京都大酒樓

营业中

休息中

今天我和老公去完黃大仙祠後，途經附近的京都大酒樓，被它搶眼的晚飯優惠廣告所吸引，便決定在這裡吃過晚飯才歸家。這酒樓面積不小，座位寬敞，燈火通明，為食客提供了一個舒適的進食環境。～蒜蓉粉絲蒸元貝元貝鮮甜、蒜蓉味突出，好吃！那些精華所在的粉絲和蔥花當然亦是亮點，沾上那味道恰到好處的豉油，非常滋味。～鹽燒六頭南非鮑魚這鮑魚賣相雖一般，但質感和味道卻不錯！那層薄薄脆口的炸粉包裹著鮮鮑魚，既有點鹹鮮味，又有咬口，口感和食味都很理想。～清蒸富貴斑$38一條約一斤的蒸魚性價比簡直不容置疑，趁熱吃更是無得輸！這蒸魚的火喉掌握得恰到好處，滑滑魚皮和嫩滑魚肉配上那薑蔥花和蒸魚豉油，真教人吃個不停。～鮮蝦荷葉飯熱騰騰的鮮蝦荷葉飯份量十足，用上粒粒分明的絲苗白米、原隻已剝殼的小鮮蝦、冬菇粒、粟米粒、叉燒和肉粒，既清香又惹味，更為這飯帶來豐富的口感。這蒸出來的荷葉飯用的油量比炒飯少，所以比較健康；而蒸飯又能鎖住配料的汁和味，不會乾硬，加上淡淡清香的荷葉味，讓人食慾大增。

去完黃大仙祠參拜，最啱就係食番餐中菜，今日就同朋友試一試京都大酒樓。見到佢招牌大大個，搭電梯上大堂，燈火通明，內裏更係地方寬落，延開100席都冇問題！坐低後，經理隨即介紹今晚好餸，見到餐廳做緊優惠，都幾抵！上湯焗西澳龍蝦伊麵 ($288)（⭐⭐⭐⭐⭐）龍蝦話到明一斤真係冇花假！西澳龍蝦出名鮮甜美味，出面街市單買都要$200，何況煮埋都係多幾十蚊！我地兩個人食真係啱啱好，每人分半隻食得好爽。廚師直接魚缸中揀，包新鮮，劏加煮都係用左5-10分鐘時間，真係好快手！熱辣辣聞到上湯嘅香味，伊麵完全索晒個湯汁非常吸引！加上麵嘅份量好多，根本唔洗驚唔夠飽。主角龍蝦新鮮彈牙，肉厚多汁！龍蝦頭蝦膏鮮甜，食到啜啜聲！依個菜式必試！西蘭花炒帶子 ($48)（⭐⭐⭐⭐⭐）酒樓做緊晚市優惠，可以揀燒雞、沙巴龍躉或西蘭花炒帶子。配合今晚嘅海鮮餐，我地選擇咗帶子。睇相都見到份量多，有成八粒大大隻帶子！帶子味道不錯，有濃郁帶子味，雖未有金黃色嘅外層，但軟嫩多汁。西蘭花亦要讚一讚，嫩綠嘅外表好吸引，脆而不硬，師傅嘅功力有番咁上下。整體而言，易搵位，食物性價比高，晚市選擇豐富，之後都會再來試試其他菜式。~~~~~~~~~

朋友約了在黃大仙"京都大酒樓"飲茶，地鐵站附近非常方便。 酒樓光亮樓底雖不高但用了白色假天花，視覺上沒有壓迫感加上窗外的綠色樹木街景坐落感到開揚舒服。 精美點心和小菜菜式多元化，多樣午市商務套餐，孖寶套餐，晚市套餐經濟實惠，多項優惠價十分抵食！嚐過點心，味道果然不錯！滿意的！點了其中一款懷舊點心鵪鶉蛋燒賣 $30.8燒賣肉質鬆軟，味道不鹹不淡有肉香。燒33鴿 $ 48金黃鬆脆，皮下有點脂肪很香口，肉質嫩滑濕潤有肉汁，沒有腥和雪味嚐到肉香十分滋味。醬皇鳳爪 $ 30鳳爪腍中爽滑，醬汁味道調得鮮美，醬汁份量恰好，不糊口。銀芽肉絲炒脆麵 $108份量足！整碟麵都脆卜卜的，芡汁稠度剛好掛着麵條，肉絲柔軟一脆一軟口感享受。這間酒樓整體給我的印象很不錯！

傍晚時份去完黃大仙廟，經過附近的酒樓，給大大的廚窗吸引著，晚飯優惠三選一$10脆皮雞一隻$38清蒸富貴斑$48西蘭花炒帶子幾乎大部份經過的途人總會停低幾秒，看看這個優惠廣告。 跟家人屋企不謀而合地都覺得好抵吃，晚餐就在這解決吧! 其實酒樓的晚餐小菜、海鮮種豐富，更有很多晚市套餐，300至400元左右，就已經有小菜，海鮮或蒸大鱔。 最終都係敵不過晚餐三選一的誘惑，點了一條$38清蒸富貴斑，另外也叫了上湯龍蝦伊麵及紅燒乳鴿一只清蒸富貴斑$38抵抵抵! 即叫即蒸，須時15~20分鐘，約一斤重，魚腩部份特別滑，啖啖肉伴著豉油汁撈香蔥，鮮魚的滋味!上湯龍蝦伊麵$288手掌般大隻的龍蝦伊麵都只是$288, 龍蝦一開二，大啖肉吃真爽，上湯伊麵吸收了龍蝦的鮮味，原汁原味很香，如需加芝士另+$30 。 紅燒乳鴿$58燒得外皮脆卜卜的，帶點炭焦香，肉質不會過老剛剛好，伴啤酒來吃一流。 整頓晚餐，三道菜有海魚有龍蝦有乳鴿，淨價合共$400有找，連茶位及加一服務費，都只是四百幾十元，超級抵食吧! 回頭率超高，絕對可以攜家人到這裡吃晚飯，來一頓美味的海鮮大餐吃到飽! 員工服務另外，發覺這裡的員工很親切，有一位戴

間唔中都會去黃大仙搵下嫲嫲食飯，路過見到酒樓廣告有海鮮孖寶餐，今晚就go go go🥰原來仲有晚飯3選1鳳梨咕嚕肉-咕嚕肉炸得酥脆有口感，滿足到味蕾🤭，鳳梨及青椒配菜絕不馬虎，38蚊特價有一定水準，配白飯一流👍🏻海鮮匯孖寶-青蒸金花班，魚size都大條，蒸得剛剛好，好滑，絕無overcooked ,海班好鮮甜，無腥味，不錯不錯上湯美國龍蝦伊面半隻-龍蝦開邊有大鉗，有龍蝦身，新鮮彈牙，濃濃上湯燴入伊面，特別入味。如果加入芝士，我估一個人都可以沽清🤭🤭青島啤30蚊-抵飲要晒所有特價餐都係340蚊，3人份量，絕對抵食👍🏻

黃大仙同屋企人飲茶，呀爸點都話要黎呢間，好啦就食下，反正我無食過。假日/茶位 $13/位。午餐時間無咩特價點心，不過價錢都正常既。叫左：沙律明蝦角 $34.8水晶蝦餃皇 特咖喱蒸土魷 $33.8瑤柱珍珠雞 特。估唔到點心幾掂wor ，沙律明蝦角炸得脆但唔過火，裡面蝦肉爽口；水晶蝦餃皇個皮整得唔錯，薄身又Q彈但唔痴牙；咖喱蒸土魷份量超多，仲要有炸生根，索晒個汁勁正！；瑤柱珍珠雞大大個，有蛋黃！。飲茶最正係坐得舒舒服服，呢度裝修都唔錯👍🏼

之前經過附近京都酒樓見到有很多抵食套餐，今日終於有機會可以與屋企人一起去試 晚市真的有很多套餐優惠，今次也可以用了好幾款，認真抵食🔸海鮮滙孖寶$198（海鮮十選二）有龍蝦/海蝦/鮑魚/蟶子/扇貝/魷魚/蠔/蜆/鱔/石斑等，選擇種類不少🦞上湯焗美國龍蝦半邊美國龍蝦大大隻配上芝士伊麵⭐️蒜蓉粉絲蒸蟶子蟶子清蒸粉絲蒜蓉蔥花，粉絲吸收了所有鮮味及精華🔸晚飯優惠三選一飛天脆皮雞$10 / 咕嚕肉$38 / 京式片皮鴨$128看見很多枱都吃這個飛天雞（十蚊雞），應該不錯，可惜去骨是我的弱項，所以最後選了咕嚕肉🍍 鳳梨咕嚕肉$38這個咕嚕肉肥瘦適中，醬汁調得很濃味，酸及甜度也很高，加上配菜及肉撈起，伴飯一流❣️鹽燒六頭南非鮑魚@$68像椒鹽的感覺，這個香口的鮑魚做法不錯🌼原盅養生燉湯@$38材料豐富有圓肉淮山杞子玉竹雞紅棗，原汁原味，不用加調味料*晚芥@$16

難得呢度有羊腩煲，仲有晚市優惠$10脆皮飛天雞，放工就帶埋老爹一嚐～如果你係3人以上仲可以用$68優惠價食京式片皮鴨～｜脆皮飛天雞｜燒雞啱啱燒好出來～好香，眼見啲雞油慢慢流出嚟好吸引～皮亦都真係燒得好鬆脆，即使好邪惡都忍唔住要食～雞肉好嫩滑，保留到肉汁～｜上湯龍蝦伊面｜上面有半隻龍蝦，呢個價錢嚟講有龍蝦伊面食真心抵，龍蝦肉質好新鮮爽口，食得出唔係雪貨，伊面份量多一流～｜椒鹽鮮魷｜份量同樣好多好抵食，魷魚每件都大大塊，夠啖啖肉～｜枝竹羊腩煲 配一份生菜｜羊腩好軟腍，我最鍾意食啲皮同筋～好入味～加埋枝竹、馬蹄炆，醬底豐富用到南乳、柱侯醬、芝麻醬及蠔油～食係愈食愈停唔到口～

估唔到呢間平民酒樓食物有驚喜全部新鮮，熱辣辣味道唔錯，酒樓非常之大間，平日午市都非常多人。咁啱剛剛完咗早市，仲有啲特價蒸飯叫賣中，我哋就叫咗一個鳳爪排骨飯$14.8，非常之抵食😍瓦煲裝着夠熱辣辣，排骨夠腍，鳳爪入味。午市仲有點心自選百搭孖寶$52.8！都有唔少選擇！我哋叫咗2份孖寶：菜苗餃、燒賣、牛肉腸、虎皮椒。菜苗餃大大粒，入邊充滿菜苗同蝦，蒜蓉味香濃。燒賣熱辣辣，豬肉幾腍幾香。牛肉腸腸粉夠滑，入邊有少少芫荽香，但係唔會太重味。虎皮蕉估唔到咁出色，夠香辣惹味，魚肉脹卜卜，而且煎得夠香。見到燒BB乳鴿只係$38/隻，叫咗一隻。呢個有驚喜😍乳鴿外皮有油香又脆，肉質嫩滑，抵食呀！

臨收工收到媽咪嘅電話，佢話下晝同朋友傾耐咗，趕唔切返屋企煮飯，提議不如約埋老竇過去 #黃大仙，搵間餐廳食埋先返屋企。本來我諗住近近地喺地鐵商場搵間餐廳坐低，點知媽咪一早已經諗好要去幫襯 #豪苑商場 樓下間 #京都大酒樓，話聽班 #師奶 講，嗰度啲嘢好抵食喎🤭 我預早咗時間上酒樓，諗住擺定位、沖好茶，就為咗兩老唔使等，點知咁啱有人book咗個大廳搞function，好在最後經理都安排到張枱比我哋😉 酒樓呢晚異常熱鬧，咁人齊嘅境象真係好耐冇見過😄 媽咪話嚟到一定要試吓佢哋嘅$10 #脆皮飛天雞 同 $198 #海鮮孖寶 🤪 本來諗住平嘢一定無好，點知品質都唔錯，#脆皮雞 新鮮炸起，#小秘書 多得老竇相助，佢一手就幫我將隻 #雞髀 🍗 撕咗落嚟… 見到肉汁橫飛嗰吓，真係好興奮🤭 雞肉醃製得好入味，而且肉質仲好Juicy添‼️至於兩個 #海鮮，我哋就揀咗 #上湯焗龍蝦（半隻）配 #伊麵 做底，另外加個 #豉汁蒸白鱔。#伊麵 索晒啲 #龍蝦汁，再配埋肥嘟嘟嘅 #白鱔 一齊食，夠哂惹味🤤 為食嘅我哋再叫咗碟 #小炒王，用料都幾豐富㗎！師傅將 # 乾濕魷魚、瑤柱絲、腰果… 再同 #韭菜 炒埋一碟，好鮮

新正頭 繼續同朋友敍敍舊就返大家近近地 揀左黃大仙京都大酒樓 朋友話好懷念 脆皮十蚊雞 今次要打孖上 上枱時 已陣到好香 戴上手套 來個原始風味手撕雞 😋依然保持到以往皮脆肉滑嘅感覺 因為新年敍舊食好D 叫左個雞煲翅 湯頭黏口 也很不錯

新年老公去黃大仙廟同黃大仙拜年，之後行過去附近嘅京都大酒樓食晚飯，酒樓地方都好大，光猛乾淨，座位寬敞。新春期間都推出不少賀年菜式。鳳梨咕嚕肉，大大碟份量十足，酸酸甜甜的菠蘿，配上外酥里嫩的肉團，酸甜可口，越食越開胃。魚香茄子煲：加入鹹魚、肉碎和香料煮成的茄子，味道咸香軟嫩不油膩，越食越惹味。伴飯食一流。臘味糯米飯：糯米飯配料有臘腸及花生等，整體香口不油膩，糯米飯粒粒分明，油亮透明，口感軟硬適中，味道不俗。

今日陪家人去黃大仙廟，拜完去地鐵站附近京都大酒樓飲茶，酒樓好大，多枱，我哋星期六12:00到達，好彩唔駛等位。2個人叫咗5籠點心，慢慢坐下傾吓計。香荽牛肉腸粉腸粉皮薄，腸粉好滑好爽口，滑嘟嘟，筷子夾著都會跣走。裏面牛肉幾香芫荽，配合腸粉甜豉油味道不俗，如果再多啲牛肉就好了。鮮蝦菜苗餃大大隻，晶瑩剔透，一口咬下，點心皮口感爽身不黏口，可以再薄皮啲，蝦同菜既比例適當，蒜香味很好吃。鮮蝦腐皮卷腐皮煎得香脆，唔太油，每條卷食落蝦份量足，爽口彈牙，配合其他配料如紅蘿蔔絲及芹菜，口感爽口。蜜汁叉燒包拎上手熱辣辣，包皮幾簿，我鍾意入面夠多叉燒同醬汁，而且叉燒粒唔肥。鮮竹卷入面既料有豬肉椰菜及木耳，都清爽，腐皮吸入個汁一齊食，都幾好味。整體來講，點心全部熱辣辣味道唔錯，侍應服務態度都唔錯，反應好快。

聽人講話京都酒樓幾抵食，今晚一家人係附近就順道試下。晚飯三寶 $338，有三款餸，都幾抵！🥢京都小炒皇份量都唔少，有蒜芯，帶嚼勁嘅魷魚，鹹香蝦乾，蝦仁，脆卜卜腰果，軟嫩貝柱，味道調得啱啱好，唔會過鹹，炒得好惹味，唔經唔覺就食晒。🥢蒜蓉粉絲蒸元貝4隻元貝大大隻，鮮嫩彈牙，鮮味十足，粉絲索哂蒜蓉汁，味道冇得輸。🐷脆皮燒腩仔 份量都唔少，肉質半肥瘦，個皮唔會過晒氣，食落仲好脆，唔錯唔錯👍🏼🐔飛天雞$20一隻，勁抵，即刻叫番隻，七點半左右就賣晒喇🙈即叫即烤，熱辣辣，皮脆肉滑，一路撕肉，啲雞汁一路滴落嚟，令人食指大動。

星期日早上去咗飲茶🫖 呢間酒樓都幾多老友記幫襯，差不多枱枱坐滿客，夠唒熱鬧~ 點心紙都分有好多種~ 我哋揀咗自選百搭孖寶(午市)個張，一個價錢揀兩個點心，好似最易揀又最扺～以下幾款係必點❤️醬皇蒸鳳爪，軟淋淋又唔會蒸到爛，入味而唔會死鹹~ 細細個最鍾意食~小籠包，皮薄餡靚，一咬開爆出全口湯汁~牛肉腸粉，腸粉煙煙韌韌，食落帶有牛肉嘅香味，配甜豉油一流～ 燒賣皇，大大粒，每粒都有爽口彈牙蝦仁，好味😋最後黎個燒味雙拼飯，燒肉加雞髀飯，配芥末加薑蔥，經典懷舊港式味道就係咁簡單～