亞參雞飯 (已搬遷) 新店位置

今日經過旺角見到有間南洋嘢食一心就想去試下 原本都預佢貴唔會係平嘢一坐低見到個menu先發現選擇唔多原本想試試海南雞飯 但係見到咖哩雞飯個menu賣相唔錯最後order左一碟咖哩雞飯呢碟咖哩雞飯要成75蚊成碟嘢得一件雞踭其他都係薯仔同雞皮完全食白飯覺得超唔抵 好似俾人呃左係咪呢間連鎖店的餐廳的標準份量？本人忠勸各位如果想去試的朋友仔真係要唸清楚唔好嘥時間 嘥錢 唔係附近無嘢食都唔好揀試左第一次 都應該係最後一次

本身想食蘇媽，但係人多到完全唔想排，行行下見到有間係食同款野，就走左落去地底探個究竟，見到都差唔多全場爆滿就入去一試😲唔係依家打文，都無留意係有咁多間分店🙈同埋唔睇都唔知有咁多劣評，但係我覺得我今次叫既整體又冇人地講到咁差，幫佢平反下先😩▪️ 馬來斑蘭咖央多士（7.5/10）💲+38/2款 (追加)；22每次係餐廳見到呢個我多數都會點，呢道小食有驚喜喎😍唔好睇個方包好似普通咁，個多士係烘得熱辣辣脆身㗎😈微微既斑蘭味，帶有陣陣香甜咖央，夾埋塊牛油，內餡好快進入半溶狀態，入口超級邪惡🧈▪️ 特色秘製炸魚餅（6/10）💲+38/2款 (追加)；28 呢個相對地就真係一般般，本身鍾意香茅味既我都覺得過份濃味，而且又偏辣，感覺重口味同埋太油膩，蘸上酸辣醬會好少少，不過食一舊都已經有突👉🏻👈🏻▪️ 新加坡喇沙米線（7/10）💲80個碗好大直情好似二人碗咁，喇沙湯底會有沙嗲同埋椰香，濃郁得黎感覺又唔會太辣或者過膩，而且有蝦、好多切條狀既魚片、雞蛋、豆腐卜、芽菜、通菜，食落都係普通餸但算足料，米線亦彈牙但份量就無預期中咁多🍜▪️ 馬來拉茶（7/10）💲+10 (追加)；25馬來拉茶會有陣陣奶茶香，飲落都唔會太

由於今日早上食得太豐富。。晚上就想試吓旺角呢間海南雞。。。落到去其實好少位。。。而且座位又比較擠迫。。。我哋就先點一個海南雞飯🐔再點馬來咖喱雞撈麵。。。最後加多一個馬拉盞通菜🌱🌱。。。好快海南雞🐔就上枱。。。賣相睇落都唔錯。。無骨海南雞好滑。。呢個$88值得食。。。不過另一個馬來咖喱雞撈麵就麻麻哋啦。。。咖喱雞🐔炆得比較淋有點散。。所以口感差。。75實在唔值🙅🏻‍♀️🙅🏻‍♀️🙅🏻‍♀️。。另外最後嗰碟馬拉盞通菜唔好食灼得好硬。。試過便算。。。應該唔會下一次🙅🏻‍♀️🙅🏻‍♀️

很多時候都找不到一家好吃的海南雞，最近這家亞參雞飯在旺角開分店，門口標榜「尋覓99分海南雞飯」，今日一於約同事去試試。這家店舖在雅蘭中心地庫，裡面不算大由於新舖裝修新淨，卡位舒服。🥢亞參去骨海南雞飯 $88要海南雞飯就唔好怕肥，一定要配雞油飯先夠過癮，雞油飯用浸雞的雞湯煮成，淡淡都有雞香，粒粒絲苗香米零舍滿足，海南雞色澤金黃不錯喎，口感係皮爽肉嫩，非常滿足😋👏🥢新加坡喇沙米線 $80同事的午餐，我都有試了一碗仔，椰汁夠味香咖哩味夠濃，米線爽滑可口，不過同餐牌相片比較，有點圖片只供參考感覺。🤣🥢跟餐加小食二款扎肉同魚餅，味道正常抵食嘅！餐牌

疫情肆虐，有得堂食好快啲食多餐。之前食過亞參覺得質素幾好，見到旺角開咗又有返堂食，梗係去試下。未坐低已經打左個突，成張凳都係食物碎，目測有4到5達，污糟邋遢過茶記。坐低叫嘢食算啦，移一移餐牌，又幾達嘢食積。喂，搞咩？唔係新開架咩。講返嘢食，個通菜好老，但蝦麵幾好食又冇口乾。但個衛生環境咁惡劣，真係冇乜胃口，而家仲係非常時期。另外坐到就走先比杯水😅咩玩法？而家啲連鎖餐廳咁雞，點搞？做臭自己個朵，我唔敢再去食啦。

因為沒有堂食，唯有食外賣，無乜選擇之餘, 諗住食大眾食堂大家樂海南雞飯, 途經雅蘭山東街一間“亞參”馬來亞餐廳, 標榜正宗馬來食品, 圖片吸引下, 買咗兩個餐, 唔平....二百幾蚊, 一個所謂招牌海南雞飯餐, 一個招牌喇沙米線, 一個怡保牙菜, 一杯凍拉茶, 一杯凍檸茶.....就係咁多, 向來睇價值多過睇價錢嘅我, 一心同朋友來個“精美外賣”晚餐, 在旺角綜合大樓商場天橋用餐, 路程只需5分鐘....無錯....係5分鐘‼️ 肚子合奏交響樂嘅我, 已經急不及待, 基本上可以飢不擇食。單看外觀三重包裝, 看不清內含, 貌算合格。誰不知, 打開才是惡夢開始.....喇沙湯米, 室溫, 朋友說味度一般, 芽菜用小飯碗裝住, 有啲醬, 草腥味, 檸茶混濁澀味似用水溝, 我嘅海南雞飯才驚嚇‼️......感覺係用後巷執黎嘅白色爛紙盒, 又濕又霉, 一盒兩格(雞同飯), 雞凍食就算, 但係點可以滑汕汕, 冧pat pat, 仲有唔知係乜野嘅汁定水浸住, 咬落去唔好講雞味....連肉嘅感覺都無...只係一浸流出嘅雪水同雪味...啲飯冷冰冰似豬餿...味道似食緊塊無洗嘅抹碗布, 搞乜‼️ 第一啖吞咗🥵.

中午時段經過，見到e間海南雞飯，門口有人派優惠卷，所以落去試下。 叫左個海南雞飯，加柑桔特飲，吾夠五分鐘就送到我面前，我心諗咁快就有，吾會好食得去邊，點知出乎意料，海南雞有雞味，雞ok嫩滑，油飯都ok，雞湯ok好飲，但係柑桔特飲都幾酸下，吾建議飲吾到酸既人叫，總括而言，值得88蚊價錢，可以試下。 臨走前，見到有下午茶餐牌，$38雞絲河包嘢飲，好似幾抵食，下次會嚟試下。但係下午茶餐牌得一款嘢食，太過少。

同事之前路過拿了幾張送飲品的優惠券這天就一同叫了這家外賣午餐海南雞飯 $89正常的配搭有跟湯和三款醬汁味道可以 雞肉尚算嫩滑 搭配一堆雞皮😓對比價錢不算出色送的飲品是薄荷香茅特飲好甜的糖水 喝不到香茅味 差！這個時勢沒有午市套餐如果沒拿到優惠卷89只有一個普通的海南雞飯絕不會再幫襯有優惠卷都要再諗諗 因為不太值 而且好難飲😅

下午茶時段路過，見樓上的越南餐廳冇下午茶餐，正走人之際見到阿姐在門口派傳單話地庫有茶餐，於是去試吓！但見有人排隊，大約等了20分鐘有卡位😙！下午茶雞絲湯河加埋飲品＄38，和朋友即叫！再加了＄38叫了兩個小吃，就係咖吔多士和豬肉串！湯粉份量和味道正常，喜歡有埋菜，好味，如再加多d雞肉會更好！多士好味好脆，豬肉串就一般，較油！點了薏米水，好多薏米吖！幾好呀⋯⋯不太甜又健康！還有其他的飲品可選，侍應態度幾好，仲要不加一！希望下次除了雞河外，還有其他粉麪選擇吖！🥳