亞參雞飯 (已搬遷) 新店位置

今日去旺角食馬來西亞星加坡菜，亞參雞飯，餐廳鄰近地鐵站，交通便利。打開餐牌，食物種類選擇非常多，十分吸引。一睇餐廳名，就知道佢係主打海南雞飯。-亞參去骨海南雞飯見到餐牌寫住，尋覓99分的海南雞飯，非常期待。雞肉肉味濃郁，肉質嫩滑，配上三種秘製醬汁，包括有甜醬油，薑蓉及酸辣汁，非常正宗。油飯亦處理得非常出色，食得出用上香茅雞湯一起去烹調，味道濃郁。整個配搭絕對稱得上99分。-新加坡喇沙米線湯底煮得濃厚鮮甜，配料非常豐富，包括有大蝦，魚片，仲有豆卜完全吸收喇沙嘅精華，額外的好味。微微的辣味，更加帶出整個喇沙的鮮味。-班蘭咖央多士斑斕味好突出，多士夠脆口，加上牛油半溶化狀態，人間美食。-評分 : 7/10

今日喺旺角行街行完之後要搵地方醫肚見到呢間亞參雞飯，主要食東南亞嘢星馬菜，試吓新口味平時少機會食。見到佢晚市價錢唔係特別貴，首先要左兩款小食，一款係馬來咖咉多士，呢款小食要趁熱辣辣食咗先，因為佢多士烘到香脆，之後中間夾住厚切牛油同埋咖咉醬，麵包嘅熱力會整到中間嘅餡料半溶狀態，一啖咬落去層次好豐富。另一款係脆蝦餅，呢款蝦餅唔同平時我哋食開嘅泰式炸蝦餅，佢係直接好似用緊蝦膠整成嘅蝦餅，所以肉質比較彈牙，好食！主菜係海南雞飯，佢會跟個雞湯。呢款海南雞係屬於新加坡嗰隻，所以會有三種醬。一個係辣醬，一個係黑豉油，同一個係薑蓉。雞肉都會比較嫩滑，採用文東雞，啖啖肉，精粹係配上油飯，惹味很多。另一款係明爐酸辣亞參魚，魚大大條，唔會好多碎骨，魚肉分明，容易進食。佢上面有好多番茄香洋蔥等，食落酸酸甜甜好開胃，用來配飯一流。另外兩杯嘢飲，柑桔特飲同薄荷特飲，夠哂清爽解膩！

今日到旺角吃午餐，在Youtube看到介紹海南雞飯就去試一下，這間餐廳在地庫，地方唔算大，座位唔多。但食物質素唔錯，海南雞飯的雞好好味，油飯和湯就一般，另外叫了一個下午茶餐，雞絲河粉OK，份量大，加多兩個小食，蝦餅和沙嗲豬肉都好食，飲品方面，南洋咖啡比較甜和奶味重。另一杯就比較正常。

亞參雞飯 (旺角)旺角彌敦道639號雅蘭中心地庫B102號舖天氣凍凍地，好想食啲熱嘢，就諗起亞參雞飯嘅亞參魚呀！路過見到依間雅蘭分店正有三周年優惠，海南雞飯都係$79咋！亞參魚都係$88 ，唔使$100.1個晚餐喺旺角依個鬧區點樣再搵到呀！於是我就同朋友直接落去啦，好好彩我哋當時攞咗舖頭嘅最後一張枱，唔駛等位直接有得食！坐低冇耐店員就送上一個QR code俾我哋落單，自助落單方便快捷，亦都方便統計價錢等自己埋單嗰陣就唔會有失預算啦！原來叫主菜仲可以加$39有兩款小食或者加$57有三款小食，我哋加咗兩款，叫咗咖咉多士同埋手作炸蝦餅，嘢飲方便嘅都可以加$10就有，我哋叫咗一杯凍嘅薏米水一杯熱嘅薏米水！ 我好鍾意依度嘅薏米水啊，因為佢哋嘅薏米水帶有少少薑味，好啱而家凍凍地軀寒用，亦都好健康！咖咉多士材料好豐富，其實勁似我哋港式菠蘿油，厚厚嘅牛油夾喺中間，熱熱嘅多士內有少少凍嘅牛油同咖呋醬，超級好味😋手作蝦餅剛剛炸起，多蝦肉又彈牙！ 簡直係comfort food! 主菜方面，我就鐘意亞參魚多少少，上菜時係連爐上，店員就喺你面前點火，夠哂氣派！ 湯底酸酸甜甜好香好味！亞參雞飯我地叫咗油飯，雞件

在雅蘭見到 亞參雞飯 有個優惠勁抵食仲要免加一，我哋2人就決定試吓第一次去這間落地庫，沒想到已滿座，等一陣就入座，2人$334食得勁飽都不錯明爐酸辣 亞參魚 $88原條仲要加碗白飯點會唔食，魚質不錯好會散晒，湯汁酸得來帶點香辣，混白飯一流，有火煲一煲所以差不多全程都夠熱，令到配菜都入味海南雞飯 油飯口感不錯，粒粒分明有少許油感我幾鐘意食，雞肉幾嫩滑啖啖肉。清雞湯味濃入面配菜不少整體清甜好味，不過我就覺得不夠熱馬來班蘭 咖央多士 ，勁脆口唔會好燶的感覺，入面醬不少再加牛油好香又滑口，不過我就覺得醬甜咗少少香烤豬肉串有３串，這嗰有意外幾好食，豬肉味幾濃又不會好硬，啖啖肉，味道都夠不用醬都可以，仲有些微酸菜都幾開胃飲品 南洋咖啡 ，幾濃味不太甜，咖啡味幾重細細杯夠飲。美綠的朱古力味不錯，如果濃度再濃點就仲好飲

今日同同事喺旺角做完野已經兩點，就黎左亞參食野，呢度雖然唔係雅蘭正門地庫，不過好易搵，門口唔大，不過餐廳又入面座位闊落，都坐得舒服，店員都親切好客。出名大胃王既同事仲要超肚餓，所以叫左兩個餐，再加個多士同蝦餅。最後，食好多野既佢都食唔晒。亞參去骨海南雞飯跟清雞湯-暫時係我食過最其中一間好食既海南雞飯，雖然比出而既貴啲，但係值既，雞滑夠味，點唔點醬都好味，仲有個湯都好好飲。明爐酸辣亞參魚-熱辣辣明爐原條䱽魚，條魚完全唔腥，肥美新鮮又夠滑，再配埋湯底有蕃茄，秋葵同圓茄子，超足料，酸酸地開胃惹味，同事食左餸一大碗飯。班蘭咖吔多士-用左麥包再夾住咖吔同厚牛油，麥包一啲都唔鞋，同事差啲未影相就放左落口，唔使講都知好味。香煎手作蝦餅-一共有三件，蝦餅煎到金黃色，爽口彈牙重蝦味，唔點醬已經好好味。馬來拉茶/ 南洋咖啡-我本身唔飲拉茶，同事話夠濃夠滑，而南洋咖啡☕️就香濃得黎唔會苦。

我平時都好鍾意食海南雞飯，最近發現「亞參雞飯」開咗好多間分店⋯咁啱約咗朋友出旺角，見到雅蘭亦有分店，今晚就食海南雞啦！亞參去骨海南雞飯雞肉皮爽肉滑、肥瘦均勻、有嚼勁，肉味濃郁且已去骨，方便食用；配上黑醬油、辣椒醬、薑蓉，開胃之餘，更令雞肉味道層次更加豐富！油飯香而不膩，好食到平時對飯無興趣嘅我都可以食晒成碗飯！呢個海南雞飯絕對對得起「尋覓 99分海南雞飯」稱號⋯新加坡肉骨茶相比起馬來西亞肉骨茶，我更鍾意新加坡肉骨茶！新加坡肉骨茶特色係顏色較淺，胡椒味較重，呢排天氣凍凍地，食完個身暖笠笠，非常推介！略嫌排骨份量較少，只有兩嚿，如果多一嚿就更好喇！香煎手作蝦餅新鮮熱辣，即叫即煎！蝦餅鮮味彈牙，有驚喜！推介！班蘭咖吔多士多士烘得鬆脆，咖吔醬配上薄牛油，風味層次則更上一層樓⋯以班蘭咖吔多士作結，真係非常滿足！馬來拉茶質地濃厚，飲起來特別順滑！薏米水好足料！而且味道清甜，好好飲。好彩我哋早入座，當我哋食完離開時，出面已經排晒隊🤭

海南雞飯周圍都有得食而呢間又有好多報導仲話「尋覓99分海南雞飯」相信係對自己出品好有自信先會咁講咁就試試佢個飯一上枱第一個感覺係好整齊視覺上係舒適嘅雞係三黃雞份量亦唔少 都有兩層而且都有大塊嘅肉👍油飯都好香 粒粒分明亦都幾煙靭連唔係好食飯嘅朋友都想另外叫一碗湯又出奇地唔係hea竟然有啲冬瓜粒同草菇口感豐富 唔錯咖央多士都好好 有少少檸檬香 多士脆脆地唔太食麵包嘅朋友都食左兩件蝦餅彈牙見到有蝦肉唔係成舊麵粉嗰啲明爐酸辣亞參魚個味調得唔錯酸味適中 仲有配到秋葵同矮瓜不過個火唔知點解好快就燒完如果可以keep耐啲就更加好嘢飲都值得一讚薏米水甜度都剛好亦有唔少薏米香茅薄荷嘢飲夠香茅味仲有一條香茅好似飲管咁餐廳原來仲有榴槤甜品照顧周到

#fafafoodblog旺角 #fafafoodblog新加坡菜🍴亞參去骨海南雞飯加清湯119 特價79 蚊🐥海南雞主要係雞胸同雞脾 肉質彈牙 皮夠嫩滑 有薑蓉 甜豉油同酸辣汁 雞湯好香濃雞味 肥而不膩 有蘑菇同冬瓜配襯 油飯雞油味香夠軟熟 🍚 同雞食好 match 🍴班蘭咖吔多士 27 蚊🍞多士塊包係啡色類似麥包嗰類 包皮比較香脆 有大大塊牛油 咖吔汁夠甜 同香脆包同牛油好 match 🍴香煎手作蝦餅43 蚊🦐蝦餅煎得好夠香脆。蝦肉足 蝦膠好彈牙 好味 🍴凍美祿 25 蚊美祿最緊要多粉 夠濃味 佢夠😂🍴熱薏米水 25蚊好足料好多薏米 甜度夠 帶 d薑味幾驅寒 🍴明爐酸辣亞參魚148 特價88 蚊🐟用明火煮住 外表幾靚 有 d似泰國酸菜魚 湯底可以飲 香茅辣椒蕃茄香葱 夠入味 , 魚夠大條夠厚肉 魚味濃 要黎撈飯好味#新加坡菜 #亞參魚 #海南雞飯 #美祿 #班蘭 #多士 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻

星期日下午見肚餓去返之前試過海南雞飯尚算ok ，今天試試咖哩雞飯，咖哩偏鹹，雞肉好鞋，十分難食，呢個價錢性價比好低！店員服務真的嚇親人，由入門口已經好似自助式咁，不會再來

環境舒適，味道失色，職員服務嚇到我無面無血色（青晒），啲職員個個都死氣沈沈，郁都唔想郁，係個男職員正常返少少，嗰幾個阿姐，我得罪咗你咩，我哋坐低時你又唔提我哋掃Qcode落單，行多幾步埋嚟我哋張枱講唔得，個送餐機械人勤力過你，入門口掃針咭部機hang機，話比你知，你就係咁係櫃枱叫我哋放低啲放低啲。海南雞飯套餐$90，雞的確係好滑，但醬汁無咩味，個湯好油。肉骨茶套餐$86，有兩嚿骨，一字排骨，好腍，有幾塊豆卜，胡椒味好勁，湯好濃，好搶口，涸喉，唔好飲，唔香，呢個餐男人實食唔飽。馬拉盞炒通菜$38，就咁係普通清炒，一啲馬來風味都無。

呢間亞參已好幾次系唔同區發現🧐，招牌菜：「海南雞飯」，今日先有機會探店食個午飯，睇menu+店內宣傳極推薦海南雞飯，當然要來試下招牌菜既勵害，重點因多區都有，岩口味就幾時都易嘆番個lunch/tea，要食番都容易👏🏻😆❤️新加坡喇沙米線❤️喇沙系落單時起初都驚會唔會過辣，上枱顏色偏橙既喇沙，面頭幾款配料時唔記得怕辣心情，流晒口水🤤🤤，而聞到椰香味既喇沙食落發現系舒服既溫辣😚😍，湯底入味得尼唔會過濃，米線就算唔系配湯一齊擺入口都食到米線吸晒湯底味，湯底亦正都可以就咁飲，入面有半隻半生熟蛋、蝦🦐、丸類條狀食品都幾爽口，有d似韓式魚腐既味道❤️亞參去骨海南雞飯❤️跟餐來既時候仲會配搭一碗跟餐雞湯，味道清甜淡鮮雞味，雞肉要大讚細心所有骨都已經去晒🥰🥰，而且雞肉堅滑嫩，配埋撈左雞油既海南雞飯，飯粒分明外，小小微咸+鮮雞香味道，就咁食已好好味😋😋，如果鐘意配汁醬的話，可以系味架碟到選擇配薑蓉/酸醋/雞汁，整個海南雞飯系出色，價錢合理，食到一飯不漏！❤️鳳尾蝦春卷❤️裡面系晶透兼爽身既蝦，外皮類似米紙炸出既網狀米紙包實蝦肉，蝦🦐保持到原味+口感，雖然其他鋪都遇到過呢類食飯，唔系好特別既新菜色，但配搭泰式辣醬食呢

今日同老婆行街見到依間寫住「尋覓99分海南雞飯」，於是就入左黎食～叫左兩份海南雞飯同一份馬來斑斕咖央多士～海南雞飯黎到時第一眼已經覺得好靚，食落去，D海南雞好嫩滑，無骨之餘仲好有味道🤤，個油飯做到油份適中，唔會太乾同太油，而仲有個清雞湯，係真係雞湯味，並不是普通既味精湯👍到咖央多士，就咁睇好似冇咩特別，但一口咬落去，係好脆，仲要入面既醬汁爆入口內，簡直係正，多士內層唔會因為有醬汁而淋晒，係真正既外脆內都脆吖😍😍😍😍

行街行到餓餓地，誤打誤撞行咗入呢間入口非常隱蔽嘅餐廳，仲食咗個十分抵嘅雞絲湯河做下午茶餐。喺雅蘭中心呢個旺角比較黃金嘅地段，38蚊真係好實惠。不過餐廳嘅下午茶餐亦只有雞肉湯河呢一個選擇，仲會隨餐附贈餐飲一杯，今次我就飲熱檸檬薏米水。味道方面，雖然湯底望睇去好黃好濃咁，但其實湯底比較淡，冇咩雞嘅鮮味，所以配埋河粉味道都係十分一般。雞肉都係冇鮮味嘅雪藏雞味，所以整體成碗粉都係冇咩鮮味，好一般。如果只求填飽肚就可以，但想追求味覺享受就唔推薦。最好味嘅我覺得係杯薏米水，甜甜地，入面好多薏米，比足料，啱曬濕重嘅香港人。不過值得一提嘅係，佢嘅餐具有污積，我抹咗好耐先乾淨，怕污糟嘅朋友要注意。整體黎講，由味道到用餐環境我都唔會再encore呢間嘢。

今日出去旺角做嘢，做到勁忙勁肚餓唔經唔覺到下午茶時間🥲🥲經過亞參就入去食呢度下午茶好抵，下午茶雞絲河 $38 包飲品我就叫咗個雞絲湯，肚餓都食咗一半先至影相😂幾鍾意呢就個湯清清地甜甜地，仲好有雞味，而且河粉都仲有啲彈性🥲🥲🥲簡直係雪中送炭嘅感覺額外三款小食$55由於我真係太過肚餓，所以就一口氣加咗三個小息，最鍾意食多士，有牛油同咖咉另外嗰張佢幾句都做得好好，好脆口個腸仔都做得唔錯$55來講真係冇嘢可以挑剔