亞萊泰 (T Town North)

营业中

休息中

秋意漸濃，又想食泰菜🤭🤭近近地，見樓下呢間亞萊泰有全單八折，二話不說衝左入去😂😂泰式脆香盲鰽伴青芒果沙律，呢個沙律好特別，先將盲鰽炸過，再拌青芒果絲，加上泰式特有醬汁，大力推薦！香草仿蟹肉雞絲魚肚羹 入口有勁多魚肚，亦多一入鮮甜味。配合含有仿蟹肉雞絲的魚肚海鮮羹，湯羹味道鮮甜，別具一格。蒜蓉炒雜菜　炒得幾爽脆，夠晒鑊氣，特意叫不辣的菜，中和一下😊😊菠蘿炒飯，夠乾身，提子乾腰果和一些雜錦海鮮，賣相靚👍👍泰式生蝦，新鮮，彈牙爽口，醬汁夠辣好惹味😆😆大蝦粉絲煲芒果糯米飯賣相討人喜悅，糯米飯用上白糯米，加上濃濃椰漿，軟糯好食！好滿足，有八折錦上添花😂😂

之前食過亞萊泰其他分店覺得幾抵食， 今晚去左天水圍呢個商場咁啱見到就決定回味多次😀呢間既座位感覺仲闊落仲鬆動，裝修都幾優雅👍我哋兩個人叫咗個細小食拼盤，馬拉盞炒芥蘭，一碗黃薑飯，泰式金邊粉，泰式燒䱽鯧魚同一個椰青🙈啲嘢嘅份量全部都幾大碟😮碟芥蘭炒得啱啱好，食芥蘭好怕煮得太熟，淋左就無左芥蘭果種特別既香味，又唔脆口，呢個炒得唔錯，配埋馬拉盞就更惹味😋黃薑飯隻色好靚👍幾重黃薑味，唔會太乾，有少少油剛剛好～燒鯧魚店員一放低就聞到好香嘅燒烤味😍 魚皮勁脆！平時食魚我都唔太鍾意食魚皮，但係今次覺得好好食😂 魚肉好厚身，又滑，抵食😊 椰青超大個👍 好多椰肉，清甜，平時出面泰式餐廳飲個椰青大部份都要四十幾蚊，呢度三十幾就有👏宜家做緊推廣星期一至五晚市仲有8折，抵呀！👏

天水圍想搵間泰國菜真係好難，難得t twon有間亞萊泰！我同媽媽叫左個2人餐，本身以為加50蚊係可以將個main轉做泰式鮮蝦金邊粉，但結果原來係加50有多個粉，最後飽到食唔哂2人餐加10蚊就有2杯泰式特飲，超抵，落左單之後，特飲好快就上台我地叫左杯珍珠奶茶同椰汁珍珠冰，珍珠奶茶既味道有少少偏向港式奶茶既味道，茶底夠濃媽媽揀既椰汁珍珠冰令我非常意外，平時我唔多鐘意椰味既飲品，但呢杯既椰味好清甜，味道比我杯珍奶稍勝main我地叫左泰式海南雞半隻，雞好滑，肉質都好鮮嫩，仲配左3種醬比你任點，分別係豉油，泰式辣醬同薑蓉，個人覺得雞肉同泰式辣醬好夾！蔬茶叫左個馬拉盞咸魚炒通菜，通菜幾新鮮，咸份唔會太過份，仲食到好有鑊氣湯揀左香草蟹肉仿鮑魚絲魚肚羹，上台果陣仲加緊熱，飲落熱辣辣，口感似食緊魚翅，d魚肚好大塊好爽口泰式鮮蝦金邊粉賣相非常吸引，金邊粉炒到金黃色，配料好足，d蝦都幾大隻幾鮮泰式小食拼盤有泰式春卷，蝦餅，魚餅同鳳凰丸，特別推薦魚餅，第弓次食咁好食既魚餅最後甜品係各式糕點，都非常有咬口

早幾晚同朋友同呀媽落樓下食晚飯，揀左我比較鐘意既泰式餐廳。市道唔好，好多餐廳都減價或者有做優惠，但係佢呢，逆市加價呢雖然而家已經唔需要加一，但係幾乎全部菜都加左價，其實分分鐘仲貴過加一。比如以前我必叫既青木瓜沙律，原本68蚊，而家78蚊，已經貴過加一了，所以我都好少再叫。我地三個都食唔到太多野，只叫左一條烏頭同海鮮炒金邊粉。另外因為飲品買一送一，所以都叫左兩杯share。烏頭唔知係咪因為做緊特價既關係，肉質好鞋。其實烏頭本身就係比較肥美既魚，佢可以變到咁鞋究竟係煮左幾耐同擺左幾耐呢。不過佢既湯汁無得彈，有得揀辣度，又夠酸夠香，所以我都係為左佢呢個湯先叫。呢間既炒金邊粉我一向都覺得幾好食，雖然配菜比較少，但係味道好，份量都唔少，我地三個人食都仲有剩。。。（雖然我地比較細食）最後係飲品，因為佢既椰汁底好香濃，所以基本上椰汁紅豆冰呀，涼粉冰個啲都無得輸，呢個地方係抵讚既。

每次食泰式料理都一定會叫炒金邊粉同生菜包呢度既金邊粉唔會炒到好油同夠惹味落左好多香料，每一條粉都入曬味，酸酸甜甜甘意想唔到，碎肉份量甘多，反而係生菜太少但添多兜菜要加20蚊，唔係好抵🤭碎肉咸中帶辣，大概一半肥肉、一半瘦肉，混搭洋蔥同蔥花，都幾好食！朋友想試下呢間既豬手，都算大隻重點係滷得夠淋夠入味，d肉一咬就散充滿骨膠原，連皮食好滋味！通菜都炒得夠火喉，唔會太軟或太硬，食落都爽爽地呢個係蒜蓉炒通菜，但鼓油味反而比較突出

一向都喜歡吃泰國菜的我，前日去探望好友，隨即到她家附近吃晚飯，選擇了泰國餐廳的亞萊泰，這裡的泰菜很特色，可以讓我們慢慢品嚐一下的美食 ~餐廳裝修雅致，以泰式時尚設計，地方寬闊，座位之間沒有壓迫感，舒適悠閒，在這裡享用美食，真的很不錯。亞萊泰 - 兩週年誌慶星期一至五晚市時段，全單 8 折，5:30pm-10:00pm。餐牌裡款式選擇多，除了有最新優惠精選外，還有二人套餐、四人套餐及單點的頭盤小食、海鮮、肉類、咖喱、炒粉麵飯、蔬菜、沙律、紙卷、湯品、甜點、特色飲品等，款款吸引，別具特色。我們點了二人套餐 $308，有泰式小食拼盤(細)、泰人大頭蝦冬蔭湯(細)、鐵板泰式滷水無骨豬手、馬拉盞炒通菜、泰式甜品(四件)，套餐加 $10 泰式特飲兩杯，另加金柚子沙律。泰式小食拼盤 (細)炸物拼盤香脆可口，味道鮮美，拼盤備有酸辣汁，沾了令炸物味道提升，很滋味。泰人大頭蝦冬蔭湯 (細)酸酸辣辣的冬蔭湯，飲起來好開胃  ;  冬蔭湯份量頗多，材料豐富，除了大蝦外，還有菇菌和多種香料等，蝦肉鮮甜爽口，而湯頭集合了酸、辣、甜、鮮、香的味道，可以説是五味俱全。泰式冬蔭湯，對於我來說是吃泰國菜必點的，獨特的泰式

今次我哋就冇出市區啦，去咗位於天水圍嘅一個住宅商場入邊食亞萊泰，冇錯又係泰國嘢食。一到去都仲係8:30 ，所以都仲有唔少街坊喺度食緊晚飯。我哋成日都眼大肚窄，嗌咗炭燒泰式豬頸肉，椰香青咖喱雞，海鮮炒金邊粉同埋平時最少食但係都最特別嘅清邁鐵板煎蠔仔蛋！豬頸肉真係好好食呀啱啱燒出嚟熱辣辣，肥而不膩配埋辣辣地既酸甜醬真係一絕。而青咖喱雞都好特別，佢有個爐熱住佢滾下滾下咁陪埋加配嘅印尼薄餅😚🥰今次仲唔係正宗嘅食法咩但係最鍾意食嘅都係清邁鐵板煎蠔蛋仔，佢有啲似台灣嘅蚵仔煎亦都有啲似香港大排檔嘅煎蠔餅，不過佢蛋漿嘅部份佔得多啲，所以未去到香港既蠔餅咁脆口，但係蛋味好濃郁就算凍左少少食都好有味道，下次叫朋友黎都真係要黎試下個菜式😍

我朋友話好想食泰國野，係T town 見到有得食，快d入去啦！好，坐底睇下有咩好食先。泰式小食拼盤，有泰式春卷、蝦餅、魚餅、鳳凰丸，全部都係炸得金黃香脆，蝦餅用左香茅，特別香，魚餅就外脆，裡面魚肉彈牙。泰人大頭蝦冬蔭湯，好足料，除左飲到海鮮味，辣度係十足，再帶微酸，正。椰香牛腩青咖喱，好多椰香，唔太稀身，超多牛腩，加埋印式薄餅黎食，好好味。冬蔭雞肉炒飯，飯炒得多乾身，食到冬蔭功香味，唔油膩，仲有粒粒雞肉和蛋絲。椰汁雪燕，張相真係好吸引，食飽飽都要來一客甜品，呢個係凍食既，粒粒雪燕加濃厚既椰汁，食完甜絲絲！

泰國菜係好多香港人都喜歡食嘅！竟然連我老爺奶奶都係😅今日入天水圍做節佢哋竟然揀咗食泰國菜令我有點愕然😅平時咁多年都係食酒樓第一次食非酒樓嘅菜式👍🏼可能係平日關係而且我哋入到黎都已經八點，餐廳座位仲有好多。餐廳裝修都好雅致。入到黎佢哋都已經就選咗幾碟菜，佢話佢哋已經食過好多次了。首先嚟到嘅係炸蝦餅每次泰國菜一定食嘅菜式之一。唔好意思食完先記得影相😜1⃣️碟有三件每件切開一半，總共有六件都幾厚肉，不過我覺得唔夠彈牙跟住佢哋話必食嘅呢一碟燒盲曹配芒果沙律，我覺得芒果沙律係好好食嘅芒果好爽脆好有芒果味👍🏼但係個魚我就覺得好多粉炸唔係燒，我個人唔鍾意食，但係屋企人話好好食，呢啲就係各人有個人嘅口味冬陰公味道都幾好味啲蝦都好大隻嘅必食嘅馬拉盞炒通菜，太多醤我嫌佢太咸菠蘿炒飯我覺得冇乜菠蘿，啲飯有啲生呢個炒蠔仔蛋，我又覺得幾好食好脆我都好耐冇飲過咁稀嘅芒果沙冰

聽講T town都有好多嘢食，梗係要嚟試下啦，今晚揀左食泰國菜，於是入左阿萊泰喇。二人套餐好抵食只要308蚊就有大蝦冬蔭功湯（$82），湯好好飲，仲有兩隻大蝦，爆蝦膏，仲有半隻手板咁大隻，抵食。半隻海南雞（$98），超級鮮嫰去埋骨，啱哂我呢啲懶人食。泰式小食拼盆（$78）仲有蝦餅，泰式素春卷，魚餅同鳳凰丸，鳳凰丸係雞肉同香草混合而成。鹹肉炒通菜（$65），好惹味夠鑊氣，鹹肉份量都多，抵食。泰式鮮蝦金邊粉（$85）份量超大，蝦夠新鮮，金邊粉甜甜地配上花生碎加上豆腐乾好地道。最抵仲有跟餐13蚊嘅Singha 啤酒，正。再加杯芒果乳酸（$29）大大杯夠冰凍，多果肉，完美的一餐中秋節飯。值得一提係呢個餐遂樣嗌要460蚊，而家308蚊加50蚊有飯或粉，唔叫餐，散叫都有8折優惠。

難得去咗天水圍濕地公園，睇完香港嘅珍貴動植物之後，就去天水圍嘅T Town 食晚飯先！喺商場行咗陣，見到依間亞萊泰嘅裝修好靚好用心，而且店外職員好熱情介紹食品，仲話晚餐有8折優惠，當然入去食大餐啦點咗泰式生蝦刺身，有6隻，每隻都好厚肉，個泰式辣汁調得好出色，連埋生蒜片一齊食，真係又鮮甜又野味串燒（雞肉/豬肉）燒得好嫩，豬肉一d都唔乾，而且夾集住少少肥肉，食落好甘香！明爐青檸烏頭，一路熱住一路食！酸酸辣辣好開胃，一d都唔腥軟殻蟹咖哩，蟹炸得好脆，個蛋咖哩好香濃，配薄餅食真係一流👍🏻椰春好大個好清甜，奇亞籽涼粉冰唔會太甜，飲曬都零負擔！

今日又來在頌富商場了, 好肚餓呀, 已經過了午餐時間, 見到有吃泰國菜的, 看到都想立即入去吃哩!由於過了2點,算是下午茶時間了 ,看到下午茶都有不少選擇!真開心喔。因為太餓的關係, 我和先生都想吃飯, 好啦, 我就叫海南鷄黃油飯,老公就點海南鷄拚無骨猪手飯, 哈哈, 當時我們2個都是餓壞了的飯筒!海南鷄黃油飯, 送的蘿蔔湯個湯沒味, 不飲也算了, 海南鷄沾醬, 沒驚喜, 可能都應該沒有什麼期望吧, 海南鷄本身也沒什麼味道, 所以醬料我自己覺得是重要的, 好的醬料會生色不少, 飯也是普通的飯, 沒有好油, 當然也吃不出什麼黃油味吧, 可能是下午茶的關係, 所以沒特別覺得好吃的。海南鷄拚無骨猪手飯, 猪手比較油, 老公差點吃到噎到了, 而且一個不小心把猪手跌進褲子上, 擦來擦去也擦不掉污漬, 真是奇葩。我來過吃晚餐, 品質好得多, 就是不知道何解下午茶質素差了如此多, 也許我應該來錯時段了!下次如果再來, 不會是下午茶了, 下午茶一次足夠!😁😁

King prawn and glass noodle clay pot with Thai fish sauce and herbs:Fair, the king prawn is really large, but not really fresh. The texture is a bit mushy. The glass noodle is really wet, not dry enoughTraditional Thai style fresh shrimp served with fresh garlic, chilli and spicy dip:Again, not super fresh. The shrimp is not translucent at all, with a hint of prolonged refrigeration. Thai style Hainan chicken served with Thai sweet and spicy dip:The best among all. The chicken is very smooth and

T Town 近期都去多左，因為餐廳多選擇，種類又多，又有一個好大嘅停車場，同時間有近我屋企，今日去咗一間食泰國菜名叫亞萊泰。泰式生蝦：蝦好甜，夠爽口，辣汁調得好啱我胃口，夠酸夠辣。泰式木瓜沙律：木瓜夠新鮮甜美，大大碟，酸甜度適中，好開胃。半隻海南雞（配油飯）：啖啖肉無骨，好有雞味，連埋皮食唔算油膩，典賣甜豉油姜蓉一齊食，非常可口。配埋一個邪惡油飯，味道滿分。炒蝦蝦干扁四季豆：四季豆好乾身，好有鑊氣炒，蝦大大隻，調味得非常一流。蒜蓉包：厚切嘅蒜蓉包，淡淡都有甘香蒜蓉味，牛油好香。龍眼冰：有10多粒龍眼系入面，龍眼冰好大杯，好抵飲，味道鮮甜，唔會過份甜。

開左咁耐第一次食完就再食！！！第一次同第三次都叫左套餐，多款選擇，店員服務態度都好好同積極上菜速度快令正，第一次食叫左海鮮咩咩寶，原來個法國包真係5講得笑，本來我地唸住細細地5夠飽叫多個飯，但店員同我地講我地可能食5晒不如遲d再決定，好彩相信佢無叫到飯，食晒成份都飽到升仙頭盤小食，食到似魚蛋果款有好多骨碎仲要係粗既，其他都好食正到爆，咸魚馬拉盞炒菜，好味5偏咸冬陰公就有少少失色，5夠酸5夠辣，但味道都ok既，入面既蝦爽口彈牙，新鮮！特別椰汁涼份，配泰國菜，正龍眼冰不過不失甜品多種類，好味第二次叫左佢特價既燕窩，足料但味道單調，只有椰汁加水味，而且隻匙羹好難用係尼個碗入面，仲要係常溫，5凍5熱咁，麻麻地菠蘿炒飯好味，偏淡第三次試左豬手，再提個拼盤果個魚有粗骨碎，今次插到口其他都係之前既水準，豬手第一次食，好味！！！又滑又夠味會再食，不過拼盤就5會再叫啦