京華酒樓 (已結業)

上文己經說過不再幫襯這家食店,不過一時間又找不出更好的地方飲茶,於是又再踏入它的門檻.取籌時知客小姐只得一位,她管不了秩序,我給一位小姐打尖,已老大不高興.我因只得二人,給安排在柱側的小枱,而打我尖的小姐亦是二人,郤給安排坐開揚的六人圓枱,更加不高興.劃了點心紙;叫了燒賣,鮑魚雞粥,春卷,炸鹵水豆腐，鮮肉蒸餃和一條午市特價二十八元的豉汁黃立鯧．找侍應在這裡是一項挑戰，卒之離遠看見便撲出截住，交出點心紙，便靜候上菜．最值得慶幸的是所有食物都ｏｋ和熱騰騰，燒賣,材料很新鮮，好味；鮑魚雞粥,只十多元一碗，超值；春卷,很熱和脆卜卜；炸鹵水豆腐，外皮脆，內裏軟滑，一流；鮮肉蒸餃，只有三隻，份量較小，籠郤出奇的大．稍不滿意的就是那特價二十八元的黃立鯧，因遲來了一天，趕不及在牠歸天之前幹掉．可幸汁液的味道還不差．吃得飽飽的便要留意侍應的動向，好得抓住一個來埋單．食得稍為不滿意的是無法取得辣椒油等調味料,而上菜的阿姐位位鐵青著臉，當客人是殺父仇人一般，想要也不敢開口．遇到這些極端，不知如何評分．姑且給喊面．

當初以為飲茶找對了地方,取了籌,等了幾分鐘便可以入座，服務當時也算勤快，執了枱，開了茶，惡夢便開始．只見點心紙上的選擇都很多，十二點前埋單更有很多平價貨．待掦了點心之後，要找侍應阿姐郤有大大的困難．看場內數十張枱，只有一至兩個阿姐，個個都是老虎眼（只懂直望），任你拼命招手也看不見．當下招了十多分鐘，見不對路，惟有把點心紙交給知客小姐，可幸她肯收下．點心來時也沒有待應姐姐上枱，只是傳菜阿姐一手包辦．亦只是隨手一放，正眼也不給你一望．好像我們和她們有仇．不屑給我們服務．想找服務嗎？是沒有的，舉目一望，就算有待應，每人都直望．好不容易吃飽要埋單也有困難，把單交給知客小姐，連她也拒收，卒之找到部長，千辛萬苦才完成這一餐．食物的質素就算幾好，也不會再來．

上星期親戚結婚擺酒本應幾開心不過最後都好掃興先係環境唔好個禮堂鬼咁細又有好多柱搞到我同家人完全見唔到新郎新娘做緊咩...食物質素可以用難食黎形容印象深刻係個翅完全冇味一飲就知係生粉水加味精...又冇料以為得自己個碗唔好彩點知望下其他人都係咁條蒸海斑個樣睇落去都ok但係唔知點解呀姐放低條魚就走左唔淋d 豉油上去同埋唔分一分開條魚要我地自己郁手...條魚冇鮮味又鞋某d 部位仲有腥味令人懷疑廚房識唔識蒸魚...最後gei 紅豆沙有'火農' 味! 好似溝左水咁好難食...其他菜式我同細佬亦有彈冇讚..其實太子旺角大把酒樓價錢相若真不明白主人家為什麼偏要選這家難道冇試菜??

星期日2:30pm開始下午茶..4個人差不多12:45開始等,等左成45-50分鐘..先來兩隻炸乳鴨--熱辣辣,幾入味,但皮不是太脆小籠飽$8.8--有5粒,豬肉味怪怪的,都算多汁麥米花生粥--好食,但薑味不夠泰式紫米露--有好多椰肉,但整體上不夠味北菇灌湯餃--三色雜菜,蟹柳,冬菇絲,味道ok叉燒飯$11--好認真啊!=) 平,靚,正!叉燒唔會太瘦又唔乾身潮州粉果--較預期好食,皮唔厚,足料生煎飽--有d油,但都算ok雖然成間酒樓好多人,d有d擠迫,但呢個價錢,咁暝質素,好抵gah lah! total $155

同男朋友DADDY, MUMMY 飲茶,佢地提意出太子京華飲,我同男朋友10點出去塭位先.好彩早D出去,如果唔係都幾多人.叫O左個滑雞飯,好普通;紅油炒手,OK啦,唔夠味LAW,义子燒餅,好抵;小籠包,$8.8好抵但係好普通.豬腳薑,一定唔係老薑,唔夠薑味~整體嚟講....好普通,有更好O既選擇但唔會再去,因為可以

裝修後第三次來這飲茶了！因為鐘意這地方舒服，我每次也要坐非吸煙區，樣樣野也新淨，又不是太嘈，價錢也算是低食…男友一定要叫小龍包($8.8)超低食，是有水準之作…有次仲叫了二龍添。其他京式點心也幾出色，高力豆沙好松軟而不太油；叉子燒餅幾特別；雷沙湯圓皮薄而有芝麻香；最正是個煲仔飯，真是即叫即做的，雖然要等成二十分鐘，但也值得，有我鐘意的飯蕉…而且又一的也不油，個是油汁教調得合到好處，不是一味得個甜字…質量好過出面打正旗號多多聲…雖然好大煲，但我們也清哂才滿意…如果二個人來食的話，一個飯加一個點心便足夠了…二個人每次也是一百有找…你去邊度…但要早的找位，我試過等到一點半，坐定開得茶來剛是下午茶時段…對我們來是，是件好事喔…哈哈！定必再來，仲要試下佢\的晚飯……蒸番條魚食先得…

考完試去飲午茶，太子比較近，有人提議這間。中午十二時也很多人等位，但價錢又不算特別便宜。五個人不用等很久就可以入座，任由友人發板，點心來將口。大概有春卷、腐皮卷、燒賣、蘿蔔糕、粉果等，當中春卷與腐皮卷都很好，可能人多關係，炸物一出即沽，所以熱辣辣又脆卜卜，特別好食。其他就正常水準，啎太突出，又沒有失手的。整體算OK的，但這個價錢飲午茶，又有好多酒樓好過渠。

唔記得原來寫過呢間茶樓, 仲要係好評, 但滄海桑田, 故地重臨, 呢次就好失望, 唔知係行業性腐敗定係該店政策, 比錢即完成合約, 茶樓無義務提供漏比食物, 事原大家有人客氣, 爭比錢早少少埋單後, 漏比套餐甜品, 佢過海就神仙, 問佢比番, 完全唔理會你, 仲謊話派完. 灰西裝經理卦住死去同熟客傾個痛快, 唔做, 好辛苦至搵個黑衣部長講, 同佢理論竟然恩重如山咁話送番個泰式甜品比你, 喂, 真金百銀比錢包埋甜品, 呢個唔係應得? 若非英國舅父老人家回港請客, 鐘意食中式, 平常日子我年輕一輩點會去中式茶樓食dinner, 采佢都, 仲要係彌敦道下級茶樓. 可以講, 中國人唔食中國菜, 罪不在新一代崇洋, 而係該行業有部份人不思進取, 服務垃圾, 令人反感討厭, 如此下去, 前景堪虞. 呢次又係一次寶貴'經驗'. 亦要學得'未齊不付錢', 當然英國舅父不熟香港行情實在無話可說. 垃圾店名單再添一員, 又係中式食肆!仲有, 是晚叫瑤柱蛋白炒飯, 4人套餐, 再加兩個單菜, 食完9成9, 炒飯催3次至捨得, 如果樓下有人等緊位的話, 會否有係如此效率? 人手嚴重不足. 阿嬸傳菜罰企3分鐘無

狗舅父年度英倫回港旗艦'飯堂' , 順理成章擺壽酒都幫襯呢度, 當晚擺四圍, 佔用兩間房咁大地方, 環境算可以, 但小心往廁所一段路有跣腳, 房仔開晒卡拉OK開齊電視, 不過卡機只係揀一首唱一首, 對於狗家族中好此道者有不便, 個人過往對京華印象就係服務殷勤, 當晚的確唔差, 好多都跟到足. 食物方面, 乳豬拼盤皮脆脂肪特少, 入口感覺好受落. 各方面合格之下, 兔妹蘇蝦滿月之喜, 呢度可以考慮考慮.

去左呢度做冬..非常抵食=p十九個人去坐左張大(木台) 叫左個十二人餐+ 一隻片皮鴨仲有三打壽包結果個個都食到好飽仲有得打包添!味道嘛...中上啦樣樣都入得口冇話邊樣好難食咁..酒樓大路野啦~不過d 炒野就可能油左少少...btw 我地叫左「三打壽包」佢最後俾左「三籠壽包」我地...每籠都有廿隻架XDDD個笑面係俾佢抵食。

每次上去必叫其中兩款餸: 海鮮雜菜煲,海鮮賽螃蟹海鮮賽螃蟹$55: 同一般上海舗嘅唔同,京華所造嘅比較滑,唔鞋口,ok嘅,不過好似冇以前咁好味海鮮雜菜煲$52: 叫呢個餸主要貪佢夠清,同埋海鮮份量唔少,不過今次嗰煲明顯比前幾次食過嘅用料cheap咗,嗰幾粒鮮帶子冇晒,蝦仁剩番兩三粒,魷魚石班縮水,冇晒海鮮鮮味,粉絲多咗,比較失望埋單: 兩個人冇mud胃口,只食咗呢兩碟餸,加埋一支啤酒,埋單$173,唔算平服務: 大致幾好,只係喺開茶時我同一個短髮姓李女侍應講:"唔該開兩位茶"後比佢木口木面'得'一句"我知呀!",吹脹!

好彩有人拎左位先~服務都ok食物都冇乜特別普通酒樓不過個場又真係幾大不過點心價錢又真係貴左d相比其他差唔多貴一半呢樣差左