亞參雞飯 (上水廣場)

营业中

休息中

行完山餓餓地 就去左上水廣場搵野食 。 人少少 簡左一出lift轉去商場既亞參一試。 星馬泰feeling既裝備望落幾ig-able😎同朋友都簡左「班蘭珈央多士」（$38） ， 跟tea set仲包熱飲 。 咁我就簡左「班蘭咖啡」而朋友就簡左薏米水。 首先到既係飲品：班蘭咖啡及薏米水。 首先薏米水方面，整體黎講係薏米絕對係滿滿的，比較意外既係整杯野飲有薑味 變左相當特別同好飲之後到既班蘭咖啡。 入口班蘭味幾重 但相當苦澀 not my cup of ☕️😅 班蘭珈央多士 個人認為係念念不忘😄 內裡夾住的 一半為班蘭時，班蘭多士比想像中好食， 入口淡淡既班蘭jam味， 再加上萬惡既牛油，超級好食

上水行街行到有啲肚餓，想搵個地方食個下午茶，上水廣場五樓都好多食肆，經過亞參雞飯唔使排隊，又坐得舒服，全日免收加一，一於入去嘆個週日下午茶。#斑蘭咖央多士 $38叫得咖央多士食，就預咗佢本身係偏甜嘅食物，呢度個咖央醬唔係淨係得甜味，佢充滿椰糖香，淡淡斑蘭味，我就食到少少檸檬嘅味道。烘多士脆得緊要，夾住厚切牛油嗰種溶溶地嘅柔滑，再加大量咖央醬，外脆內軟，好似有啲邪惡但好滿足。下午茶餐配斑蘭咖啡，正常即沖咖啡，咖啡味濃郁，插咗塊斑蘭葉做裝修夾返成個系列，心理上就覺得好似有斑蘭味，認真試吓其實就唔係好覺。#輕盈馬來咖喱豬扒配撈麵 $48星馬菜通常都採用油麵，咖喱汁好香椰奶味，豬扒入味唔乾身，覺得可以俾多兩件。配菜比例上就多啲，薯仔炆得腍，秋葵爽口，下午茶份量嚟講都OK。餐廳提供秘製馬拉盞都好香辣，客人可根據個人喜好，自行拌入以調節辣度，仲有啲花生碎，增加口感更加惹味。#亞參雞飯地址：上水龍琛路39號上水廣場5樓506-508號舖

不錯的下午茶選擇，下午二時就有下得午茶，叫左個雞絲河粉加個咖央多士，再杯熱奶茶外賣回家食雞絲河粉雞絲味道不錯，份量不多不小剛剛好，至於咖央多士就略謙太甜，同埋塊包如果可以脆d就會更加好而熱奶茶就有別於平時的奶茶，口味甜甜地幾特別 ， 順帶一提雞絲河粉的湯底味道也是不錯的,食完哂成碗河粉，係會好想繼續飲埋d雞湯的，唔會好油。味道又唔會太濃怡到好處，我一人就食了一碗雞絲湯河粉同一份咖央多士，再配埋杯奶茶，份量剛剛好

賣$81喇沙米線，蝦已經細粒到手指尾咁，配菜方面竟然俾得5條手指尾長度既通菜(見相片)，呃都唔好呃到咁盡啦。已經係我作為消費者先落單，然後再相信你張菜單及食物相，點諗到錢又比左你，期望值又比你提高後，d出品係咁Q差。大佬你連一條通菜都慳，人地燒味飯搭條菜都多過你。永遠不會再幫襯。

之前係黃大仙間門市到堂食，質素不錯又好食，店員又有禮貌，印象唔錯，所以見到上水有就即時再幫襯。我買咗肉骨茶同馬來咖喱牛腩飯，滿心歡喜地返到屋企一打開，真係好失望….外賣份量真係少得可憐，勁大個外賣兜入面200ml都唔知有冇嘅肉骨茶湯，餸得四舊豆卜同一舊排骨…另外個馬來咖喱牛腩飯得四舊牛腩…如果味道好食嘅話都諗住由佢，但仲要係勁難食！未試過食肉骨茶係完全冇藥材味道，只有胡椒味，勁淡口！承惠$87，真係冇下次…

經過他們家店門口看到有下午茶套餐，就點了斑斕咖央多士，不過多士真的太脆了！感覺脆到像是在吃餅乾⋯還試了他們家的海南雞飯，感覺比較普通，雞肉不夠滑，但整個套餐還是算是比較抵的！

成日都見到但一直都未試過 最近上網成日彈聖淘沙啲度告出嚟撩起條筋搞到好掛住❣️亞參去骨海南雞(半隻) $140做法同平時食到個啲有啲唔到 平時個啲都係乾身上碟 但佢嘅🐥下面用豉油汁浸住 食落有啲偏鹹 就算點左甜豉油都被覆蓋左 可能適合啲比較重口味嘅人啦❣️亞參豬手(例牌) $88呢個個樣有啲似滷味 份量唔少都幾入味 塊塊都厚皮有油脂肉好腍散開曬入口即溶 幾個朋友share一碟夠開心❣️馬拉盞通菜 $33Menu話係就星馬直送通菜 不過講真無乜分別可能係我唔識食醬料俾得好少 撈後都唔係條條有味本身亦炒得唔算好香 呢個不過不失❣️馬來咖喱豬扒飯 $78有別於平時連鎖店嗰啲 咖哩好香濃好惹味 份量有俾足 條條都幾大條 香辣咖哩連埋入晒味嘅🥔送飯一流❣️椰香咖央南洋包(4件) $25賣相有啲似平時食開嘅咖央多士 但呢個唔係夾心款 用咗馬來西亞直送嘅麵包皮烘脆 因為用皮嘅關係比一般麵包片更薄更香脆 濃濃咖啡味連埋冰涼嘅🧈 加上灑係面嘅椰絲 多重享受更有層次

上水廣場新開食店，見咁多人排隊應該唔差，下午茶餐得雞絲湯河同咩咖央面包選擇，唯有點湯河試吓，來到似一碗垃圾賣剩雞碎嘅湯河，不知所-謂，上菜又慢，等左十幾分鐘先有，野飲就好快，已飲完仲未有野食，再唔會幫襯囉