亞參雞飯 (又一城)

营业中

休息中

服務態度出名差👎，呢個都算，如果有澳牛既質素，串得起，就叻仔，但咁既垃圾食物都學人串，叫不可一世舉頭寫住「尋覓99分。。」，絕對係漏咗個字，尋覓「負」99分。。叫個包，等咗一個鐘唔到，全場就係聽住個廚房點樣係度XYZ@&$啲樓面，好，廚房咁醒，就睇下煮啲乜出嚟，點知等咗成個鐘都出唔到個包，仲要出嚟啲垃圾，一堆有性格既垃圾最伏係啲特飲，好想叫杯水，唔該，但叫都唔會有人理，都係快啲食完快啲走算咁既食物質素，咁既服務態度，

入到去坐低無人理你，想落單同我講QR code落單又唔俾QR code 我,等左一輪先有，食物是ok的，加左$10要杯斑蘭咖啡好重味想加糖漿，問個侍應話廚房裡面溝好晒，無糖漿加，聽到都o晒咀，隔離枱聽到都笑，原來呢度D廚師甘有性格唔俾人加糖，之後隔離枱叫左杯熱飲問佢攞糖，又係同佢講加左係裡面…..

呢度嘅海南雞飯，好正宗，D雞肉夠嫩滑但唔會唔熟紅卜卜👍，份量亦唔少，湯同飯都好好食，D醬汁都唔錯，不過橙色酸辣汁如果甜返少少更好食，加$10 配埋大大杯香茅特飲，$108，都算抵食👍👍

今日同朋友去又一塘食lunch ! 好多間都要等位。去到亞參見仲有位，就試吓佢！我哋分別叫咗一碗新加坡喇沙同埋海南雞飯，另外加多加吔牛油多士，同埋兩杯馬拉奶茶。首先講吓碗喇沙，味道都OK嘅，但D餸份量比較少😅！一隻蝦片開兩邊，加埋得一隻，仲要係好薄嘅🤣！ 至於份海南雞飯，朋友指定要雞胸肉，出奇地滑！👍🏻👍🏻👍🏻！另外，份叻吔牛油多士好香脆👍🏻👍🏻👍🏻！我哋食晒飯同面先食，都仲係好脆。

我個人認為亞參雞飯的海南雞飯好味，但是我在吃飯期間看見兩個職員當眾吵架，其中一個仲要無戴好口罩，啲口水到處飛，吵足30分鐘都不停，職員態度不好，希望啲職員態度會改善。

新年約咗咗表姐拜年同食飯，佢鍾意食海南雞，尤係亞參雞飯，所以就去咗九龍塘又一城分店食。餐廳裝潢時尚，佈置得好有新年氣氛。亞參雞飯主打馬來西亞、新加坡地道美食，海南雞飯更標榜「尋覓99分海南雞飯」。亞參去骨海南雞飯，海南雞選用雞味特別香濃的三黃雞，肉質嫩滑，肉汁豐腴,配以雞湯、香茅、、班蘭葉煨煮的雞香飯，雞滑飯香味道一流，飲埋冇味精嘅清雞湯，真係99分海南雞飯！新加坡喇沙米線，食村豐富，有蝦、魚片、雞蛋、豆腐卜、芽菜、通菜。湯底以新鮮南洋香料、混合不同辣椒和椰汁精心烹調而成，色澤金黃，味道香辣。香煎手作蝦餅，煎至兩面金黃色的蝦餅鮮香味美，肉質彈牙。馬來班蘭咖央多士，咖央醬挺有層次，入口椰香 先跑出，然後斑蘭香及蛋香 襲來。香脆多士內有牛油，讓咖央醬味 道更豐厚立體。美祿味淡咗啲。南洋咖啡，咖啡帶有輕微焦糖香味，濃郁夠味！

太耐冇嚟又一城，原來之前m記個位已經變化好多亞參雞飯係又一城其中一個好選擇☺️以上係凍拉茶，茶味夠重👍🏻薏米水都有幾多薏米☺️招牌亞參去骨海南雞飯配雞油飯及清雞湯呢個係真係岀色嘅🤤雞採用三黃雞，所以雞味起香，而且雞肉十分嫩口，肥瘦均勻，又唔會淡淡肥肓，再配三色醬，無敵😇雞皮顏色都靚雞飯唔會勁冧，做到粒粒分明蝦餅🦐有三粒，咬落都幾彈牙，表面煎到金黃色，都唔錯👍🏻斑蘭咖央多士麵包係馬來西亞🇲🇾真運到港😆斑蘭味好岀，幾甜😋配上厚牛油🧈係十分邪惡🙈但超正，麵包焗後幾香☺️分店限定明爐酸辣亞參烤魚個人認為$128有明爐魚，價錢幾抵味道酸酸辣辣🌶️係幾開胃嘅，share食都不錯

好耐冇同舊同事食飯。難得新年快到，就先約大家出來聚一聚，所以，就選了方便大家工作地點的九龍塘。我自己比較喜歡新加坡美食。所以，就選又一城二樓阿森雞飯。店裡職員好有禮貌，好快就幫我們搵到坐位。我打開菜單一看👀，馬上被呢個無骨海南雞飯套餐吸引。朋友就選左肉骨茶套餐。兩個套餐份量非常足夠，除左有主食以外，仲可以點一個小食，飲品方面，亦有不同特飲選擇。正。👍海南雞飯-雞油飯非常美味，最正喺無骨雞肉，啖啖肉，而且雞肉嫩滑。仲配以一個雞湯，湯裡邊又有蘑菇，仲非常清甜。💖肉骨茶，份量十足，肉骨唔少，肉骨茶非常夠肉味。加央多士，超正，可能有椰子香甜味再配以牛油，鐘意甜品，一定喜歡，但多士略嫌未夠脆身。鳳尾蝦卷，蝦肉鮮味，外脆內嫩。我特別要稱讚一下，香茅薄荷凍飲，我本人並不鍾意有Soda飲品，怕氣太多，但係這個凍飲完全無呢個問題，香茅同薄荷，味道非常搭配，超正👍。享受了一頓美味晚餐。我下次都會跟朋友一齊再嚟一次。

原來又一城除咗food Court之外，仲有一個corner位有平民美食，今日睇完戲就嚟咗呢度食亞參雞飯。既然主打海南雞梗係要叫返碟嚟試吓，油飯入口夠香夠油潤，海南雞啖啖肉，入口滑嘟嘟唔會乾爭爭，個人就最鍾意點甜豉油～清湯入口亦夠晒甜～肉骨茶散發香濃藥材味，入口甘甜，排骨咬落鬆軟有肉香，熱辣辣煲仔上飲完全身暖笠笠！嚟到點可以唔叫咖吔多士，脆口多士配上一片厚牛油，在上一層咖吔醬，超邪惡但勁好味！仲有爽彈蝦餅，食到一粒粒蝦肉，唔錯！今晚點嘅兩款飲品都幾好飲，香茅薄荷特飲散發獨特香味，剛好可以沖走肉骨茶嘅藥材味；薏米水飲落甜甜地又有薑味，夠晒暖胃！

📍亞參雞飯 (九龍塘)九龍塘達之路80號又一城L2層28號舖亞參去骨海南雞飯跟清雞湯：餐廳貼心將海南雞去骨，令食客方便進食，無論雞皮定雞肉兩者口感好嫩滑亦吾乾添，配合埋三種醬料點用，味道相當配合。另外雞飯飯粒明，在濕與乾之間，裝得幾滿。而清雞湯咸味岩岩好，整個set推薦大家order~新加坡喇沙米線：個人認為依款喇沙湯底岩晒喜歡重味既朋友仔，由於湯底極濃郁咸咸辣辣，再配以米線食，味道好惹味！至於配料包括有蝦、豆泡、雞蛋等等，所以食落吾會太過單調啊！香煎手作蝦餅：有驚喜既蝦餅！蝦餅以煎非炸方式煮，令食起黎吾會太油膩太罪惡感。蝦餅好爽口又彈牙，仲充滿蝦既鮮甜味添！再配以辣醬食，味道更好！班蘭咖吔多士：多士烤得幾脆口，牛油吾算多，所以食落亦吾會太漏，反而變得香口。但班蘭醬略為不足，吾太食到有甜味。柑桔特飲(凍)：由於個人口味喜歡酸，特意order柑桔。味道多酸，亦會有甜既味道，岩晒一邊食主食一邊飲。馬來拉茶 (熱)：沒有茶澀味，已調教好甜度，甜甜得又吾會過甜，奶同茶比例剛好，味道香濃，口感香滑。

朋友勁鍾意食海南雞飯所一定要帶佢嚟呢度試吓99分嘅海南雞飯九龍塘呢間分店都幾大好多食客都係外國人見到呢張poster 想即刻飲返杯拉茶同埋食咖央多個杯好靚味道不錯朋友嗌咗凍嘅都話好飲必試！好香脆補返張近鏡先，好邪惡但好好食呢個鳳尾蝦春卷都唔錯不過油咗小小到主角海南雞飯雞嘅份量真係好多嫩滑而且本身入味所以$91 都唔算太貴覺得個油飯勁好食好香有3款醬薑蓉、辣醬、甜醬油我最鍾意辣醬有啲泰式嘅感覺、辣辣哋幾好食最驚喜係呢個可能因為天氣凍、覺得飲肉骨茶好正個湯好香胡椒味、蒜頭味因為係可以見到佢將啲蒜頭煲溶晒T字骨都好好食推介大家試呢個

今日去左又一城食海南雞飯。我哋點左主菜，加$10就可以加配一杯飲品，仲有個追加優惠，兩個小食都係$39，而且全日免加一，好抵食。新加坡喇沙米線：蝦已去殼好有蝦味，魚片切成條狀夠彈牙，豆腐卜、芽菜、通菜同米線滲透晒個湯既精華，成碗呈金黃色，賣相討好。湯底充滿咖哩香、椰香，配以新鮮南洋香料精心烹調，香辣惹味。亞參去骨海南雞飯（配雞香飯及清雞湯）選用雞味特別濃郁的三黃雞，雞肉有啫喱膏，雞脾位特別嫩滑；無添加清雞湯有豐富的椰汁及雞骨香；雞飯香更以濃濃的雞湯煨煮、粒粒分明。食雞又點少得薑蓉，辣醬帶鮮辣椒香，黑豉油很醇厚，果然係99分海南雞飯。香煎手作蝦餅（3件）蝦肉爽口又新鮮，即叫即做，配上甜酸醬，無得輸。班蘭咖央多士（4件）濃香幼滑的咖央醬加上薄切牛油，好邪惡。柑桔特飲：加左話梅，酸酸甜甜，好解渴。薏米水：用薑特別淆製而成，喝後很暖胃。

🐔海南雞飯套餐附送左油飯同埋雞湯，雞肉已經去骨，肉質都唔錯🙆🏻‍♀️雞湯亦都唔會太油膩，裡面有少少冬瓜粒，整體份量都好足夠🐟酸辣亞參魚店員會即場用個爐heat住，魚嘅肉質都幾滑，唔會太多骨，食起上嚟都好方便相比條魚配菜反而令我更加impressed😙有幾舊茄子、唔少秋葵同埋好多洋蔥絲😝吸晒酸辣湯汁好開胃🦐鳳尾蝦春卷佢係網紙春卷，味道都唔錯🤔略為油咗少少🍞班蘭咖吔多士 一份有四小件🍞裏面有塊鮮牛油同埋少少班蘭咖吔醬，多士烘到好脆🫶🏻好香口🍊柑桔特飲味道酸酸甜甜，就算叫咗小甜都唔會太酸，幾fresh🥤馬來拉茶見到唔少comment都話態度麻麻地🤔但係當日餐廳員工態度都唔錯👍🏻

職員服務態度勁差！係職員面前佢都可以扮睇你唔到，問佢嘢態度好似覺得你好煩 好耐冇食到一肚氣！由於入去食前有問清楚小食優惠係咪只限外賣，問清楚堂食有冇，職員勁西咁答有。咁咪入去食，費事煩。行到入去同職員講幾位，佢好似視而不見咁，最後竟然係由食緊飯嘅職員安排位置。坐落想點餐，嗌職員冇人應，過咗陣終於搵到行過嘅職員，佢勁快咁話係QR code度落單。見到隔籬枱都想落單，問個職員點落，對方又係好快咁話喺QR code度落單，根本都講唔清楚，隔籬枱客完全聽唔清又要再搵過職員過嚟，然後個職員先發現冇俾個QR code對方。係點餐個陣發現冇小食優惠，職員話你叫咗系統會自動同你扣，咁照嗌啦，嗌完發現系統冇扣到，呢個時候野食上齊另一位職員先話要叫主食先會有優惠⋯⋯ 咁我講返問咗兩位職員都冇人同我講過優惠係要嗌正餐先有，好彩其中一位好啲嘅職員幫我改返張單個價錢。去到埋單其中一個職員語氣勁似質問我張單點解係呢個價錢，咁我解釋返件事，佢語帶質問係邊個職員同你咁講，好彩當初我入嚟有留意到職員名牌個名，仲有唔係每位職員都有名牌，如果冇留意真係百口莫辯，同埋你同事都改咗張單啦仲要質問我，而家係店方冇解釋清楚，反過嚟

今日星期天来了又一城影院帮衬古仔的《明日战记》看了一个中午场。一点钟左右，刚刚好肚饿，影院旁边就是亚参，没有等多久就坐下来叫了一个去骨海南鸡饭（$91），和一个喇沙米线（$83）。海南鸡已去骨皮嫩鲜滑，配3个酱料，鸡饭和冬瓜鸡汤也不错。米线的味道比较浓郁，里面的料还算足。另外叫了一个柑橘特饮（$10）和马来拉茶，（$10，感觉比较甜了一点）还有一份马来斑斓咖央多士（$27），吃不了带走。下次有机会会再试试别的样式，总体评分3.5 out of 5。