京都抹茶庵 (已結業)

這一間以抹茶甜店為主打的食店，叫《京都抹茶庵》。食抹茶甜品，我同太太的首選是蕨餅。微微甜的蕨餅，厚厚的一層抹茶粉，增添了茶香同苦中帶甜的感覺，之後，再伴以抹茶糖漿一起吃，感覺到是不錯的。我一入門口，就以上被抹茶蛋卷吸引住了。外層的抹茶甜蛋糕既香口又甜美，加上了糖霜粉後更甜。在蛋卷的內心，甜入心的忌廉是令到這蛋卷味道美的其中一個原因，中間的流心抹茶餡，就是原抹茶味的，苦中帶甘香。配埋一個甜椰椰的紅豆，令這一 set 甜品的總和味道，好有層次感。抹茶芭菲是許多人喜愛的抹茶甜品之一。我們點的一杯，由抹茶雪糕開始至底層的脆脆都令人滿心歡喜。簡單說，因為夠甜，夠多抹茶味道，所以味道美。很久沒有來吃抹茶食品的我們，已經感覺滿足。正不正宗不敢說，好不好食我就可以發表一下。而這一次的小試，我覺得，是好食的。

今日嚟到K11食飯，食完又有啲想食甜品，見到呢間係食抹茶雪糕嘅餐廳，諗都冇諗就入咗去啦。呢間標榜着係用小山園嘅抹茶粉👍🏻唔止有得堂食，仲有其他產品賣，例如抹茶粉餅乾等等。作為好鍾意食抹茶甜品得嘅我，今次同幾位朋友一齊就嗌左幾款唔同嘅野黎試吓啦。-🥢抹茶雪糕伴餡蜜雪糕嘅抹茶味好濃郁，食完有少少苦澀味。如果齋食啲雪糕就可能覺得太過濃，但係配埋啲啫喱同埋紅豆食感覺就會啱啱好👍🏻👍🏻而白玉亦都好煙韌。-🥢培茶雪糕伴餡蜜基本上同抹茶嗰款一樣，只係轉左做培茶味。培茶雪糕種苦澀味冇抹茶咁出，但係培茶味亦都好濃郁嘅。不過我就覺得培茶配紅豆無抹茶配紅豆咁match😛總括來講，甜品係好食嘅，但係價錢我覺得有啲貴。

最喜歡的抹茶打卡點。k11走累了，附近休息的地方一定是這間京都抹茶庵。抹茶雪糕加上一點點雪餅，炎熱夏天真的舒服爆了。3性價比可能是有點高，但是在這樣的商場裡面屬於正常啦。沒有什麼是抹茶搞定不了的，不然再來一個？

Weekend難得同朋友出黎食下野吹下水一間未夠喉 決定食多個甜品再行下呢間野位於K11 地點上非常之方便去到當日做緊雪糕外賣買一送一其實好抵😭不過始終都係想坐低傾下計 所以都係揀左入去朋友嗌左杯抹茶牛奶野飲而我就嗌左呢個抹茶沙冰呢個係夏日限定架！！講真 個抹茶雪糕真係好濃厚 好好食而我食抹茶野最鐘意就係個2粒白玉 煙煙韌韌咁 好好食haha加埋個紅豆蓉就係絕配因為夏天 配合埋沙冰解暑一流不過食個陣小心啲 有機會個雪糕會企唔穩跌落黎 haha總括黎講係真係jeng嘅！！！

和心會員送咗一張生日月份可以用嘅50蚊優惠券於是我哋就去咗呢間餐廳食嘢， 去到先發現原來每人至少都要點一樣嘢於是我哋就轉咗用買一送一優惠叫咗兩杯綠茶新地。所謂嘅綠茶新地就係一杯綠茶上面再加舊軟雪糕， 舊軟雪糕綠茶味唔濃郁只係得甜味，杯綠茶就更加差因為杯綠茶只係得甜味連綠茶味都冇。 喺啲冰仲未溶嘅情況下我飲第一啖嘅時候已經feel到有好多嘅冰，綠茶粉係少得可憐，而佢為咗佢 掩飾 呢樣嘢呢佢就加咗好多好多嘅糖落去令杯嘢變成一杯名符其實嘅糖水。

來到K11,無買到野，就來到二樓食野。餐廳做緊雪糕買一送一優惠，所以有長龍。堂食的我直接入去。點了抹茶三品選$88有雪糕，蛋糕和麻薯。雪糕味道不錯，抹茶濃度夠，茶味香。甜度剛好。蛋糕鬆軟度還可以。

朋友生日，吃飯後見時間尚算早，就去了 K11 吃點甜的。於是到了京都綠茶庵，店舖全是綠茶產品，店內有位置，就坐下了。天氣熱關係，很想吃冷的，見到這個夏日限定，我跟朋友都分別點了一個。芒果抹茶雪糕冰：朋友點了這個。草莓抹茶雪糕冰：我則點了我喜歡的綠茶跟草莓。綠茶味不算太濃，旁邊是用草莓作裝飾，下面全是綠茶味沙冰，但只吃到冰沒有綠茶味，所以吃了雪糕，就只剩下冰這裹的店都比較早關門，10 點就要走了！對我來說我未必會再光臨，因為性價比不高！

喺尖沙咀晚飯之後想食抹茶雪糕，每次都會唸起佢。食過一次之後，就唸唔起其他。次次都食呢款‘窩夫新地’，真係一款甜品滿足哂所有。抹茶焙茶雪糕好濃味，個人鍾意食好濃茶味嘅雪糕，呢間啱哂我。配料有紅豆、白玉、啫喱同兩件小小嘅抹茶蛋糕。個窩夫底呢，食到最後到仲好脆。

好好味既抺茶心太軟同朋友食完飯，佢話要食甜品，去左呢間抺茶主題既舖頭，飽飽地，我只叫左個綠茶心太軟，離遠已經聞到香味，好誇張，食落唔會死甜，係抺茶既甘甜，個size都唔細，比出面一搬心太軟大，而且呢種抺茶味感覺好清新呀，美中不足沒有雪糕，食完會有啲口乾。朋友叫左個雪糕既甜品，唔就得咩名啦，但係溶得好快，一上枱已經開始溶，但佢話唔錯，配料都好多，無影餐牌，形容唔到，食完大家都好滿意，佢門口仲有伴手禮賣。

兩年前在京都試過抹茶甜品，一直念念不忘！之後在香港試了其他抹茶甜點也好像是有點不對勁⋯⋯ 直至發現這間分店。因為是平日，所以人較少坐得舒服！但服務就似不夠主動，最起碼的清水也不主動送上！這點希望能改善！

今日去開尖沙咀行到攰，想食下甜野就尼左食溫馨提示～尼間係有最低消費架，每人最少叫一樣野，本身諗住同朋友share個甜品，咁就叫多左杯飲品喇～我地3點幾尼到，唔知係因為閒日定咩原因... 坐左差唔多一個鐘嘅時間... 一個人都無😂😂我地叫左一杯抹茶梳打，一個抹茶蕨餅 合共$121杯抹茶梳打...飲完之後都覺得無咩抹茶味，始終係凍飲喇可能，唔可以話好match, 又未至難飲，但就唔會再叫... 蕨餅比我想像中大舊，我自己preference係一口咬到就係最好，值得一提係佢唔係俾黑糖糖漿，都係抹茶，但就唔算好重味食完嘅感覺係overrated and overpriced

K11有一間抺茶專門店在OpenRice搜查嘅時候原來香港只有一間🎊🎊🎊因為同類型嘅綠抺茶專門店實在太多了都分唔到邊間打邊間🤣🤣🤣這間除咗雪糕、抺茶飲品、仲有小食部份食品只可以外賣門市亦有抹茶糕點售賣價錢都係差不多....同一杯Starbucks嘅飲品一樣其他甜品大概$70左右與市面同類型嘅食品差唔多啦😆由於食完晚飯所以只叫了抺茶雪糕加綠茶這個就是只可外賣不可堂食😓價錢$48整體雪糕和㭑茶甜度適中不會太甜👍🏻不過軟雪糕好快溶😓抹茶味亦都不是太濃只能說味道一般啦😵

本身是想食蛋糕而來，最後蛋糕普普通通，反而兩杯飲品更令人有記憶點。粒粒抹茶紅豆冰牛奶，牛奶的香滑同抹茶紅豆的香甜本來就好夾，呢個飲法仲令杯牛奶keep住冰凍又香濃，唔會變淡👍🏻至於杯玉露，坦白講，唔係我杯茶。但呢個純粹係個人喜好問題，我一向都不太喜歡會令人產生期望落差的食物，例如花茶，聞落好香又充滿幻想空間，一口喝下卻是淡淡的。又例如這杯玉露，明明望落清澈見底，但入口卻濃厚非常，好衝突🙈店員很好，幫我們加水時向我們解說他們沖茶的水是特製的，也有指定溫度，為的就是這份濃厚感。

久丸小山園抹茶芭菲 Kyoto Matcha Softcream Parfait (HK$88) Ranking: 2/5 ⭐其實真係好唔抵，個雪糕好易溶又唔算好重茶味。所以星期五晚都無咩人幾好坐😂Actually it's super overpriced, the ice cream melted so easily and the green tea flavour wasn't that strong... Well so that there weren't that many people even on a Friday night, quite spacious which is rare in Hong Kong 😂

因為懷念在京都的綠茶甜品, 晚餐後和好友到這裏吃綠茶甜品。我們到達的時候已經差不多九點半，還有很多人在排隊 。好彩我們都能夠取到排隊的票 ，等了差不多20分鐘就可以入座。朋友選了綠茶流心卷蛋，蛋糕很軟熟，有淡淡嘅蛋香，配上清新嘅綠茶簡直是一絕。而我嘅 迷你版焙茶 芭菲 都不過不失。