亞婆豆腐花 (已結業)

買既時候已經講咗黃糖分開裝，條友都冇聽我講嘢掛住傾偈，一野將黃糖畢左落碗豆腐花度. 以後唔會再幫襯！講返碗豆腐花，一啲豆味都冇，又唔係特別滑，質素真係唔得。加埋佢咁既態度，真心唔會再買！

見到阿婆豆腐花，仲寫住大圍分店，以為係大埔阿婆豆腐花分店，點知原來俾人誤導咗，同大埔果間無關係。賣豆腐花個四眼阿姐態度好差，我只不過問黃糖係咪自己落？佢態度就好差，話要黃糖出聲，下次醒少少，嘩！惡到呢......味道方面，豆腐花好一般，落咗薑水又無薑味，13蚊一碗，感覺自己俾人呃左。

經常幫襯呢間阿婆豆腐花。昨晚行過，又買咗兩碗，店員問我拎走定係度食，我話拎走。佢又問我要凍定要熱，我話要凍的。佢話熱嘅滑啲香啲喎，識食梗係要食熱㗎啦。我聽完又覺得幾有道理，於是就決定買兩碗熱豆腐花返屋企。店員又問我要黃糖定要糖水，一向主張健康飲食的我當然揀黃糖啦。店員幫我加咗好多黃糖，我好驚佢咁重手會甜死我，點知返到屋企一試，甜度又啱啱好。果然是熟能生巧，佢每日賣咁多碗豆腐花，招呼咁多客人，梗係知道糖的份量要落幾多。熱豆花的確是香啲，依然好滑，好好味。

去開咗大圍就梗係要食返碗阿婆豆腐花，佢嘅豆腐花非常香滑，仲有熱同凍選擇， 雖然價錢唔算話非常抵食，不過都值得一試，堂食仲可以減一蚊12蚊一碗，拎走就13蚊，份量唔算多，不過堂食都係企喺度齊齊食。

是日心血來潮, 想吃豆腐花, 便來大圍找亞婆。豆腐花有原味, 花奶和芝麻, 冷熱同價, 外賣需多付$1, 晚上8時後不設堂食。除豆腐花外, 還有賣豆漿, 腐乳, 南乳和綠豆餅。芝麻豆腐花 (熱) $15不要誤會堂食有位坐, 只是站在店前吃。拿著瓦碗街邊吃, 倒有風味, 快閃吃碗豆腐花, 外賣反而不環保。芝麻豆腐花是原味豆腐花加上芝麻粉, 相對於加芝麻糊更添芝麻香氣。豆腐花豆香雖淡淡的, 但質感滑溜。客人可按自身喜好, 自行加黃糖或糖漿, 不過切記忍手, 始終糖吃多了是無益。

平時踩完單車都會特登去大埔食亞婆豆腐花..今日經過大圍見到有間同名嘅就買番去試下啦，又硬又唔好食，又冇豆味，買嘅時候又比佢串，要求少d糖又話我冇事先講聲🤷🏻‍♀️（佢真係比超多糖）然後我話想加糖水又話我應該要一次過講🤷🏻‍♀️平時去大埔正牌果間，係會幫我落糖水唔洗我叫嘅，查看之後原來大圍呢間係抄名..大圍呢間同大埔果間係零關係嘅🤦🏻‍♀️又唔好食又貴（外賣要13蚊），真係唔會再去🤷🏻‍♀️

近排越來越鐘意食豆腐花，覺得可以滿足想食甜品嘅心，又比較健康。亞婆豆腐花，亞玉豆腐花，贊和豆腐花，九萬幾樣啲名又似，真系好易撈亂😹😹今次就嚟到試大圍亞婆豆腐花，應該係大埔嘅分店，位置都算幾好，係東鐵站對面，人流應該唔錯。🤔🤔🤔🤔大埔無記錯係9蚊碗，外賣加一蚊。但大圍就要11蚊，8點後唔洗碗迫你外賣，所以一律12蚊起。另加花奶、芝麻就更貴。💁🏼‍♀️話說我都幾鐘意食芝麻，所以有諗過嗌芝麻味，但原來佢唔係淋芝麻糊喺上面，而係芝麻粉，所以都係不了。叫左最basic嘅黃糖豆花($12)，我覺得真係唔好食，甚至係難食。由細到大都食街市傳統豆花，佢絕對無街市三成功力，首先唔滑、無豆香，食落仲有酸酸地，以為我自己味蕾有事，問下其他人佢地都話酸酸地🤯🤯🤯🤯唔知大埔分店係咪都會咁，聽講大埔原店係又滑又有豆香嘅，但大圍呢間真係唔洗再去。亞玉豆腐花同贊和都係平靚正，完勝🤪🤪🤪🤪.

亞婆豆腐花is famous. My wife always recommends me to try and finally I got the chance to have an afternoon tea.However, I am a bit disappointed. The tofu pudding is smooth and in the right amount of sugar, but the ginger taste is not enough.I also tried the chicken noodle. The chicken is freezed for too long and the taste is too shallow.

一直都有聽過人哋推介亞婆豆腐花，今次終於都食到啦。點咗碗凍豆花，豆花喺真嘅好滑直接就可以流入喉，其實豆味我食唔喺幾出，覺得豆味冇我想像中嘅咁重，但系口感真系太正啦，加埋黃糖一齊食好好食。仲試咗豆漿，都喺飲凍嘅，濃郁好飲，推介啦！

由他們一開舖營業光顧到現在，見證著他們越來越差，越來越沒有豆味的豆花，職員的態度變得極差！花奶豆花，已經比普通的豆花貴，跟職員講（約5x歲）要多花奶，第一次以為她聽不到，沒有回答我，花奶下得很少，我再重覆，原來她是聽到的！態度極差回答我：正常份量，多要再加$5我問她，之前又不用再加錢？（買了幾年都沒聽說過花奶再加錢）哪裡有寫呢？她態度極差說：多花奶是要加$5！！光顧幾年的食店，變成這樣，真的極度失望.......................再見！

呢間豆腐花店真係好出名，每次行出火車站外，我都見到好多人去晚。今日下午，難得星期六係大圍，屋企附近，我都走左去排隊去買反個凍豆腐花拎走，外賣回家食。我覺得真係幾好食，我叫左個凍豆腐花，食落口感好滑。不過真係要排隊，都幾多人下。

今日忽然好想食豆腐花，放工就去左大圍「亞婆豆腐花」買碗，門外有唔少客人企係到食緊豆腐花。我叫左個熱豆腐花都幾滑，自己加黃糖或糖水，所以甜道適中。另外仲見到佢有腐乳賣，腐乳有分辣同唔辣, 而且分大中細三種大小，我買左一樽中樽嘅辣腐乳，同買埋支凍芝麻豆漿。豆漿既芝麻味飲落香濃，有啖啖芝麻香味， 如果可以再濃d豆味就更加好。之後去左粥店買左碗白粥返屋企送腐乳，覺得腐乳送白粥好好味。腐乳滑而不軟，唔會過鹹或過辣。

豆腐花香滑可口，有冷及熱可供選擇。我堂食減少浪費膠碗。枱面有糖漿或黃糖供客人按心意隨意添加。此店還有自家製豆漿，杯裝或樽裝供應。也有出售自製腐乳，有原味或辣味可供選擇。地點就近港鐵交通方便。

充滿人情味嘅豆腐花 每次幫襯店鋪嘅姊姊都好有禮貌 笑容滿面 哈哈 真喺暖意窩心 睇落平平無奇嘅豆腐花 食落竟然有意外收獲 豆味濃郁 香口 食落暖住空蕩蕩嘅胃 感覺好舒服 有涷或熱選擇 亦有花奶或黃糖 但我就偏愛熱黃糖豆腐花 真系百吃不厭

今日收工收得好夜...好想食返啲甜野獎勵下自己一日既辛勞..咁岩收工見到呢間豆腐花仲未收呢！即刻行過去望下先！ 雖然夜媽媽但都好多粉絲排隊，阿姐默默手接手！本身想試胚牙同芝麻豆漿都賣曬🙊🙊所以叫左普通豆漿，好香豆味！都算滑架👍🏻另外叫左個普通豆腐花，相當滑！本身豆腐其實無咩味，姐姐幫我加左黃糖同糖水，唔太甜岩岩好！阿姐話佢地心目中有加糖份量，所以根據佢地落既份量甜度就岩岩好啦！呢個係佢落左一匙黃粉份量，已經靚到即刻要影張相😂😂要買緊係買埋比屋企人開心分享啦!!於是買埋其餘二隻味啦！雖然拎到返屋企已經唔係咁既野，不過芝麻粉已經溶為一體！好香芝麻味同香滑！阿媽都讚👍🏻芝麻奶的係用淡奶所以奶味唔重，亦好啖味。不過就帶出左豆腐花既香滑，所以唔重口味既人可以一試！試本上我會再買，但希望下次唔好係開夜車既時候啦😂😂😂值得一提既係，店員態度好親切有禮，會幫你袋好同問你點袋，十分細心！令人覺得好舒服😊