亞參雞飯 (PopCorn 1)

营业中

休息中

我們一行5人, 叫了珈央吐士, 海南雞, 豬手, 蝦餅, 芽菜, 炒飯, 馬來咖哩豬扒麵, 份量夠, 味道幾好味, 但店舖餐牌款式唔多, 無咩野簡咁, 值得推介馬來咖哩, 咖哩濃郁但唔辣, 好香, 食過翻尋味, 真係一個馬來咖哩已經贏左。

前排去左亞參雞飯食下午茶望一望個餐牌原來下午茶得呢個餐🤔 不過呢個價錢包埋飲品都算係咁 所以就試下😛.🌟雞絲湯河 ($48)雞肉起晒絲咁就唔驚咬到骨 肉質都算滑而且都幾多菜 通常食其他粉麵都係得一兩棵🥬🤭湯底方面有配合到雞絲 用上雞湯 味道濃郁🐔飲品方面點左杯凍奶茶 都幾大杯 而且係東南亞口味🧋.由於下午茶得呢個餐 餐廳嘅主打菜式海南雞飯都係未試到睇黎要食到招牌菜就冇得慳😂🙈

慶祝新嘅一年一於出去搵食，今晚再次去將軍澳商場搵啲嘢食。經過依間見到有海南雞飯，非常吸引，所以我哋就入咗去。叫咗兩個海南雞飯加兩個小食。個海南雞飯啲雞幾滑有肉汁而且冇骨啖啖肉，啱晒我呢啲懶人唔使損骨，配埋自家調製的海南雞醬真係好好食，雞嘅份量適中唔算少但係碗飯有啲細，一個女仔食可能啱啱好，但係比朋友攞咗我1/3碗飯，我都唔係幾夠飽。套餐跟一碗冬瓜湯，味道就不過不失，餐牌雖然寫係雞湯，但雞味唔凸出，可能因為食完啲雞先飲湯。小食跟餐加$38嗌左一個黑椒扎肉，薄薄地都有6片，淡淡黑椒味彈牙有趙口，正常扎肉冇乜驚喜。另加多一個特色秘製炸薯餅。魚餅混合左啲香料同辣椒搞完再炸，所以就有啲辣，非常之嘢味啱晒我食。套餐加$10要咗杯凍美祿，一開頭擔心會好似出邊啲餐廳咁淡茂茂，但係個味竟然唔出奇地濃郁。整體來講呢間餐廳食物唔錯，但整體上價錢略高。

外賣自取，落單3樣野，俾得2樣，根本冇心檢查清楚有冇俾齊野客人。明白環保既重要性，但真係有需要外賣餐具，問都唔問下客人要唔要，想客人用手食嗎？真係估唔到買到甘既價錢但服務質素比一般茶餐廳更差。如果店舖真係唔夠人手就麻煩老細請返多點人，節省到人手，但俾客人留下劣印象，對貴連鎖餐廳既聲譽造成更深遠既壞影響。另外當時只係晚上7點半左右，竟然叫咩冇咩，冇肉骨茶，冇薏米水，而且幾乎樣樣小吃都冇。唯一叫到既豬肉串竟然執漏俾客人，真係無語。開得係POPCORN就應該預足食材，就算唔夠都應該清楚標明已“售罄”，唔好累客人一樣樣野食問，員工又只能一樣樣話冇，浪費大家時間。

今日加完班..返到將軍澳..諗住未試過…就試下啦招呼我入座就算..第一招呼入座時沒有說一聲掃QR code 落單..第二..侍應掛住傾計沒理客人…由於我拎住袋野放在枱面..遮住左個QR CODE..所以我舉手叫落單沒人理會…因為侍應掛住傾計…之後有位疑似新入職男侍應好好幫我落單…同埋話比我知係自助下單我係叫了海南雞飯+小食雞奕尖+熱奶茶男侍應落錯左小食變左小食併盤…其實落錯唔緊要…可以問下個客人…要唔要架嘛…點知上菜個位女侍應..語氣態度極差…走去收銀位拎張單就話我係叫左呢D…完全怪客人錯….完全成肚氣….就算客人真的自己自助下單落錯左…係咪可以態度咁差真的好想知道呢位師奶侍人係咪從來都冇做錯野呢⋯⋯第一次幫襯就遇到咁既服務…真的不會再幫襯

開張左幾個月，終於抽到時間落嚟食，閒日中午12點落嚟，等幾張飛就有位，都算好快，有卡位坐，空間感同坐位尚算不錯。嚟到當然叫海南雞飯同喇沙啦，海南雞無骨啖啖肉，無雪味，處理得唔錯。喇沙可以再辣翻少少，咁個湯底就無得頂。店舖有機器人送餐，佢出嚟送餐吸引到好多大人細路仔望住佢，感覺幾有趣😂😂

-亞參去骨海南雞飯-$90因為雞髀位另外加錢，所以冇加但佢嘅雞都一樣好滑，點㙕醬汁食好惹味，可以食到成碗飯！但價錢貴咗啲-斑蘭咖央多士-$26其實搽上斑蘭醬已經冇得輸，仲有一大塊牛油，開頭以為好肥膩，但又好夾，無好漏嘅感覺，多士好脆，呢個小食好值得再叫！平時經過呢間都好多人，原來咁出名，除咗雞飯，其他都幾抵嘅

今日中午堂食，已經用電話落單，叫侍應攞杯水攞個碗都要要三四次才有。另外，有些餸菜小抄要12:00先有，但係系統要12:30先可以落單，係咁同侍應講都冇人理我！其實餐廳味道同價錢都還好，但服務就差到一個點！其實我唔介意俾多10％服務費，希望可以得到應有的服務。除非餐廳可以全自動化，否則人是很重要的。今時今日，咁的服務真係不可接受。明明想叫多啲餸，但因為系統遲遲都未可以點餸，結果都冇心機食la! 同職員講冇反應，真係一吐氣！感覺好似唔想做生意！希望管理層看到可以改善一下。

今晚第一次幫襯亜參雞飯，叫咗個海南雞飯、咖喱豬扒飯、幾個小食，以為賣咁嘅價錢嘅海南雞飯應該都唔會差啩，點知嚟到睇落都覺得麻麻，碗油飯完全無光澤，碟雞亦都唔靚，食落完全無雞味，質地又唔夠滑，連碗湯都唔熱㗎，咖喱豬扒飯亦唔掂，㗎喱得個辣字，唔夠香，得三件細碼嘅豬扒，完全失望！

之前已經有聽過亞參既海南雞飯好正每次經過見到都有人排緊隊，今日終於有機會去食星期五晚7點半左右去到都要排隊，等左20分鐘左右入座🍛亞參去骨海南雞飯、配雞香飯及清雞湯（$88）海南雞冇想像中咁好食🙃因為期望佢係好嫩滑好林，但反而有啲韌三款秘製醬汁包括酸辣醬，薑蓉同甜豉油個人中意點酸辣醬，好開胃😀雞香飯就好香，粒粒分明🍱小食拼盤（亞參豬手、雞翼尖、黑椒札肉）（$48）小食拼盤原先冇乜期望，但反而有驚喜😍全餐飯最好食我覺得係亞參豬手👍超級入味而且好軟林，豬皮亦都入口即溶🥳連平時唔中意食豬皮既我都大讚😋😋另外兩款就冇咩特別，我覺得可以單叫豬手仲正🍞班蘭咖央多士 4件（$26）多士好香脆，就算唔係即刻食個包都仲係脆既班蘭咖央味唔係好出，可能俾牛油味蓋過左啲味🍹香茅薄荷特飲（$28、跟餐+$10）我覺得飲品反而比野食出色😉呢杯香茅味非常特出，好香好好飲🤗☕馬來拉茶（$25）拉茶亦都十分推介，好香濃幼滑😍拍得住港式茶餐廳既奶茶😛

由開業第一日等到今天才可以真正幫襯下，因為剛巧不用排隊，所以可以直入去餐廳😁這裡主打食雞飯，當然一定要試吓啦，HKD88/份，而且加$10，可以包一杯drink !包括薏米水😁我以為是機械人送餐，但仍然是侍應送餐，有少少失望，可能order 小食才會這樣安排！雞的份量比一般多，但肉質不太嫩，可能全雞胸肉😂另外order 了星洲炒飯，WOW !超級香及好味，口感一流（有蟹、有蝦提子乾、有雞肉有雞蛋及豬肉鬆），非常豐富！

將軍澳有唔少東南亞菜餐廳，普遍都勁貴八九十蚊，呢晚行咗勁耐都無野睇得啱，價錢都太離地，最後行到攰就求其買呢間成日經過既餐廳。雖然話海南雞飯最出名，但一向興趣唔大，就叫咗份馬來咖喱豬扒飯外賣。之前食過另一間分店個咖喱牛腩撈麵，覺得咖喱係做得幾惹味、只係份量細，所以本身冇乜期望，結果買到返黎，發現今次嗌飯個份量都唔錯，比想像中好；咖喱夠香濃，一貫水準；豬扒一開始食落仲以為係雞，整到個樣唔似豬扒，味道好一般，總結係得個咖喱值得表揚，價錢平返d會更理想。

今日夜晚去咗亞參雞飯食 ，一間提供星加坡賽馬來西亞菜嘅餐廳 ，叫咗招牌海南雞飯、雞絲湯河同埋喇沙麵， 佢哋話由於order太多，先嚟咗個招牌海南雞飯，差唔多食完先至再嚟雞絲湯河同埋碗喇沙麵，由於上菜時間相隔較耐，係呢度扣咗一啲分數，但係服務員嘅服務整體上都幾有禮貌，呢度又可以加啲分；至於食物嘅質素同埋味道，招牌海南雞飯唔錯幾好食，正正常常同出面啲海南雞飯差唔多；雞絲湯河嘅湯底味道係唔差，不過成本嘢雞絲得嗰幾條，再加埋幾條扎肉，好肚餓嘅就一定唔飽，畀咁嘅價錢亦唔係咁抵 ；喇沙麵就係三款餸裏面最差嘅一款， 裏面除咗有兩條薄蝦片之外加幾條蔥咁幼嘅菜， 真係搵唔到有其他材料喺裏面， 喇沙湯底太辣，沒有椰香嘅味道，性價比一定最差。 呢間嘢咁多分店，但係食物質素較為參差。

咁大間集團經營的亞參，叫什麼都話冇，都唔知有什麼可以叫。我第一次嚟想嘗試吓，點知叫什麼就什麼都冇我只係想叫雞絲湯河及意米水。點知都係冇。咁就唔好放係menu到。最終我叫咗蝦湯麵及檸水，但係碗湯蝦麵非常之油。同時服務態度差。一個人食要等好耐又唔係冇位。食咗放喺枱上食物，唔出聲問就取走。這是什麼服務態度。有客人問佢問題可以唔回應。舉手叫嘢食，可以見到當睇唔到，唔知是否公司要求一個範圍只可以指定waiter才可落單。

午餐入座冇同客講有限時。入座大約十五分鐘因為要等小朋友放學嗰位帶位嘅四眼哥哥就走埋嚟同你講你仲有90分鐘咋喎你好叫嘢食啦……我等陣先啦未到呀轉頭又走埋嚟同你講第二次你冇乜時間食嘢㗎喎你好落單㗎喎好啦小朋友放學未到都落單先。食食吓又走埋嚟第三次你夠鐘啦喎要起身出面排隊等位…… 咁唔想做唔好做…… 😡😡 服務評分我簡直係想畀 ……負10粒星囉但係你嗰度一定要我撳一粒冇辦法……！