仁利餅家

营业中

休息中

踩單車喺大埔墟聯和墟食晏，食完晏之後今日嘅目標就係嚟呢度買中式唐餅。本身上年已經想試佢個柴火月餅，但係實在太懶最後都係冇買到。今次專程踩單車嚟，先試下佢啲餅食如何。可能食咗嘢，購買嘅意欲唔係好大，又驚快啲嘢係單車頭會撞碎晒，所以都係淨係買咗香蕉糕同埋皮蛋酥。店主婆婆好友善，除咗入盒之外仲加用個膠袋紮到實一實先比我掛喺單車上邊，返到去屋企一啲都冇散到，個香蕉糕都好軟熟食得出係新鮮整嘅。個皮蛋酥都好有層次，蓮蓉唔會太甜皮薄餡多真係唔錯。同埋下次要試埋佢個忌廉賓，同出邊真係買少見少。同埋問佢幾時有得夾訂月餅，佢話隨時訂都得，又唔使俾訂金到時候先至攞貨，呢間店真係好有人情味。今年真係唔可以太懶，要早啲嚟買月餅。

.下年中秋必食之紅豆雙黃月餅 by#仁利餅家 （粉嶺）.首先出嗰遲到嘅po🤣因為中秋都已經漸行漸遠..但好嘢都係要分享.. even可能要下年先可以再食..但提前介紹咗都ok呀😙🤣..首先多謝 @mics_kitchen_ 送咗一粒比我..佢哋兩位金舌頭都話呢個月餅不得了.. 我就知要好好品嚐🤣..雖然我本身麻麻紅豆.. 但佢哋都話你會改觀..咁究竟有無改觀？.雙黃紅豆月餅🥮✅✅✅✅🤤.真係無得頂.. 紅豆嘅足同埋綿密令嘅口感已經蓋過於本身「月餅」嗰種油..反而係外層嘅皮油香點綴本身內裏唔膩 & 無太多extra嘅糖嘅紅豆蓉..件事係真係好ok！相比起傳統月餅嘅「餅」type..佢嘅皮係偏軟身 感覺同個紅豆夾埋.. 有少少似食緊「大福」版嘅月餅加埋唔鹹但幾香口嘅 鹹蛋黃又係另一種感覺很好尤其切開嘅震撼感 我鍾意🤣🤣🤣.味道上一定滿分㗎啦..但點解唔係五個✅呢？因為月餅我哋都要考量到「送禮」因素由於老字號堅持人手1.訂購須時（至少要中7月去預購）2.賣相相比其他月餅就差d.. 明白老字號嘅人固然會好鍾意..但如果一定以「禮」為主嘅對象.. 你就可能唔適合揀佢啦.呢個適合自留獨吞🤣🤣自19

仁利月餅老字號香港生存到的老字號真係要敵得過租金欣賞打風都開的態度這個位置一點都不容易找到，就係做街坊生意並不是做全香港人生意。相信是前舖後居的老餅店平時就是賣麵包但一到中秋就係買傳統月餅、五仁月餅雙黃蓮蓉月餅，據說是炭燒的三日內就要食了，因為就是沒有防腐劑，本人試過蓮蓉香就是在嘴裏逗留很久不像其他月餅這麼假

冇諗過事隔九個月，又會來仁利餅家🤣話說今日唔知做乜講起仁利D月餅，咁o岩今日係追月，咁o岩今日又去開附近，就即管睇下仲有冇月餅賣啦🤣去到見到有幾個人買完月餅出來，心諗係咪咁顛咁好食😳問左老細，得返🥮金華火腿月（五仁）同唔知乜月~自己平時都唔食傳統月餅，於是決定挑戰難度，試下五仁，睇係咪真係咁好食😂🥮金華火腿月（五仁） ($83)正價 $83，但老細見我地第一次食，平 $3比我地，只收 $80😍老闆娘仲話食雞仔餅嘅話，一定鍾意呢個，呢個好食過雞仔餅~err.....其實我唔鍾意食雞仔餅🤦‍♀️買完係隔離即食，點知又幾有驚喜😳自己之前冇食過其他牌子嘅五仁月餅，無從比較🤷‍♀️但早排送左個大同嘅金華五仁月比朋友，朋友食完仁利，都話仁利好食D😏佢個皮幾薄，餡又好多😳食落香口得來又甜甜地，幾好食，真心可以食晒一個😂本身諗住買埋忌廉筒，不過老細話呢輪淨係做月餅，整麵包個師傅未開工……咁好啦，又睇下幾時入來再食啦😢

仁利餅家係一間有60年歷史嘅餅家，之前聽過有D名氣🎉不過位於粉嶺軍地，要響粉嶺火車站再轉車先去到🤦‍♀️所以就襯住今日去粉嶺行山，順路過來朝聖😏仁利餅家就係軍地蔬菜產銷有限責任合作社隔離~初到舖頭，第一眼以為係雜貨舖😂因為見到門口有一堆零食🍫，入面有一堆煙🚬舖頭除左新年中秋會賣賀年食品同月餅🥮外，其他時間都係賣唐餅、西餅同麵包🍞最後買左老婆餅、椰撻同忌廉筒~🍪老婆餅 ($8)食得出有糖冬瓜粒，唔似榮華個D咁，個餡整到咁爛，都唔算好甜，但略嫌唔夠煙韌😓🧁椰撻 ($8)幾大個，咬左幾啖，嫌佢唔夠坊間個D咁有椰絲嘅口感👉👈但食晒成個又有D膩🤦‍♀️🎉忌廉筒 ($8)呢個完全係old school野~酥皮入面包住港式忌廉，做法繁複，所以依加剩返為數唔多嘅舊餅舖先有，例如錦田勝發餅家、灣仔快樂餅店……本身對佢冇期望，因為唔鍾意食D咁多cream嘅野，買來純粹係試下叫食過😂點知又出乎意料之外喎🎉睇個樣本身諗住酥皮會淋晒，但咬落又幾酥脆😳個cream，本身諗住會甜到乜咁，點知原來係鹹cream，又幾得意喎😂呢個食完一個都仲想再食多一個👍老字號餅家賣少見少，雖然地方好隔涉，但都值得一來，支持一下😊

建議： 月餅無防腐劑👍如果唔係即食，3️⃣日內記得要放入雪櫃。基本上仁利餅家既柴火月餅係每年中秋必食項目🌕 6月尾已經開始訂餅，無特別話邊日截單😋 所有餅都係人手每日製造，限量生產。如果當日既餅數滿左，但又想買就要揀其他日子 🤣 如果唔想買一盒四個甘多，舖頭每日都會有少量散裝。店主話通常焦早就容易買到🙈 為免山長水遠入到去又買唔到，當然就預先課金最安心🙆🏻‍♀️🙆🏻‍♂️餅家既位置係完全遠離地鐵/巴士總站/聯和墟。根據以往既經驗，中秋依段時間真係人龍不斷，拎餅當日晨咁早就入左軍地🤣 好好彩買到新鮮焗好既散裝豆沙月😍除左月餅，仁利平時仲會有中式唐餅。不過中秋期間，就只會主力月餅。之前都有食過佢地既其他中式唐餅，例如：鹹蛋红荳沙酥、 椰撻同蝴蝶酥，味道就一般般，可能唔夠新鮮。月餅就好唔同，真係會食唔停口。人手新鮮整又多人買日日清，而且無加防腐劑再柴火烤焗，比市面好多牌子既月餅，味道香濃好多 🥮🌕今次試左：▫️金華火腿五仁月 (一盒4️⃣個 HK$298)價錢黎講唔算平，不過就一定值。雖然每年都會價格調整，今年仲上到去HK$298，不過正所謂「長輩開心，大家開心」🤣🤣 一年都係一次，所以都一定會買。仁利既

臨近中秋，又到咗食月餅嘅時候啦🤩 冬甩妹由細到大都好鍾意食月餅，今年屋企人買咗一盒好傳統嘅月餅返嚟，淨係睇個鐵盒都知係好舊式嘅餅店，一開始對佢冇咩好感，抱著「唔好浪費」嘅心態試食，點知一食落先知係寶！😍.👉 紅豆沙雙黃月餅推介指數: ⭐⭐⭐⭐⭐紅豆蓉代替咗平時嘅白蓮蓉，出奇地好味！比起白蓮蓉冇咁甜和膩 (冬甩妹本身已經好食得甜)，而且紅豆蓉非常幼滑，完全冇紅豆衣或者顆粒，個蛋黃充滿油香，入口鬆化，絕對唔係又乾又硬嘅蛋黃，皮薄餡靚，甜度剛好👍 食完8份1舊之後，會好想再食多舊，食下食下就食咗大半個🤣 唯一美中不足嘅係，有時會出現兩粒蛋黃放置位置唔平均嘅問題，導致有時出現其中4份1係完全無黃😅 儘管如此，齋食紅豆餡都好正！.👉 總結：因為冇落防腐劑，所以店家叮囑室溫只可存放三日，之後就要放入雪櫃，食嗰時預先用微波爐叮返熱就得。不過由於冬甩妹屋企冇微波爐，開頭擔心要用焗爐烘返熱會好麻煩，點知一盒四個月餅，極速3日內已經清哂！之後仲叫屋企人再買多咗一盒返嚟，實在太好味😆 不過由於係全人手製作，所以產量有限，有機會去到都買唔到，大家去之前最好打電話去問問先。.⏰星期一至日 07:00-19:00

今早起身專程坐車去仁利買月餅。由粉嶺火車站乘搭52K 綠色專線小巴到軍地落車，行前班馬線過對面，在軍地村口就會見到仁利餅店。這家餅店由 1963 開業，出色之處是用人手製作再入爐以柴火烤焗，傳統月餅特別味道一份碩果僅存的回憶味道。🥮金華火腿月$76夏威夷果仁、瓜子、杏仁、芝麻、糖冬瓜，主角金華火腿絲，入口清甜細膩有嚼勁，每一口齒頻留香，來一壺茶仔細嘴饞想起童年時回憶滋味更難忘。😋🥮雙王紅豆沙月$68早二日朋友買了一個走聚餐時分甘同味，嚐了一即被吸引，紅豆沙蓉味道香不太甜，鹹蛋黃起沙甘香，我其實對月餅不太酷食，這個雙王紅豆沙月確實令我改觀不少。👍👍

不單止紅豆月餅，原來賀年食品都好味豆沙角，感受到紅豆皮角仔，好大驚喜，與出面賣的不同開頭以為疏氣，問番仁利，職員耐心解答，角仔是酥皮，有少少豬油。配料有椰絲，太好味。出年再買！

完全唔知點解咁多人話好食, 買過幾次都覺得麵包好硬，仲要係隔夜麵包，月餅又貴，比市價貴，仲貴過2019年美心價。而製作工場就係附近村屋，後巷環境污糟、睇住佢搬月餅入去舖頭連保鮮紙包住都冇、完全暴露係空氣之中，製作月餅的阿姐連口罩都冇。只有原居民村民係冇選擇之下先會幫襯佢，佢價錢仲要貴過聯和墟，今年興起「本土野」搞到好多人專程入去買，都唔知有咩好食？有幾次朝頭早買麵包個麵包好硬，售賣隔夜麵包，又唔好食又貴(千祈唔好以為村屋就一定平）

估唔到寫完上篇食評都仲未完，一次得人驚過一次，今日一切開盒四寶裡面嗰個雙黃白蓮蓉月，裡面竟然發現條毛髮，黐住啲蛋黃同蓮蓉，真係好嘔心！！！我地喺呢間嘢總共買咗八個月餅，標榜傳統炭爐烤焗嘅手工月餅，但根本就係掛羊頭賣狗肉，啲月餅根本好多個都唔合格！個個個樣岩岩蠶蠶，又偷工減料，啲皮都包唔晒啲餡，蛋黃唔夠油水，有啲又好淺色，個皮淋嘅，根本未焗透就出！最後連最基本嘅衛生都有問題！你地嘅月餅係賣得一啲都唔平，啲人真係為咗你標榜嘅傳統工藝，同埋真心想食到好質素嘅靚月餅而專誠入嚟買，我真係想問，你地賣啲咁垃圾嘅月餅俾人，你地個良心到底去咗邊？！！

今年知道咗呢間幾十年老字號餅舖做咗月餅好多年，好有期望咁預早一個月訂咗盒四寶，打算到拎月餅嗰日再現場散執多幾個其實佢間舖喺粉嶺軍地，真係要專誠入去買，一去到個感覺已經麻麻地其實當時唔係好多人，都係得三幾個人喺度買，個店員唔知點解要趕頭趕命咁，再加上佢地間舖好似冇開燈咁，黑忟忟，真係連個月餅係咩樣，靚唔靚，有冇執錯都睇唔到兼睇唔切，咁佢話對咗啱就算啦，好快就走人返到嚟諗住切嚟試吓啦，其中一個三黃白蓮蓉係未切已經嚇親，食咗咁多年月餅，無論係大牌子定酒樓定細舖頭，都未見過一個月餅整成咁仲可以出俾客月餅圓形唔係圓形，一邊個蛋黃係爆咗出嚟，好似俾人咬咗一啖咁，另一邊係啲蓮蓉爆咗出嚟，呢個月餅係整衰咗架喇，錯體嚟架，唔賣得架跟住切開另一個四黃黃蓮蓉，一切，點解係白蓮蓉嚟嘅？即刻同個三黃白蓮蓉一併，個蓮蓉根本一樣色，睇返個label貼紙真係黃色嘅，咁以為佢地啲人貼錯label啦跟住打返電話去講，佢竟然話今年啲蓮蓉係淡色啲，食咗幾十年黃蓮蓉月都未見過係咁其實咁樣真係好不負任，入唔到靚蓮蓉照出，整衰咗嘅又超出，啲人就係信你幾十年老字號會好有心，唔會馬虎，真係會童叟無欺，先特登嚟幫襯，點知啲月餅竟然會咁，

聽人講仁利月餅好好食，所以我老公踩單車入去買比我食😋😋😋，買咗2個雙黃白蓮蓉、1個雙黃荳蓉月、1個雙黃紅豆沙月，值得一讚，負責人話今年調亂咗荳蓉月(有黃同無黃 )，所以我哋要雙黃荳蓉月，佢收無黃價錢，佢仲話希望我哋食到有黃啦，好多謝佢哋咁好人，如果換轉其他鋪肯定會照收錢😌雙黃蓮蓉月餅，皮薄餡靚，食落口甜度剛剛好，蓮蓉超滑，鹹蛋黃起沙兼漏油，正👍🏻👍🏻👍🏻雙黃綠荳蓉月餅，鹹鹹香香，第一次食綠荳蓉月餅原來係咁好食😋😋😋雙黃紅豆沙月餅，豆沙入口即溶，又係又香又滑又好吃😋😋😋總括來講，月餅全部都係用柴火燒，慢工出細貨，全部月餅不含防腐劑，最好3日食晒，如食唔晒就放入雪櫃，我自己試過係雪櫃再用微波爐叮暖嚟食一樣咁好食😋，期待下一年既中秋再買😌😌😌

超級好食超級好食超級好食足料，咸甜度適中，果仁新鮮爽脆「一個抗拒月餅嘅人俾朋友強逼食月餅，因為食過嘅月餅都唔啱合味，呢次朋友送咗兩盒，仲要送來嘅係仲係熱辣辣嘅。

傳統有傳統的好，是柴火月餅，是懷舊手工，是無防腐劑，是⋯食過返唔到轉頭系列!兩年前開始，每逢中秋節也有朋友請我食仁利月餅，的確外層那種香味是其他連鎖品牌沒有的，而且內餡也沒有那種死甜！由於已經不能自拔，今年決定自己訂購幾盒，自己食之餘，再推介比身邊人～ 因為美食要分享，而且傳統手藝，更加想一直延續，怕就怕突然某日收到要結業嘅消息☹️就冇辨法再品嚐喇！Whatsapp訂購方便！Walkin都有散裝選購～