亞玉豆腐花

营业中

休息中

呢間豆腐花一直都係荃灣路德圍嘅地標之一，之前特價錢超級平，好似淨係要兩蚊，但而家已經冇咗呢個優惠期所以嘅價錢提高咗少少，但都已經平過出邊好多。因為啱啱先食完嘢，想食得清少少，所以就叫咗原味豆腐花，然後加佢啲黃糖粉嚟食。之前到嚟食過覺得幾好食，今次同之前食感覺冇乜太大分別。

每次去荃灣路得圍都會食佢地招牌既芝麻糊豆腐花， 真係好平又好食。 有時仲會買埋迷你砵仔糕😋。 在疫情之下， 少左掃街就直接外賣。 今次除左買豆腐花，買埋姐姐推介既客家糍粑。👅食評：🌟客家糍粑 3個 $18 （8/10）芝麻花生🥜炒得好香，中間加左椰絲同少量砂糖，糯米皮簿身，煙煙韌韌，一食落去爆哂啲餡。滿足滿足～整體黎講🍽～呢個客家糍粑皮薄餡多，同埋甜度適中，價錢合理，但因為價錢都比較平多人排隊，但值得推薦。

蒲開荃灣嘅人都會知道，咁多年嚟，呢度兩間豆腐花店競爭激烈，鬥平，鬥人龍。兩間我都幫襯過，老實講，要揀就一定揀亞玉，因為豆腐花確實比較滑，豆味亦較濃。我最鍾意食兩溝，豆腐花加芝麻糊，凍食，芝麻糊夠香甜，糖都唔使點加，夏天最佳消暑良品。

.📍阿玉豆腐花📍#饅頭去荃灣 #饅頭的港味道 #饅頭食在家中 #饅頭食甜品 #饅頭的唐餅系列------------------------------1️⃣客家糍粑 ($18/3粒)相比$3一碗嘅豆腐花，小編更喜愛阿玉嘅糯米糍，糯米皮超級薄☺️，口感柔軟帶少少黏性；餡料亦非常出色，份量充足，花生炒得香脆🥜，大小不一，芝麻同花生碎味道非突出並相互平衡，仲食到些少椰絲同砂糖，整體香味同口感豐富，小編作為怕甜人士認為佢甜度相比坊間其他糯米糍要討好，偶爾買嚟滿足下口癮都唔錯。------------------------------🔸整體評分：8.1/10🔸小編回頭率：7/10

🚦亞玉豆腐花（荃灣）路德圍必食嘅飯後甜品‼️除咗出晒名嘅豆腐花，仲有好多好正嘅甜品😳實不相瞞其實已經回購過幾次🧡每次經過路德圍都會掙扎要唔要去買🤭🍡客家糍粑🍡$7/1、$18/39/10【超豐富糯米糍】呢個糯米糍嘅多餡程度唔使我多講😆睇圖就知皮薄餡靚，所以比起煙韌嘅糯米皮，佢嘅餡更加出色🤩黑芝麻有好濃嘅香味！芝麻控大滿足🖤花生味道都特出，兩者嘅比例平衡啱啱好🥜仲食到有少少砂糖，甜度屬於微糖🍬啱晒怕甜嘅人🫢我作為甜控就食到更多食材嘅純粹，真材實料糯米糍🔥🍮砵仔糕🍮$4/1、$15/58/10【指定砵仔糕】比起平時出邊賣緊嘅砵仔糕細隻少少，分有豆同冇豆兩款✌️今次買有豆，紅豆嘅份量夠多🥳浸得好淋，咬落去好軟熟，令到紅豆味好突出🫘黃糖嘅味道比較淡，但佢係我食過最煙靭嘅砵仔糕‼️食嘅時候有拉扯同埋咀嚼感，非常彈牙🦷亞玉豆腐花嘅砵仔糕深受一眾街坊嘅歡迎，我媽咪作為美師奶已經回購n次🧡尤其是砵仔糕成日都新鮮出蒸爐，仲見到有啲水蒸氣喺上面，拎上手仲係暖笠笠♨️真係無得頂煙靭控建議可以買冇豆嘅版本，之前買過一試愛上🥰係冇紅豆嘅情況下，佢仍然可以將砵仔糕嘅質感發揮到淋漓盡致🫶整體8.5/101️⃣CP值中上，所有食

💛疫情下透過區既團購叫到，雖然比起係舖頭排隊買貴，但真材實料送到區真係抵😋嗌左紅豆豆腐花，芝麻糊豆腐花，咋喳同砵仔糕(食完先醒起無影相😂)首先要讚下個碗雖然係膠但都幾靚。紅豆，芝麻糊同豆腐花就分開上，食既時候唔溝番埋就完全無味😂紅豆都幾甜而芝麻都幾香，真係食得出係堅料整！咋喳都係足料而且分量都唔少砵仔糕更加係重料得黎好多，有5定6隻😛豆就多到密集恐懼症咁，食落就好滿足😋疫情下更加要撐良心小店💛

揀咗芝麻糊豆腐花mix，經過必食豆腐花，因為真係好平，同朋友食覺得唔夠甜，返轉頭再請舖頭幫我哋落黃糖同糖漿，老闆都好好人，幫我哋落黃糖同糖漿，下次經過會想再試下其他味道

呢間豆腐花大家應該都好熟悉🙌🏻就係兩間豆腐花一直係度鬥邊間平d🤪個日夜晚去都幾多人係度排隊而人龍都keep住咁長🤓🔸黃豆豆腐花 $3+$1(因疫情關要加$1外賣碗)有好多款豆腐花可以選擇而且都係同價錢🤗今次就食返最經典嘅黃豆🙌🏻豆腐花好滑再加上黃糖真係最好嘅組合😆而呢個價錢真係cp值超高❤️‍🔥

🎈尋日放工去左荃灣睇中醫，諗住搵間黃店坐低食野打發下時間等拎藥，點知我唔記得拎另一部電話出街…無得坐低食啦。唉，真係好擾民😮‍💨唯有掃街啦～🎈第一站：元朗亞玉豆腐花🥤 黑豆豆漿（低糖） 💵$12買左之後因為太凍無即刻飲，但拎到返屋企飲都幾好，真係唔係好甜，豆味就一般啦，合格🥢🥧 無豆砵仔糕 💵$3 唔甜，細細個岩岩好～可以食多幾樣野😆有豆無豆自己揀，正！有得揀先係老闆💛📍亞玉豆腐花 📍荃灣荃興徑6號昌泰大廈地下5B舖

22-1-2022(Sat)晚同老公食埋”豪餅”後行返過嚟,老公睇吓龍津嘅豬腸,原來係細腸,所以唔買,咁繼續行,佢問食唔食豆腐花?都好喎,因我覺得我哋呢兩日食嘅嘢都幾熱氣,食個豆腐花清吓熱氣啦.我哋嚟到係有人龍,我哋決定要熱豆腐花同熱芝麻糊豆腐花,呢兩碗真係幾熱,食落,唔甜,豆腐花係滑嘅.上次食評係2020年9月22日刊登嘅呢篇: https://www.openrice.com/zh/hongkong/review/yeah-%E6%97%A8%E5%9C%A8%E6%B8%85%E7%86%B1-e3814733

亞玉豆腐花 ($3, +$1 外賣盒)嚟到荃灣, 一定要食嘅豆腐花🤣 食過咁多款都係離唔開芝麻溝!! 最好食真係芝麻胡豆腐花🤟🏻 其他都還好 不過有人話花奶好食🤣 唔知大家又鐘意邊隻呢?😛

每次經過路德圍都一定必買嘅甜品$3一碗嘅豆腐花 ，兩溝都係同價錢因為疫情嘅關係，加多$1 for外賣盒安全衛生😉大家都可以食得更加放心❤️叫咗個芝麻豆腐花一個凍一個熱既芝麻味好香😋豆腐花好滑我鍾意佢唔會太甜另外加兩蚊有個砵仔糕貪得意過吓口隱相當唔錯✔️砵仔糕細細個入邊有好多豆鍾意食甜野既我但係豆漿會鍾意飲無糖嘅我覺得冇糖嘅豆漿更加突出到佢嘅豆味$10 就有一支性價比高，好過成日出街飲埋啲肥仔水或者台式飲品P.S: 我覺得呢間好食過隔離嗰間囉

每次行過路德圍都見到大排長龍🚶🏻‍♀️🚶🏻🚶🏻‍♂️🚶🏻‍♀️🚶🏻識排 & 識食，梗係排💛亞玉😜~•~•~•~•~•~•~•~•~•~•~•~•~•~•~•~•~•~•~• ▪ 黃豆豆腐花 ($3) (外賣碗 +$1)圖為舊相🙇🏻‍♀️ 因疫情關係依家都要用🥡外賣碗(+$1)3蚊雞真係平絕全港🇭🇰，就算加埋外賣碗都係$4🤩你話俾我聽👂🏻唔係依到食，仲有邊度搵得到？🧐雖然抵到爛，但係食落都有豆味，而且店員姐姐🧑🏻‍🍳片得完整，豆腐花唔會爛晒 / 碎晒🤍仲可以揀凍❄️ / 熱🔥，最正係店舖既薑汁係無糖🤤.🙏🏻🙏🏻希望快d唔洗再戴口罩😮‍💨可以用番瓷碗 • 瓷匙羹🥣(我覺得更有風味)食豆腐花🤍.~•~•~•~•~•~•~•~•~•~•~•~•~•~•~•~•~•~•~• 🔺豆腐花，可以揀雙拼👏🏻 𝐃𝐨𝐮𝐛𝐥𝐞開心🥳👉🏻豆腐花 拼 ( 紅豆沙 / 綠豆沙 / 芝麻糊 / 咋喳 / 薏米白果 )🔺除左豆腐花 • 糖水之外，仲有砵仔糕 • 糯米糍……🤗🔺價錢咁抵🤑，梗係多人食啦，但係店員姐姐冇因為多客而做到炆憎，𝐊𝐞𝐞𝐩住😊良好態度👍🏻~•~•~•~•~•~•~•~•~•~•~•~•~•~•~•~•~•~•

.📍元朗亞玉豆腐花📍 #饅頭去荃灣 #饅頭的港味道 #饅頭的掃街系列------------------------------芝麻糊豆腐花 ($3)(因為疫情依加轉左用即棄膠碗加$1)攞上手熱辣辣，好暖胃。芝麻糊個人覺得煮得唔夠稠，不過都唔稀可以接受嘅；食到有微微磨粉嘅口感😍，芝麻味都OK香濃😋，整體甜度適中，配埋軟滑嘅豆腐花啱啱好，口感有層次，唔需要額加薑汁、糖水或者黃糖。豆腐花偏軟，但唔會片到散修修👍🏻，雖然少咗啲豆香，但依然好味，3蚊嚟講已經值回票價，良心無價💛。成碗捧住喺街食風味十足，風險亦十足🥶，建議大家唔好學我。------------------------------整體評分：7.1/10小編回頭率：6.5/10

真食評真消費4蚊一碗香滑豆腐花 仲有幾種味任你配搭每次路見都必定有人排隊等侯 原因係平!係好食!絕對係全港最平豆腐專門店!可選配原味無糖 或配黃糖另有渣咋 綠豆 紅豆 花奶 芝麻糊 涼粉 白果 味道可選絕對足料!每日新鮮製造 天然食材原料 不添加化學品 大人小朋友都岩食今次先試紅豆沙配豆腐花,有熱食或凍食同價錢當然食凍喇!豆腐花質感夠滑溜配上煲至起沙既紅豆沙 紅豆沙既香甜令豆腐花食落味道更豐富同甜仲有糖水同糖歡迎任添不過已經好夠甜,我自己就無需要另外加糖水亞玉豆腐花 荃灣荃興徑6號昌泰大廈地下5B舖消費$4評分7/10