低調高手大街小食

营业中

休息中

雞蛋仔同埋格仔餅都係香港嘅特色小食，個個都一定鍾意😍 平時最常見嘅係原味雞蛋仔同埋花生醬格仔餅，不過呢間小店就有啲比較特別啲嘅口味😋😋 好吸引🥰 試左佢既蘋果雞蛋仔 🍎 酸酸地幾特別，入邊仲會食到蘋果粒添🤣 好食！見到佢仲有其他口味下次一定會試，例如鹹蛋黃同埋金莎味 🍫

📍Hong Kong📍#ami港島綫 #低調高手大街小食唔知大家有無去過筲箕灣東大街搵食呢？🤭每次黎到東大街我都有一樣野係必必必定食！就呢「低調高手大街小食」既雞蛋仔或者格仔餅🧇。雞蛋仔同格仔餅每次都輪住食，最重要係佢地個蛋漿好重好香蛋味！每次經過都聞到好香。👍🏻另外，呢款雞蛋仔做到一半空氣感、一半蛋糕質感。營造到外脆內軟！唔會好似有啲雞蛋仔一係得個殼一係就全部都係實心！之前亦都有食開格仔餅🧇，格仔餅啲醬超級無敵足，次次都流曬落個袋到。亦唔會太薄，厚度啱啱好！講講下又想食。🤤除咗原味之外佢地亦都有好多唔同口味！但鍾情於原味既我每次都係叫原味雞蛋仔同格仔餅🧇。等我下次都試下其他味先！另外，店家係即叫即整！要食到最好既口感記得要趁熱食。同埋都要睇下你好無彩，🤭我每次去都要小排隊一下，但都係值得的。______________________________
💰價錢: HKD $ 24-30😋味道: ❤️❤️❤️❤️❤️📍地址: 筲箕灣東大街76A號B3號舖地下#hongkong#hkfoodie#hkig#foodgasm#foodphotography#hkfoodblogger #hongkon

好耐無食，見好多人等緊，都買兩張底啦。最後要等咗半個鐘先有得食。講堅，感覺係失望。味道大致仍在，有部份overcooked, 食到燶味，好在唔太過份。有一半以上淋，得少少脆。俾我感覺係已經應付唔到咁多客。希望佢可以保持返之前嘅質素。

呢一間雞蛋仔店唔單止有唔少明星走訪過，仲上埋電視添。我哋嗰日Weekday 大概2:00嚟到，keep住都有10幾個人排緊隊，短短開門兩個幾鐘已經買咗四、五十餅雞蛋仔。因為全部都即叫即製，我哋都等咗大約20分鐘。聽講呢度Weekend 要等成差唔多45分鐘🧐，想來試嘅朋友就盡量睇吓就唔就到Weekday嘅時間啦。蘋果雞蛋仔🍎今次我哋就試咗佢嘅蘋果雞蛋仔，入邊有蘋果粒同埋梅粉。雞蛋仔半空心嘅設計，外脆內軟👍🏻雖然冇平時雞蛋仔食落去咁有飽肚感，但咬落去有好鬆化嘅感覺，呢個亦都係佢哋做好鬆脆嘅原因。雞蛋仔加咗蘋果蓉同埋梅粉之後食落去感覺酸酸甜甜😝

筲箕灣好鬼多人排隊雞蛋仔 呢間不嬲都知佢出名 特登去試試 勁多人圍住間鋪 估唔到要排成半個鐘以上 最後買住奶茶排着隊咁等 簡單記錄下.試試⭐️原味雞蛋仔$24相比起市面算係偏貴 等咁耐 亦都係扣分嘅位但係我覺得等咁耐係值得😋因為真係幾好食 做到外脆內軟👍🏻外面脆嘅程度係 好鬆化輕易拍開一粒粒🤔入面係半空心設計 佔一半以上 比其他店多🤔亦都係佢哋做得脆嘅原因🤔所以食晒成底都冇飽肚嘅感覺呢間入面空心得黎 入邊都仲做到內軟嘅感覺👍🏻蛋香味十足 排緊隊嗰時你已經會聞到如果有時間排隊 鐘意脆底朋友先值得一試我就試一次就夠啦 再試其他良心店.仲有仲有 記住趁熱食 因為脆口程度下降得好快可能幾分鐘已經開始變軟.是日小爛gag 見到佢哋寫住即叫即製 其實係呃你哋嘅 因為你落完單 至少要等成半個鐘😅.#hkfunfoodrecord窮遊香港#hkfunfoodrecord_筲箕灣#hkfunfoodrecord黃店.#低調高手大街小食 (筲箕灣)地址：筲箕灣東大街76A號B3號舖地下.⭐️評分：味道：4.5/5環境：-/5服務：-/5抵食：3.5/5.鐘意睇野食既朋友仔 記住幫手like分享 同撳埋右上鐘仔

一經過筲箕灣，就會忍唔住食呢間嘅雞蛋仔。☺️今次星期日去，就等咗大約20分鐘，不過完全值得‼️ 上手時係溫熱，一搣就完整搣到，可見邊位已經好脆。每粒都做到外脆內軟，入面係蛋糕質感，一半空氣一半糕，仲有啲蛋香味。之前睇訪問講過，老闆連紙袋都落足心機，專登自己再打多幾個窿，希望透氣做得好啲。雞蛋仔真係香港人嘅回憶，好欣賞老闆唔係hea做，呃下學生哥錢就算(平時街上都唔少伏又冇心機嘅雞蛋仔)，好認真研究點樣去做好香港小食名物。每一底都即叫即整，仲幾乎日日親身到店坐陣。未試過嘅一定要試，試過嘅不如支持多幾次。

#fatxshaukeiwan ‼️地道雞蛋仔‼️•① ［ 原 味 雞 蛋 仔 ］ ｜一出地鐵站就係。拎上手熱辣辣☄️蛋味足，卜卜脆！不過入面就半空心，食落去會有啲蛋糕感。｜𓋪8.5/10·Master Low-key Food Shop (Shau Kei Wan)Shop B3, G/F, 76A Shau Kei Wan Main Street East, Shau Kei Wan#hongkongfoodies #香港 #香港食物 #香港美食 #food #hongkong #foodie #hk #hongkongfood #hongkongfoodblogger #筲箕灣 #筲箕灣食物 #shaukeiwan #shaukeiwanfood

低調高手出名左好耐，每次行山都一定幫襯😍之前試左佢幾隻味，今次就還原基本步食返原味。雞蛋仔外脆內軟，粒粒雞蛋仔都好有蛋香，而且每粒都半空心，唔會得個脆字又有蛋糕仔嘅感覺🥰實在太好食了😋不過大家有心理準備大部分時間都要排隊等一段時間，建議大家可以去到叫定先，期間再掃住街等🤭

▫️已經唔係第一次食😝 每次經過都會聞到好香既雞蛋仔味🥚 而且長期都有人排隊‼️ 就知呢間雞蛋仔有幾受歡迎啦🤩🧇 原味格仔餅 $22▫️比起雞蛋仔，其實我係鐘意格仔餅多啲🤪 格仔餅烘得外脆內軟，食落帶點煙韌，最鐘意呢種口感😙 搽上黃油🧈、花生醬🥜、煉奶、砂糖，明明只係好普通既食物，但夾埋一齊真係超香超好食🤤▫️老闆仲好貼心，會問要唔要切半分成2份，方便share黎食✌🏻 同人share即刻減低罪疚感🤭

🥚早排去開呢頭整啲野就諗住食呢間一直bookmark 好耐嘅街頭小食 雞‼️蛋‼️仔‼️雖然佢個貼紙寫住格仔餅😂😂因為可能老闆娘聽錯好彩我及時發現 之後成功食到😌今次試咗原味雞蛋仔 $22分量唔算好大底 可能預咗啲人會食幾間呢度啲雞蛋仔外脆內軟呈半空心狀態 蛋漿部份唔算多食完成底都唔會有種滯嘅感覺個人欣賞佢真係做到脆身唔刮口但如果蛋漿可以多啲會更滿足不過經過都會再想食👏🏻👏🏻除咗雞蛋仔仲有格仔餅食🥰太好了👏🏻👏🏻👏🏻

今次去左筲箕灣東大街掃街😋到步第一站就係試佢個黃金格仔餅💰$33鹹蛋黃系列絕對係招牌，見好多blogger 都有介紹過！😆今次一試果然名不虛傳，算得上係我食過最好食既格仔餅！😋啱啱出爐既格仔餅外皮薄脆薄脆，餅心好軟熟！☺️中間超爆多餡🤩滿滿既鹹蛋黃，砂糖同煉奶鹹香味濃郁，而且好夾味😋咬落淡淡爆餡，真係有夠邪惡！😈

開場白講下經😼有時候會想重溫香港情懷雞蛋仔係我心中街頭小食嘅代表今次去位於筲箕灣嘅「低調高手大街小食」優點💯雞蛋仔外脆內軟，水準穩定🤓朱古力味香濃，超出預期地好食👍🏻等位☘️⛈🍁❄️只設外賣，等大約10分鐘就可取餐用餐🍱🍗🍵🍗小食: 朱粒雞蛋仔_$35- 外脆內軟- 朱古力味香濃又不失蛋香收費💵小食: 朱粒雞蛋仔_$35加一: 沒有總數: $35

尋晚介紹完座落於東大街嘅另一人氣店，而行多幾步就會發現依間同樣係IG洗哂版嘅雞蛋仔！男友係等緊雞蛋仔出爐時發現店名入面高低大小都對齊哂，話唔定師傅係深藏不露嘅詩人？！( ˶ｰ̀֊ｰ́ )੭"❝原味雞蛋仔❞ ($22)話佢外脆內軟係絕對正確陳述！外層的確比一般雞蛋仔薄脆得多，熱辣辣放入口先有咬落卜一聲﹑然後再到煙韌嘅內餡，每粒雞蛋仔中間係半空心嘅，比例控制得十分好。蛋香就唔使多講，未行到埋去已經聞到，更何況拎到上手～香甜程度亦啱啱，食半底都唔會膩。𓂃𓈒 𓂂𓏸 低調高手大街小食 𓏸𓂂 𓈒𓂃 @master_low_key_food_shop 筲箕灣東大街76A號B3號舖地下港鐵筲箕灣站B1出口，一出出口直接抵達每日13:00 - 21:00營業（聽聞每星期會不定期休息一天！）𓂃𓈒 𓂂𓏸 用餐提示 𓏸𓂂 𓈒𓂃週末下午到訪等待時間大概為35至40分鐘，建議黎掃街嘅大家可以一到埗就落咗單先，然後再去附近行下食下再翻黎都未遲～附近有空地可以企埋一邊享用。𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃餐點味道 | ♥︎♥︎♥︎♥︎♥︎♥︎♥︎♥︎♥︎♡抵食指數 | ♥︎♥︎♥︎♥︎♥︎♥︎♥︎♥︎♡♡店舖環境 | ✄✄✄✄✄✄✄✄✄✄用餐體驗 |

平時好少去筲箕灣，今日有啲事情要辦，去到嗰頭，又點會錯過聞名已久嘅低調高手食雞蛋仔呢？！舖頭真係好低調，喺街邊嘅一間地舖。我行到附近已經聞到雞蛋仔嘅香味，舖頭外型亦有幾位客人喺度等緊。等咗10至15分鐘之後，就食到新鮮熱辣嘅雞蛋仔。唔可以講笑，真係好好味！可能係我食過最好味嘅雞蛋仔😍外脆內少少煙靭！不得了💯除咗雞蛋仔，佢哋仲有叫格仔餅🧇開頭我完全冇諗過嗌，因為我心諗，格仔餅即係waffle啦！行超市都成日買雪藏嗰啲返屋企。不過我先生堅持要嗌，咁就由佢啦。老闆好細心，知我哋又食雞蛋仔又食格仔餅，所以專登等我哋D雞蛋仔食到咁上下先幫我哋整格仔餅😊其實我應該未食過真正嘅港式格仔餅🙈咬咗一啖先有發現新大陸嘅感覺😆乜原來可以做到好似雞蛋仔咁外脆內煙靭，仲要有牛油、花生醬同砂糖top it up a notch! 低調高手果然係高手！今次之後，我唔介意專登去筲箕灣，只為咗一嚐佢哋嘅雞蛋仔同格仔餅！

講真低調高手都幾出名，今次第一次突登去試佢既格仔餅🧇，但可能期望口碑太高，食完感覺落差好大。🫤首先，外皮稱不上係脆，應該係話硬同厚，應該係火侯或者製作時間冇掌握好，外層過熟。🫥再講，內層係林，做唔到煙韌既口感，估計係個蛋漿太稀；另外亦都冇咩蛋🥚味。然而，佢地個醬係幾好，夠多，唔會太甜，都幾掛到上個格仔餅。😌不過可惜，如果個餅唔好食，D醬係發揮唔到同蛋餅相輔相乘既效果🥲希望低調高手檢視下製作方法同材料，我都好希望食到一個好好味既格仔餅！💪🏻