，價錢都只喺$178咋😍✝️即煎紐西蘭A級牛肉眼扒 $63真材實料，用咗紐西蘭嘅A級牛肉眼扒🥩，雖然牛扒就比較薄身，不過Size大過一隻手掌，加上勝在肉汁多而且肉味濃，食落軟嫩帶有牛羶香確實唔錯🐮，可以揀配飯、意粉或者薯菜，我就覺得配飯食一流👍✝️五月招牌燒春雞1/2隻 $58半隻用心機同時間去烤焗嘅巴西春雞，喺唔同時間先後加入迷迭香🌿、蜜糖🍯、香草等香料去醃焗調味，用錫紙可以由頭到尾將春雞嘅肉汁保留再吸收返💦，切開Juicy、食落唔嚡，

🌙 #觀塘 #五月食堂觀塘除咗有好多工廠大廈嘅靚餐廳，駿業街嘅熟食中心仲有好多高CP值嘅美食㗎～ 最近就同同事試咗呢間「五月食堂」😚🥩 即煎紐西蘭A級牛肉眼扒配蒜蓉牛肉燒汁 （$63）可以跟飯/意粉/薯菜，我就揀咗意粉😚 個意粉係廚師用自己打嘅牛油同蒜蓉炒過，唔會濕/ 腍晒之餘，香口又唔dry，蒜味仲好香添！ 牛扒係嚟自紐西蘭嘅A級牛肉，原來佢嘅牛係冇加梳打粉，所以牛味咁突出好香！仲有冇黑椒、蒜香，好正！🤩所有飯餐仲會跟兩隻日式炸餃子，即叫即炸好香脆！仲有香甜嘅鮮蝦麵豉湯同紙包飲品一盒，我就加咗$3轉凍檸茶，呢到嘅正常凍檸茶都唔會太甜，非常好😚👍🏻呢度有成五匹冷氣，環境舒適，夜晚做埋鐵板放題都唔會熱㗎😛

觀塘有好多野食 街市入面的又平又好食心諗環境不太好又熱 實情係優美綠化的駿業街公園lift搭上去1/F 直行第二個路口左手邊就係全條路都好乾淨 仲有獨立餐廳空間 冷氣舒適 呢間menu一目了然 經濟 唔洗$50 我叫左♥︎黃金厚切吉列豬扒配秘白咖喱汁 跟飯 $48 所有餐附送 湯 日式餃子🥟兩隻 紙包飲品 厚切吉列豬扒 炸很薄脆 入口索一聲 D飯係有口感的日本米 細節中看得到心思♥︎鐵板鹽燒多春魚5條 $30伴有3塊新鮮青瓜 錦上添花 可去一去熱氣感熱係炸得脆卜卜 好好食樓上仲有個無人的空中花園 有空氣感又乾淨 Takeaway走 享受一下陽光同新鮮空氣都可以

今日去觀塘做嘢順便搵個朋友食lunch不過觀塘區真係太多人朋友就帶咗過嚟呢一間喺駿業街熟食中心嘅五月食堂佢話佢當左呢度係飯堂喎咁我就試咗佢哋嘅牛舌糖心蛋飯佢啲飯呢已經加咗少少執落去食落都唔錯同埋要留意嘅係佢呢度係用珍珠米特別好食有時呢就切到一片片咁經過少少調味唔韌但係有咬口糖心蛋都做到半熟狀態甜甜地得來都仲有幾有蛋香而且跟餐仲可以揀凍飲熱飲老闆仲好好人可以叫我哋去揀下佢哋嘅汽水啤酒幫我今日比較想飲得健康啲所以就揀咗檸檬茶亦都同朋友share咗2個小食分別係炸餃子ok 正常質數同埋炸魷魚圈呢個好食外層脆香得來入面仲係煙煙韌韌而且係有味嘅～無比炸粉蓋過

今日又去觀塘做野，lunch time時間就去睇下有d咩食，見到駿業街熟食中心入面都有各式各樣嘅餐廳，見到有間叫五月食堂嘅環境光鮮，而且menu上食物吾錯，就入去試下。見到有期間限定，所以order左紐西蘭頂級PS肉眼扒(110g)拼魷魚圈，跟意粉配燒汁，另加日式煎餃子及凍檸檬茶。紐西蘭頂級PS肉眼扒真係品質高，牛味重但入口即溶因為脂肪及肉質分布平均，配上雜豆同埋意粉食係絕配，燒汁就帶出吾同層次味覺。魷魚圈有3件，炸得金黃香脆又不失海鮮味道。日式煎餃子煮得剛剛好，煎到外皮吾燶但香口，入面餡料十分充足，加埋凍檸檬茶，為依個lunch劃上完美句號。

觀塘性價比高嘅鐵板燒，90分鐘放題，168都食到安格斯封門柳😃，牛味香濃😆另外推薦五花肉 肥瘦分明燒得勁香 雖然好邪惡😈但好食 多春魚都好好味😋平時唔食多春魚都食佐幾條 豬大腸方面都處理得唔錯 唔會太肥同發出臭味 燒完後好脆好好食燒大蝦🍤好味 啖啖肉😚做為一個碳水化合物愛好者點會唔食飯呢 見到個櫻花蝦回鍋肉炒飯好似好吸引咁 即刻叫多個飯同朋友分享

今日下午係觀塘收工去附近搵野食，之前就好鍾意去駿業街熟食中心度搵野食，因為平靚正。今日經過見到呢間新開既五月食堂，門面幾靚仔，見menu 都好多款食物揀，好似幾好食咁。員工態度都好好，好有親切感。😁我就叫左一個主食一個小食，佢仲送左2隻脆卜卜既餃子。芝士火炙鹽燒安格斯封門柳牛肉飯配溏心蛋 ($58)牛肉好香口，牛味夠，而且口感幾好！加埋d芝士，真係好吸引。調味都做得好好。好飽肚，性價比幾高！👍🏻黑松露芝士醬拼椒鹽炸薯條 ($30)薯條炸得好脆，調味都唔錯。個黑松露芝士醬好重黑松露味，芝士味都突出，整得幾好！😋呢間係絕對可以做飯堂，好多款食物我都想再試😀

喺觀塘咁耐都未去過駿業街熟食中心，今次專登過嚟試吓☺️因為朋友話呢度有間餐廳好抵食，而且老闆好好人，好招呼😌餐廳比我想像中細少少，但環境光猛乾淨，而且佢哋有兩間舖位，所以坐落都幾舒服😊呢度嘅每個主食都會贈送湯、汽水及小食，最平$48就有齊晒，認真抵🤭我哋最後嗌咗兩個飯餐，另外再加一碟雞翼，食到超級飽😋即炸原隻軟殼蟹黃袍滑蛋飯 $60軟殼蟹即炸，而且唔會好厚粉，食落超級酥脆；皇袍滑蛋整得好靚，有好整齊嘅摺痕，望住幾療癒，見到老闆嘅心思☺️厚切西冷牛扒配飯 $60牛扒煎到非常香口，入口肉嫩有口感，以呢個價錢食到呢個牛,認真抵👍餃子小食入口好香脆，勁好食😋鹽味吉列雞中翼 $30雞翼調味正👍唔需要太重口味，但食落剛剛好。咬落外層香脆，內層肉質非常嫩😝綜合以上，呢間餐廳絕對可以encore，而且佢哋仲有$168任食燒肉餐，好似都幾吸引！🤩🤩

扮工後去覓食，就近揀左呢間，可以成班fd吹下水燒下野食，而且係熟食中心嚟講，成個環境都舒服乾淨。燒肉方面，168呢個價錢，當然款式就唔會特別多，但雞牛豬有齊，最重要係味道正絕對唔係平價貨，唔會有雪藏味，又唔會有橡筋feel,仲有仲有，個多春魚啊，完全冇澀澀地嘅味，係超超超好食😋而且佢哋醬汁係老闆👨‍🍳自己調較煮過嘅，唔會得個鹹飲品方面呢，汽水🥤啤酒🍺個d就基本喇，我個人就好鐘意佢哋有幾款無糖嘅飲品，本身燒肉已經好Heavy,飲d 無糖飲品，可以安慰下自己，冇咁大罪惡感。而且仲有款0️⃣糖0️⃣卡0️⃣脂嘅OOHA俾大家揀😏小食方食就試左酥炸魷魚圈同水牛城汁雞翼，魷魚圈🦑係天婦羅咁，d粉漿好脆，一d都唔厚，我一個人已經食晒成碟🙈🙈。雞翼都係脆卜卜，即使淋左汁都唔會淋除此之外，每人仲有隻大蝦🦐送，呢度就不得不提佢哋事先已經將隻蝦開邊，再挑埋蝦腸，咁體貼嘅細致位，絕對值得加分喇👏👏最後仲試左佢哋嘅櫻花蝦回鍋肉炒飯，呢個炒麵嘅發明皆因老闆娘好鐘意回鍋肉，所以老闆就發明左出嚟，唔怪之得連個炒飯都咁好食，係愛啊哈利🥰呢個價錢有咁好嘅質素，唔去都對唔住自己喇

之前其實都嚟過熟食中心食飯，不過就係食隔籬嗰間日本嘢，今日行過發現呢間新舖頭就決定試吓佢🤪睇咗餐牌我覺得都還好，食物款式唔算好多但係每樣都有啲，同埋$168呢個價錢我本身都冇特別期望，純粹想試吓過吓癮食吓燒肉😝點知……..一放啲肉出嚟睇啲色水就知道唔係cheap cheap貨色，食落去係真係有牛肉味，同埋佢哋嘅醬汁食落去唔會好鹹，唔似係出面現成嘅醬汁🤭牛舌食落去係冇雪味！！同埋切得夠薄😭出去食三百幾蚊位嗰啲都未必有咁嘅質素個爐雖然唔係好大，但係因為夠火力所以唔使擔心兩個鐘會食唔夠飽魷魚圈燒落去食都好煙韌😍忍唔住叫埋一碟酥炸魷魚圈，個炸粉唔厚，熱辣辣咁食好好味呀🫢我一滴汁都冇點到同埋每位會送一隻大蝦🍤好多肉仲要已經裏面cut開咗一半同埋飲品款式都好多，呢樣值得再讚下，因為有時出去食放題都係得一啲好甜嘅汽水或者得一款茶，呢度無糖茶最少有三款，仲有anson lo 代言嘅ooha😍😍整體感覺食完真係好開心同埋有驚喜，一定會再嚟食，下次想試吓佢嘅散叫，蛋包飯嗰啲😋😋

第一次嚟唔知有依間嘢係個女店員好好咁招待我態度非常好好啦咁就決定去試吓😉食黑椒碎蔥花三文魚鐵板炒飯$50 有埋湯 算係咁 上枱熱辣辣完全唔係攤凍先送同埋呢間嘢冇咩人知希望大家返工時點過嚟下啦

因為想試吓佢個放題，不過驚伏，雖然唔貴，但如果食燒肉啲牛肉太差真係搞唔掂。所以叫lunch又諗唔到食乜，不如就買個外賣試試佢，上到去先叫，叫左個麻辣封門柳飯（因為佢放題任食封門柳），D牛肉唔錯，有牛味似，九龍城果D。等外賣時問左，放題包果D啤酒係獅威，形式係放個鐵板係gas 爐上面燒，因為我怕油，網燒會好啲，睇吓有冇機會真係去試個放題🤣