影片
更多
2024-10-11
2798 浏览
好耐冇去九龙塘又一城食嘢，睇完open rice 食评推介，决定试下呢一间中式点心食肆。平日中午时段到达，因要等3-4张枱，唔想企住等太耐，决定行阵先⋯13:30再排队，大概10分钟已安排坐6人大枱-卡枱（但我只有3人😂）。装修美观舒适，但坐椅太软太扁，坐到成个人好似凹咗落去咁⋯好唔舒服！茶只供应红茶、绿茶，味道几好⋯对茶冇要求。食咗8个点心，不断食，最后先记得影炸芋角。水晶虾饺：皮够薄，虾咬落爽口新鲜，好食👍🏻。叉烧包：酱汁及馅料平均，味道适中，好味。蒸凤爪：少少辣好惹味，稍为咸啲啲，都系好食嘅！鲜竹牛肉球：本人冇食，2位朋友都赞好食。潮洲蒸粉果：皮薄、馅料平均及蒸熟后粉果内仍保持到少许酱汁，好食。鸡扎：平日只选择食鱼肚，今次食晒成件，材料新鲜。鸡肉几入味，但本人味觉上喜欢清淡，感觉略为咸啲啲；其他朋友觉得鸡肉味道适中。蜂巢芋角：点餐时无为意系咪有分鸟巢芋角（有鹌鹑蛋在面）/蜂巢芋角😅⋯点心上枱时系蜂巢芋角。好多人都讲过现在好食嘅炸芋角难求！4年后嘅今日⋯好期待！细细口第一啖，再大大啖⋯身边朋友都追问味道如何，整件食晒后系失望嘅！零芋头味，外脆但内有少许实，唔知点解🤔️⋯⋯鱼翅饺：平时
平日中午时段到达，因要等3-4张枱，唔想企住等太耐，决定行阵先⋯
13:30再排队，大概10分钟已安排坐6人大枱-卡枱（但我只有3人😂）。装修美观舒适，但坐椅太软太扁，坐到成个人好似凹咗落去咁⋯好唔舒服！
茶只供应红茶、绿茶，味道几好⋯对茶冇要求。
食咗8个点心，不断食，最后先记得影炸芋角。
水晶虾饺：皮够薄，虾咬落爽口新鲜，好食👍🏻。
叉烧包：酱汁及馅料平均，味道适中，好味。
蒸凤爪：少少辣好惹味，稍为咸啲啲，都系好食嘅！
鲜竹牛肉球：本人冇食，2位朋友都赞好食。
潮洲蒸粉果：皮薄、馅料平均及蒸熟后粉果内仍保持到少许酱汁，好食。
鸡扎：平日只选择食鱼肚，今次食晒成件，材料新鲜。鸡肉几入味，但本人味觉上喜欢清淡，感觉略为咸啲啲；其他朋友觉得鸡肉味道适中。
蜂巢芋角：点餐时无为意系咪有分鸟巢芋角（有鹌鹑蛋在面）/蜂巢芋角😅⋯点心上枱时系蜂巢芋角。
好多人都讲过现在好食嘅炸芋角难求！4年后嘅今日⋯好期待！
细细口第一啖，再大大啖⋯
身边朋友都追问味道如何，整件食晒后系失望嘅！零芋头味，外脆但内有少许实，唔知点解🤔️⋯⋯
鱼翅饺：平时好少食呢款点心⋯
味道一般，没有太大惊喜。
总括来说，虾饺、叉烧包、粉果这3款点心虽然普通，但要做到皮薄馅靓，就要睇下该食肆会唔会认真处理食材，肯唔肯花心思时间去聘请真材实料嘅点心师傅喇！
至于，喺午膳时间13:30-15:30时般内，侍应们嘅服务嘅态度尚可接受，还有进步空间⋯
只不过⋯要求再攞点心纸、水壶加热水、再落单需要耐心等候，一请再请😂。
张贴
