京都高級宴會廳 (已結業)

平日下午茶由兩點起，小/中/大/特點價錢分別為 $9.8 / $12.8 / $15.8 / $18.8 蟹肉小籠包 - 唔覺有蟹肉，皮乾而厚，只有少許湯汁，肉"鞋"而粒粒肥肉清晰可見。 鮮蝦菜苗餃 - 鮮蝦少菜苗佔了大部份，邊食菜苗邊出水，食得狼狽。 燒腩仔瀨粉 - 燒腩仔肥瘦分明幾好，但皮燒得過火。瀨粉份量多，抵，但湯完全淡味，附送菜心兩條。 招牌流沙包 - 唔流沙的流沙包，偏甜。 地點寬敞舒適，服務良好，唯食物有待改進。

有日同個 friend 搞 farewell, 想食小菜咁就試咗呢間酒樓‧先講餸菜, 味道不俗‧咕嚕肉, 燒味, 石班兩味, 四季豆炒鴕鳥肉等小菜都唔錯‧但適逢果日係父親節前夕, 好多人都會叫套餐‧因為我地唔想叫套餐, 所以就散叫小菜, 平日仲有節添‧我地8點多叫菜, 最快當然係燒味啦, 但係都等咗半個鐘先至o黎, 之后o黎多碟咕嚕肉跟住果d餸就無咗影!!!!! 碟碟都要催,催完好多次先至o黎一碟 (我地計過大約半小時出一碟), 個個食到到喉唔到肺, 碗白飯為咗等d 餸由熱變凍‧到最后都係o黎唔齊取消咗碟賽磅蟹 (但係張單係無取消到, 最后都要改單)‧叫佢上糖水, 都o黎足15分鐘, 仲話有紅荳沙, 綠荳沙揀, 點知最后得返綠荳沙, 仲要唔夠數比咗2個芒果布甸‧個綠荳沙好似煲燶咗咁色, 啡啡地, 我地無人敢食‧幾碟餸食足成晚, 好似無食過咁, 8個人都要每人約$100‧呢個價錢o黎講食物都算ok啦, 不過服務欠佳, 出餸慢‧催佢地d 餸時, 仲有d 阿姐黑我地面, 勞勞氣氣咁同我地講出緊啦, 等多陣啦, 廚房好忙‧就算忙都唔使等成半個鐘先至出一味掛... d 經理得個樣, 一d 都幫唔

一行十幾人, 諗住係沙田搵個平平地, 又坐得舒服既地方食晚飯, 無意間發現呢間唔太就腳既酒樓, 裝修幾好喎! 可能完全無乜期望咁去, 有意外驚喜! 叫左十幾個餸, 包括片皮鴨, 脆皮燒雞, 蓮偶炒豬頸肉等等, 竟然全部都在水準之上! 服務算幾好, 係個經理有d烚烚下, 但都算幾好service! 價錢才真的驚喜, 竟然十個人食左700蚊到! 正! 仲平過去陳根記! 咁既價錢, 咁既環境, 服務同埋食物質素! 非常超值! 值得再黎!

因工作關係，常常要午膳時間應酬，又因地點關係，常常到沙田大會堂京都。前天一行十人下午到這裡午膳，普通叫了些點心及荷葉飯。其中有一碟點心，蒸排骨的碟子竟爛至正中間一開二，還繼續端出來上桌。我們想拿手機影相，卻被一個拾枱 的阿姐一個敏捷的戰步上前把証據火速眦 滅。至於荷葉飯，同行友人裝了一碗來吃，眼發現還有冰雪未解凍的，請了一個黑色西裝瘦削身型戴金絲鏡的男仕(不知是不是經理，後悔沒把他的名牌看過清楚)過來，那“金絲眼鏡經理”沒有說一句話，把“冰雪荷葉飯”取走，之後我們等了很久也不見“融雪荷葉飯”的影擪 ，看看錶己差不多要回公司工作，便問“金絲眼鏡經理”可否取消“融雪荷葉飯”，“金絲眼鏡經理”突然變得“很有反應”地說：纒 ！蒸緊啦喎！(他惡得連同行五位男同事也不敢再言)！過了一段時間之後，“金絲眼鏡經理”把“融雪荷葉飯”端上桌，同事請他直接把飯倒入發泡膠盒取走，因趕覑 結賬。甚知“金絲眼鏡經理”竟然完全聽不到，“拋”下這碟飯一句話也沒答便走了。我覺得午膳飲茶吃普通點心及炒飯要這個價錢，加吃瓷碟及看覑 “金絲眼鏡經理”的惡態，實在是貼錢買難受。放工回到家，未吃晚飯便肚子痛肚痾。若果Openri

新城市D食店好生意到暈,爆晒,改左這裡食,眼見這裡唔滿,唔通唔好食?特價冬瓜鍾，七點幾就賣晒，改叫特價芝麻雞，出奇好食，皮薄唔肥肉軟滑，其他小菜有水準，又唔貴，９個人九味小菜$710.，地方濶落，值得再來。

本想與家人一起食餐中式晚飯, 但當晚原來有一個壽宴加一個生日會, 正常來說是好平常, 但這個生日會是一個粵劇的表演, 而最不當的安排是這粵劇的表演是只是間板, 所有音樂, 歌聲,"的的查查"聲, 全場食客都聽得到, 非常非常非常嘈吵, 完全不能談話, 酒樓安排非常差。之後, 有食客更忍不住向經理投訴, 全場食客拍枱及喝倒彩以示不滿, 更有幾枱客人決定離開。總而言之,今次酒樓安排非常不滿, 環境對客人來說都很重要。

早前大舅仔生日，我們約了辣椒女的家人和幾個朋友到這裏食晚飯，因為人多所以都叫了唔少菜。包括有京都脆皮燒鵝、涼瓜菜甫煎蛋、蒜茸炒油麥菜、翡翠豆干炒菰菌、瑤柱津白鯪魚球、福建扒蒸豆腐、大海中班兩味和菠蘿生炒骨。京都脆皮燒鵝- 特價食物，通常都唔會好大碟，今次真係想象不到的大隻，真係由頭食到尾都食唔完。外皮好脆，肉質也不會好韌，很入味，真係太件夾底食。涼瓜菜甫煎蛋- 菜甫好硬，涼瓜無乜味，好在雞蛋叫做煎得幾香。蒜茸炒油麥菜- 比較上多油，油麥菜都幾新鮮。翡翠豆干炒菰菌- 翡翠豆幾好味，菰菌就一般。瑤柱津白鯪魚球- 鯪魚球味道一般，津白返而更加好味。大海中班兩味- 炒球的那個和翡翠豆干炒菰菌有點相似，只是菰菌變成魚肉吧了；蒸那個就麻麻。菠蘿生炒骨- 很差，又硬又唔脆，味道就只得一個酸字，今晚最差的一味菜。(忽然想起港大校友會添)福建扒蒸豆腐- 等了很久也沒有來，一心以為溜單了，見大家也飽，所以沒有追；差不多預備走時，竟然真的來了，我們也只好繼續把它也吃了。豆腐都幾滑，但因大家也幾飽了，所以食得唔多。價錢又真係幾平，但食物就真係好普通，只可以說是不過不失吧！

同媽媽去飲茶,價錢ok啦.食物都有水準.個人推介係甜腸粉,齋腸粉上面鋪左好多椰絲,花生粒,糖粒.好好味.好似食緊糖不甩咁.食得咸腸粉多,試下呢個都唔錯~

上星期四一行八人在此慶祝生日，叫咗個半席６人全包特價餐，有六罐汽水／啤酒，包加一（＄８xx）另加二個餸（京都ｘｘ骨，ｘｘ炒花姿片）埋單合共（＄１,００６）首先來的是二個加餸，份量足，但不是太特別，食完二個餸先來個餐上湯焗龍蝦伊底- 份量足，好味，有肉食，不過食完都有ｄ飽乳豬半隻- 上枱時仲熱，皮脆好味海鮮卷- 一般瑤柱節瓜甫- 瑤柱好大粒，可惜個汁好杰好厚海上鮮一條- 夠大炸子雞一隻- 正，皮脆又夠熱趐–同去飲嗰種無分別，仲夠分八碗，味道一般翡翠炒海中鮮- 有點怪，加咗蓮子炒，但海鮮促，有花姿，珊瑚片等荷葉飯- 好香，入面仲有大大隻蝦呀，並不是一般用的蝦米糖水，生果等總結來說，價錢合理，不過上菜太慢，食足成晚。服務方面一般，由於我們點菜時已經問過經理這個餐可夠八人吃(四女，三男，一老)，他說不夠，要加多二個餸喎!!真係唔太老實

舊年聖誕黎過飲茶, 覺得d點心幾有特色, 味道亦不錯. 但上星期黎食晚飯就只係一般. 我地7大3小, 叫半席即6人份全包宴($998)-乳豬半隻(味道唔錯), 上湯龍蝦伊麵底(份量十足但鹹d), 沙律海鮮卷(冇乜料), 瑤柱節瓜甫(個獻好杰同好鹹), 翡翠海中鮮, 趐(唔記得乜野趐-一般), 清蒸海班(唔新鮮, 而且蒸過龍好鞋), 炸子雞(同樣好鞋), 荷葉飯, 甜品(紅豆沙)同鮮果盆. 套餐份量十足, 其實唔叫其他野都真係夠食, 不過味道只係一般.我地加個豆豉鯪魚油麥菜($38, 一樣好鹹), 堂煮八頭鮑魚兩隻($68/隻, 真係把鬼, 唔係係你面前番煮不特止, 仲細到死又冇乜味) 唔知係咪唔夠waiter, 好似成日搵唔到人咁, service麻麻地. 埋單$1,2xx, 都OK既. 不過就唔算話好味到會再想黎過囉!

去飲早茶,叫了一碟雲勝風餃,皮薄,餡都ok,一籠紫米包,幾特別,都幾好食,一籠千層糕,軟而且香,最好笑的是雪耳萬壽果,我唔知是糖水,等我仲話無叫過,後來才知.不過這裡的點心幾好吃,又多款,地方又好坐,不過價錢就貴o的.

This restaurant is still OPEN as the table reservation can be made with telephone no 2606 6222.

而家叫京都海鮮酒家. 樓底都算高, 係沙田區o黎講都算坐得最舒服o既一間