亞參雞飯 (利舞臺廣場)

营业中

休息中

今日放工同朋友去銅鑼灣食亞參雞飯，之前係青衣食過都唔錯，原來有好多分店之前食過喇沙麵好惹味，今次試吓出名既亞參海南雞飯海南雞飯嘅去骨海南雞都幾大碟，有成十幾件，而且雞肉嫩滑又唔肥，肉質新鮮唔會鞋。而佢個薑蓉有驚喜，食落有d似鹽焗雞既味，味道唔錯 。雞油飯都大碗，唔會太痴，粒粒分明，啖啖都有雞油香味。雞湯鮮甜，唔覺有加味精明爐酸辣亞參魚條魚似係黃立䱽，魚肉厚實鮮嫩，而湯底配菜有蕃茄、秋葵同茄子，酸酸辣辣，非常之惹味開胃馬來班蘭咖央多士咖央多士外層係烤過既麥包，入面有鮮牛油同果醬，外脆內軟，口感同味道都一流。 香煎手作蝦餅好薄既粉包住滿滿既蝦肉，好足料，點埋泰式辣醬，每口都係鮮蝦味，十分之好味抵食 馬來拉茶奶滑茶香，而且甜度適中，好岩我柑桔特飲幾大杯，中間有話梅，成杯野酸甜又消滯

約咗朋友嚟銅鑼灣一聚，順便一齊食晏。友人一向都好鍾意食星馬菜，所以今次就專登揀咗利舞臺廣場呢間「亞參雞飯」。餐廳主打揉合馬來西亞、新加坡地道風格嘅海南雞飯，另外亦有一系列東南亞特色美食，例如新加坡肉骨茶、檳城蝦麵、巴東牛肉、亞參豬手等供應。先嚟一客亞參去骨海南雞飯跟清雞湯，海南雞採用了廚師嚴選嘅三黃雞，食落肉質好嫩滑，肉汁豐腴，脂香濃郁，點埋個秘製三色醬，令味道更突出。油飯拌入了炒香嘅班蘭葉同香茅，再以雞湯煨煮，入口粒粒分明、煙韌軟糯。附上嘅冬瓜雞湯味道亦唔錯，標明無添加額外調味，清香又解膩。另外呢客新加坡肉骨茶亦非常正，湯底以白胡椒、多種藥材及香料熬製而成，入口先嚐到胡椒嘅辛辣感，然後係湯頭嘅醇厚，配上軟腍嘅豬肋一字骨同入味嘅豆卜，暖心又暖胃。香煎手作蝦餅，呢個蝦餅真係十級推介，以人手打成，咬開見到入面有唔少蝦膠同蝦肉，食落好有口感，鮮味彈牙，點少少泰式甜辣醬吃，更加惹味。班蘭咖央多士，多士烘得好脆口，入面夾住咖央醬同牛油，咖央醬嘅班蘭味頗突出，入口香軟又唔會過甜，味道有層次，食完好有滿足感。至於飲品就點咗柑桔特飲 同 馬來拉茶，柑桔特飲好 fresh 好清新，味道酸酸甜甜，潤喉又醒

約朋友晚飯去了銅鑼灣波斯富街99號利舞台廣場1樓102號舖亞參雞飯吃星加坡菜/馬來西亞菜，港鐵銅鑼灣站A出口，步行約5至6分鐘，交通非常方便。環境裝飾清新簡約自然，以淺米色和木器傢俱為主，店內面積很大，座位多是卡位，感覺很舒服，服務員禮貌招待，推介季節性的食物，使客人稱心。菜譜著名佳餚有星加坡特產海南雞飯、肉骨茶、喇沙、亞參豬手、星馬小食、馬來咖哩系列等，款式多元化，任客人配搭不同的口味。海南雞飯套餐雞件肉質嫩滑多汁，雞油脂非常香濃，雞皮與雞肉之間有啫喱。油飯柔軟適中，飯粒分明，調味恰好，配上三種不同味道的醬汁，極為惹味。還有一碗熱騰騰冬瓜草菇雞粒湯，濃郁雞肉襯托著淡淡的熱湯，很夾，美味又飽足。星加坡肉骨茶香噴噴熱騰騰的肉骨茶，濃濃的藥材味襯托著胡椒香，在寒冷的天氣添上陣陣暖意。腩排的肉煲得非常嫩淋，入口軟綿，肉排和長豆卜浸入香濃肉骨茶味，更覺美味又暖胃，加上一碗白飯，感覺充實飽足。馬來斑蘭咖央多士啡色多士烘得脆脆，加上一片鮮牛油和馬來咖央在多士中間，好味到了不得，嚐了一件又一件。香煎手作蝦餅濃香的鮮蝦味，蝦餅肉質很彈牙，表面煎至香脆，內裏肉質鮮甜有汁，確是出色的手作蝦膠，配上酸甜醬汁

🐔🥣🥢性價比吾高嘅星馬菜▫️免加一🆗斑蘭咖央多士（4件）- $27面包未烘到好脆，相對冇甘熱氣。咖央醬冇咩味，比牛油味完全蓋過，好似食緊牛油多士多d。🆗馬拉盞通菜 - $33不是炒埋一齊的，只係白烚通菜加隔離有個醬，個醬仲要比好少吾夠撈成碟菜，但好彩碟菜都算大碟，而且菜仲綠。🆗新加波肉骨茶配白飯-$86配料超級少，性價比極低，只有4件豆卜及兩條排骨，湯還好，有胡椒味但冇藥材味，唯一值得欣賞嘅係用鍋上，keep到熱辣辣。☑️椰青-$38成餐飯最正常係椰青，椰子水好清甜，但個椰青開得好差，好難塞隻匙羹去刮啲椰肉出嚟。

今日下午來到銅鑼灣逛街，久未踏足利舞臺廣場，於廣場的服飾店逛一會兒後開始找餐廳醫肚子。我們看到亞參雞飯不算多人等候，且被餐牌吸引，而且一直想嘗試海南雞飯，於是便快速坐下點餐醫肚。餐廳馳名海南雞飯，當然少不了點《亞參去骨海南雞飯》，海南雞飯跟清雞湯和油飯，配有三個醬料，湯底鮮甜，略有配料，吃到有一片片的小蘑菇；油飯美味，略嫌份量細碗，飯吃完海南雞還未吃完。海南雞嫩滑多肉，無骨的雞啖啖都是肉，吃起來非常爽快。另點了《新加坡肉骨茶》，湯底不錯，吃起來有點白胡椒味，冬天喝這個湯確實不錯，配料略嫌少，少量油豆腐及兩三塊肉骨，正值肚餓之際胃的容量仍有空間😆於是我們再點了兩個小食，《香煎手作蝦餅》有3小塊，由於手作關係，吃上去確實彈牙爽口，配上酸甜辣醬，美味無比。再來一個甜品《班蘭咖吔多士》，賣相頗特別，吃上去多士脆脆的，中間夾著一層牛油，吃上去有點咸甜的層次，甜品過後喝一杯熱的薏米水，整個人感得暖暖的，非常舒服。

最近銅鑼灣開咗一間新嘅馬來西亞餐廳<亞參雞飯>，以平民價錢，提供高質素嘅食物，仲有我好鍾意食嘅海南雞飯，當然唔可以錯過啦～！！餐廳新裝修，環境非常闊落舒適。餐牌上面有好多唔同種類嘅馬來西亞同新加坡美食供應，有去骨海南雞飯、巴東牛肉飯、喇沙米線、小食同特飲等等。不但種類多，而且價格又唔貴，樣樣都好吸引。呢個<尋覓99分海南雞飯>，絕對沒有講錯，今晚嚟呢度食晚餐，都係為咗呢一個由馬來西亞同新加坡結合出來嘅去骨海南雞飯套餐。海南雞飯嘅海南雞份量好多，而且雞肉非常之嫩滑，餐廳用上嘅係雞髀肉同埋雞胸肉，就算係雞胸肉，同樣一啲都唔覺鞋口，肉質鮮嫩美味。付上嘅雞油飯好大碗，米飯粒粒分明，而且仲充滿清新嘅雞湯味道。雞湯同樣清甜好味。<咖哩豬扒撈麵>濃厚的咖哩汁，味道非常之濃郁，而且重伴有辣醬同花生碎，惹味程度大增，最驚喜既係，呢度豬排份量非常之多，而且豬扒亦都非常之厚肉，入口亦可保持到鬆化鬆軟，仲有咖哩薯仔相伴，以油麵作為面底，更加美味好食。魚餅煎得非常香口，入口微辣。咖央多士用上麥包作為多士底，入面有鮮牛油同咖央醬，味道甜甜地，特別又好味。呢度嘅馬來拉

依間海南雞飯都唔錯，d雞都好滑，好多件雞，湯又濃，油飯好爽口，唔係太油，咖哩牛腩飯都唔錯，好有椰香味，薯仔好淋，啱哂我口味，夜晚都好多人黎，下次試下肉骨茶先😍

個喇沙湯個樣勁濃，齋望都流口水食落非常開胃，香辣惹味米線煮得幾好，爽口嘅邊飲湯邊食，正豬肉串唔同個醬好夾，冇咁齋咖央多士用厚多士，口感大增，外脆內軟，鹹甜交融非常可口用甜甜的拉茶泥作結，成餐lunch好完整味道：7/10亞參雞飯新加坡喇沙米線 $80馬來班蘭咖央多士 $26香烤豬肉串 $32馬來拉茶 +$10📍銅鑼灣分店

今日去咗銅鑼灣利舞臺食下午茶，餐廳嘢食充滿南洋風味。餐廳嘅拉茶配上咖央多士令人侊如置身於馬來西亞/新加坡一樣。餐廳係連鎖式經營，而且位置方便，適合同朋友嚟聚腳聊天。餐廳嘅多士甜而不膩，而拉茶亦沖得好香滑。餐廳嘅杯印咗別具特色嘅花紋，充滿藝術氣息。下次再想食南洋菜留番喺香港都得！😋

今日同朋友行過利舞台商場，睇到間餐廳門口寫住( 尋覓99分海南雞飯)為宗旨，朋友話可以嘗試下、之後就去排隊，我前面有2個客人等、不過睇到門口帶眼鏡阿姐係甘入3至4個客人，等左10分鐘到朋友問下阿姐中要等幾久到及 便問下點解係咁入3個4個 阿姐話係3至4人枱來，很快到我地，唯有等多一陣。 點知道我哋入去坐嗰陣時發現有好幾張卡位都冇人坐 ，之後朋友話佢呢間餐廳啲卡位金做㗎咩？1至2個人唔俾坐,🤔🤔3至4個人先可以坐得,😅😅😅咁麻煩貴公司在枱上註明位3至4人座位啦!

星期五晚未夠7點，見呢間人少少就嗌外賣。一直企起門口等等等，奇怪遲過我d人嘅外賣仲快過我。問返落單個阿姐，佢先行埋一邊睇吓。原來我個外賣一早ready, 不過冇人嗌number, 一直放埋一邊。門口個阿姐見有客一直企起度，又唔會望吓個外賣有未。我問個阿姐，乜唔嗌number 嘅，阿姐反而話我係咪自己行開咗！我話我一直棟起度ok? 明明自己唔啱，都仲可以第一件事賴個客，結論係垃圾員工垃圾食店，冇下次！bye!

呢日同同事去食下午茶，去咗呢間新加坡餐廳～除咗海南雞飯，呢間餐廳嘅其他野食都唔錯！我地發現咗個超抵食tea set，仲唔到又飽味道又唔錯🤤🍜雞絲湯河 Shredded Chicken Flat Rice Noodle in Soup ($38)呢個tea set真係好抵食！真係窮人恩物🙌🏻雞絲同河粉份量好多，雞湯底香但有點油～雞絲唔太肥，食落嫩滑，食完真係飽到上心口🤣🐷亞參豬手飯 Asam Stewed Pork Knuckle with Rice ($78)豬手份量適中，食落好腍好入味！白飯份量好多🤣 但唔太抵食，都係食翻喇沙算🤣🍜新加坡喇沙米線 Singaporean Laksa ($83)喇沙香辣又惹味，一聞到就已經好開胃～米線份量足夠，配菜都好足料😍湯底椰香味濃，配上米線邊飲邊食，超大滿足！🥪斑蘭咖央多士 Malaysian Pandan Kaya Toast ($26)至出名嘅咖央多士味道好甜🤤 多士烘得好香脆～叫一份同朋友share做飯後甜品都好錯！

I ordered pickup on online food delivery platform today (am a regular eater and love the food). I arrived on time for pickup, and stood at the front entry holding my online food delivery platform app open. Staff ignored me, I waved a couple of times and they still ignored me. People started lining up behind me, a staff member came to the front, walked right past me and talked to the people behind me then showed them to their table. She came back again, ignored me yet again, served the new people

叻沙味道濃厚，材料足夠，價錢實惠，加$10就可以有一杯飲品，可選馬來西亞咖啡、青檸水…等等，飲品味道也頗正宗。朋友選了海南雞飯，也不錯。 餐廳環境也可以。整體來說，性價比高，值得去吃個簡單午餐/晚飯的餐廳。

成日聽人話呢間嘅海南雞飯好正又滑又好味... 當然要試吓la!😬😬😬响附近shop完ping... 我同我朋友揀咗呢間... 結果大家不約而同全部叫哂【海南雞飯餐】🤭🤭🤭 海南雞都幾大份... 以價錢嚟講都算合理... 可惜冇傳說中咁嫩滑🙊🙊🙊 又未至於好嚡... 嗰碗油飯都唔細... 男士們食完應該夠飽!🤭🤭🤭環境ok喇... 唔係特別好坐! 不過整體而言... 呢間食店都可以話中規中短la!😊😊😊