亞玉豆腐花

营业中

休息中

全港最平豆腐花非你莫屬，只需要3蚊就可以食到。只不過，你要有心理準備，一定好多人排緊，至少要花15分鐘排隊，先會買到😝買完之後，佢會比個載住豆腐花的碗你，食完自己放係鋪頭前的碗堆性價比😎😎

喺荃灣的豆腐花戰裡面，公平啲間鋪頭一次，今次食阿玉。同樣係3蚊一碗豆腐花，今次點左熱的薏仁白果白果豆腐花，繼續係用3蚊食得下已經好開心的心態。店員熟手將筒的熱豆花潷入碗，再加一勺薏仁白果喺面。 好，唔另加糖先食一口。下!? 咁樣都只係3蚊?? 食落豆腐花的軟滑度，豆香度真係完勝隔離喎，而且薏仁同白果都好香軟，用薏仁白果的糊的甜味，令本身無糖的豆腐花已經夠甜。呢碗豆腐花十分有驚喜。下次都唔駛諗，兩間揀邊間喇。

去到路德圍，總會見到有兩條好長嘅人龍，去慣嘅人都知係排豆腐花，但係邊間抵食得黎又好味啲呢？亞玉同隔離另一間都係賣豆腐花同埋糖水，$3一碗真係超級抵！即使長期都排長龍（其實唔洗等好耐），每次經過都忍唔住要買返碗黎食過下口癮😂呢間嘅豆腐花，師傅潷得薄啲，質感比較軟滑，豆味亦都比較濃！冰糖同黃糖都係隨個人喜好自己加，如果豆腐花配芝麻糊/綠豆/紅豆/涼粉/花奶/喳咋都係$3，超級抵食架！我去買個陣，凍豆腐花賣得太快，所以呢碗唔係雪左好耐，得少少凍，但都好正！

荃灣好多好嘢食就係人都知，所以星期六日成日都會特登過去荃灣搵食。不過無論食啲咩都好，臨返屋企之前一定會嚟到路德圍嘅亞玉豆腐花，買一碗嚟完美嘅一日畫上句號。咁大碗足料豆腐花，都只不過係$3 ，呢個價錢真係邊度可以搵到。平唔代表冇質素，豆腐花非常之滑，白果同薏仁甜到剛剛好，撈埋豆腐花食，簡直就係一流。因為天氣太熱，所以特登叫咗個凍嘅豆花，食落去簡直就係透心涼。最重要嘅係，白果同薏仁，對女性身體非常之好。各位絲打有機會去荃灣嘅話，記住去亞玉豆腐花，買返一碗嚟食呀！

This place is such an excellent and well worth store for Tofu pudding! For a shocking $3, there's no way you can beat the quality and variety this store serves. Ofcourse, the tofu is not the best that you will have, but for $3, it was much better than other stores I have tried before at a much higher price. The tofu texture was not silky though also not rough and dry. If you ordered a flavour that had another source of liquid, e.g. black sesame paste, then the sweetness and liquidity of the past

After eating cart noodle, I decided to take some desserts. Noting that there was a long queue outside this dessert shop, I decided to see whether there was any good choice. To my pleasant surprise, bean curd of various types only cost $3 a bowl. I took one bowl of bean curd with green bean paste and another bowl with red bean paste. Despite the low price, the bean curd was smooth and rich in flavour. The bean paste topping was generous, and it enriched the taste of the bean curd. I joked

叫左薏米同紅豆豆腐花2碗，一碗只需3蚊，平到咁去邊到搵？講真，哩個價錢，我真係唔要要求太高，本身預正常水平。但紅豆同豆腐花異常地夾，唔洗落糖已經好好味個豆腐花好滑三蚊渣！如果我屋企樓下有，我一定日日食，真係好抵，cp值爆燈 之前係東張西望個到已經知亞玉豆腐花同隔離店鬥平賣豆腐花。3蚊一碗真係唔知有無賺，見到隔離豆腐花好多人買。但各位手足請留意，此為良心香港人店，雖然年輕一輩未必成日食豆腐花，但都希望可以幫襯下請多多支持良心小店！

五一黃金周，撐黃店出名黃店「亞玉豆腐花」食豆腐花！豆腐花一碗，只賣$3，真係平到震！天氣好熱，叫咗碗凍嘅豆腐花嚟，企街立食，碗仔細細，但係豆腐花滿滿，豆腐滑滑捋捋，好似絲綢、絹咁滑，食到係好天然嘅味道，而且豆味好重，真真正正係又香又滑，完全係港產豆腐嘅最高level。黃糖、薑汁或者係糖水，任君選擇，隨你加，我個人好怕甜，只係略略地加少少黃糖就可以啦。我自己賺嘅錢，點樣洗都得，鍾意比錢黃店都係我嘅選擇，又奈我乜嘢何！又吹得我脹咩！？

兩間豆腐花鬥到你死我活，不過真係未有立場時都唔會食隔離嗰間🤨 亞玉有豆味好多😌 🍨 紅豆沙豆腐花 $3當你以為$3佢就會賣d渣嘢畀你咁你就錯了😗 紅豆沙煲到起晒沙，唔會太甜，撈埋好有豆味嘅豆腐花，我每次都點呢個😌🍧 芝麻糊豆腐花 $3芝麻糊真材實料，稠稠哋唔係溝水開稀嘅😗 呢款豆腐花唔甜的，啱晒不好甜的人😎🍡 客家糍粑 $18/3pc呢個好食😙 切開睇到佢皮勁薄～ 入面嘅餡有芝麻花生，全部都勁香～ 名副其實皮薄餡靚😎題外話：早兩日見到隔離間嘢排長龍🤡，我百思不得其解，諗諗吓唔通因為疫情影響亞玉轉用外賣兜，要加多$1？🤨

$3蚊一碗豆腐花，真係好平好平好平，其他地方食都要$10 蚊以上🙈，所以$3蚊真係好吸引。咁平當然吸引唔少人去食，所以一定有長長人龍，想食自然乖乖地俾D 時間去排隊啦！雖然好長，但排隊輪候時間唔洗好耐。終於排到我，叫左一碗蕙米白果豆腐花，有料既都$3蚊😭😭，豆腐花好滑，直頭可以滑入喉嚨，有黃豆味。蕙米白果呢D 餡料都唔少，配搭豆腐花食，香香甜甜滑溜。令人想再食多一碗。雖然長長人龍，花少少時間排隊，但食到又平又靚既豆腐花，真係咩都抵。

荃灣呢間好多姨姨看鋪既豆腐花店，一直都好出名，特別係同隔離鋪鬥平$3豆腐花之後，成日都大排長龍！食過幾次豆腐花，真心好滑好好食，今次就轉戰其他食物！客家糍粑 $18/3粒 $7/1呢粒糍粑都唔細粒架，因為小妹唔肚餓所以單買一粒，如果你買3粒就會有個透明膠盒裝住，同埋會平d。糍粑超足料，有花生碎、芝麻粉同砂糖，我好欣賞d花生碎未打磨到變粉，夾埋芝麻同糖，有3重口感，加上個皮唔厚！呢個要再戰！迷你砵仔糕 $3/1 ［買野加$2就有］小妹好細個既時候，大砵仔糕都係$3🤦🏻‍♀️🚬 時移世易，物價都貴左好多啦....砵仔糕可以揀有豆冇豆，我揀左個好多豆既，不過我嫌d豆只係鋪係面，如果個底都有就更好啦。

人龍雖然好長👩🏻‍🤝‍👨🏼 等候時間🕛其實好短😉$3️⃣豆腐花仲可以揀雙併其他選擇😳性價比未免太高了吧😱——————————————————<原味豆腐花🥣>用上傳統瓷碗充滿住舊香港🇭🇰情懷熱辣辣🔥既原味豆腐花真係最好味架😋算係幾滑⛷ 不過豆味就唔算太突出🥺黃糖🟡&糖水任加🙈 黃糖控🟡舉手吧🙋🏻‍♂️食完記得將個碗🥣放返落桶裡面呀😉*阿玉未必係最好味但一定係最有良知⚫️⚪p.s. 店員既禮貌程度稍有進步空間🤏🏻😶

近排多咗不同類型店舖推出優惠，就連荃灣好出名 嘅亞玉豆腐花早前都推出不定時$1黑白豆腐花，咁有心嘅小店當然要大大力支持。以前對亞玉嘅認知只係位於荃灣嘅糖水店，同埋隔離店係競爭對手，哈哈。睇到佢地嘅推廣先知原來仲有元朗分店同冰室，真係發現新大陸咁。-花奶豆腐花雖然遇唔到$1豆腐花，但有$3豆腐花系列。口味多籮籮，有喳咋、綠豆、紅豆、芝麻糊、涼粉等。今次揀咗花奶豆腐花，可以揀拎住個碗仔嘅堂食，或者外賣。係街到同其他人一齊拎住碗仔食豆腐花，其實都幾有風味，好懷舊。豆腐花豆味厚實，配上甜絲絲花奶同黃糖，入口香滑甜蜜，更有一份難得嘅人情味。

阿亞豆花平就應該全地知曉, 因為都賣哂上電視.今時今日幾蚊一碗豆花都可謂係抗通脹, 我都經常諗究竟佢點回本.豆花又熱又滑, 可自行加薑糖或黃糖.除左豆花, 亦試過呢到既客家糍粑, 雖然唔係十分出色, 但都叫夠軟都多料, 都值得一試.

到底$3可以買到d乜？豆腐花就食得多啦～但雙拼豆腐花仲要有甘多選擇就真係第一次甘食法，價錢仲係平到你估唔到$3，買個雪糕都唔只呢個價錢啦～平到一個點，甘味道又如何？小編叫左個腐竹薏米，豆腐花香滑熱辣辣，仲可以自己加配黃糖，薑汁，糖漿，食幾多加幾多，腐竹薏米好足料。佢仲有其他幾款雙拼選擇，有紅豆，芝麻糊，喳喳等等，涼粉都有呢個比較特別，凍熱任你揀，哈哈，下次可以再試下。全日都一樣價錢。所以招多人排隊同買外賣嫁。