亞萊泰 (黃大仙中心北館) (已搬遷) 新店位置

二個人大約7點去到餐廳，一坐底職員就即刻講部分餐牌有7折🌟生蝦泰國菜必點，爽口🌟咖哩海中寶麵包烘到好脆，個咖哩唔辣，帶甜，入面有蝦、魷魚、魚等海鮮，好惹味，每次黎都必點！🌟生菜包份量好多，呢到生菜包比較岩香港人口味，唔會太酸同太辣🌟炒金邊粉本身好唔中意食炒金邊粉，因為出面大多比較甜，呢個味道適中，麵有口感，有鑊氣，唔會太油🌟魷魚呢個系全晚最失望，無乜味，個醬汁同生蝦個汁一樣，但魷魚都算系彈牙二個人叫左五樣野先300幾蚊埋單，真系好抵，仲要食唔晒打包😂😂相比起好多泰國菜呢間系非常抵食，食物水準大致都好，餐廳菜式大部分都唔太辣

之前都同屋企人食過呢間泰國野😋，記得味道不錯，🏝而且環境都幾好。今日屋企冇煮飯，同母親大人去食晚餐，😍經過呢到見到佢單點食物有7折，勁抵食！其實佢都有套餐嘅，不過唔係全部都岩食，所以都係單點。⭐️泰式生蝦🦐可能因為好多人幫襯，佢個生蝦意想不到咁新鮮咼。配埋個酸酸辣辣嘅汁，好開胃。⭐️泰式小食拼盤🦐🦐佢有泰式春卷、蝦餅、魚餅同鳳凰丸。呢個係必點啦，蝦餅超好食，下次可能單叫個蝦餅食先。⭐️泰式大頭蝦粉絲煲🦐🦐🦐大頭蝦開左邊，都幾容易食，不過粉絲略微有點濕。⭐️泰國鮮椰青🥥好清甜，每次食泰菜都一定叫黎飲。⭐️熱龍眼冰 (hot)好抵啊，仲有買一送一優惠。

無諗過屋邨裏面竟然有咁抵食，食物質素又幾好嘅泰國菜🇹🇭， 最重要係便宜😂， 食物幾好食，又夠大份，性價比超高！ 二人套餐包泰式小食、湯、主菜、蔬菜、甜品， 一個套餐有5款食物，都只係$318起，好抵呀！😯 ⭐️推薦❗️泰式拼盤 有齊蝦餅、春卷、魚餅、雞肉丸， 每款有兩件，好豐富喎！ 蝦餅外皮炸得香脆，爽彈美味！ 春卷外皮酥脆，內裏嘅素餡口感豐富， 蘸上泰式酸甜醬更惹味！ 魚餅散發着檸檬葉香氣，微辣惹味。 第一次食呢種泰式味道嘅雞肉丸，幾香香草味，不錯吃！👍🏻 ⭐️推薦❗️泰人大頭蝦冬陰湯 原鍋上陣嘅冬陰公， 仲要有火爐坐熱， 咁就唔使驚會食食下唔夠熱啦！😏 冬陰公入面配料好足， 有大蝦、蕃茄、菇類、香茅、檸檬葉、南薑等， 味道正宗，香甜酸辣，甘醇美味，正！😋👍🏻  ⭐️推薦❗️泰式脆香盲鰽伴青芒果沙律 無骨嘅盲鰽魚片炸至香脆可口， 淋上香甜微辣嘅醬汁，好惹味， 青芒果沙律爽甜味美。 之前小編係九龍城某泰國菜館食過類似嘅菜式，都要索價差不多$200一份， 雖然呢到嘅份量只係例牌， 但份量都好多，足夠兩個人食， 仲要套餐包埋，唔洗加錢換

去黃大仙中心同屋企人食泰國菜, 行過呢間阿萊泰。 門口大大個寫住 <星期一至五晚市八折,仲要唔收加一😍 >,望入去都幾多人呀就入去試下 。地方坐得好舒服呀,因為好闊落。佢仲特登畀咗個有梳化嘅自成一個位畀我同屋企人 ,好貼心 ,抵讚 👍 。打開個餐單有好多唔同種類,仲有啲係佢嘅特色菜, 好似有個 18吋軍艦咖哩海中寶。 一條長長嘅法包上面海鮮咖哩,喺出面見唔到㗎。 我哋四個人啱啱好就叫咗個四人餐,好豐富頭盤到甜品都已經有哂。🔸泰式拼盤:有蝦餅,魚餅,春捲, 全部都係新鮮熱辣啱啱炸起。🔸湯: 大頭蝦冬陰公湯 。冬陰公既口味其實真係好個人,有啲鍾意酸點,有啲鍾意辣點。呢度既冬陰公湯就好合我屋企人好味, 各方面都好平衡 。 湯內有兩隻大大既大頭蝦, 分左一人兩碗都仲有淨, 份量好足丫。主菜:🔸海南雞🐔 , 真係好滑。我最鐘意佢係 滑得來係熱既! 出面食好多時候都係凍既 , 因為再翻熱會老嘛。但係凍冷冷, 有時我都 擔心佢唔知攤咗幾耐先買 有衛生嘅問題呢度嘅雞係熱㗎仲要都仲係好滑同埋好有雞味呀值得推薦。 🔸花膠海鮮粉絲煲 ,有花膠,有魚,魷魚呀等等嘅海鮮。不過重點應該係索哂味既

太耐冇同屋企人食飯,於是就揀咗平日嘅星期一去食泰國嘢,我地選了呢間"亞萊泰"泰國餐廳,呢間餐廳非常之近地鐵站,唔使好似喺九龍城咁又要又塞車又多人。好啦咁我就介紹下間餐廳嘅入面嘅食物啦,餐廳而家做緊精選優惠,有一個非常抵食嘅套餐,四人餐都係$698。你無睇錯係$698仲包4杯野飲,係逢星期一至五去食仲唔使收加一。 唔使二百蚊一個人都可以食到飽飽。首頭盤有泰式拼盤(8件)2蝦餅,2春捲,2魚餅,仲有2件唔記得, 上檯時熱辣辣 非常惹味湯 - 大頭蝦冬陰功湯 冬陰功非常之惹味,仲有大大隻嘅大頭蝦。主菜 1. 至尊泰式海南雞一隻主菜2: 花膠蟹肉海鮮粉絲煲 呢個煲非常之惹味,強烈推介,又有花膠,又有海鮮配料,抵食粉/麵/飯 - 泰式鮮蝦金邊粉賣相一流蔬菜 - 飛天炒通菜 甜品 - 泰式甜品拼盤同埋及芒果糯米飯佢個甜品都幾認真㗎 芒果糯米飯的糯米又甜又韌又有咬口。其它甜點都ok。$698 有6樣嘢食,仲包2個甜品同埋4杯嘢飲, 呢個價錢,真係抵到你唔信。

我地叫左個二人餐 費事要諗食咩好😏😏小食拼盤👍🏻😻炸春卷、魚餅、蝦餅、雞肉波 每一樣都係新鮮炸好熱辣辣咁上 好脆口 尤其是個炸蝦餅好滋味香口香濃椰汁雞湯😼雖然話係細粉 但都有4細碗好多雞肉、秀珍菇、香茅 雞嫩滑 芫茜味好重泰式脆香盲鰽伴青芒果沙律一入口係酸酸味味 食多陣先食到辣味 但係好輕微既辣味 酸酸味味好開胃馬拉盞通菜炒得好香、好夠味我地加左$50 用優惠價加多個鮮蝦金邊粉味道唔錯 啲金邊粉唔會炒到一pat野 飲品而家買一送一我地就叫左椰汁珍多冰同龍眼冰😛😛椰汁珍多冰 好香濃椰奶味 唔太甜龍眼冰就好清甜我地食到好飽 要捧住個肚走

個fd大左肚，想仲係佢未做媽媽前大家聚下 傾下計 所以就佢住既地方，去左黃大仙食泰國，諗住靜靜地邊食邊傾。由於一早book左枱，所以入左個玄關位，好似有間房咁，大家初時都enjoy地食同傾。由一入座到上第1道菜，後面個阿姐已經係咁拎起個籐籃拍打張枱。我地話有d嘈，請他們去停止。到食到中途，仲繼續係咁拍打，我就走出去問經理可以停一停，比客人可以安靜咁食返餐。佢話唔好意思，因籐籃洗完有水，要拍打返d水出來。跟住又話會叫停伙記。點知…… 佢繼續拍呀拍呀拍呀拍呀拍呀…… 拍到我地就走，食甜品為止……我唔相信會有客人會enjoy邊食飯，邊有拍拍拍拍拍聲係背後。sorry，d野一般，就算而家佢平日晚有8折，但絕不會再幫襯。幫襯完，頭都痛埋

今晚媽媽忽然話想食泰國菜，於是我找了一下，就帶了她去食亞萊泰。餐廳都頗大，兩人坐得舒服啊。鹹肉炒椰菜，椰菜仔炒得爽脆，配鹹肉片一齊食，甘香又十分惹味的。蠔仔煎蛋，用鐵板盛載著，好似Pizza那麼大個，蛋餅煎得鬆化香脆，夾著鮮嫩蠔仔一齊食，很甘香。泰式鮮青檸明爐蒸盲鰽，湯汁酸酸辣辣，盲鰽煮得剛剛好，魚肉鮮甜嫩滑，不會很多骨，所以忍不住一口接一口地食。最重要母親都表示很滿意這間餐廳，下次會再幫襯咁話。

今晚同朋友去左食泰國野，係黃大仙中心北館，餐廳裝修都幾別緻，仲有好舒服既卡位可以坐呢間餐廳都算幾闊落嘅舒適，店員嘅服務都好好，餐廳有好多食物選擇，價錢又唔算太貴我地叫左幾樣泰國野食，有小食拼盤，冬陰公，一個炒飯，呢度嘅飲品仲有買一送一優惠，適合晒都幾口渴嘅我首先嚟嘅係冬陰公湯，呢個冬陰公湯唔算太難，可能因為走咗香港人嘅口味，不過材料都係十足嘅，隻蝦仲係好大隻，兩個人飲都好足夠，呢份冬陰公湯應該可以分到四碗跟住我哋叫咗個炒飯，呢個炒飯好似出邊唔係度度都有得食，好似係叫做蝦油炒飯，又係好多海鮮嘅配料，都幾好味

今日相約幾個黃大仙之友食晚飯，近近地見到北館有間泰菜,正啱哂我地食點個二人餐有哂我地想食ge嘢泰人大頭蝦冬蔭湯（細），有大大隻蝦,用料足,唔太辣的冬蔭湯，啱哂我朋友泰式海南雞（半隻），肉質嫩滑，需然話半隻，但都幾大隻迷你泰式小食拼盤，有四款小食，啱哂人少少而又想食多款食物的朋友仔馬拉盞炒通菜，炒完上枱通菜 仲有少少脆口二人套餐加 $50仲可以有泰式鮮蝦金邊粉好抵呀食得泰菜無理由唔整返杯珍多冰特飲，爽下先我朋友就喜歡飲椰青，夠凍還有泰式甜品配門外已經有泰國feel

突然想食泰國菜，收工就實行！我知亞萊泰都有幾間分店，黃大仙呢間就比較近我，我地入到去，個場都無咩人，可以隨便坐。入到去就有侍應同我地講全單八折，我地大概七點半到去到，有優惠，真係開心！我地叫了四樣嘢，古法咖喱牛腩：味道唔錯，牛腩分量都幾多，唔會太辣，適合唔食辣嘅人。串燒（豬加雞）：串燒味道唔錯，豬肉串燒食起嚟好似肉乾，配上滿滿的沙爹醬～好味馬拉盞炒通菜：似係蝦醬炒通菜多啲。炒金邊粉：金邊粉好彈牙，炒得幾乾身。兩個人食有啲多，食到好飽最後埋單就around $230幾值得一提呢度嘅服務都幾好，見我地擺唔落嘢會有人嚟幫手移開啲餐具，仲會成日留意我地，感覺到備受關懷（雖然有點負擔）

和友人一起去食飯,本身想去九龍城食泰式菜,可惜天氣一般,有點下雨,就決定轉去商場的食店,幸而看到這間泰式菜館,當然二話不說,決定食這間。看到這間的環境都好大,而且裝潢也很有泰式的味道。不但座位寬敞,而且環境也舒適,食飯時也能保留一點私隱度。看到都好多餐單選擇,有二人和四人餐選擇,也可以散叫.不過都是叫優惠套餐感覺抵點.我自己就點了二人套餐.看到其實都多食物選擇...我就點了這個香濃泰人椰汁雞湯,本來想點冬蔭湯,不過就覺得之前成日飲,就決定試這個。看到白色的椰汁湯,飲下去有酸酸甜甜,好惹味,椰汁味並不算濃.但又有一種泰式的風味.而且內裡好多秀珍菇,更顯一種鮮味。泰式海南雞(半隻)雖然此雞略為肥了一點,不過勝在多肉,口感嫩滑,彈性十足.加上最愛就是海南雞不帶半點骨,食下去啖啖肉,配上醬汁,滋味無比。小食拼盤有著龍鳳蝦丸,春卷,魚餅和蝦餅,都幾多種類.配上泰式甜辣醬,都好好食.而蝦餅和春卷就是我的最愛,香脆之餘,中間也帶著柔軟,不會炸得太乾爭爭。都有著一種彈性的口感。馬拉盞咸魚炒通菜可以選擇馬拉盞或蒜蓉或咸肉.但我都是最愛馬拉盞,比較惹味,而且通菜不老,食下去爽口嫩滑,不會太咸,炒得剛剛好。

今日放工去咗黃大仙睇中醫，好少去呢頭食野都唔係好知有咩食。見到黃大仙中心都好多野食下，咁我同男友就係入面搵下野食，食完隔離就係地鐵站。香辣肉碎生菜包最近減肥既我，叫咗個生菜包黎食，肉碎炒得好香，而且都比得好多下，Ｄ肉碎有小小辣，小小肥豬肉攪碎炒埋好香口，食到Ｄ青檸汁味道，正！生菜好新鮮，好青新。泰式海南雞（半隻）見到佢Ｄ海南雞好肥美，色澤都幾靚，雞皮上面油光充足。其實半隻都好多下，最緊要佢夠滑，我一連食咗４—５舊，雞味香濃肉質都算嫩。蝦頭油海鮮炒飯男友想食炒飯，呢碟炒飯都炒得幾出色，蝦頭油味道咸香，炒飯好惹味，佢比咗三隻蝦落去炒，加埋其他海鮮，成碟飯好抵食。泰式明燼青檸蒸烏頭呢個之所以叫係因為見佢做緊promotion, $98蚊就有一條明爐烏頭。上菜見到好大條，絕對唔係細細頭。佐料好豐富，又有蒜片又有香芧又有青檸，非常惹味，咁大條都差Ｄ食唔晒。我見到呢個餐廳第二度都有分店，下次食泰菜一於揀呢間。

泰國菜酸酸甜甜又惹味的那種味道，很適合我的口味，今日來到黃大仙中心又選擇了食泰國菜。餐廳裝修充滿了泰式的味道，裝修優雅，帶㸃古色古香。海鹽炭燒盲鰽$148鹽燒魚是泰菜的特色菜，今日要了個海鹽炭燒盲鰽，盲鰽真可謂啖啖肉，魚剛剛燒出來還熱辣辣，揭開面上的魚皮還透出一陣的熱氣。魚肚裏有很多的香茅，盲曹燒得肉質嫩滑，秘製的酸甜辣醬汁更能帶出魚的鮮味。馬拉盞炒通菜$68很喜愛馬拉盞炒通菜，因為馬拉盞的味道令通菜特別惹味。泰式菠蘿海鮮炒飯$95菠蘿炒飯面上有肉鬆，還有腰果、粟米粒、菠蘿、鮮魷魚及蝦仁，還有菠蘿粒，食落口感非常豐富又惹味。飲品正做特價買一送一，非常抵飲。奇亞籽椰汁涼粉冰$29買一送一要了椰汁紅豆冰。兩個飲品都椰味很濃，紅豆軟棉甜度剛剛好。椰汁西米糕$36椰汁西米糕軟淋中帶點煙韌，也是很香椰汁味。

以前吃泰菜常常要到九龍城，現在很多商場也有不錯的選擇。魚身舖滿海鹽去燒，上枱時海鹽已經變硬，外皮香脆。廚師細心地經幫盲鰽起皮，揭開就可以吃。魚肉肉質嫩滑彈牙，充滿鮮香，不點任何醬汁吃已經很讚。豬手遠遠已傳來陣陣香氣，加上鐵板發出吱吱聲，令人垂涎！豬手肥瘦適中，軟腍入味，配醬汁同吃，惹味非常！糯米雞翼大大隻，平時吃到的通常是煎，這裡是炸的，油膩了一點，但十分飽肚。看到枱頭旁邊的推介優惠，椰汁雪燕做特價，只需$38，於是叫了一盃來試試。雪燕仍然微暖，除了香濃的椰汁還有淡淡的杏仁味。