五要素食堂 (已結業)

◾️◾️◾️ 【 ✨尖沙咀簡約西日fusion 菜✨ 】 ◾️◾️◾️▎環境輕鬆 食物種類多元化今晚經開尖沙咀就同朋友一齊嚟做呢一間位於The One 嘅餐廳🤓發現食物種類多元化主要以西式同埋日式fusion菜式為主環境便利 裝修簡約所以想推介俾大家✨◾️◾️◾️◾️◾️ 【 General Info 】 ◾️◾️◾️◾️◾️▎Overall rating：7 out of 10▎Will Revisit?: Yes▎菜式分類：#mayfoodie_fusion ▎人均消費：Ard HKD 150▎地區分類：#mayfoodie_tsimshatsui ▎前往方法: 尖沙咀The One 商場3樓▎餐廳位置：📍 五要素食堂 (尖沙咀)📍尖沙咀彌敦道100號The ONE 3樓L308號舖◾️◾️◾️◾️◾️【 環境方面 】 ◾️◾️◾️◾️◾️👉Rating: 7 out of 10餐廳位置非常方便佢位於The One商場3樓方便大家放假行街消遣時可以餵飽個肚餐廳以簡約風格裝修為主牆壁主要以水泥構造 增加咗 “文青” 風格🤓雖然餐廳位置唔多但係都尚算坐得舒適👍◾️◾️◾️◾️◾️【 精選菜式 】 ◾️◾️◾️◾️◾️餐廳提供多種西日菜式選擇包括有各式各樣嘅

我第一次寫食評，估唔到就係負評😡今日三八婦女節同媽咪食完午飯，見到呢間有waffle甜品，就入去叫左一個加杯咖啡餐牌上製作需要20分鐘，但係我哋等咗幾分鐘就送上枱，嚟到我哋切落去一啲都脆，切開好濕好似唔熟，入口癡立立，難以吞下，即刻吐返出嚟，跟住同店員講好似唔熟叫佢試吓，跟住用叉差了兩下就話熟，絕對冇問題，但係我同佢講好難食入唔到口，佢都冇諗住換其他嘢食俾我哋。態度十分有問題，咁都算啦，飲完杯咖啡就埋單。埋單比一張$500紙幣，佢竟然話驚銀行唔收，R晒頭。

The one出名多嘢食~今次經過呢間睇落幾新就入去試吓裝修係行日式wabisabi風格侘寂風係融合大量嘅木材同水泥元素舖頭嘅餐枱同餐櫈都係木色調 好溫馨牆壁用咗仿水泥修飾 又有啲型格嘅感覺用嘅燈飾更加係別出心裁 成間鋪嘅燈光好柔和好舒服🫶🏻餐廳主打日式西式fusion風格有和牛飯又有pasta burger pizza選擇好多叫咗一個五芝士要素薄餅&味噌大蝦手打扭紋意粉大蝦好爽口冇雪味 手打扭紋意粉啱啱好煮到Al Dente 鍾意食彈牙意粉嘅就啱晒雖然係日式餐廳 但係味道好足 唔會話好淡口五芝士要素薄餅都係芝味十足！係薄身脆口類型嘅pizza Pizza邊有保留返啲嚼勁值得一提pizza上邊有一舊mozzarella cheese為整體口味加咗分

呢日係沙咀放完學，見有少許獨獨空檔時間，放是上Openrice搵下有無間寧靜舒適既餐廳醫醫肚。見呢間餐廳環境正，又幾人氣咁，於是過黎食個Lunch。呢度有室外和室外座位，幾有空間感，而且室內樓底好高，就算同fd高談闊論都無咁容易騷擾到其他食客。裝修以木系為主，帶到優閒既感覺。我揀左燒牛扒配黑松露手打闊意粉+日本溫泉蛋。賣相幾豐富，份量正常。燒牛扒真係帶有燒既香味，肉質係有和牛既感覺。闊意粉係扁而闊，有咬口得黎唔會太厚實。溫泉蛋真添闊意粉的香滑度，加埋黑松露既意粉醬，口味輕盈，食完都無咩負擔感 (利申：個人比較大食)。呢度用QR code落單，午餐都有幾多選擇，有部份可加錢包餐搵下湯同沙律。餐單傾向日式同埋西式。上餐速度好快，5至10分鐘就上枱，可以感受快餐既效率，西餐既環境和食物

📍Fifth Element Shokudo口罩令冇咗，再加上疫情放緩，終於可以同好耐冇見啲朋友食個飯。平日係尖沙咀食飯唔算多人，the one 亦比較清靜，近年the one 好似都愈黎愈多野食，今日就揀左呢唔間五要素食堂，食物款式好多又幾多樣化。❣️自家咖喱黑毛和牛飯配溫泉玉子($118)🍛和牛仲有小小生生地，食落口感軟熟。左面嘅仲特別多筋位，唔會淨係得肉，仲有啲爽口。上面加配啲炸蒜片，令成個味道仲好食左啲。❣️日本和牛薯餅($88)見openrice上面好多人推介呢個和牛薯餅，一食落去就覺得無介紹錯。熱辣辣嘅可樂餅，外面個層又香又脆，入面就係和牛肉碎再加薯仔粒😍 重點係個blue cheese 醬，有小小酸酸地，加埋1齊就係perfect match😋❣️蟹肉靜岡大葉手打闊意粉 ($128)手工意粉食落好有咬口，啲蟹肉就係碎左嘅，加上左啲蘑菇。醬汁唔會好油膩，岩岩好。❣️+$28 跟日式洋蔥湯🫕同薯仔沙律🥗薯仔沙律酸酸甜甜咁好開胃，好fresh❣️凍靜岡抹茶拿鐵 ($42) 🍵好濃抹茶味🍵但又唔會濃到搶左奶個陣味，又唔話好甜😍一定有下次試下佢個和牛丼飯，晏晝好似再抵食啲。門面同舖面都算日式

這家日式餐廳感覺素雅，是快餐感覺的格局。沒什麼服務，就是自助QR code 下單，店員送餐。Lunch set $88, 包主食、男爵薯仔沙律、 曰式洋蔥湯，其中有不少選擇要另加費用。另有黑毛和牛漢堡menu, 有成八種，由$88-$148。日本A4 牛匠岩手和牛扒丼$168這牛扒丼的牛扒份量不多，和牛扒煎至六成熟，口感十分軟嫩，滿有肉味，有牛脂香但又不膩口，加上脆蒜片，充滿和式風味。白米飯十軟滑，味道幾ok.洋蔥湯比較鹹，帶一點黑椒味；而薯仔沙律十分香滑，當中有薯仔、沙律醬和青瓜。總結和牛扒丼味道不錯，單點也可，不用特意配套餐。

Fifth Element Shokudo 和五要素食堂，不論中英名都幾特別，店舖沒有花巧的佈置，只有簡約設計，係一間令人感覺舒服的日式洋食店。但食物就一d都唔簡單，而且用料上乘，有手打意粉、靚和牛和日本產米。Order食物用QR code，非常方便，我就order 了燒美國黑毛和牛丼、煙豬面肉風乾蕃茄手打意粉、青森100%蘋果汁。兩個主食都跟有濃厚男爵薯仔沙律、日式洋蔥湯，薯仔沙律好creamy, 混合了少許洋蔥和沙律菜，感覺好fresh, 而洋蔥湯非常好飲😋，牛丼飯鋪滿嫩滑的牛片，再加上美味醬汁和香口嘅炸蒜片，話咁快就KO左碗飯了。手打意粉口感非常好，跟一般意粉唔同，仲伴有濃郁的蕃茄香味。下次一定要試埋pizza、burger同埋其他小食先得😌值得一讃係店員服務態度好，見到客人不太懂用QR code落單，會主動幫忙。

店名: 五要素食堂地址: 尖沙咀彌敦道100號The ONE3樓L308號舖尖沙咀站B1出口，行3分鐘環境: 3/5價錢:4.5/5味道: 4/5 美國黑毛和牛丼青森温泉玉子$98無諗過呢個價錢竟然係尖沙咀食到美國黑毛和牛😋😋和牛有4大舊，絕對唔係細細舊，食落口唔好話太油，啲肉質好有咬口😎温泉玉子撈埋飯食好快就可以食哂成碗飯🤩味增大蝦手打扭紋意粉$128蝦都有唔少，起碼成5,6隻🦐手打意粉比平時意粉好唔同，有咬口好多🥳不過佢食落就唔似係味增，似係普通忌廉意粉多啲🙈蟹肉味薯條$68呢個薯條係我人生中食過最好食嘅薯條！沒有之外🥰😍就算唔點醬，就咁食都好好食！佢外脆內軟，上枱嘅時候唔會話熱到食唔到，炸嘅時間控制得啱啱好🤩😌佢個醬係沙律醬撈左蟹肉入去，點左黎食會變左酸酸甜甜，又係另一番風味👍🏻🙈就算之後我食左飯，放凍左再食，佢唔會似平時嘅薯條咁凍左好難食，第一次食凍左都勁好食嘅薯條🍟#stitchfoodie尖沙咀

蒜蓉牛油雞翼，一上到枱超香好吸引 咬落去好脆 跟住feel到比較幾咸.日本豬扒set,扒上面有蒜蓉片係煎炸過深啡色 我本來鍾意食蒜的 但整塊豬扒有一種 炸燶咗嘅蒜蓉苦澀味 我諗唔係個個都ok接受到 🤔心諗究竟係醃製嘅味道定係咩？ 定係沙專用嘅時候用嗰啲炸燶咗嘅蒜蓉，用d油煎塊豬扒搞到塊豬扒咁樣？ 蒜蓉可以令豬扒香但係over咗會變有苦 就變咗唔好食 ,and豬扒少許過熟 。洋蔥湯好味 用心製作好味 同埋薯餅鬆脆紫薯中有啲栗子 薯蓉以為一般有薯粒嘅薯蓉 食下去突然間攻鼻，辣! 原來佢切咗粗粒生的白洋蔥， 其實件事真係唔夾。士多啤梨latte 算正常 蘋果肉桂窩夫 上面嗰啲係cream唔係 雪糕 味道不錯

平日放假嘅時候，通常都會去正常人多嘅地方周圍行，例如好似尖沙咀咁樣一到週末週日就一定好多人，但平日嘅話基本上都較為清靜，連條路都闊得多。 至於行到咁上下，當然又要尋覓食， 而發覺The ONE呢一度真係越開越多唔同類型嘅餐廳， 平日好少機會接觸到，所以開始展開呢一度嘅覓食之旅。 😛其中呢一間五要素食堂幾吸引目光，係一間集合西式同日式元素嘅餐廳。😌特大南蠻炸雞丼— 🐥大大碗炸雞丼份量超級十足，🍗見到每一塊雞都係大大塊又夠哂厚切，面頭就由一層芥末蛋黃醬，旁邊仲有少少沙律菜，個炸雞係啱啱新鮮炸，所以小心熱辣辣，🐥配合嗰醬就顯得又甜又小小辣，多肉小肥。🍗至於個飯亦都係採用左珍珠米，粒粒分明飯香亦都十足。 🍚另外呢一個餐佢都有包左餐湯，而今日嘅餐湯就係洋蔥湯，🥣喺裏面除咗洋蔥餡夠晒足料之外，佢哋都落咗黑椒嚟提升味道，仲可以清新一下食完炸雞丼嘅味道🥣朱古力咖啡— ☕️值得打卡影嘅咖啡，採用嘅朱古力相對上感覺係純正啲，☕️同埋稍為苦少少，再配合埋咖啡嘅話，甜味就唔明顯，☕️反而強調嘅係咖啡嘅醇厚味道，所以就稍為特別與眾不同啲，上面亦都打咗一層奶泡，🥛一開始飲嘅時候可以就咁就飲，又有奶香又有咖啡又有朱古力味

今日又來到尖沙咀The ONE嘅五要素餐廳食午餐，呢間餐廳主打日本Fusion菜，標明使用日本米同和牛。上一次食過佢哋嘅意粉同Pizza，今次就試吓佢哋嘅漢堡，睇吓係咪一樣咁好食。松露和牛芝士漢堡 $98麵包鬆軟，材料十足，有150g 和牛漢堡 + crispy parma ham + Gouda 芝士，松露味略嫌輕左少少，不過唔影響整體味道。size 岩岩好，始終食burger 用手揸住黎食係最有風味，讚！檸檬胡椒薯條配特製丘比醬 +$38薯條新鮮香脆，份量好多，一個人食唔晒。不過，檸檬胡椒味有啲似食酸忌廉薯片咁，鹹咗少少，下次可以試吓其他風味。原來除左室內座位，仲有室外座位，天氣無咁凍或熱，可能出去嘆下自然光。

今日去一間日式洋食店，店名叫做五要素食堂-fifth elements。座落於尖沙咀The One，位置地段非常方便。裝橫用嘅色調比較深沈，有種令人好沈實平穩嘅感覺，難得喺繁忙嘅地段，可以有個寧靜嘅空間。食物款式包括有扒類，手打意粉，自家製薄餅，仲有小食類，如薯條，薯餅同埋雞翼。餐牌設計好有日式洋食店嘅一貫風格。每款都配有相片，一目了然，可以安心選擇。呢度有唔同款式嘅和牛，有美國黑毛和牛同牛匠岩手和牛。牛匠岩手曾奪得多個日本和牛獎項，相信有一定嘅水準😍😍👍🏻名水豚-佐賀名物，豚肉中嘅和牛😍😍😍😍呢個形容非常之有趣，挑起我貪新鮮想嘗試嘅好奇心😋😋😋和牛吃得多，究竟點樣嘅豚肉先可以稱為豚肉中嘅和牛呢🧐🧐坐低咗之後，店員會放低點餐用嘅QR code，客人可以按自己嘅pacing去點餐，非常自助自主，好貼心😍加$28蚊可以加配定食，有濃厚男爵薯仔沙律。沙律入邊有青瓜，洋蔥，增加口感同味道，另外啲薯仔打到好滑好creamy，好味呀😋😋另外仲有日式洋蔥湯onion soup🧅，入邊加咗大量洋蔥，再加啲什菇，令個湯好濃郁。啲洋蔥煮淋咗又入味，唔錯，有驚喜呀👍🏻燒塩麴名水豚豬扒丼 $108好好味道😍😍

五要素食堂📍尖沙咀彌敦道100號The ONE3樓L308號舖餐廳地方十分方便，就係尖沙咀The ONE 入面👍餐廳環境以簡約為主，木質餐桌椅子，有文青的感覺，好適合同朋友一齊傾下計食下飯🤭餐廳係用QR CODE自助落單，最吸引我地黎嘅原因係餐廳嘅自家製pizza同手打意粉，其他餐廳係食唔到架😆今日黎到一定要叫～～招牌至尊薄餅 🍕$168有單人份量$128同普通份量$168 ，因為大家都好鐘意食Pizza，決定叫個大size啦～pizza共有8片，配料好足，蕃茄醬底，餅底好脆又唔會好厚好乾🍕Pizza 控一定要試下🍕👍煙豬面肉風乾蕃茄手打意粉 $108手打意粉煙煙韌韌，相當好食，配埋新鮮蕃茄仔同蕃茄醬簡直係無得輸👍煙豬面肉有d似臘肉的感覺，咸咸地，呢個意粉十分推薦⭐️🤭美國黑毛和牛丼 🐮$88有4片和牛，聞落好香牛味，賣相唔錯，黑毛和牛係薄切，燒到微微焦香，牛味好香，唔乾唔韌，旁邊配埋火箭菜，一啖和牛一啖火箭菜，絕對唔會好油膩！丼飯醬汁都好好食，配埋日本珍珠米，正👍肉桂富士蘋果日式窩夫🍎 $68窩夫係即叫即做，落單後大約要等20分鐘左右，一上枱就聞到好香肉桂蘋果味，食落唔會好甜，食完一餐

朋友聚會，選咗尖沙咀The one 睇openrice 見到有西餐同日本丼飯岩晒口味。餐牌選擇款式多，有pizza,漢堡包、意粉、丼飯、小食、甜品等。一行三人叫左大的至尊pizza、燒牛肉丼、和風煙豬面肉手打意粉同埋甜品蘋果窩夫。先來燒牛肉丼飯，丼飯份量吾太多有4塊燒牛肉，燒牛肉味香濃，跟著係至尊pizza ,pizza 餅底係意大利手工餅底，脆口好食 pizza配料豐富，切開有8大塊，跟著係煙豬面肉蕃茄意粉，煙豬面肉太多肥肉，味道一般，最後係甜品蘋果窩夫，蘋果料多窩夫欠缺牛油香，稍為遜色, 見鄰座order漢堡包好吸引，有機會下次再試，是日平日夜晚吾洗等位直入，岩同朋友傾計聚會。

難得可以早放工，約埋班朋友一齊去食晚餐。朋友介紹左依間好有特色既餐廳，環境設計簡約風格，比人一種好舒服既感覺，即時壓力都被釋放左，超開心。餐廳既食物質素非常好👍，服務員既服務態度亦都好友善，好鍾意D餐碟，完全配合到餐廳既特色風格👍😁煙豬面肉風乾番茄手打意粉———味道一流，超濃香既番茄味道，意粉口感煙韌，完全索入番茄醬既味道，超級好味。❤️😋美國黑毛和牛丼———和牛片十分大片，好濃既牛肉味，牛肉也十分嫩滑，非常唔錯☺️招牌至尊簿餅———餡料非常豐富，最特別係餅底，煙煙韌韌真心好味👍👍👍❤️最後係甜品，肉桂富士蘋果日式鍋夫———見好多人都推介，食落去好香既肉桂味道，鍋夫很鬆軟，味道很好，如果鍾意食肉桂味道既甜品，依個甜品絕對不能錯過👍😁