京華酒樓 (已結業)

本人與幾位同事一同放工之後就去京華打算食晚飯~但點知見到一個前所未見服務態度差劣的知客~我地5個人....一入到去...佢帶左我地去張細枱....咁我地就坐低....但點知佢冇啦啦叫我地轉去隔兩張枱坐....重點係果張枱係for 8-9人咁我地咪同佢地講....我地想坐細枱方便d.....果個知客就係咁叫身邊o既同事趕我地坐張大枱....我地再三強調唔想坐大枱....而佢身邊o既同事...亦同佢講...個客想坐依張....由佢地啦~點知...知客又再次坎過黎....又叫我地坐果張枱....咁我地亦拒絕...佢亦即時黑面跟住個知客竟然好大力咁將個餐丟o係張枱到.....我地全部人二話不說即刻走....我唔明....一間都算係大酒樓點解服務態度可以差成咁....未見過d知客可以咁樣發脾氣我黎食野...唔係受氣!!!如果有咩苦衷or上頭定落(我估你有咋)...你大可以有禮貌咁同我地講.....唔需要發脾氣!!!

上月初筆者才剛和一衆圍內人於西貢吃完海鮮壽宴，當晚歡樂的情景彷彿仍然歷歷在目，眨眼間原來這麼快又到我們這群「為食兵團」每月一次的敍會。由於有食友本月中要到國內工幹，加上筆者與另一美女食友剛巧亦是這個月生日，所以各好友亦不遲勞苦，決定提前為我倆預祝生辰，而地點就選了食友的主場兼飯堂，位於聯合廣場內的「京華酒樓」。這晚慷慨的食友不單為衆人帶來數瓶美酒，更悉心地為我們選好菜式，兩個壽星女當晚亦自然樂得清閒，安心地等吃好了。先上的數碟餐前小吃，包括有醬爆鴨舌、椒鹽脆豆腐及沙薑雞腳。鴨舌向來是友人的至愛，尤以老天祿的出品，滷汁入味，濃香不鹹，吃來別有一股嚼勁。至於這晚的醬爆鴨舌，雖無老天祿鴨舌的油亮光滑，但咬落入味而爽滑，亦甚醒胃。椒鹽脆豆腐是佐酒佳品，以簡單的豆腐，在滾油中炸透後，沾上味濃的椒鹽粉，令豆腐吃起來濃味中帶點辣勁，可是這晚的豆腐，入口外皮過厚，豆腐的口感亦嫌稍實了少許，未算出色。至於另一味沙薑雞腳，其實雞腳本身問題不大，腍得來又夠爽口，不過碟沙薑汁就差了少少，沙薑磨得不夠細膩，味道亦嫌偏淡，令雞腳的食味大減。曾聽人說過，不足一個月的奶豬特別好味，尤以出生剛過 3 週的小豬，肉

好美味又抵食的一餐,我們兩人叫咗貴妃雞半隻$48和上湯波士頓龍蝦加片皮鴨套餐價都係$208,初時諗住咁平食龍蝦一定會用D次等貨或冰鲜貨,點知出乎意料之外竟然用新鮮龍蝦,新鮮肉質加上濃淡得宜的醬汁,真的超級好味,片皮鴨肥瘦適中,貴妃雞肉質嫩滑又有雞味,飯後仲有足料紅豆沙送,好味抵食!:另外值得一讚係呢間D服務都好好,食龍蝦會跟埋一碗熱檸茶,唔係比你飲係比你洗手,嚟一樣細心已經係好多酒樓無見了,而且剩骨碟更換得可以用超級頻密來形客,值得再去

2月11日約左班舊同事出嚟食飯,佢地話同我慶祝生日及順便過年食飯呀,本來有一個男同事會帶埋個女出嚟,所以我地先揀酒樓的,但係後尾佢唔帶個女出嚟啦.我地7個人,酒樓都好full呀,幾乎爆晒咁滯呀,好彩訂左位炸,酒樓都算大的,我都係第一次嚟食晚飯炸.其實新年酒樓多數都係食新年嘢同埋價錢都唔會平啦,我地叫左:片皮鴨一食片皮鴨即場係你面前皮的,鴨肉都唔算肥,都幾香呀,加埋青瓜,香蔥及醬用薄皮夾住一齊食,好味道呀,賣相都幾靚,份量都算多呀,每人都食到2至3塊的呀.龍躉兩食這個一個食法是蒸另一個食法是炒西芹,其實龍躉都好滑身,好香好味呀,啖啖肉呀,我較鍾意食蒸的,因為原汁原味及魚肉較滑,炒的都好味但係較老呀.南乳齋煲這個一般啦,賣相麻麻地吸引及都幾膩呀,材料都幾多的,有雪耳,矮瓜,麻菇,生斤,洋蔥等等,不過我覺得味道麻麻地.清炒豆苗普普通通啦芝士蠬蝦伊麵味道幾好,蠬蝦肉都好彈牙多肉呀,伊麵都有幾多及爽口的,好味.煎鍋貼半打這個好味呀,入面好多肉汁,好香口金黃色,熱辣辣好味.蝦煲這個唔記得叫咩名,入面有些蝦,珊瑚蚌等,隻蝦都好爽口大隻彈牙的.我們都坐左好耐,服務都幾好都有不時替我們加茶的,不過實在太

服務態度惡劣等左好耐已經條氣唔係好順喇仲要俾個知知客串同眼白白睇住個知客任由d熟客唔使拎fei就入去坐真係貼錢買難受如果唔係屋企人/親朋戚友要去就千奇唔好去飲茶d野食就普普通通通同有d縮水喇

見到做緊特價$98龍蝦伊面，就去了試，可惜極之失望，點解？話說當我咃叫龍蝦伊面之時同時有兩碟龍蝦伊面一齊傳送，一碟眼隻已經好多龍蝦肉，另一碟就只有頭、尾同腳，當阿姐把頭同腳的那碟放在我們桌上，我們當然要求要第二碟啦!!!!點知傳菜阿姐沒有理我哋全台究合七個人把聲，一支箭將只有肉而無骨的龍蝦伊面放在我隔壁的枱上，當時我們跟一名中年的部長要求跟換，她說我哋無辦法控制龍蝦的大細，這個我當然明白，但細心一看我們的龍蝦伊面既然有"兩個頭兩條尾"無鉗同只得兩舊肉，女部長話龍蝦嚟至澳洲所以細D,我都去過澳洲但就無見個兩個頭兩條尾既加無肉嘅龍蝦羅，叫佢換又話唔得。之後再見到一個幾高加幾肥的男經理，將同一碟龍蝦伊面show 比佢看，我哋要求換第二碟，佢比我地的答案係"幫你取消佢我都無辦法"你做經理都無辦法，咁邊個有辦法，學劉德華話"今時今年咁嘅服務態度係唔得 ga"依佢地所講一碟面係一隻龍蝦，咁點解釋我哋果碟有兩個頭兩條尾"無鉗加只有兩舊肉，咁都叫一隻，唔通果隻係K胎，好明顯隔壁枱認人將我們果隻龍蝦嘅肉偷哂去佢果碟咁我們係極之無奈的情況下只好取消，見佢地重有另一個特價菜係蟹加蝦，咁我哋只好改另一個，點之

友人一枝花壽宴，席設太子「京華酒樓」，一行八人興高彩烈地為這壽星仔賀壽。友人是個識飲識食之人，亦甚懂得享受生活，單從他帶來的幾支美酒便可見一二，所以菜式選擇當然交回友人自己負責。吸水象拔蚌 (2條) -- 據店方稱這象拔蚌是加拿大品種，長約一呎，膽固醇及脂肪較一般海鮮低，開殼去外膜後，切片即席堂上，味道鮮甜可口。服務員拿了個邊爐窩放上檯，讓我們自行選擇作刺身生食或火鍋熟食。這象拔蚌色澤呈蝦肉色，每一片都切得很薄，晶瑩剔透，由於我不太愛生吃，所以便選以白灼方式烹調。要做到象拔蚌肉質鮮嫩，首要注意的是當窩內的水一滾就要把象拔蚌放入，待水再滾呈現氣泡時便要即撈起，馬上進食，因為若然弄得過熟就會缺乏嚼勁，過生又流於海腥味，至於這象拔蚌入口確實爽脆鮮甜，質感豐厚，肉質爽口彈牙，蘸些芥末醬汁或薑蔥醬汁同吃，實乃人間極品。京式片皮鴨 (1隻) -- 做片皮鴨的鴨子不能太瘦也不能太肥，太瘦的鴨子當然不會好吃，但太肥的鴨子，鴨皮太厚，待皮烤熟肉都老了，所以每隻重約四至五斤的鴨最為適合不過。這片皮鴨放上檯時還冒着煙，看來是新鮮熱烘的，色澤明亮艷紅，非常討好。至於鴨皮烤得很香脆，鮮香撲鼻，口感皮酥，但肉質不

是日媽咪提出想去飲茶，我當然不會拒絕~ 在聖堂附近的酒樓不算多，由於這裡位置較方便，我們就選擇來這裡了。來到的時候客人也頗多，坐滿了大半的位置，不過也不用等位，知客立即安排了一張二人檯給我們。不過這裡的環境就只是一般，檯與檯中間幾窄的，又是旁人的對話聽得一清二楚，不是太舒適呢。另外這裡點心選擇也不算多，只有很基本的，我們倆想吃什麼也想了很久的時間。總共要了 4 款食物，分別是三星燒賣，蛋黃紅棗蓉包，雪菜火鴨絲鍋米再加一個甜品酒釀丸子。基本上所有食物都不難吃的，不過就是沒什麼特別罷了。蛋黃紅棗蓉包算是比較特別的，平日不常吃到，紅棗蓉好香，整得都幾滑，不過味道是偏甜的。蛋黃少而且用料不太好，不太吃到蛋黃味。雪菜火鴨絲鍋米好鬼大鍋，我們兩個人食完非常飽，用料足，味道惹味，除青椒外，還有用上紅椒所以有點點辣的。最後酒釀丸子不算特別好吃，味道偏淡，酒香不夠，而且丸子雖多但全都黏在一起的，食落口感麻麻。食物一般，環境麻麻，價錢都唔算抵食，下次同媽咪飲茶都係去第二間先。

點心食得多，午市既碗麵唔係好貴，所以叫左兩碗黎食下。蠔皇北菇湯麵($28)估唔到原來係粗蛋麵! 仲有四粒冬菇加埋蠔油汁同兩條菜。依家先覺得一D都唔值，同雲吞麵鋪既冬菇粗麵係冇份別既。D冬菇都唔入味，亦唔夠淋身，可能雲吞麵鋪仲好味過佢!擔擔麵($17)一見都就嬲，原全唔係果回事!京華的京川菜應該冇問題格，點不知會見到加，如此不倫不類的擔擔麵!擔擔麵底竟然係用日本拉麵 麵質根本索唔到擔擔麵香濃的湯汁，又太粗，好唔好食。麵質好粉，係冷藏貨色添!但個湯都ok，個人喜歡多D麻醬添如果頭的菜碎換成花生粒就更加好!

$68既例牌片皮鴨, 真係一點都唔求其, 皮脆肉軟無肥膏. 一個例牌食到2個人飽飽-唔錯.切記-要食埋佢既飯後糖水.

外皮是做得最出色的。香脆而結實,非常有咬口;就只怪它那奇怪的內餡了。它的內餡加了大量的蔥粒, 未知是否為了帶出其咸香,如果是postive的話就犯下大錯了。蔥的蔥香絕不能妣美咸香, 反而蔥味更會搶去風頭 ;也只是吃到蔥味而已,咸味卻蕩然無存。令整個咸水角都變得很怪異,是”蔥花小糯”嗎?那應該要轉換一下名稱了。

二點鐘去到聯合，一係食好彩，一係食京華，好彩唔駛排隊，京華就好長龍喎！我兩個人去飲茶，都唔明點解差咁遠，一間冇人等，一間排長龍。一問之下知道原來好彩星期日冇下午茶時段。但京華既下午茶時段0係二點半，但兩點都咁多人排隊，一係價錢平，一係好食，點講排隊都蝕底既！我地就揀京華啦。我地點左好多野食，有蝦餃，泰式糕點，咸菜豬肚，叉燒腸，綠豆沙，當中樣樣野都係好好味喎！蝦餃好爽口，好多蝦，好味道。咸菜豬肚又好好味，只係叉燒腸比較遜色。其實本身料係有好多的，食落都好豐富既感覺，但始終皮都係太厚，比起皮薄餡靚真係差好遠。綠豆沙好多好蓉既綠豆，都好正，但冇海帶味乜濟。原來佢二點三就會放低下午茶既紙，好多特價野，好抵食架！原來佢唔駛二點半入座都可以食到平野！唔怪得咁多人排隊啦！可惜我地點點心時唔知道，食飽晒先知道有特價野食，都食唔落喇！但呢間酒樓既野食真係中上架！

很久沒有去過京華了, 很懷念它的小龍包, 因為它永遠唔會叫我失望.今天2個人叫了1. 小龍包 ($20/5隻) - 超抵食, 又多湯, 不過皮厚了小小啦2. 珊瑚蚌配大蝦 ($28) - 係special 既offer, 要有2個人先可以叫架. $28 有成5隻大蝦及好多珊瑚蚌及蔬菜, 酒樓又真係非常大方wor, 做得好好食,而且d蔬菜一d都油wor.3. 橙汁焗肉排 ($68) - 沒有橙汁味, 唔得 4. 紅燒豆腐 ($55) - 因為自己喜歡, 所以必叫. 好食及好小油, 非常好 最後要讚既係d waiter / waitress都好好, 不時會來幫我倒水呀, 換碟呀. btw 大家記得一定要食埋佢既湯水先走.

曾經幫襯過這家酒樓, 試過很失望, 事隔數月, 因要在附近辦事, 又再來了.中午飲茶, 兩個人也不用等位, 選了幾樣點心之後, 再加一個燒味雙拼, 要乳豬+油雞.十分鐘後, 阿姐捧上一小碟雙拼的乳豬油雞和一碗白飯, 當時知道落錯了單, 告訴阿姐, 說不是乳豬油雞飯, 而是例牌的燒味雙拼, 要乳豬+油雞. 阿姐一看單, 知道攪錯了, 叫侍應阿姐再落單, 於是恐怕她再錯, 便拿起餐牌, 一字一頓兼用手指指出所要的項目, 阿姐說要看看有沒有乳豬, 如果沒有便通知我們, 之後便一去不回.十分鐘後, 一碟乳豬+油雞便送到, 中間有六片乳豬, 兩旁有半隻雞髀和一隻雞中亦.其他普通點心也跟着到, 吃完之後便叫埋單. 一看單, 便大吃一驚, 原來要$222 大元. 拿起單一看, 只見燒味雙拼變了乳豬雙拼, 由本來的$68 變成 $118. 當下便對阿姐說我們很清楚和指著餐牌是要燒味雙拼而不是要乳豬雙拼, 何來埋單需要多付五十大元.於是阿姐便叫部長來分解, 他只說電腦顯示是入了乳豬雙拼, 我們當然覺得不對, 為什麼, 手口並用落單也會攪錯? 這小碟燒味也要百多元, 而且兩個人飲茶也不用點百多元的燒味吧!

兩公婆食野最好去飯茶，呢次係十二月廿五號去飲茶，下午茶時段竟然唔多駛等位。仲好，好快就有得入去食野喇！我地叫左叉燒酥(我飲茶必食)，蝦餃，鳯爪，韮菜餃。仲叫左一個叉燒燒燒脾飯，甜品叫左湯圓.....細點但有成八粒！好抵食！好重薑味！賣飛佛。叉燒酥我個人鐘意食長形幼身的，佢呢度係半月形，我覺得唔夠入味，外面太DRY, 只有入面中間有料，並未能滲透整個酥。蝦餃好味的，皮滑，蝦爽。鳯爪不過不失啦！韮菜餃唔好味，唔知自己放左乜野入口咁，我諗係調呆0個方面差了點，太淡。叉燒燒鵝脾飯都OK啦！唔係特別好味，講真，好難0係酒樓食到好好味既燒味。總括黎講去呢度歎茶唔會失望，但又唔會喜出望外啦。