仙跡岩 (至秀商業大廈)

营业中

休息中

習慣了每日早上一杯咖啡的我們，老公放假，便想出外嘆杯咖啡，食午餐，順便可以嘆住冷氣享受下室外明媚的陽光 ，選擇了仙跡岩﹣炭燒點子咖啡 ，呢間原本係轉角位地舖的，現在已被Stxxbucks取替了，佢就搬左上格離樓上，通過條窄窄長長的樓梯上去，地方細左，反而無咁冷清，落地玻璃，陽光由外射入，感覺更加溫暖，可以由上向下望街景，反而多左一分悠閒 炭燒軟骨湯米線＋炭燒咖啡HK$46豬頸肉手工拉麵 ＋ 炭燒咖啡HK$44整餐盛惠HK$90,無加一

有日早左放工, 於是就去左呢間新店下午茶~由3號搬左去5號, 地下舖搬左上樓上, 壓迫感就大左,但呢間新店環境都唔錯, d 椅換曬做軟林林, 又有梳化卡位~d 台大張左, 唔似得以前咁放多少少野都幾乎要跌~坐多陣都 ok 0既~適逢仲係下午茶時段, 就會抵食 d ,叫左我認為係呢度最好食0既 -- 大塊雞配珍珠奶茶 ($35)大塊雞夠大塊, 夠熱皮脆內軟, 加埋 d 鹽酥粉真係好正~雖然都知道係 d 唔健康又人造0既味道, 但偶然食下真係好好味 珍珠奶茶就係一貫水準~ 都係好味的~35 蚊會員卡有 9 折, 折合 31.5, 論環境,食物質素同份量都算抵食0既~

以前真係幾鍾意仙跡岩，不過而家水準真係差晒。奶茶如水般清淡，麵就完全林晒，就好似之前嗰日已經整好，放左入雪櫃之後第二日拎返出唻整熱咁既質地。環境都OK，絕對可以坐一段時間傾野。