亞參雞飯 (利舞臺廣場)

营业中

休息中

外賣等成30分鐘，廚房只處理堂食及外賣平台，我買成隻海南雞要斬，所以一路都唔處理，外買單如果你叫海南雞飯出單9分鐘已經可以取外賣，㕑房因應自己喜好而決定出歺先後決定，要幫襯只係可以叫斬好咗嘅雞我強烈建議不幫襯

星期日黎食晚餐唔洗等位我地係比餐牌既炒蜆、烤魚吸引黎食點知原來餐牌上所有海鮮都冇最後四個人一人叫左一個餐海南雞飯最好食雞多過飯喇沙米線非常濃米線略為少左啲啲但料係多既咖哩豬扒飯又係餸多過飯所以食到尾會剩左半碟豬扒如果飯多返少少會更好三樣主食都不錯飲品兩杯特飲都太濃太酸喇重手左熱飲美綠就細杯得過份小食好一般唔多介紹整體黎講都好食既但希望餐廳控制份量分面會有所改善

其實都唔係第一次嚟清貨，但就係每次食完都想encore🤤。🪑環境偏向南洋風味，位與位之間有一定嘅空間，唔會太迫夾，整體尚算舒適。🍽️亞參無骨海南雞飯 ($91)雞肉嘅部分，真係無得輸，嫩滑得嚟又保留咗雞肉嘅原味，每一啖都好滋味。佢哋用嘅係三黃雞，用雞骨熬成嘅湯浸煮，令到雞肉更加鮮美。雞湯亦尚算香甜，可以補充雞肉嘅味道。🍚油飯用咗金鳳米，同雞湯煨煮，米粒吸滿咗湯汁，每一啖都飽含雞湯嘅香味，幾惹味，即使係油飯都唔會太油膩。🥃馬來拉茶味道香濃，有種去咗東南亞嘅感覺，適合搭配海南雞飯食。總括嚟講，亞參無骨海南雞飯喺味道同質素上都好出色，如果鍾意嘗試新口味嘅海南雞飯，呢間絕對係一個入門好選擇。

唔算好餓，所以同朋友叫咗一個主食，再加$27多兩個小食share咁。肉骨茶胡椒味重，一字骨大概有5、6件，唔洗牙力，d肉都甩到出嚟，幾淋。朋友唔食得辣所以冇落醬料中間嘅辣椒，但左邊嘅汁都幾辣下。右邊甜醬油點骨送飯唔錯。其中一樣小食 豬肉棒，唔dry，唔點佢個沙茶醬都ok。咖央多就食得多，但南洋包就第一次食，幾有趣。 包底微甜，上面有dd甜嘅醬同椰絲，但唔會話好甜。 原本仲諗住個牛油溶都唔溶唔係好得wo，不過食落原來佢係半溶狀態，唔錯。

首先我想批評佢嘅服務，我下午茶時間去食，好多人排隊，明明我得一個人，唔知點解要俾咗後面兩個人嘅入去先😳之後佢問完我得一個人，但係又俾咗後面排隊嘅一個人入去先，安排十分混亂。仲要入到去一路都冇人拎餐牌同埋落單張二維碼都冇開俾我，要我叫佢先知冇開，唔係應該一入坐就應該開單先架咩🙁之後杯嘢飲又嚟錯😞食物方面，我嗌嘅係咖喱豬扒撈麵，有四年豬扒，其中有三件都係好柴好乾，另外嗰一塊係正常嘅🤯我貪佢平$48下午茶先嚟食，真係唔會有下次😤

去開銅鑼灣Muji就喺利舞臺呢邊食嘢，當時要排隊，等咗15分鐘先至入座。自助下單，冇乜服務可言，但係上菜態度都唔係好得，黑口黑面咁。個海南雞飯仲要唔平，記得好似90幾蚊，見佢話自己可能係最好食嘅海南雞飯就試吓。油飯太乾、同埋冇乜雞油味。例湯冇咩特別。個雞賣相十分一般，但係味道其實唔錯嘅，冇乜冰鮮味，啲肉都嫩滑。但係呢個價錢呢個服務態度，真係唔係好想嚟多一次。屋企人叫咗個喇沙，超多紫洋蔥，係我唔鍾意嘅味道。

是日黃雨打算外賣返公司食，係鋪頭外面外賣機落單，等成10幾分鐘都未出單。詢問下才知道廚房接單機壞左接唔到外賣機嘅單，所有服務員都冇人打算講解下我聽咩事及表明有冇幫我重新落單或催單，最後只有一個服務員同我講催緊。1330左右有服務員拎單出來隨手放係檯面就走去招呼堂食客，單no.又唔讀出聲提醒攞單，如果唔係本人心急拎飯自行留意又要再拖一段時間。午餐時間咁就過左，極度唔建議各位於此分店外賣，堂食可能服務好啲嘅，但外賣就收左錢先，之後貴客自理。

無食lunch，所以下午茶時間搵野食打算近近地試下呢間星馬風味無叫出名嘅海南雞飯（因為少貴）叫咗下午茶嘅咖喱雞飯，再加兩個小食點解叫兩個係因為佢無得加錢點1個一定要點兩個小食😂😂😂咖喱雞飯偏甜，似日式咖喱多過星馬式雞有炒過，都ok嘅，但無咩特別小食炸蝦好好味，一個人食又有啲多另一個肉腸食完成口油味，相當難食⋯基本上得炸蝦小食係好食嘅，個肉腸千祈唔好點，肉好肥又臭油味，食完都覺得罪過😂應該唔會再黎食🥲

去銅鑼利舞台行街買衫， 見到亞參快餐， 米入去試下， 超級中伏，早知去食泰國菜。星期日下午茶時段， 有下午茶餐及正餐。2人叫了馬來咖哩豬排飯$78豬排？ 以為係雞柳， 鞋到呢？薯仔多過豬排。 得3塊豬排仔， 薯仔就6／7粒。像食咖哩薯仔飯多d.$78完全唔抵。巴東牛肉滲滲， 蛋麵／米粉 $48+南洋咖啡巴東牛肉得3粒仔， 冇巴東風味， 像蚊牛腩， 有舊牛腩仲酸既， 即刻唔食， 怕食物變了。又麵又米粉好怪， 唔想食。南洋咖啡已加糖， 甜到糖水咁。總評。服務2分＞＞自助下單， 冇服務可言， 照單找錢都可找少$100。食物3分>>好差。 唔會再食。開係利舞台蹝晒個位。

最近去咗銅鑼灣嘅亞參雞飯食晚飯，亞參雞飯係一間專門食新加坡海南雞飯嘅餐廳。我哋叫咗亞參去骨海南雞飯（$91）、新加坡喇沙米線（$83）同埋馬拉盞通菜（$33）😋首先，真係要大力推薦亞參去骨海南雞飯呢道招牌菜！😂 雞肉嫩滑、多汁，肉質鮮嫩，咬口一流！雞油飯香而不膩，加埋點雞嘅醬汁，食落真係好好味，好滿足！👍再講下新加坡喇沙米線，湯底好香、又唔會太辣，十分之開胃！😍餐廳環境亦都好唔錯，服務又好好💕最後講下價錢，雖然唔係太平💰但都係以咁嘅quality嚟講算合理。如果你去開銅鑼灣，又想食新加坡菜，真係要去試下亞參雞飯！☺️

星期日悠悠閒閒落街食個下午茶😂人生一大樂事呢間餐廳下午茶去到17:30，當埋係晚飯架啦😊假日下午茶 $48#雞絲湯河💮估唔到份量好大碗，雞絲同河粉都好多🍜💮清雞湯因為用上大量雞骨熬製，所以係精華所在，雞味濃郁，非常滋味💮而雞絲好嫰滑又唔肥💮食唔晒碗河粉，要比埋男朋友包底😂#柑桔特飲💮柑桔味濃，甜甜酸酸💮開胃又潤喉，仲清甜解膩👍

位置銅鑼灣利舞台廣場，地點放便但在商的轉角位容易被忽略。餐廳主打無骨海南雞套餐$91～油飯和清雞湯一般，雞肉份量多但雞肉唔夠滑，應該唔係新鮮雞，整體味道不過不失，但性價比不高。咖喱牛腩撈麵$78，～咖喱味非常香濃，而不會太辣。牛腩炆得非常入味。👍🏻👍🏻馬拉盞通菜$33～通菜深綠色非常油潤，可惜比較淡口。怎麼我覺得有點兒像清水似烚菜！😅薏米水～薏米棉密，薑味濃郁。最適合冬天飲，喝了全身暖笠笠。

新加玻菜菜、馬來西亞菜、講真我都好少食，如果你問我食D咩，我都答你唔到，不過我好肯定話你知，星馬呢樣野背後學問高深，能夠拍得住中菜一樣咁多工序，一樣咁複雜，不如都係等我試完，我再比個答案你？👇📌尋 覓 99 分 海 南 雞 飯 - ▪️ 亞 參 去 骨 海 南 雞 飯 - $91▫️ 一定要食一個人氣招牌「亞參去骨海南雞飯」，佢地用既係三黃雞，所以肉質食起上黎比平時既更加滑溜，而油香加左炒香過既班蘭葉同埋香茅，食落係滲到陣陣既油香，另一亮點就係個冬瓜清雞湯，夠哂清甜，整體高質之作。📌馬 來 咖 哩 系 列 - ▪️ 馬 來 咖 哩 豬 扒 撈 麵 - $78▫️ 跟住呢個「馬來咖哩豬扒撈麵」亦有驚喜，份量算係幾多，咖哩香濃得黎配搭辣醬同埋花生碎，成件事好特別；而豬扒亦夠厚肉，口感鬆化軟綿，撈麵亦夠咬口，我幾鍾意。📌星 馬 小 食 -▪️ 班 蘭 咖 央 多 士 - $27  ▪️ 香 煎 手 作 蝦 餅 - $43/3件▫️ 小食方面一定要嗌「班蘭咖央多士」，多士夠薄脆，牛油同咖央比例岩岩好，兩者加埋口感夠順滑，但唔會太膩，仲帶淡淡椰香，好食；而「香煎手作蝦餅」雖然即叫即煎，要等少少時間，但值得既，

柑橘特飲正👍 酸酸甜甜，但係酸甜度都係啱啱好，好解膩。香茅薄荷特飲幾特別，似雪碧加咗香茅味😂海南雞飯個雞飯金黃色透住油光🤤 好吸引雞夠滑，不過個醬料我就一般，就咁食好食啲豬肉串似係烤得好香既腸仔，好食😋重點菜🌟明爐酸辣魚去亞泰菜餐廳最鍾意就係食明爐魚，成條魚上價錢百幾蚊好抵🥳 魚肉好滑，酸辣味唔係好重，應該大家都食到既辣度，送飯一流🫶是日最愛❤️大家黎到一定一定要嗌咖央多士，呢度係我食過最好食嘅咖央多，牛油同咖央分量搭配得岩岩好，多士又烘得脆脆地，超級滿足🥹

開到成行成市，今日終於去試咗啦。冇得去旅行，搞到近排都揀多咗東南亞嘅嘢食。諗住避開食飯時間，但係點知都係好多人，等咗大概幾分鐘好彩啱啱有一張枱。亞參去骨海南雞飯跟清雞湯 ($91) : 油飯同清雞湯就正正常常。呢個都係佢哋嘅招牌菜，見差唔多每枱都有叫，海南雞都幾滑，睇menu 見佢用咗三黃雞，所以$91都俾得過。新加坡肉骨茶($86): 諗到食新加坡或者馬來西亞菜，都係呢兩樣。自己好鍾意呢一個肉骨茶，唔算好大藥材味，反而加咗幾多白胡椒，飲完個人好暖！飲到去最後一啖會見到胡椒沉晒底嘅。一字骨有兩舊，而且豆卜好似係一大舊分開咗4份咁樣，如果份量再多少少嘅就好啦，不過湯底搭夠，而且上菜都夠熱。叫菜有得追加小食:1. 斑蘭咖央多士: 又一星馬菜必叫之選。自己都幾鍾意佢塊麵包，好似有少少阿華田味咁樣，同本身嘅咖央醬都幾夾，不過略嫌牛油唔夠分布平均，切開四份會有啲會少咗，唔夠喉。2. 香烤豬肉串：有三串，本身以為係類似泰國嗰啲成塊豬肉串埋，點知係自己手打嘅豬肉餅咁，配埋少少沙嗲醬又幾惹味。飲品就有凍南洋咖啡同香茅薄荷特飲，自己好鍾意後者，薄荷味好出，配上少少香茅嘅後勁呢種梳打最啱夏天飲，而且好有南