仁芝初

营业中

休息中

今日經過紅磡，見到有間幾特別的糖水鋪的名字，就去試一試。見到紫薯芋茸蓮子西米露的圖片，一整碗紫色極特別，因天氣有少少熱就試試凍的。紫色糖水一上枱極吸引，很有驚喜，用匙羹一拌，杰身的糖水表現出真材實料，紫薯微微的甜味，不會令整個糖水變得太膩，反而點綴了整碗糖水。西米軟硬適中，蓮子香口宜人，令每一口的糖水附帶多重口感。吃了這碗糖水，可以放棄今晚晚餐。下次有機會一定要試試其他糖水。 #仁芝初 #紅磡糖水 #中式糖水 #小數怕長計 #慳家 #優惠 #著數 #小師奶 #美食

仁芝初🔴@art.of.dessert_仁芝初係一間以傳統中式甜品為主打嘅甜品店，都有一兩款相對創新嘅法式燉蛋同奶凍😂Menu上每款都附有圖畫，圞同熟中式糖水都能夠輕鬆辨認🎨 款款糖水都可以加選配料，相對新派嘅芋圓或者傳統嘅番薯、雞蛋都有🍠 讓每位顧客都能依照個人口味進行搭配，享受獨一無二嘅甜品體驗🙂‍↕️以淺色木質材料為主，配合白色大理石桌面同米色調嘅靠墊，營造出一種柔和嘅舒適感🛋️ 空間佈局簡潔，唯獨牆架放滿marvel裝飾公仔，相信係老闆嘅收藏品🦹🏻生磨香濃合桃露 拼生磨香滑芝麻糊 加芝麻湯丸🔳合桃露醇厚，芝麻糊順滑，帶有自然果仁芝麻香，沒有過多嘅人工甜味🌰 每一羹都係滿滿嘅厚重感，碗雖然並沒有分隔層，但因為兩者口感厚夠，而未至於完完全全混埋一齊，保者各有風味🐿️ 還特別加了芝麻湯丸，3粒湯丸內餡豐滿，外皮Q彈柔軟，一種溫暖的慰藉🫶🏽熱椰汁紫米露☯️紫米在口中慢慢咀嚼，帶出微微的甜味與豐富嘅軟糯口感🪻 配合椰汁的清香，香味濃郁而不過分甜膩🥥 紫米份量多，非常之有飽足感😶熱蛋白杏仁露◻️一道以杏仁為主嘅傳統甜品，散發著濃郁杏仁香氣🏉 蛋白嘅加入讓整體口感更加細膩順滑，每一口都能品味到杏仁嘅純

黃埔終於又開新糖水舖 fusion甜品夠signature同好食(⁎⁍̴̛ᴗ⁍̴̛⁎)推介法式紫米露同薑汁甜品!!😍▫️法式紫米露 [$42]好特別+好好食 有椰奶紫米香 燉蛋唔甜 味道真心夾 會encore!!!▫️紫薯芋茸蓮子西米露 （凍）[$35]雖然望落有啲半透明😂都幾香 食到粒粒紫薯茸同芋頭香 可能熱會再香啲▫️薑汁芝麻湯丸+芋圓 [$32+12]呢個好驚喜 因為 好 薑 好 辣 我好鍾意呀!!!!!🥰🥰🥰竟然俾我喺出面食到咁薑茶feel嘅薑汁 唔好甜嘅me覺得好正湯丸正常發揮 但因為個薑汁我會加好多分芋圓偏細粒 唔多肉 但夠q彈

黃埔新村開左新既糖水鋪主打中式糖水 每日新鮮製作價錢又唔貴 決定入去試下薑汁芝麻湯圓(8粒) $32薑汁底既糖水好夠辣 又唔會太甜食到真材實料既味道 湯圓粒粒都好飽滿 好煙韌芝麻餡濃郁 一咬開就流心芋茸西米露拼紅豆沙 $32呢度仲有夠款雙拼既糖水可以揀紅豆沙綿密 西米露又有芋頭香原來呢兩款味道都幾夾法式紫米露 $42另外呢一款係中西合璧既創意甜品首先面頭有啫喱 跟住係椰汁奶泡中間果層係紫米露 最後就係法式燉蛋用玻璃樽裝住 層次分明 賣相好靚一啖下去就食到多重口感 幾特別

《仁芝初》紅磡新開足料甜品店。合桃露拼芝麻糊 ($34) - 超級濃稠的合桃露拼芝麻糊 ，合桃露帶有堅果的甘香；芝麻糊超重芝麻香氣，整體唔會好甜，食完好有滿足感。 。楊枝甘露 ($44) - 超級足料的楊枝甘露，大量超香甜的芒果汁，加上新鮮芒果和西柚，酸酸甜甜好開胃，西米煮得夠透，好有口感。 。法式紫米露 ($42) - 一個較創新的甜品，底層是法式燉蛋，中間是紫米，最上層是椰汁泡沫，燉蛋有蛋香，紫米粒粒口感，三樣加埋一齊食都好新穎。

中式糖水必去「仁芝初」，旺角係第一間舖，近排黃埔呢邊都開咗啦，好多款糖水，仲可以兩溝㖭🤍蛋白杏仁露 $40一向鐘意杏仁露，好補好滋潤，仲加咗三粒湯圓，煙韌好食💜法式紫米露 $42除咗中式糖水，呢款都係呢到招牌，賣相吸引，有椰汁＋紫米露＋法式燉蛋，面層撈勻咗就係椰汁紫米露，唔太甜，有口感好好食，下面嘅燉蛋好滑溜，值得一試🚩仁芝初 (紅磡) @art.of.dessert_ 📍紅磡德民街29號德民大廈地下J2號舖

呢間甜品店最近開到黃埔，食完飯就同朋友去試下期間都唔少街坊摸上門，週末下午都爆場✨佢地有賣傳統嘅港式糖水，亦有中西合璧嘅款式𓂅 法式紫米露 ᴴᴷᴰ 𝟺𝟸 一眼就睇上呢個特別嘅甜點😚 而且有驚喜！椰汁、紫米露加上法式燉蛋估唔到又幾夾𓂅 芒果椰汁紫米露 ᴴᴷᴰ 𝟺𝟶呢到嘅紫米露味道都好出🫶🏻簡單配上鮮甜芒果和椰汁已經好好食𓂅 古法養顏燉桃膠 ᴴᴷᴰ 𝟺𝟸有齊桃膠、桂圓、杞子、紅棗的養顏養身組合同樣味道不錯！

黃埔開咗間新嘅糖水小店,就喺德民街呢條巷仔行入去，食糖水又多一個選擇👍店鋪細細，店員比較忙碌一腳踢，又要處理外賣訂單。雖然落單、等食都要少少時間，不過食得甜品，都唔趕時間，同朋友傾住計等都得。店員其實都好nice好親切。🥄生磨香濃合桃露拼芝麻糊(熱)$34好濃好足料既糊！質感稠稠的，味道好香，個人最鐘意合桃露同芝麻糊雙拼，味道又香又夾，又有益！🥄楊枝甘露$44好大粒既芒果！楊枝甘露quality都不錯！小店良心足料品質。👍overall都不錯丫，黃埔甜品多個選擇🩷

最近發現仁芝初喺紅磡開左分店餐廳除左有多款中式傳統糖水, 仲有fusion 甜點, 店舖環境唔算太大, 但乾淨整齊, 仲有lolly talk 應援物芋茸蓮子西米露一放上枱就聞到超香嘅芋泥味, 超級綿密幼滑, 唔會太甜另外可以加配芝麻湯圓, 餡料豐富, 配搭薑汁糖水,好夠薑法式紫米露面頭有啲啫喱, 分咗三個層次,配搭創新第一層既椰漿質感好濃厚, 可以將椰汁同埋第二層既紫米露撈埋, 好香椰味, 底層係燉蛋, 口感嫩滑木瓜燉雪耳木瓜好清甜, 雪耳爽口

天氣呢幾日又熱返🥵行行下街嚟食個凍嘅中式甜品 解解暑💦💦：.✨$42 芒果奶凍成個奶凍就係👉🏻👉🏻芒果肉+芒果醬+milk pudding而成💛。果肉好fresh喎，甜甜地又唔酸👍🏻，食落仲有啲纖維感🥭；而奶凍有浸奶香，味道上偏甜一啲，質地實實淨淨🥛.✨$32 (凍)蓮子陳皮紅豆沙幾like呢碗紅豆沙嘅甜度低，冇平時啲紅豆餡嗰種甜膩‼️好似冇乜陳皮味🫘🫘，不過冇乜影響～成碗都好足料 有唔少紅豆粒👅❤️

小編平時放學都會周圍搵好嘢食 雖然已經喺紅磡返咗幾年學🤣 但係呢區嘅美食真係搵極都仲有🤩小編最近見到紅磡黃埔嗰頭有一間近期新開嘅糖水舖😆 店面都幾乾淨同埋整齊😍 所以就入去試吓 🤣 無論嘢食定係環境都真係唔錯喎✨😋.🐷冰花燉蛋夏日炎炎就梗係食返啲凍嘅糖水 冰花燉蛋口感好滑🥚 而且唔會太甜😍 仲要係凍冰冰 入口非常正🤩 夏天咁熱梗係要食返碗.🐷白果薏米腐竹我哋都係嗌咗碗凍嘅😆 糖水嘅口感都幾濃稠🤣 薏米嘅味道好香😍 咬落去亦都係算係煙韌😂😂😂.🐷法式紫米露呢碗糖水非常之有看頭😘 椰汁加紫米露加法式燉蛋呢個組合真係未見過🤣面頭嘅椰汁都幾濃稠喎 🤣 似係用椰汁打咗個cream出黎🤣 然後面頭仲有啲啫喱 成個口感更加豐富 因為個啫喱都幾爽口煙韌 唔係腍啤啤嗰種🤣🤣中間嘅紫米露非常之濃稠 紫米味好出🤣然後底部亦都有一個燉蛋 同冰花燉蛋有啲唔同🤣 冰花燉蛋個口感 整體都係比較滑而呢個法式燉蛋 口感比較細膩 😋 攞條匙羹一筆筆曬幾個口感嘅野一齊食真係唔錯架🤩.仁芝初📍紅磡德民街29號德民大廈地下j2號舖 .#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#

咁啱經過見到新開就諗住試吓，外賣一碗返屋企慢慢嘆，點知拎外賣嗰一下真係嚇親，點解可以咁細碗！簡直同個布丁size有得揮😂上openrice睇返先知，原來旺角都有分店，咁照我理解應該做得幾好，先至會開分店，冇理由咁細碗都過到關🫨。住附近所以拎到返屋企仲keep到凍，打開即刻食一啖就完全理解，我今次叫嘅係凍芝麻糊，芝麻味好香濃，質地都好杰身！本身就食飽嘅我，簡直係飽上加飽，好滿足。簡單嚟講好食！👍🏻得閒會試埋其他甜品

📍仁之初🗺️紅磡德民街29號德民大廈地下J2號舖屋企附近見到呢間新開嘅甜品鋪，有日食完晚飯就去～ 店鋪唔大，有12個位，不過乾淨企理，甜品選擇都算多，包括傳統中式糖水同少少中西合璧嘅甜品🍮⚡️熱生磨香濃核桃露 $34核桃露味道香濃，食落順滑，稠度剛好，唔會太結太稀😋 另外加左3粒芝麻湯圓（+$12），唔係好大粒，不過皮薄陷靚🖤⚡️熱冰花燉蛋 $33呢款甜品依家都好少見，燉蛋蛋味重，都滑嘅，不過稍嫌老左少少🤏🏻⚡️凍法式紫米露 $42係由椰汁、紫米露、法式燉蛋組成個人好鍾意食紫米露，見到呢間除左有椰汁紫米露、芒果椰汁紫米露之外，仲有呢個法式紫米露好似好特別咁就叫黎試下～ 底層係法式燉蛋，蛋味十足，夾埋中間嘅紫米露同椰汁，口感同味道豐富！上面仲有酸酸地嘅紅色啫喱😆全部甜品食落都唔會好甜，如果喜甜嘅人可能嫌唔夠🤣

最近發現有間旺角中式糖水店開到嚟紅磡，店內環境唔大但座位之間有適當距離，平日晚上到訪都Full，而且見唔少人買外賣，店員服務態度友善，經過試試無無妨呀～ 呢度比較特別，估唔到可以雙拼！要咗芋茸蓮子西米露拼陳皮紅豆沙，有熱有凍，兩款配料豐富，帶有咬口，煮至軟身，而且甜度唔高，老少咸宜，食完都幾飽。楊枝甘露價格較高但入面都幾足料，芒果唔酸，味道濃郁，香甜美味，配上粒粒西米露，好解暑，夏天食就最合適不過了。白果薏米腐竹滋潤養顏抗衷老，個人更喜歡熱嘅，而且建議可以自己加返隻雞蛋食。配料方面貪得意要咗芝麻湯丸，三小粒，分開上，軟糯可口，下次直接叫薑汁湯圓先至得！

今日有朋友過嚟紅磡黃埔呢邊同我食晚餐，食完之後想搵間糖水舖再繼續傾吓偈，發覺原來呢度開咗一間新嘅糖水舖，就即刻衝過嚟食，結果都幾滿意。可能始終新開，冇乜人，加上係平日夜晚，不過店員都十分之有禮貌，而呢度嘅冷氣亦都非常足夠，外面熱辣辣都唔驚，就算食熱糖水都冇問題。我覺得一定要點嘅，就係佢哋個冰花燉蛋，好香蛋味，而且好滑，可能我自己心目中成日都以為自己唔鍾意食凍嘅甜品，所以一食呢個，真係有被wow到，好好食，口感好細膩。