京滬庭

营业中

休息中

唔係第一次來呢度食~今次叫左嫩雞煨面, 酸辣面(粗面), 煱貼, 小籠包先來既係煱貼, 煎得幾好, 隻隻都煎到金黃色, 入面又juicy~! 俾個好!!之後酸辣面, 唔係我食, 所以唔知好唔好味, 不過賣相唔錯, 好足料~雞煨面個湯比以前濃左, 食落勁正~個人覺得好過好多出面好出名既食店~小籠包最後先來, 但係好好味, 夠juicy, 皮夠薄, 一籠5隻先賣$20, 抵食之選~!!每一次來食都唔會失望~今次good!!!

落街食下午茶,去左呢間...叫左炸醬拉麵+鍋貼($20),上海粗炒($26),豆漿D豆漿飲落有少少酸,開始變壞....原來佢倒定一杯杯擺埋一邊....依家夏天呀,咁擺梗係變壞啦...所以飲左兩淡就擺埋一邊...炸醬拉麵都幾好味,不過咸左少少....兩隻鍋貼都煎得幾好味~但係個上海粗炒就....係上海菜炒....得幾條肉絲....呢間無下次.....

當天因冇食午餐所以便要了兩個下午茶orz,紅燒肉拉麵+鍋貼($20)同小籠包($20),因兩個餐所以有兩杯豆漿~鍋貼:第一樣上枱的,皮較厚,煎得唔夠脆,不過內餡幾好~紅燒肉拉麵:紅燒肉半肥半瘦好香又好入味,湯頗濃郁,拉麵就係粗的(好奇怪上海茶的拉麵有d地係粗有d係幼的),一般彈牙小籠包:最後上的,不過係最好食的,皮薄有肉汁,味道鮮美~豆漿:重要存在,因上海菜味道較濃配豆漿正好總結:水準很好一個餐才20,十分經濟~

小籠包 夠熱 , 皮薄湯多 , 但唔夠新鮮 , 係有陣好似就嚟 "宿" 咁樣嘅味希望只係個別情況啦 素菜包軟棉棉的包 , 冇肉只有青菜餡料 , 凊凊的 , 唔錯 鐵板蒙古羊肉大部份都係d菜 , 羊肉好少而且唔靚 , 碟餸太咸 , $50 碟唔抵食 排骨拉麵拉麵唔錯 , 排骨就一般一般的 , 豆漿好淡吓 , 冇乜豆味 overall , 雖然服務好好 , 上菜又夠快但食物唔夠新鮮 , 味道唔掂 ,都係要比個喊面我唸我會有一段日子唔會再嚟幫襯 !!

食物味道幾好開頭貪得意叫左碟'奇妙椒鹽黃花魚肚'本身都驚佢會腥(最憎食d腥亨亨既野-,-)不過又幾驚喜喎!唔腥,無骨之餘(食開殘廢餐哈哈)仲勁香口,送啤酒一流南乳五香肉,話就話係半肥瘦,不過又一d都唔覺得佢膩喎!肥而不膩幾甘香,幾香口,食多幾舊都唔覺佢溜!小炒王都好正 ,夠香口,又乾身!唔似出面個d咁,濕濕地咁勁唔開胃門面個度寫明小籠包係招牌菜,咁緊係要叫返籠黎試下啦!食完感覺: 一個字, 正!我不嬲都對小籠包有保留,因為好多時係出面食到d豬肉都係好腥好臭,成陣豬除!不過呢度又無喎!而且又夠湯汁,真係不愧為招牌菜, 值得一試!重點係個水煮牛肉,夠麻夠辣!中意食辣野一定要去試下!d牛肉又唔會話老得濟,好滑!超開胃,送飯一流

家住隆亨村，有時也會去附近的顯徑村逛逛，在商場內發現這上海菜館，走家庭式路線之餘，裝修環境上，也向一些流行的外省菜館借鏡，食物款式多，價錢不算貴，沒有加一雜費下，知道夜間的生意不錯。上週六吃了一頓下午茶，以廿元的價錢，就有一碗麵、一分點心和一杯豆漿供應，點了一個其招牌的擔擔麵，麵條是拿來的，當然沒「詠記」手製的麵條那麼有彈性，仍然不失爽口，湯底要表面有點紅油，也要求加了辣，其花生醬香和辣勁也吃得出來，如果以一眾「名店」的出品為指標，這裡可追到人家七、八成的水準。小籠包是它們另一自豪的出品，以前十八元有五粒，現在百物騰貴，也要加多二塊錢了。過往吃過是很得手的，今次一看個賣相，心中打了一點折扣............其外皮較薄，承托力有點勉強，勝在湯汁不少，其餡料也很鮮，雖沒有吃到食神的「爆漿」場面，總括來說已是合格有餘，最大問題是熱度不足，第四至第五粒已涼了下來，今次的失準，希望是個別事件吧 ! 門口也貼上「開飯」的食評作宣傳，應該是沒鱔稿的成份在內，你們「開飯」的影響力也越來越大，這店的晚餐也吃過，和一眾有名氣的外省菜館來比，自然有所距離，作為做街坊生意的話，已是綽綽有餘。

差唔多星期1至5lunch time都黎...牛腩菜飯 同 雞排菜飯 都唔錯...值得一試...~我係一個學生-.-係會平d...xd $22一碟...唔貴啦...唔係學生...好似收...$25...ok嫁...有時唔夠食...仲可以免費tim飯...我幾滿意呢一點xd

真係估唔到顯徑呢頭都會有咁有水準既上海菜.

無可否應..京滬庭的食物的確不錯..可惜這也是很久的事了....今天我和家人照常地前往京滬庭..發覺現在的食物大不如前...服務態度也惡劣...今天,同樣點了我最愛的''小籠包''當我一入口時...竟然入面的豬肉還不熟透..大部份也是生的...十分嘔心...我們嘗試向待應問個究竟..但是遲遲也沒有人回應...最離譜的是招牌菜--''三杯雞'' , 它不但不熟透而且還有血汁滲出...此外..碟子的邊緣還有頭髮和煙灰...這樣的食物...還可以入口嗎??

食物味道唔錯，價錢亦幾公道。欣賞他們的擔擔麵(麵質有口感)和小籠飽(皮薄)。平日有多款$28小菜可以選擇。假日晚上，開在食店外的都坐滿客人。有機會我一定會再幫襯。

爸爸birthday, 佢又賴到唔想出0甘遠搵食，咪話近近地搞掂。原本唸住帶佢搵d貴夾唔飽野，叫做孝順下佢；所以對屋村0既食鋪都有d覺得...唔慌有咩野驚喜，佢話點就點啦!(原本)呢間店係食京滬菜，見佢個餐牌都幾齊，如果唔食小菜、點心，碟頭/咖哩都有供應。老豆一拿起餐牌，就即刻發光。叫左砂鍋雲吞雞、咸肉津白、酸甜菊花魚、蔥油餅、鐵板蒙古牛肉。(4個人食...老豆真係當正肥姐同埋恩宜開餐)我唯有叫伙記少油少油少油啦。同老豆乾杯之後，第一個上0既係鐵板。一掀蓋，咋一聲，d牛肉個色唔係全熟，帶少少紅，有青紅黃椒，仲有京蔥。而個汁有好香0既胡椒味，0個種辣味，係非常野味。牛肉非常淋滑，索左d汁，好鬼正。老豆係0甘食，我都係0甘食....d京蔥，野味!然後上0既雲吞雞，雲吞0既數目有成10粒，隻隻都幾大，味道唔特別，隻雞有半邊，都好大隻。我淨係食左雞胸，當然係幾孩啦。而屋企人食完之後，都讚隻雞好滑，好好食。細佬問，點解隻雞係砂鍋入面煲0甘耐都唔孩，老媽話隻雞根本唔會同d雲吞一齊煲啦，係d雲吞熟左先擺隻熟雞落去。又係喎。菊花魚上檯就真係好吸引，離遠就聞到陣醋味，佢加左d生果粒係魚面上，有菠蘿、桃、