京都大酒樓

营业中

休息中

週未放假，相約了一位好友飯聚，我們想去那兒吃，不如找間酒樓吃，因很久沒同這位朋友去，選今次這間，少去這區吃，到達，環境同座位不錯，看了一會叫了自選百搭孖寶叉燒腸好香叉燒味同霖，腸粉好滑身同爽口菜苗餃大粒，餃子嫩滑，有厚度，菜苗好豐滿，鮮鮮菜味，濃香肉味自選百搭孖寶煎韭菜角煎得特別脆香口，咬入口真係好脆卜卜，好鮮鮮香韭菜味燒賣皇大粒，燒賣上面舖上蟹子粒，入口好有濃香蟹子味，爽滑彈牙生滾粥 (肉片)大碗，上枱聞到香噴噴肉片味，粥好軟棉棉，肉片大塊霖同嫩滑椰皇蛋白入口好香蛋白味也有椰皇香味，甜度適中

因過往幫趁開食大閘蟹放題的利寶閣酒家巳全線結業，故今年的 搵食肥華fans Club 勁食大閘蟹賽，要另覓戰場所以在10月25日，揾食肥華就選擇咗呢間各人交通都方便的酒楼舉行賽事，可惜前兩屆盟主今年要返工，未能到場衛冕蟹后榮譽，而此酒楼所供應嘅大閘蟹質素亦不及利寶閣，令到今年到場食蟹同事興趣大減，食到最多嗰位都唔夠十隻大閘蟹，而此酒楼任食大閘蟹餐内食品亦強差人意，全晚最好味係隻鮑魚有B評分，第二係個蛇羹同片皮鴨，同屬C级水評，至於個所謂鷄湯就淡如滾水，鴨掌又係冇味呢兩樣同攞E-評分，尤幸此店員工對客服務態度良好，滿足到顧客要求，而此酒楼地方夠大，座位濶落坐得都幾舒服，這兩樣嘢令肥華對此餐任食大閘蟹晚宴，減低咗啲失望🤨😑

平時喜愛嘆中茶，所以今日來到黃大仙，選擇了豪苑商場京都大酒樓飲茶。上到餐廳，見到真是非常多人，好在餐廳非常大及多位，都不用等太久。午餐時段除有正價的點心，還有午膳呈獻的百搭自選孖寶點心及特價點心，及有粉麵飯、美味精選小食、御廚精選小食……百搭自選孖寶$46.8， 午市來說好抵食，所以要了兩個孖寶，蟹子燒賣皇併香荽牛肉腸，鮮竹牛肉球併柱侯牛孖筋。蟹子燒賣皇面上的蟹子卜卜脆，燒賣皇鮮甜多汁。香荽牛肉腸粉，裡面的牛肉剛剛好，份量不會太少，牛肉腸粉粉皮厚薄適中，牛肉也很腍滑。鮮竹牛肉球裏面有少少芫茜，牛肉球入口腍滑。柱侯牛孖筋炆得很腍，滿滿的骨膠原感覺。懷舊鴨腳扎，鴨腳炆得夠腍，味道稍為淡少少，芋頭都頗大件，軟綿帶香。紅燒乳鴿$48，乳鴿剛剛炸起還熱，內裡肉汁豐富很香，咬開內裏很多肉汁，午市來說很抵食。整體來說，服務、環境、食物質素，都令我感覺頗滿意的，如果離我家近一點，我飲茶就會多一個選擇。

9月27日揾食肥華和靚媽到此酒楼，飲茶及食晏因見此店相當旺埸，肥華又唔想同陌生人同枱共食，所以聽門口知客建議俾多少少茶位錢，開茶皇位嘆茶，嘅然此店收顧客兩位茶錢，咁肥華和靚媽各自點了心頭好茶葉，普洱及烏龍茶各一壼應該冇錯，但飲到半路中途有位經理级人仕同肥華講，若顧客開茶皇位係兩人衹可共用壹款茶葉，呢個條款真係特別，為咗唔想影响今餐用饍氣氛及心情肥華就衹好放棄壼烏龍茶，而淨飲普洱還幸此店食物出品仍算可以，尤以切鷄飯個飯底更有A+水準而其他今日肥華所點其他食品，亦有B至B+評語加上係收街坊價錢此店算係👍

假日打算開開心心和家人吃飯4個人 31/8（三）訂台要888套餐 講緊一個禮拜內都冇嘅事今日4/9去到之後先話無 ？完全無人通知？跟住接待果個女人話‘’成日‘’都冇888套餐 但落單果個就話賣哂　咁我哋話走 之後佢（門口接待的女人）話 可以啊冇問題唔食好閒 。咁都得？

星期六貪方便同見呢間酒樓有老火湯，所以揀咗呢間酒樓，點菜前問一位女侍應當天的老火湯是什麼但她話唔知要問部長，之後一位男部長告知是鱆魚豬骨湯。另一位女部長（身形較瘦、戴眼鏡）幫我哋點菜時，佢話當天老火湯是花生雞腳湯，而之前男部長話鱆魚豬骨湯是昨天的。湯來到發覺奇怪在雞腳湯沒有雞腳，豬骨得返啲骨，湯的味道怪怪的。之後點了特價波士頓龍蝦，週末要另加$40 ，但不新鮮及肉質有點霉。蒜蓉粉絲蒸扇貝，應該是仙遊了一段日子，肉質像擦子膠。當晚比較多客人，所以自己出去櫃檯埋單，見到櫃檯當晚的老火湯是鱆魚豬骨湯⋯⋯才知道自己已中伏。結論：隔夜老火湯唔新鮮嘅波士頓龍蝦唔新鮮嘅扇貝4隻二人晚餐$420其實去街坊酒樓都唔會抱乜嘢希望，但唔應該欺騙客人。所以從今天起不會再貪方便光顧呢間酒樓。

中午12時到達京都酒樓，今天到酒樓飲茶的人也不少，若近八成入坐，而酒樓地方頗大，不用等候就可入坐。 坐下後細看點心及廚房小食等的款式很多，當中亦有些是懷舊點心，如鵪鶉蛋燒賣及久違了的芝麻卷，不錯喔！我們總共叫了五款點心 ：（1）蘿蔔糕，煎得是夠脆，可惜粉較多蘿蔔少。（2） 雪山义燒飽，飽焗得剛剛好又夠熱，幾好吃。（3）魚肉煎釀尖椒，煎得香脆，尖椒有點辣，味道不錯。（4）五香鹹肉糉，糯米有點削，餡料又不夠入味，不好吃。（5）芝麻卷，蒸熱後上桌，芝麻又夠幼滑不太甜，很好吃。

今日約了友人到黃大仙京都酒樓午飯，上到去見酒樓的面積都相當大，而且裝修比較新淨，但可能疫情關係是日人客不算太多。今天我發版，點了個牛肉腸粉、點心拼盤、炸春卷、豉椒炒牛河。首先到的點心拼盤賣相就一般水準。計有蝦餃、燒賣 、 韮菜餃 、粉菓和饅頭各一件。不過就可能蒸的時間過長，令到點心的粉皮都有些變冧了，入口時有一點黏口的感覺。 牛肉腸粉還可以，腸粉皮做得很夠滑溜，沒有粗糙的口覺。豉椒牛河的河粉沒有炒開，被芡汁黐在一起 ，賣相不行扣了不少分，而作為主角的牛肉份量很足，味道還算錯。最後的炒春卷因為漏單始終没有到……不知味道如何，只有留待下一次再來嘗試啦！

今年第一次食大閘蟹，我去咗黃大仙京都酒樓。佢哋既任食大閘蟹，係有兩小時。除咗大閘蟹之外，仲有任食片皮鴨，每人奉送一碟花膠鵝掌。另外仲有一盅鮑魚湯，而甜品同埋汽水都係任食。其實真係好吸引，可惜我最期待嘅大閘蟹，得好少好少膏，蟹又偏細隻，實在令人失望！

出街晚飯選了黃大仙呢間京都，未幫襯過腍住試吓好唔好。雖然我哋有四個人，但胃口細，點了四個餸就夠食了。晚市有孖寶菜式，又有精選優惠，價格唔貴。今晚羊腩煲賣98元，要一份。孖寶要了姜蔥霸王雞配上湯龍蝦伊麵，再加一個海皇雜菜煲。姜蔥霸王雞賣相正常，面層鋪左大堆姜蔥，底層有醬油浸住雞件。夾起一件準備入口，點解雞肉離曬皮，肉質散修修，冇曬味。大家你眼望我眼，開始品評呢碟餸。我哋結論係呢隻雞似乎用來燉過湯，所以變成咁。上湯龍蝦伊麵，龍蝦肉幾大件又厚實，伊麵有咬口，上湯味偏清淡。羊腩煲，羊腩份量唔算多，炆得淋，配料就多，冬菇好大隻，冬荀和腐竹都入味。海皇雜菜煲，夠大煲，疏菜充足，什錦海鮮放在面層，睇落幾多，不過湯底都係偏向清淡。四個餸，冇一個特別好味，所以食飽就算。

平日同朋友去食120的大閘蟹放題～ 埋單每人$530左右佢上蟹速度有待改善，要等超過20分鐘先有得食。不過好彩佢喺每次落單嘅數量都冇限制，想嗌幾多隻都得。而且時限上比較寬容，雖然係限時嘅放題，但係冇講住你走嘅感覺，可以慢慢食得好舒服大閘蟹未到嘅時候，同朋友食住片皮鴨先，好有驚喜，免費任食片皮鴨來講，都好好味！我哋每人食咗兩碟好誇張一開始頭兩碟蟹嘅喺感覺普通，點知越食越好味，越來越多膏🤣🤣 唯有一路繼續食落去全晚最值得欣賞嘅，就係員工態度非常好未見過街坊酒樓嘅酒樓姐姐服務態度咁好咁友善！呢度包埋嘢飲任飲，同埋糕點任食！薑汁糕好出色，encore咗～其他大閘蟹放題好多都唔包飲品～ 所以好抵

【#肥波中伏記】🚁🚁🚁🚁🚁🚁🚁🚁🚁🚁🚁🚁🚁🚁🚁🎈尋晚屋企人中秋🥮做節，由於佢地好耐無出去食飯嘅關係，所以近近地揀左間酒樓去食飯。酒樓呢，就10間有9間都係藍嘅，如果唔係同屋企人做節要就下啲長輩都唔會揀去呢類型嘅酒樓(原本係想食楚撚記架，不過諗起已經太遲喇🥲)，所以呢篇係絕對唔會推介系列😂🎈屋企人叫左個乳豬拼盤，一上檯，仆你個⋯⋯⋯⋯⋯⋯呀‼️份量超少都算喇，我淨係試左一舊叉燒，瘦叉而且極度乾柴，係乾到鞋口架；極之重口味之餘仲有當然就係咸到pk啦‼️仲要呢碟咁嘅嘢收我$228(未加一)💵what the fxck‼️算數，一年一次做節唔同你計🙃（心裡os：早知尋晚我去友利坊試食叉燒好過😡浪費左我出街食野嘅quota）不過咁又公平啲，佢其他菜式係正常嘅(入到口而又無嘔嗰種)，但我無興趣亦都唔會介紹囉～哈哈哈哈😂🎈呢間酒樓可以6個人或以上坐同一檯，但入去食野又無人叫我填紙仔又或者掃唔安心喎，唔通有特權⁉️不如搵人解答下？會唔會都需要停業14日？🤔其他叫左嘅野食係呢啲：牛柳又係超少😒

屋村式酒樓 平平地食返幾味都唔差既排骨燉湯 燉湯無咩油,仲幾多食材,夠清甜 食到有唔少肉排添!原隻燒雞 原隻上既燒雞 自己手撕食!有優惠價!燒得皮脆肉嫩,一隻都夠2個分黎食架! 胸位同雞脾位都夠滑嫩!蒜蓉粉絲蒸聖子 一份粉絲聖子都有6-7隻,夠鮮甜彈牙! 粉絲吸曬鮮味一樣咁好食!鮮蝦上湯伊麵  鮮蝦份量都幾多,目測都十幾隻上湯燴伊麵 蝦肉夠大隻,鮮甜爽口水準也不差,起碼不用排隊,上菜唔會太慢消費$300黃大仙龍翔道110號豪苑商場2樓1A-B號舖

京都大酒樓平時慣喺屋企附近酒樓飲茶，今天親戚話想去黃大仙飲早茶🫖。我負責搵位，等左唔耐就入座。見點心紙啲點心款式選擇多，心大心細啲我又出現選擇困難症，叫左大路點心，肚窄試唔到其他。唔知係咪茶客多，定係自己肚餓，等點心送來望到都頸長😅（無睇錶）燒賣餡料彈牙，無油益味，熱辣辣😋蝦餃粉皮同餡料彈牙，無油益味，熱辣辣不過夾起粉皮、餡料分開咖哩魷魚🦑魷魚脆口、配菜豆腐角入味不過有點辣，但惹味醬皇蒸鳳爪鳳爪蒸得恰度有口感不過食完後飲左兩杯茶鮮蝦炸雲吞即炸脆口，無油益味，餡料彈牙唔洗點甜酸醬都好味😋蒸蘿蔔糕面層蝦米、臘腸、冬菇粒糕內有蘿蔔絲，有口應我個人喜歡蒸多過煎😋

一行6人，叫咗以下食物:飛天雞 - 其實係一般炸子雞，隻雞大約係700克左右嘅細雞，味道可以，皮都脆嘅，算係唔錯酸菜魚 - 得幾片魚，下面有啲酸菜同水晶粉，味道可以。魚腐浸時蔬 - 得三嚿魚腐，菜份量都可以，湯底係一般味精湯底孖寶H (1) - 蠔有5隻 (好彩咁啱有一位朋友唔食蠔，唔係就唔夠分)，仲有啲蔥，味道就真係一般，唔太推介孖寶H (2) - 鱔應該有一條 (細條嗰種)，味道都係一般糖醋排骨 - 份量少，味道一般白飯3個