伽文晚飯小菜

营业中

休息中

大埔熟食街市隱藏好多隱世美食！今日大埔嘅地膽介紹黎試，入座時候差唔多夜晚八點，原來已經食緊第二輪，想食沙薑雞已經賣晒，朋友話原來五點幾第一輪已開始！所以如果想試雞嘅真係要早啲去！頭盤的沙薑雞腳入味十足，令人回味無窮。胡椒豬肚湯雖然重料，但辣味稍嫌不足; 冰鎮咕嚕肉外脆內軟，搭配水果清甜，火龍果加黑提子，酸酸甜甜，口感一流！經典的蒸蟹餅更是打卡必試，厚身肉餅肉質鮮美，不過唔係經常有，因為要睇吓羔蟹有冇蟹膏，好幸運今次可以試到！另外可能黑椒薯仔一口牛，薯仔同一口牛個比例好似唔係好平均，唔太特別，其他餸菜好正常粟米板塊就一般。炒麵唔錯，需要食塊面嘅朋友嘅可以一試，炸大腸後加但係已經好飽，所以冇食到打包了。六人共享九餸一湯，價錢僅1500蚊，性價比非常高，讓人滿意。

職員好笑容，好服務，因為好晏先趕到冇乜時間所以叫職員幫忙買海鮮，而買嘅質素都好好，食物質素不錯，價錢抵食，絕對有大排檔應有嘅氣氛，冷氣充足衛生程度都算理想，絕對會再幫襯👍🏻

位於大埔熟食中心 性價比高嘅話就食鑊氣小炒小菜類 想食高質海鮮 預早同老闆講聲 老闆幫手買海鮮加工平時好少去熟食中心 但今次少少顛覆我嘅想法 原來係冷氣強勁 衛生情況正常 而且爆場 龍躉酸菜魚$580 買條2斤幾龍躉加工 湯頭好惹味 龍躉口感係唔同啲 喺大排檔食到新鮮酸菜魚係好特別 而且你可以根據價錢去選擇 龍躉/老虎斑/鱸魚最平嘅鱸魚 $200-300但魚嘅質感就係正常一般（我真係酸菜魚迷😂）$500係貴啲嘅 但賣相同埋品質係值呢個價啤酒牛油蝦 $180-用咗新鮮草蝦勁大隻 我冇誇張 呢個醬汁好特別 配合呢一款蝦有一種食緊龍蝦嘅錯覺 口感彈牙超厚肉 可以再另加伊麵底 我個人口味嘅話 就算唔叫酸菜魚 都一定要叫呢個蝦 必食！麻辣香鍋 $120-呢個係 Off Menu, 蓮藕片，土豆片，四季豆同豬頸肉。炒到唔會好似出邊咁勁油，又夠入味，辣得來好過癮，飲啤酒一流冰鎮咕嚕肉$168-個皮炸得好脆 味道正常發揮 份量大足 加埋冰鎮生果有誠意

朋友介紹佢食過幾次所以推介這間，第一次食d間真心好好食，員工服務態度非常好有人情味，特別要講冰鎮咕嚕肉，真係好食又大份脆卜卜，唔記得叫咗啲咩蒸魚，但係都好好食。椒鹽鮮魷正常水平。本身想叫酸菜魚，但係店員話魚太細條，所以無叫。這里價錢又不貴，下次再和朋友來食👍👍👍👍👍👍👍😋😋😋😋😋😋😋😋😋😋😋😋😋😋………………………………………………………👍👍👍👍👍

每次去大埔買餸，中午的一餐好多時都會係街市解決。不過，我們有食慣的檔口，幾乎每一次去，都係果一、兩檔。但，今次，太太食慣的粥麵店沒有開門啊。(感覺上，許多的所謂老字號都上晒岸，開唔開都冇所謂咁。) 她們要另外找一家食 lunch 了。正在等位泊車的我，收了電話，她們在《伽文》坐低了。日頭既《伽文》，如沒帶樓下的海鮮來加工，這兒就是一間茶餐廳。然而，作為一間主打晚飯小炒的食店，中牛來些炒粉麵，應該是最正了。所以，阿仔牽頭，點了一份豉椒斑腩炒河。出來的河粉爽滑香滑，豉椒斑腩亦夠多汁而且斑腩亦能夠保持香脆。因為夠汁，吃入口的河粉充滿了味道，是一份好好水準的一個炒河粉。茹素者們，就點了一份羅漢齋炒麵。麵底夠脆已經可以給這碟麵一個好高分。羅漢齋亦以純蔬菜加菇類食品煮成，打的豉油茨汁又夠味道，而枝竹同豆腐又夠豆香。再加上鑊氣足夠，是非常好的一碟炒麵。另外，叫給小朋友的是一份西多士。炸得香，內心的花生醬餡也好好味道，不得不給一個好。最後是奶茶同檸茶。茶底正，沖出來的熱或凍茶飲，自然也是有水準。兩者的茶味足，濃度適中，入口也有一定我滑溜感覺。以簡單兩個字來形容，就是出色。大埔街市，出色的食肆絕對是不少

中午上大埔綜合大樓(即大埔街市), 點了午市套餐, 肉絲抄麵, 麵炸得好脆而內軟, 班球米粉, 班球也很好, 兩者佳份量十足, 不論加凍飲熱飲都是42蚊, 以大牌檔水準已相當滿意. 

今次第二次食了，放工之後約左舅父仔食飯！ 去到啱啱好唔使等位，之後嘅人開始要排隊！ 最鍾意佢係分量大，全部都新鮮即整，而且部分菜色好大創意！ Wasabi炸墨丸，份量不少，而且Wasabi醬同墨魚丸好夾，墨魚丸爽口彈牙似系自家製！仲有佢個$70 沙拉豬扒，好多件，沙拉醬好多，而且系自家制，味道特別好吃，而且豬扒好林好好味，每件豬扒都有好多沙拉醬包圍！ 好開胃！ 唯一唔好處就係坐得唔舒服，同埋佢，枱數好少，不過始終街市上邊嘅大排檔衛生環境係麻麻地！ 大家都明白嘅！

呢日去左大埔街市食飯，2樓一到左夜晚就會有好多小菜食可謂開到百花齊放～雖然人多，但座位夠多，唔駛同人逼未試過呢間伽文，見到佢個ｍｅｎｕ有一口牛就想食！睇餐牌都睇左一大輪＃黑椒薯仔一口牛薯仔既份量好多，岩哂我！我至鍾意個牛食落又唔老，容易入口＃腰果西芹雞丁呢個家常菜就正常～腰果好香口唯一麻麻地就係Ｄ雞有明顯既雪藏味唔錯～唔好睇我地叫得兩個送，食完好飽！因為叫左人頭飯，又食左好多薯仔，下次會再黎試下其他小菜再食個一口牛～！

中午有段空檔同朋友搵好野食，走到大埔墟街市諗到上面一排擋口未食過就上去了。呀姐好熱情，但未行一圈冇理佢😂 兜完返原點呀姐又嗌我地就是旦坐低左。12點幾兩餸已沒兩樣小菜， 是對面煎烏頭好靚諗住試下。足料，朋友嗌炒餸勁靚有獲氣。同偷睇到後面一台叫海鮮份量多再即訂晚市。😙 下之會再去試埋其他野。

今晚又嚟嘉伽文 食晚飯小菜喺樓下街市買咗一份魚肝 同埋一份龍dun(魚) 兩隻蟹三隻大蝦 上到嚟同平時一樣都係想伽民幫手煮大蝦住得啱啱好 非常嫩口 食落去好有鮮味又唔會un 啲腦汁仲好滑全部喺曬度 椒鹽炒魚乾肝都好正我覺得有啲似椒鹽魷魚 椒鹽炒襯托出佢嘅味道好好 另外 龍躉炒西芹 每一次呢家文差唔多多一定會買一份龍躉肉 其實樓下都係80蚊 加埋煮100左右 喺茶樓食起碼400 個蟹都炒得好好味 但係呢個送小弟自己屋企會整 所以都係鍾意自己手勢多啲 難得得閒寫篇食評都一定要講 一般嚟食都係叫 炸大腸洗得好乾淨一啲怪味都冇好香口又大份其實係必食嘅 仲有金菇肥牛煲都係非常好嘅選擇大家可以考慮下 我仲有炸蠔餅都係超好

大埔熟食街市一向都臥虎藏龍，今晚一行三人嚟試過晚飯食物：小炒皇、五柳倉魚、蒜蓉油蜜菜味道：幾好、小炒皇用料十足、有好多蝦乾、游魚乾、菜圃更加係精髓。五柳倉魚新鮮香口，甜酸味亦不足以搶走魚既鮮味，唔錯👍🏼。而簡單既蒜蓉油蜜菜，最好係唔多油、清清地。食物温度：熱辣辣煮起👍🏼環境：熟食市場有足夠冷氣、我覺得凍添。地下算乾淨服務：態度好，會推介菜式，會跟進食後意見。性價比：⭐️⭐️⭐️⭐️（最高5星）

離開左香港一排，番到香港少不了要去大排檔食番餐好既！今日約左幾個朋友晚餐！入到大埔街市熟食中心好多選擇，好大好多人，其實都係第一次黎，一班阿姐見到我地頭望望就不停介紹佢地間野有咩食，睇睇餐牌都算唔貴，阿姐又熱情，於是自自然然就坐低左。一開始叫左個京都豬扒，無骨，又軟，好好味，一d都唔硬，外皮又脆脆地，配上菠蘿同汁，絕對是香港風味！之後叫左一個豉椒炒魷，即炸既一出黎熱騰騰，同街邊買果d完全2個層次！好味又脆，完全唔硬！就算唔點佢d醬汁都津津樂道。再跟住就叫左魚香茄子煲。味道一般，不過不失。口水雞，味道一流！個汁用黎撈飯食幾碗都得！最好味非佢莫屬！到左最後，叫左幾支啤酒一邊飲一邊食炸大腸！同朋友傾計傾到佢關門，炸大腸好好味！外脆內軟，配酒一流

哩間位於大埔墟街市熟食檔的食店, 我已經食咗十年八年, 每年最少幫襯一~兩次, 佢哋除咗供應小菜, 還可以加工海鮮, 加工費也不費, 大概$50一斤, 由最初的五星級好味, 到現在回落至2.5星味道, 最近兩次幫襯, 小菜出品一般，加工味道也好一般而已, 不知是否越做越大, 越做越多客, 而品質就變得求其之故, 實在有點可惜, 希望佢哋多注意番出品的味道, 否則下次要轉番隔離也差左….但味道又好少少的三小姐了。先攞位, 然後落大埔街市買生猛海鮮上來加工。椒鹽九肚魚 ($60)九肚魚嫩滑又惹味, 好食。招牌沙薑雞 ($170)沒有雞味, 肉質霉林, 沙薑醬也不見得惹味, 失望, 佢地以前嘅沙薑雞超好食, 肉質結實而且有雞味。鹹蛋王涼瓜超級邪惡的.....好味道, 鹹蛋黃份量落得幾重手, 火候夠, 夠乾身, 鹹鹹香香, 送啤酒一流。椒鹽釀油條 ($65)有一點令人失望的新產品。這舊釀物, 口感靭靭地, 膠膠地, 吃不出其味道, 油條也見不得脆口。另外我哋買左八款海鮮比佢地加工, 味道都系一般, 特別系條魚啲豉油, 冇乜蒸魚豉油應有的味道, 不知以前的師傅跑了去哪一間食店做呢？連小菜, 買海

今晚明友介紹初到這裡食晚飯。好彩停車塲 有位。順利上到樓上熟食市塲。這裡原來很多食肆，各式其式。找到枱後我們一齊走到地下海鮮檔買海鮮到餐廳烹調。這市場的海鮮種類很多，我們買了筒蠔作薑葱蠔，老虎蝦作 豉油王香煎， 奄仔蟹作清蒸， 扇貝用粉絲蒸， 龍躉球作油泡。估唔到這大排檔式食肆 烹調水準十分高。 豉油皇蝦煎得很出色，油泡龍躉球的火候十分 準確。 可惜薑蔥蠔有點過火 令蠔身收縮，及令 肉質變實。 總括嚟講這裏的烹調水準十分高， 收費也合理。

今日我哋一行四人去遊車河 由屯門出發去咗沙頭角. 由朝玩到晚. 又到晚飯時間, 要搵個地方可泊車又有食店嘅. 有人提議去大埔墟街市及熟食中心搵食, 咁就嚟咗呢度.叫咗三個小菜,泰式豬扒 $65.00--甜甜酸酸夠醒胃, 又有少許辣, 味道唔錯, 略嫌份量少了點.八珍豆腐煲 $68.00--上枱熱辣辣 之之聲, 配料有豬潤, 豬肚, 粉腸, 肉片...很有傳統風味.椒鹽釀油條 $65.00--呢個超級正, 入口非常香脆, 油條面頭釀有爽口彈牙嘅墨魚膠, 好似食緊懷舊嘅蝦多士咁, 值得推介.另外加三碗白飯, 一杯凍奶茶埋單$239.00