亞萊泰 (T Town North)

营业中

休息中

要搵一間岩香港人口味泰國菜,我會介紹呢間叫亞萊泰既餐廳,呢間餐廳主要系靠搭輕鐵及巴士黎,而佢系位於頌富商場3樓,趁今日閒日避開人潮黎食飯,店內闊落光猛舒適,我地叫左個二人套餐,加多兩個小食及三杯野飲等,第一個上既系香草蟹肉湯,湯唔算咸又清潤,適合夏季食用,而泰式抄蜆同小食拼盤,全部都份量十足,之後上既系金邊粉,配料同蝦肉全都鋪滿粉上面,而每條粉都抄到碎,容易入口又入味,而後加既雞肉串同燒墨魚都燒得香口又配有獨特醬汁,去到最後我都食到好飽,甜品都讓埋比朋友食.

明爐烏頭用上大量的蒜頭，味道更帶清新嗆辣，烏頭略帶細骨，所以嚼著要更小心，魚肉白晢嫩滑，浸透蒜頭的味道，入囗香濃的香氣，熟透後，用筷子輕輕夾開，沒有白煙透出，滾至魚肉嫩滑的狀態便可，味道可以保持濃郁。小食拼盤蝦餅彈牙，魚餅香口，春卷料多外皮香脆。海南雞飯雞皮黃澄澄帶丁點皮下脂肪，雞肉已去骨，已去骨的海南雞特別方便 ，雞肉嫩而滑溜，肉質不是軟腍但帶點嚼性。通菜 菜不太油 通菜真的是泰菜馬拉菜 必食的一種 蒜味頗好味的

頌富亞萊泰好多優惠喎🤩又俾個藉口自己出街食飯先🤣🤣地方都大裝修時尚簡潔就算等位都唔使等太耐夏日優惠精選泰式生蝦六隻$68，爽脆又大隻，越南虎蝦，醬汁酸酸辣辣好開胃🥰🥰炭燒泰式串焼。雞豬各二 焦碳味香噴噴，沙嗲汁有誠意加咗花生碎香葉咖哩海中堡足足一呎長，整條法包林滿晒咖喱汁，椰香味十足甜甜地，仲有🦐魷魚，魚🐟好足料👍👍芒果沙冰$29。like Facebook仲送多杯鐵板泰式滷水豬手上枱咋渣聲，熱辣辣好惹味總括嚟講 抵食👍食物質素高，服務態度都好 good

今晚做無飯主婦，一家三口屋企樓下搞掂😂😂個仔話事，揀咗食泰菜-亞萊泰 地方大坐得舒服，店員服務周到👍👍超值二人餐做特價$298，加多少少野就夠三個人食😆😆泰式迷你小食拼盤。炸蝦餅脆卜卜，有蝦味，春卷點泰式辣醬，酸酸辣辣開胃😌😌揀咗海南雞半隻：醬汁三款，雞肉夠嫩滑，完全冇骨，叫多碗油飯搭配，正超👍👍大大碗三個人都夠食馬拉盞炒通菜辣辣地又夠獲氣，唔太油😋😋大頭蝦泰式冬陰公，嘩！好大隻大頭蝦呀！好多膏🤭🤭蝦肉爽脆泰式明爐烏頭，酸酸辣辣好惹味 特價$98冇得輸🤤🤤仲有甜品送添😆仔仔最欣賞呢杯芒果沙冰，三個人食四百零蚊埋單又唔使+1，有下次

一行四人嚟食晚飯，費事煩一於叫一個四人餐。個餐入邊有好多嘢食，有沙律，湯，主菜，蔬菜，粉面飯同埋甜品，抵食過散叫。首先嚟嘅係泰式酸梅肉碎明爐烏頭，魚肉浸喺係酸酸嘅湯汁入邊，好開胃。湯我哋揀咗魚肚羹，賣相相當精美，味道都OK 㗎。芥蘭我哋選擇用蒜蓉炒，好爽口好新鮮。然後仲有一隻海南雞，雞肉相當之嫩滑，雞皮亦都唔會太肥膩。個菠蘿炒飯有少少咖喱味，入邊有啲提子乾吊味，生色不少。仲有個柚子沙律，酸味適中！最後嘅甜品係芒果糯米飯同埋椰汁糕，一啲都唔差，有機會再返嚟食過！

同屋企人黎食飯，總會揀呢一間食，因為大家都鍾意食泰國嘢，而且夜晚都唔使收+1.屋企人建議叫個四人餐食，好滿意呢個餐，因為夠飽之餘又唔會頂住個肚。前菜揀咗個金柚子沙律，柚子肉好酸甜，配埋個沙律汁整得好好味。呢座係香草仿蟹肉雞絲魚肚羹，下低有個火烘住，好貼心，口感濃稠適中。明爐烏頭魚，魚尾部份會比較滑，同酸酸地嘅湯一齊食，好有泰國風味。至尊泰式海南雞，主要想食雞皮，薄而不肥，雞肉超滑！蒜蓉炒芥蘭，有鑊氣，芥蘭嘅色澤好翠綠新鮮。菠蘿海鮮炒飯以完個菠蘿上，仲有隻菠蘿碟，炒得幾好味。食完咁多嘢仲有甜品未食！呢個芒果糯米飯必食，糯米夠熱又軟熟，芒果又鮮甜，好味呀！有個泰式甜品拼盤，有椰汁西米糕同埋大菜糕，味道唔及芒果糯米飯咁好味。

#亞萊泰香港人一向鍾意食泰菜正宗既泰菜未必要去九龍塘先搵到呢間泰式料理質素都唔差小編鍾意食炭燒泰式串燒，鍾意食佢個沙嗲醬有小小椰奶味又唔會太辣泰式鳳凰丸都幾得意外形有小小燒賣，炸得好脆，入面係彈牙既魚肉菠蘿炒飯好大兜又足料菠蘿同肉鬆既混搭，令成兜飯好甜好開胃每次食泰菜，小編都會點馬拉盞炒通菜，爽脆好味夏天就點左杯椰奶飲下解渴，有好多仙草、西米😋正！小編建議大家都可以去試下喔，真係吾錯架評分： 7.2 / 10

好少去天水圍，原來有個好大既商場叫t town，場內很多餐廳，這天選擇了吃泰國菜。餐廳正在做夏日優惠，不到100 hkd就可以點一條鮮青檸明爐蒸烏頭。我們還點了一份小的泰式小食拼盤，泰式咖喱蝦球，蒜蓉包。甜品選擇了芒果白糯米飯。小食拼盤有泰式春卷，蝦餅，魚餅和鳳凰丸各2件，配甜酸醬。咖喱蝦球大大粒，黃咖喱甜甜的，配內脆外軟的蒜蓉包非常夾。青檸明爐蒸烏頭是連一個小火爐一起上枱，烏頭魚好大條。微酸的青檸味十分開胃。芒果白糯米飯的芒果很甜，糯米飯煙韌充滿椰香味，十分滿足。二人套餐看上去也是十分抵食。

一日之計在於晨 怎麼可以不食早餐呢?去了這家餐廳食早餐 人流不算多不用等位挻好的 很久之前食過一次現在再來食多次吧 點了2份早餐·五香肉丁米粉 HKD$32·沙嗲牛肉面 HKD$32·粟米火腿奄列配多士 HKD$0·熱咖啡 HKD$0·熱檸檬水 HKD$0味道不過不失 但米粉有點過腍了太腍的米粉不好味道 食了一半就不想食😣這個價錢食個早餐算是這樣吧希望下次不會再這樣🙄🙄🙄🙄 ~~~~~~~~~~~~~~~~~~~~~~~

本身想食早餐，但過了11:30am 所以變成食午餐。.早餐我是滿意的，$30 好豐富食到好飽。但午餐就一般般了。.午餐$50左右包飲品。.賣相、份量還好，味道方面我覺得唔夠香。.$45 喇沙河，有3粒豬肉丸及3-4塊肥牛，份量好多我食唔晒，但啲湯底就唔太「喇沙」。而且放耐左，啲河粉會變爛。...個雞扒飯presentation 算叫好（好似是$48），雞扒正常但啲汁都是唔夠香。.不過$50蚊，食得飽、坐得舒服都好合格的了。

環境寬敞，餐廳上菜非常快。晚市有不同的優惠套餐，非常抵食。冬陰公湯夠辣又惹味、生蝦非常新鮮，但略嫌價錢稍貴、菠蘿海鮮炒飯小辣，十分夠味。生菜包小小酸小小咸，開胃又不油膩

今日老遠入到天水圍, 發覺呢度唔係其他人講得咁差. 最少我呢個區外人盲舂舂亂撞一間餐廳都食到好野. 話說今日入天水圍做完野, 正準備食個午餐先走, 走上去商場內都幾多選擇. 結果見亞萊泰有位小姐面帶笑容咁介紹下, 就決定入去試下. 午市套餐都幾多選擇, 價錢都係五十幾蚊左右包杯野飲. 結果叫左個馬沙文咖哩雞飯同熱檸水. 整體來說, 比普通好小小. 但亦好欣賞呢度d環境同服務. 坐得都好舒服, 又唔算太迫. 總之呢個價錢係抵o既. 

畢業後好小入天水圍. 以前嘅天水圍頌富商場原來已改名為T-TOWN. 以前D噏耷舖都轉晒. 個商場好光猛, 樓下街市亦改為新式街市同食肆. 行到三樓搵地方醫肚. 呢排好想食泰國野, 呢度又有間門面幾靚嘅泰國餐館即管試下. 可能係閒日同仲係早, 所以唔洗等位. 個午餐MENU都算多選擇, 學生個價仲好抵同有椰汁紅豆冰送. 由於晏食早餐, 所以揀個無咁heavy嘅 海南雞拼豬肉丸湯河. 個餐仲有跟一杯熱飲.個餐5分鐘左右就到, 雞肉好嫩滑, 唔太生又唔太熟, 剛剛好. 最緊要個湯夠熱, 如果唔係我會好失望.  份量女仔食都飽, 但相信男仔食可能要叫多個小食會好d. 或者下次叫埋以前d同學再黎一齊叫多d款式敘一下.  

平時會係呢到食早餐，見到有晚餐promotion- 於最可以mark up 價的新年期間都有套餐，所以同屋企人年初六去試下。2人套餐$298，4人套餐$698，平均一個人不用$200，新年而言算平。左是通菜、右是木瓜沙律。呢2道菜好代表到呢餐飯：辣！自問食得辣，不過呢個看似清淡的沙律真心好辣，最後無咩人食，浪費了很多。冬蔭功湯好飲的，而且用個爐呈上，保暖又裝飾到。條魚都是，有個爐仔。菠蘿炒飯太多肉鬆了，得晒啲肉鬆味。又是爐！1套飯3個爐，好多道具喎！甜品兩款都包的，好滿足呀。因為我地是6個人食，所以另外叫多個餸，牛肉花膠，都ok 足料的。

豬年趁未開工, 走入元朗同天水圍一轉行下大運. 本來諗住元朗食, 但要去同親戚拜年結果入左天水圍. 結果就隨機入去呢間亞萊泰. 趕時間我只係叫左海南雞飯. 再叫左一個椰青.  去過黃大仙亞萊泰, 天水圍呢間裝修較新, 坐位都算舒服. 雖然海南雞個賣相一般, 但味道還是可以. 油飯都有應有水準.  總結: 合乎個人要求, 下次要試下其他嘢. 見到隔離枱叫到成枱都係, 賣相都唔錯.