京都抹茶屋 (已結業)

這間店最出名是抹茶雪糕，但我朋友卻點了朱古力雪糕窩夫（4/10）我又嚐了一口,朱古力雪糕沒有朱古力味道，很多冰，窩夫味道也太過平淡。另一位朋友點了雲尼拿雪糕西多士（6/10），雪糕好大份，味道還可以，但未算最香濃，西多士都可以，其實好難可以有難吃的西多士。我點抹茶雪糕配紅豆西多士（7/10），雪糕有濃郁的抹茶味道，甜裏帶有很少的苦，喜歡這個抹茶味道，但紅豆很少，只有幾粒。這個抹茶雪糕真的很大份，還有紅豆，白玉， 葛軟糍 ，其實全部配料都是抹茶雪糕的絕配，只要雪糕好吃，整體一定是好吃。（9/10）最前果個盆栽不記得名稱了，不過只記得好難吃，太甜了。（1/10）左邊京都抹茶紅豆卷蛋，雖然不是雪糕，但抹茶紅豆真是絕配，最安全，不會難吃的。（7/10）抹茶tiramisu，雖然是tiramisu，面層是曲奇碎，底下是豆腐布甸，布甸很好吃，但沒有tiramisu應有的酒味，雖然是這樣，但整體是好吃，味道是夾的。（7/10）

今日同朋友去睇音樂劇所以就諗住早啲去個邊食晚餐點知行下行下比我地見到佢，京都抹茶館裏面嘅環境真係好靚出面就已經放咗大大張餐板真係好多嘅選擇，真係令人興奮餐廳傳出好香嘅蛋香味道所以我於叫咗個芒果綠茶冰淇淋窩夫由於係一個45蚊嘅餐所以我再加15蚊升級飲品為凍抹茶牛乳買完之後我揀咗沙發椅坐低等我嘅晚餐因為即叫即整~所以都要等一等大幾10分鐘之後有位店員就將我嘅晚餐攞咗過黎好靚呀～當然，係我手機食先但我都手快快影完就即刻食因為我已經聞到一陣陣嘅香氣我一切落去，呀～好脆呀～外脆內軟，仲要好香蛋香味好好味呀～重點黎啦～雪糕個雪糕比出面嘅雪糕好唔同我第一啖食落口好實一啲融嘅感覺都好好正，食到最後個雪糕都只係融咗少少原來佢係餐單上面已經寫明-196°C而製真係好好呀～仲好香嘅綠茶味道極力推介必試之物芒果嘅酸甜加上綠茶嘅香出奇地好最適合比較少食綠茶唔習慣嘅人加上窩夫一齊食就最正到飲品好香抹茶味道同牛奶味道對比各一半都唔錯~但唔算好突出但都值得一飲

每星期辛苦過後，總想找個地方悠閒的吃著甜點，舒舒服服地看半天書，過著無煩惱的時間是日選擇了在VCITY的此小店，雖然店子少少，位置不多，但總有舒適的沙發可以等候到的不過此店由於位置太少，不適意坐太久，阻礙店方做生意綠茶雪糕拼窩夫綠茶雪糕很快溶掉，原因不明，但最好上碟後三分鐘內吃光，不然很快變綠茶雪糕水漿窩夫脆口，蛋味香濃芒果連芒果醬，太甜如想悠悠閒閒地睇書，還是出去九龍區CAFE或其餘二大連鎖咖啡店會更好選擇以甜品來說，此店可進步空間還是存在的

看似門面幾靚, 餐牌又印得咁精美, 諗住食物質素應該唔錯啦, 點知被騙了...放工過左去食D野, 點了一份雪糕窩夫,明明揀選左要抹茶曲奇雪糕, 不過黎左兩球齋曲奇雪糕, 都算...一食啖雪糕, 又多冰, 又淡味...我覺得真係唔好食.好彩窩夫都算係咁, 熱烘烘既, 估計應該即刻整既, 外層仲有少少脆~~不過呢款食品收我$5X, 而又係咁既質素, 我會嫌貴囉!!!! 

今日係第二次幫襯呢間抹茶屋。 今次主要想試下佢啲set餐，咁啱見到佢有個抹茶冰淇淋紅豆西多士套餐，身為抹茶控嘅我心郁郁想試一試佢嘅抹茶雪糕！ 於是我就點咗呢個餐，另外加15蚊配咗杯熱嘅抹茶牛奶。 西多士係新鮮炸起嘅，夠熱之餘亦有蛋香味 食嘅時候舀少少抹茶雪糕同紅豆撈埋落西多士個面度 食起上嚟一凍一熱真係超級正，而且佢嘅抹茶雪糕都幾滑，有奶香同抹茶嘅甘味。後來向店員查詢後，先知雪糕原來係從日本訂返嚟的。 而呢度嘅抹茶牛奶都唔錯，抹茶同牛奶嘅比例啱啱好，唔會太過偏重一邊。飲完之後成個人暖笠笠精神曬。 再有機會幫襯嘅話，想試下個雪山西多set餐 睇個名好似好吸引咁~

今日朋友帶咗我去抹茶屋聚聚，我叫咗個抹茶園試下。本身以為係抹茶味嘅tiramisu。佢表面係d曲奇碎，中間係忌廉 外圍係吉士，底下係抹茶豆腐布甸(臨走前問問店員乜黎)。食落口除咗有曲奇味之外，仲有好香嘅抹茶同濃濃嘅豆味。D味道好夾，而且口感好滑。 依樣望得又食得，值得推介！！！

唔好以為食抹茶既專門店整既抹茶甜品都會好味，京都抹茶屋可以叫做一個伏。呢度既抹茶甜品無乜抹茶味都算啦，而且雪糕裏面仲有冰(==”)抹茶奶昔都叫還可以，但係杯雪粑真係可以叫食冰碎，根本就無味。而tiramisu都一樣，唔講都唔知自己食緊甜品(真係無味)。去完一次唔會再去。

今日去V City supermarket 買食品後想食甜品就去咗之前發現有綠茶嘅雪糕店，睇完餐牌後發現都有幾多選擇之後就買咗1杯大細紋珍寶筒，珍寶筒食落去就有雲喱拿加綠茶味道而賣相也幾好，而價錢都大眾化，這裡嘅環境及服務員嘅態度都幾好。

七月盛夏天氣實如食友所言不能停留在街上超過五分鐘,本來還打算到銅鑼灣看看很久不見的俊男也要打退堂鼓,月巴人實在不想前幾天的中暑現象再次出現。這種悶熱天氣最好逛商場,V CITY的空調實在涼透心,在這環境下來杯雪糕一定更開心,哈根大師沒帶優惠券,高大華的朱古力又好像太膩口,當時不想吃愛麗絲b的杯裝雪糕,下一層的自助乳酪店坐滿年輕人,超市那層的京都抹茶屋更加沒有位置,本想打消念頭之際發現甜筒裝扭紋雪糕,看來也很好吃呀。美少女店員忙著處理堂食甜點,高佻俊男反而剛巧有空招待,吃杯雪糕也有俊男看,爽YY也!大扭紋($22)比細扭紋多$2,俊男把雪糕擠得像他一樣高佻,在這方面來說我比較喜歡豐滿如我的雪糕份量! 綠色那邊的抹茶輕淡如沒有抹茶在內,不是眼看到有綠色,基本跟普通牛奶雪糕沒兩樣;店裡看到很多北海道牛奶,不知道雪糕是否也由這些日本牛奶做的??白色那邊的雪糕也不見得有奶香,兩者也沒出現其應有的食味,希望嚐到兩種不同口味的多心雙子座真的有點失望。幸而雪糕口感細滑,雪糕也沒有黏著喉嚨的缺點,在不算太慢的進食速度下也不太融化造成狼狽,而且有著蛋香的威化筒也很香脆,$22也算可以一試。誰知一轉頭見到一

記得朋友曾講過呢間抹茶專門店嘅抹茶朱古力牛乳好好飲搞到我都心思思想試下佢嘅抹茶飲品，於是趁呢日放假過嚟買杯野飲。   嚟到呢度之後本身想叫返朋友飲過既抹茶朱古力牛乳 不過見個Menu原來仲有其他選擇，所以就問咗店員有咩抹茶飲品好介紹其中一個就同我講話"可以試下我地嘅宇治鴛鴦,佢係抹茶加咖啡，咁我地用嘅咖啡係日本咖啡嚟㗎，都幾好飲既" 咁好啦!本身都鍾意飲咖啡嘅我就order左凍既，店員之後都有問"要唔要加15蚊配多件抹茶卷蛋或者抹茶芝士餅呀?原價25蚊" 都好喎!之後就加多一件抹茶卷蛋試下~   宇治鴛鴦（凍） 店員話上面粒綠色嘅冰係抹茶冰，粒冰係用抹茶漿做，作用係利用粒冰溶出嚟嘅抹茶漿，去long last杯飲品嘅抹茶味~ 一入口既有抹茶嘅甘香同咖啡嘅苦澀香濃，兩者唔會互相搶過對方嘅味道，又唔會好甜而且啲奶令杯飲品飲落更滑，冇咁rough 夏天熱辣辣又冇精神飲呢杯嘢嚟提神就最好不過抹茶紅豆卷蛋 抹茶海綿蛋糕質感鬆軟，唔會太乾身又唔會好甜 啲cream好滑，加埋紅豆一齊食就啱啱好，抹茶同紅豆果然係絕配呢! 不過呢度嘅枱實在太矮啦~!食嘢都要烏低身食真係幾辛苦的 總括嚟講呢間都值得一試嘅

今日放假，行下v city.發現有間甜品屋，店舖外觀都幾靚，所以吸引左我入去，原來佢係主打食抹茶甜品，職員既推薦下我揀左（宇治抹茶葛軟糍）， 它比我想象得個甜品份量都算大算多， 葛軟糍加麻抹茶粉原來幾夾，幾特別，抹茶布甸我覺得好好味，佢好滑溜好彈牙，好重抹茶奶味，抹茶雪糕與紅豆都非常夾，整體都令我好滿意

一田購物日除左去超級市場掃貨之外, 見呢間抹茶屋有特價買一送一飲品, 作為抹茶控既小弟自然唔會執輸叫左兩個飲品-抹茶曲奇牛乳+抹茶檸檬, 點知中左大伏抹茶曲奇雪糕牛乳抹茶雪糕冇抹茶的味道, 得苦同澀味, 完全冇抹茶甘味, 失敗, 曲奇唔係完全咁同雪糕融為一體, 有D怪, 成杯野冇奶既味道, 整體感覺好差抹茶檸檬呢杯真係極品, 唔知檸檬係咪唔洗錢, 杯野酸到阿媽唔認得, 同食檸檬冇分別, 咁酸自然飲唔到任何抹茶味, 失敗無下次, 以後食抹茶甜品寧願貴少少去食抹茶館

一個悠閒的下午，在家睡飽飽食飽飽就到附近搵下午茶食 天氣有點焗非常悶熱，所以就鼠左入商場嘆下冷氣，途經一田超市 見到成間都係綠色既野 非常搶眼 唔小心就被佢吸引左入去～哈哈食物種類都幾多，選擇困難症又發作。。既然叫得京都抹茶屋，主打抹茶是常識吧！看起來芭菲最吸引，草莓抹茶芭菲聽落好似幾好味，被選中的 就係你啦～！！呢到係自助形式，自己櫃枱買，自己岀去拎，等了大約5分鐘左右，員工都幾快手 抵讚！可能係因為唔係太多人掛～個芭菲到手都未開始溶haha第一口先嘗有少許草莓醬的抹茶雪糕，質地幾幼滑，抹茶的苦澀味和草莓醬的甜味同時散發，不錯 在旁有少許裝飾的cream，和雪糕一齊食更突出奶油綿綿的，雪糕冰凍既感覺 正正子！食食下見到有一粒粒唔知咩東東，爽爽地，又有啲甜酸味，仲有粟米片係中間，脆脆地，令到個芭菲無咁單調，真係幾唔錯 食完問反店員，原來個啲爽口既野係寒天黎 同店員同我地講有近8成的原材料都係來自日本，品質都唔錯，絕對有下次的光臨～講真大熱天時走到老遠去食好野，真係人都癲，呢間近近地，質素都唔錯 又唔洗等唔洗加一 大家快啲去會會佢～

是日放假，得閒無野做，心郁郁搵甜品食，記得屯門好似有間食綠茶甜品既店就去試下。餐牌綠茶甜品款式都幾多，大部份以雪糕為主，是日選擇左一個「抹茶葛軟糍」($50)，賣相討好，中間係綠茶雪糕，濃濃既綠茶味，配以左邊既紅豆，味道好夾；右邊有綠茶布甸粒，味道無雪糕咁濃，淡淡綠茶味不過好滑；最底下有綠茶軟糍，本來以為好煙韌( 因為本人喜歡煙韌既食物 )，但原來係軟林林，不過口感還可以，只係有一點點苦；再加上有生果及CREAM，整體味道不錯，最喜歡綠茶雪糕，因為味道最濃走之前，再係FACEBOOK CHECK IN，再送左一支牛奶甜筒，不過就無咩特別味道。

於新墟吃過晚飯後仍打算吃頓飯後甜品，於是便先逛到鄰近的V City，先逛一圈消化一下，順便好好想想一回到哪兒吃。從地下進去是整層的一田百貨，在一田中繞了圈便發現在旁竟有一家麵包店和主打抹茶甜品的小店，這下還真不錯，於是肥妹先行到麵包店買了些麵包，便來到這間抹茶小店坐了下來。就是這個擺放於門前的一個模型櫃把我倆吸引住！櫃中放滿了林林總總的抹茶小物，最為吸引的都莫過於下層的那個大型兩層架的，餐牌上也寫明份量足以2至4人享用，這是何等的龐大巨型。餐廳是以半開放形式，座位就只有約十個左右，墨綠的梳化質地小椅配上木製桌子，加上店內播著日文歌曲，倒是坐得頗舒適寫意，無奈旁邊就是一田百貨，即使有道小木板隔著仍是因旁邊路上的人流湧湧而感到有點不好放鬆。點餐的形式是有點像大快X之類的，先到櫃檯下單，拿到收據便可以坐下等待叫號碼拿餐，人不多的關係店員也很悠閒，所以一接到肥妹倆的單便馬上動工製作，所以耗時不久。木桌上剛巧貼上了這款和肥妹所點的一樣的甜品，目的就是想介紹這客甜品由什麼東西組合而成。不久後聽到叫聲友人便去拿餐嚕，眼前所見的模樣跟它餐牌及貼紙上的介紹出入都有點出入，不過其實也只是碟的不同罷了，大致