亞玉豆腐花

营业中

休息中

之前聽朋友講，在荃灣有一間以“抵食價$3”作招徠的豆腐花店。本身唔係特登過嚟，但路過時見到好多人排隊同企係度食豆腐花，即時醒起呢間應該就係朋友跟我說的豆花店了。這裡有很多不同款式的豆腐花可以選擇，可以配渣咋、綠豆、紅豆、涼粉、芝麻糊等。而我點了最傳統的款式，就即是豆腐花跟黃糖。豆腐花夠滑，食得出濃郁豆腐味，而且站食只需$3！外帶亦只是加$1外賣盒。今時今日，呢個價錢仲係邊度搵到啊？😆The soy bean custard with velvety texture and carrying a rich tofu flavour, and it was only HK$3!!!👀

呢間亞玉豆腐花係荃灣、紅磡、元朗、屯門都有分店但講到最抵一定係去佢荃灣分店度食🤩喳咋豆花、花奶豆花、紅豆豆花、綠豆豆花、芝麻糊豆花、涼粉豆腐花，全部唔洗等特價，$3就有得食😳‼️‼️（外賣加$1）之前食過紅豆、綠豆同芝麻糊豆花，最鐘意係溝芝麻糊😚老實講豆花就唔算太滑，不過$3就有，係香港呢個百物騰貴既地方仲想點🤭

荃灣美食攻略 $3一碗豆腐花大戰 仲未鬥完！亞玉豆腐花VS 贊和豆品 可配紅豆 綠豆 花奶 紅糖 涼粉 每次去荃灣,經過荃灣荃興徑呢度係小吃街,有好多餐廳,外賣小吃店仲有6-7間茶飲店不過最搶眼都係阿玉豆腐花!每日都有無數咁多人排隊吃豆腐花!除了好吃,價錢仲超值！一碗$3 冷熱同價!還可以選配料呢! 全店豆腐花一碗$3惡鬥已經有一年多了!可配黃糖,綠豆沙,紅豆沙花奶,芝麻糊,涼粉全部都是$3!豆腐花夠嫩,紅豆粒粒香甜店家還有其他東西吃!但沒人關心的啦~XD 另一間惡鬥既贊和曾經賣過$2一碗而家改回$3了~同樣可選配料~ 各有支持者,但亞玉最多人買!荃灣荃興徑6號昌泰大廈地下5B舖

黎到荃灣路得圍果頭，大家一定都會諗起超平豆腐花，$3一碗真係抵到爛🤣🤣🤣每次經過都總有人係度排隊幫襯😚不過呢度不設坐位，無論天氣好壞，大家如果選撰堂食就只可以係鋪頭前面企係度食！不過大家都可以選擇外賣，加$1外賣膠盒叫咗一碗凍既喳咋豆腐花，都只係$3👍喳咋腰豆，扁豆同綠豆，各種豆都煲得好淋，甜度適中，豆腐花唔算好滑，但可以食到豆味！如果以價錢$3黎講，坦白講可以接受，值得一試😚😚😚另外佢地仲有砵仔糕，客家糍粑，不過今次我就無試到，因為太飽🙈🙈🙈

夜晚10點行去路德圍搭車，路德圍係荃灣美食不夜天，行過都會忍唔住買d飲品，食d小食。見阿玉同隔離贊和又係排晒長龍。但老公鍾意食阿玉多d。買左豆腐花，涼粉紅豆。佢嘅豆腐花一向都係好滑，又唔太甜。紅豆夠淋，只係個涼粉，口感怪怪地咁，唔夠爽。平時食開涼粉係亮晶晶嘅顏色，但阿玉嘅涼粉係啞色嘅。

$3食一碗豆腐花真係好平， 仲可以雙拼即係豆腐花再加例如芝麻糊，呢個價錢真係好誇張，真係好平，佢嘅食物質素其實都唔錯，人龍可能有啲長但係去得好快，員工嘅效率好高，不過就冇咩服務態度可言，我要左凍嘅芝麻糊豆腐花，豆腐花既豆味係有嘅，芝麻糊可以入口，不過就有少少凝固咗，而且食到底嘅時候好似有啲過甜，但係都接受到，始終$3唔可以要求太多，食到一碗豆腐花已經好好，真係好滿足，平時$3根本都撘唔到車，食魚蛋都食唔到，但係竟然有咁平嘅豆腐花真係OK 㗎！

如果$3俾你諗一樣嘢食大家會諗到啲咩其實喺香港要食到一樣係$3嘅嘢幾乎係冇咩可能而偏偏荃灣呢一度長期都舉行$3食豆腐花活動仲要唔止係豆腐花而係有好多配料俾你揀有芝麻糊，有花奶，有紅豆沙，有冰糖，有咋喳等等俾你揀即係話雙拼嘅嘢食都只係修理$3咁真係全香港啲妝好難再搵到一間咁平而且又好味嘅嘢食仲要係主打健康嘅嘢食自己覺得豆腐花配芝麻糊算係最夾嘅選擇一例芝麻糊又係香濃同時豆腐花又係香滑兩樣嘢溝埋一齊又香又聾又話再加上芝麻糊都有一定程度嘅添可以帶領豆腐花嘅味道更加突出如果再落少少豆腐花用嘅黃糖就令到成碗豆腐花都非常之甜食完可以當一個甜品亦都可以當一個開胃嘅前菜，味道真係唔錯而亞玉呢一間豆腐花對比隔離嗰間最大特色就係佢有新嘅口味而我今日都試埋就係豆腐花配咋喳咋，喳就故之然有好多嘅豆類配合豆腐花同樣都係豆類食落去完全冇違和感。而且有啲豆咬下咬下都覺得幾特別擺脫左傳統食豆腐花只係好滑咬幾啖就可以吞配合喳咋豆未發揮到極致真係的確好深刻好難忘

$3今時今日真係可以做到咩!車都坐唔到啦!今日行過荃灣,經過亞玉豆腐花,見到排長龍。原來d人係度排隊買豆花,我以為睇錯,真係$3碗除左一段正常既豆花外仲係有得兩溝,紅豆沙,芝麻糊,綠豆,原味,白果意米等都係$3一碗有凍又有熱外賣加左一蚊都係$4買左四碗都係收我$16d呀姐收錢畢豆花速度好快,排隊前後排左3分鐘就到啦$3等下都抵啦味道好正常呀,豆味都幾濃又實味道唔太甜,食多碗都唔膩呢個糕都係$3,細細個又多豆買左比仔聽朝早餐食

今時今日$雞可以買到啲咩呢，都要花一段時間諗下先可能數得出寥寥幾樣可以買到嘅嘢。但係住喺荃灣嘅街坊一定會諗到$3原來可以食一碗豆腐花仲要好味既，喺路德圍有兩間豆腐花競爭都好激烈，兩間都買$3一碗，我比較鍾意食阿玉豆腐花因為佢有涼粉，隔離嗰間冇，咁我就整碗涼粉豆腐花兩拼。好滑有豆味加啲涼粉可以係雙重享受。通常喺附近食飯或者食碗米線之後就嚟呢度嘆一碗豆腐花，九成嘅時間都要排隊㗎啦但係都唔會排好耐因為有兩間你選擇兩間都要排。支持佢哋希望兩間都一直競爭落去唔好是但有一間執笠。

📍亞玉豆腐花 紅豆豆腐花@ $3-小妹之前住過荃灣一段時間，咁啱係附近出job，約返中同食飯，順便掃街，尋找童年回憶。去左路德圍，記得細細個好鍾意食豆腐花，難得佢而家做緊$3一碗，完全係頂爛市，拿拿淋食返一碗先。-亞玉豆腐花既水準仲保持到，好滑，好重豆味。紅豆煮得好綿，有少少起沙既感覺，唔會太甜，配埋豆腐花食真係一流。唯一係紅豆味有啲太出，有啲蓋過左豆腐花既味。不過$3咋嘛，性價比已經係非常之高。-地址：荃灣荃興徑昌泰大廈地下5b鋪-推介指數👍🏻👍🏻👍🏻👍🏻👍🏻抵食指數👍🏻👍🏻👍🏻👍🏻👍🏻（5個👍🏻為滿分）

$3 真係好抵食！街邊小食要搵到$3真係好難仲要係豆腐花，仲要可以俾你扣溝埋糖水都係一樣價錢！咁寧願食豆腐花啦健康啲不過就唔會專登過嚟呢度食佢附近好多餐廳食完晚飯過嚟食返碗豆腐花一流我都係一樣食完小菜，整返碗豆腐花先～不過豆腐花嘅質素就OK啦....唔係好香甜嘅個種豆腐花豆腐花豆味味道麻麻綠豆沙嘅味道都一般食得出唔係靚嘅綠豆而且叫凍豆花，唔夠冰凍咁就爭小小......不過$3，仲想點喎😆交足功課既～～⭕️鋪頭都keep住排長龍㗎

每次嚟到荃興徑, 店舖琳琅滿目, 揀嘢食都唔係容易嘅事食飽飯口痕痕想食甜品, 食豆腐花係不二之選, 皆因兩間豆腐花鋪長年累月因為競爭而減價, 反而益左我哋呢啲小市民兩間豆腐花我都食過, 個人認為阿玉豆腐花比較好味, 豆味比較濃郁, 而且比較滑👍🏻平日最喜歡食熱嘅芝麻豆腐花, 但由於今日食得比較飽, 而且屋企人都想食, 所以就外賣帶走, 於是揀咗原味豆腐花, 因為原味凍食比較好味😋一如以往豆腐花豆味濃郁, 而且非常嫩滑, 有種吹彈即破嘅感覺❤️缺點當然係人龍超長, 要食平價食物就要付出時間排隊, 不過5蚊碗, 夫復何求?!

兩間豆腐花店低價戰爭再次繼續！又再次展示港人排隊精神🤙🏻咁平就唔好評論咩質素啦🤡大家去試下就知啦 約埋fd子一齊去做漁人啦🤪-A price war between two tofu pudding shops is carried out again! Hong Kong people insist on queuing up in order to buy the cheap tofu pudding🤙🏻As it is very cheap, I will not criticise its quality.🤡You can have a try and you can get the answer!🤪-價錢：$3 (original)；$5（with black seasame soup)地址：荃灣荃興徑6號昌泰大廈地下5B舖 Shop 5B, G/F, 6 Tsuen Hing Path, Tsuen Wan性價比：🤤🤤🤤🤤🤤飽肚：🤤⚪️⚪️⚪️⚪️味道：🤤🤤⚪️⚪️⚪️環境：⚪️⚪️⚪️⚪️⚪️(企係到食好le hea🤧)服務：🤤🤤🤤🤤⚪️(can choose hot/ cold)Score：63

亞玉既配料就比較弱😐，薏米白果比較稀，不過薏米同白果都煮得好有咬口👌🏻，食落清甜又養生。黑芝麻糊豆腐花無晒凍食，就要左個熱既。咦？🤔熱食既豆腐花比凍食既口感更加滑溜👍🏻，但係黑芝麻糊味就比較淡喇😔

今日酷熱天氣警告，外出做野時，經過路德圍附近，就諗起豆腐花，唔洗猶豫，即刻行動已經過左食飯時間，所以人龍唔算多，只係等左4-5個就到我。天冷時會食熱芝麻糊豆腐花，係酷熱天氣警告下，當然黎個凍嘅綠豆豆腐花啦﹗﹗﹗無論係淨豆腐花或兩溝豆腐花都係$3雖然價錢平，但無將貨就價，仍然真材實料，一碗滿嘅豆腐花，淋上綠豆沙。豆腐花有豆味，算滑，加左綠豆沙嘅豆腐花，甜度岩岩好，清清地，有少少果皮係中間，夾埋綠豆有咬口，以呢個價錢，呢碗豆腐花間直係超值，絕對值﹗﹗﹗不過可能因為天氣熱，人人都叫凍豆腐花，雪櫃常開，所以豆腐花唔夠凍。。。