仁記

营业中

休息中

約咗山友搭船去索罟灣行山賞石，搭10:20中環開出嘅船，落船經過仁記，見到茶果賣相吸引，每個八蚊，抵喎買個試吓。有甜有咸四款味道任君選擇。甜嘅有紅豆蓉、南瓜紅豆蓉；咸嘅有眉豆蓉和雞屎藤。我哋試咗頭三款味道。大概係即日新鮮出爐，摸落手食入口感覺係暖嘅。紅豆蓉：個皮嫩滑軟熟，餡紅豆味濃，甜度適中，不甜不淡。南瓜紅豆蓉：軟糯；清甜，新鮮即造；足料；不黏牙，Q 彈。不過南瓜味被紅豆蓋過。眉豆蓉：餡料足，有𡁻口。讚👍🏻第一次幫襯。買時冇睇網上食評。原來佢哋嘅豆腐花同埋紅豆砵仔糕都多人讚賞。可能要下次再嚟索罟灣行山，一早買嚟試吓😋

今次行過呢間老字號，不得唔提下佢哋家嘅豆腐花，真係軟滑得嚟入口即化，食落去就似天鵝絨般滑嘅口感，真係一流！糖水尋常得來，但味道就真係岩哂豆腐花，甜而不膩。加上嗰碟鹹香嘅滷水拼盤，真係滋味十足，食物都不過唔失禮呢！記得啊，來到呢度一定要試下佢哋嘅茶果。香Q彈牙，每一啖都咬出住茶香同甜味，真係好趁口。茶果皮薄內餡飽滿，每啖都食到餡料，口感豐富多變，加上啲菓肉香甜惹味，真係啖啖都意猶未盡啊！整體嚟講，呢度嘅食物都算係相當出色，無論係賣相定係味道都幾有水準。尤其係嗰滑嫩豆腐花，真係撻地啦👍！下次覺得想食啲懷舊港式茶果，又或者齋癮嚟一碗涼快豆腐花，都知道要點揀啦！🍮🥢😋

南丫島一家專做茶果糕品仁記，常見也缽仔糕、茶果、糯米糍、雞屎騰等，每個$7，雞屎騰行過兩次都話賣哂，冇緣一試😫招牌缽仔糕以竹籤叉起，用上透明膠包住，仲有白色的霧氣，相信是新鮮熱辣辣整出黎就賣紅豆砵仔糕 $7都係每一次見到有咁多豆既砵仔糕🥰紅豆好軟腍，但唔係爛哂既口感，仲係粒粒分明，每啖都食到紅豆香甜，糕身甜度不高，有點彈性，攞上手暖身，真係不錯👍🏻完成飲飲食食榕樹灣之後，正式踏上家樂由索罟灣前往榕樹灣

我地係索罟灣落船， 因為我地未食lunch, 所以未開始行我地就食d 糕點打底，點左2個糕點砵仔糕：lee到有分有豆同冇豆， 我地試左有豆， 紅豆既砵仔糕里面既紅豆煮到岩岩好， 食落去係軟硬適中。砵仔糕有紅糖味道，甜度岩岩好， 唔會過甜。花生雞屎藤：都1樣分有冇豆， 我地要左個有豆既， d 花生唔會諗透， 食落去仲係爽口， 個雞屎藜食落去好煙韌有少少藥草香味， 好好食。食完2件糕點， 其實都有少少飽肚， 我地就繼續行程舌榕樹灣出發。

我係一個紅豆迷，所以入到黎南丫島當然要試下必吃既紅豆砵仔糕！賣野既婆婆突登揀2個多豆既比我，紅豆好粉又甜，好味啊！😋另外仲買左1枝豆漿，好香豆味，又滑👍🏻

喺南丫島最出名嘅當然係海鮮大排檔，但又有無諗過原來小食都可以係同樣出色。紅豆砵仔糕令人意想不到嘅係，一件$6嘅砵仔糕竟然可以有如此高嘅水準。近年試過好多唔同嘅傳統小食，紅豆砵仔糕可以話係買少見少之餘質素更加每下愈況。而仁記嘅砵仔糕的確喚醒兒時天橋同街邊擺賣嘅砵仔糕風味。超足料紅豆之餘，亦十分彈牙，唔會一咬即散。嚟到索罟灣嘅朋友都不妨一試。山水豆腐花可惜嘅係豆腐花就有點兒失色，雖然係標榜山水制作，但係味道亦不見得特別清澈。而且整體豆腐花比較「鞋」身，可能同石膏粉嘅份量有關，豆味亦唔太濃。不過炎炎夏日食返一碗凍豆花，的確透心涼！

紅豆砵仔糕 ($6)原本經過沒打算食，見到朋友食得咁滋味又跟風食埋一份。個砵仔糕有好多紅豆，紅豆好好味，又熱又軟腍腍，砵仔糕甜甜地又彈。行到累都好適合補充體力

菠蘿冰 ($8) ,  蜜瓜冰 ($8) :行完山, 想食d 涼陣陣既冰. 呢間比較特別, 仲有另一種冰. 菠蘿冰就食得多啦. 見到有蜜瓜冰, 緊係試埋啦.其實都係將蜜瓜雪硬變冰, 但就未試過, 又未見過, 幾新奇甘.好味既, 比較清甜多汁. 而且好夠冰, 雪得硬脆, 開始溶冰時就好多水果汁流緊, 夠哂透心涼.菠蘿就酸酸甜甜甘.

走了約兩小時，不知不覺到達另一邊的索罟灣了！雖然途中見到不少小食售賣，但我還是留著肚皮一心一意要吃老字號的仁記茶果。仁記茶果以售賣香港傳統小食為主，包括茶果、砵仔糕、豆腐花等。我們選了兩款茶果，分別是咸的眉豆味（＄５）和甜的花生碎（＄５）。現在在香港較難找到地道的茶果，上次去大澳原打算吃茶果，但最後吃得太飽未有機會吃，今次難得來南丫島小漁村當然不能再次錯過呢！首先是眉豆味，雪白圓圓的大茶果上有一粒眉豆，輕咬一口，糯米皮厚實煙韌，裡面的眉豆餡超足，粗糙咬感有趣，味道很咸，但頗特別，喜歡！而甜的花生碎餡料足，除了花生碎外還加有大量砂糖，同樣是粒粒口感。baka較喜歡花生味，表示不太喜歡咸味，但我卻相反超喜歡，最後幾乎是我吃清光。是日南丫島之旅來到尾聲，有點依依不捨，間中遠離市區，到離島走走確是不錯的選擇，今次一訪南丫島好像提醒我要趁冬天未完結，趕緊多到郊外走走、活動一下呢！

jan 19, 13..........茶果當然喺我嘅target之1啦...........叫咗 :1) 眉豆茶果 (hk$4)-鍾情眉豆味,先食呢個-拿上手仲熱,個皮軟糯,不過厚咗d,而個韌性亦少咗d-眉豆餡很綿,亦有5香粉香,夠鹹香,甜度不高-整體都不錯了..........但我都喺鍾意大澳xx財嘅出品多d因為個皮2) 南瓜紅豆茶果 (hk$4)-食1個茶果當然唔夠啦-試埋呢款-個皮顏色靚,豆沙餡很真材實料,豆蓉軟綿,有紅豆香,味道清甜-都喺略嫌個皮厚咗d3) 紅豆砵仔糕 (hk$4)-見到食友個砵仔糕難得有咁多豆,中間仲可以"窩"到咁低,我都忍唔住,要買番個..........作為等陣行去榕樹灣中途小食-紅豆已腍透,砵仔糕清甜-軟身,微彈,自然

仁記的茶果很有名，難得一場來到，要試。下船即來，仍未有供應，於是大家在旁邊的甜品店吃些東西，再在島上兜個圈，回來再吃。只淺嚐了一件花生餡的，拿上手仍是熱暖，咬下去外皮煙韌又軟熟，花生碎加強口感，只是稍為過甜了一點，但已經不俗。聽朋友們說，其他口味同樣有過甜的情況，反而砵仔糕的評語更為正面。

終於行完D山路，一路食嘢過來，都幾飽吓，但呢間茶果店都係讓人眼前一亮。早前聽過剛剛嚟過南丫島嘅frd介紹呢間，就埋嚟睇吓，真係都好吸引人，於是乎就一樣嚟佐一件，因爲我自己比較鍾意缽仔糕，就又加多件缽仔糕。缽仔糕：同早前係深水埗食過嘅坤記有得揮，但坤記稍勝一籌。仁記嘅缽仔糕都好綿好Q又唔會太乾，好好味。不過美中不足嘅就係糖加多佐少少，食晒成個覺得有D甜過頭。甜花生碎茶果：D花生好脆好香，好有花生味，茶果嘅皮薄陷足，而且唔會太甜，很合口味。紅豆餡茶果：依舊皮薄陷足，而且紅豆蓉好香，磨得好滑但是又食得出紅豆嘅質感，鍾意食紅豆嘅朋友唔好錯過！眉豆味茶果：都幾香，比較特別嘅就係佢係鹹嘅。不過我個人鍾意食甜茶果多D，就唔多做評價。南瓜紅豆味：同紅豆餡有少少似，但我鍾意呢個嘅皮多D，可能因爲佢有少少包子嘅質感雞屎藤：一直都鍾意食雞屎藤，但係宜家市面上越來越少呢D傳統嘅小食賣。今次見到都好開心，上面D花生好香脆，不過雞屎藤本身我覺得都是落多佐糖。可以少甜D嘅。總之，對於鍾意食呢一類型嘅朋友嚟講，係南丫島唔可以錯過ga !

繼續南丫島的美食行程報告，話說其實寫博文的順序有少少的打亂，從索苦灣上島首先經過的便是索苦灣這一頭的小圍村，個人覺得，如果是沖著生猛海鮮來的，就應該在索苦灣用餐，這一頭海鮮餐廳的數量要遠遠多過榕樹灣那一頭，一字排開也有五六七家海鮮酒樓，正所謂競爭多了才會為顧客帶來更好的福利，想想如此多家酒樓平行競爭，消費與否是你情我願的事，顧客當然可以有的放肆，好好挑選一番。廢話少說，索苦灣，也可以說是全南丫島上唯一一家專做茶果糕品的店家就只有【仁記】，店舖門口簡單由兩張折叠桌搭起一個販賣平臺，糕品、茶果這類糯米做成的果子通常都是極度考驗新鮮度的，隔了夜，肯定是吃不得的，所以公開擺放在外的果子數量不算多，每一個品種也最多不超過10個吧，其中較為常見也缽仔糕，茶果，糯米糍之類供應少多些，想來大家也大都喜歡買一些自己熟悉的品種，所以店家可以增大些供應量。粗略估計下供應的糕品有十個種類，其中招牌的當屬缽仔糕，以竹籤叉起，也挺方便；糯米糍口味不少，綠豆蓉、紅豆蓉以及一款結合黑芝麻與綠豆蓉的fusion 糯米糍；以粽葉拖著的茶果則有紅豆蓉以及花生碎兩味；最特別，也是供應最少的，便是夾在當中不太起眼的黑乎乎茶果，

十月九日 (星期日)經過兩個多小時的行程行到了終點索罟灣本身兩小時行山真的濕濕碎,但是當日天氣很炎熱看來要吃點甜點來補充體力!經過仁記,看到其砵仔糕賣相相當吸引二話不說,即買了一個來試入口味道不算太甜,膠質感豐富而且紅豆多,很有嚼勁紅豆頗甜,沒有完全爆開的,更添口感為我們的旅程寫下甜美的句號!

果日同老婆去南丫島食完餐飯慶祝結婚紀念後, 去左呢度買返d 手信返屋企.呢度買既小食真係好有特色, 市區已經買少見少.有茶果, 砵仔糕, 豆腐花, 飯後食就岩晒.今次買左幾個茶果同砵仔糕留返屋企先食, 兩碗豆腐花就即刻食, 唔錯唔錯.