佐賀燒肉谷 (大鴻輝(荃灣)中心) (已結業)

話說2月14日情人節個晚，訂左荃灣呢邊既佐賀谷燒肉放題。Menu裡面有幾個level俾我地揀，咁我地兩就揀左level 2，款式夠多，有我鍾意食既封門柳，好多肉汁，燒出嚟好香同埋算抵食。熟食類別反而有待改善，唯一好食既得雞軟骨。會推介俾朋友去試。

叫左第2貴嘅餐真係史上第一次食到完全冇牛味嘅燒肉極度懷疑話好食嘅人平時食開d嘢都係冇味除左 有個壺個肉 所有肉都係需要額外落鹽先有味3款調味料完全冇作用可言成餐飯唔知食緊d咩 海鮮就好充足又快到牛油露筍同清酒煮蜆係唔錯嘅

高級燒肉放題🤤🤤當日我地揀左lv4澳洲和牛海鮮放題佢首先會送上一個大大既燒肉拼盤上面會有8款牛肉🐮會款都好細心附有食物名牌好食既話等你可以再點👍🏻我地比較中意食牛小排同牛胸腹肉(^◯^)拼盤上仲有海鮮🦞有青口，大大帶子，蝦🦐，螺，魚🐟樣樣都好大隻，又好新鮮✨除此之外，佢仲有一壺極上煙燻漬封門柳🐮🌟🌟呢個一定必點🌟🌟我地兩個人食，前後叫左三次😹😹呢個牛好入味，口感一流侍應都覺得我地兩個女仔可以食三條😂都問我地係咪好中意佢地係用手機自助落單上菜速度好快食物種類仲有好多仲要有雞泡魚乾🐡原隻魷魚🦑自助區有多款飲品，多到花多眼亂👀入邊仲包括有幾款吾常見既韓國飲料不過如果覺得太凍，佢地仲有自助熱飲☕️另外仲有多種日式甜品，🍰泡芙，蕨餅，仲有自助雪糕機最後仲可以食埋movenpick雪糕🍦有4種口味選擇燒肉谷有吾同既分店(^O^)／佢地仲有午餐放題👻仲做緊二人同行同四人同行優惠✨

大鴻輝呢間燒肉谷主要係燒肉放題，但我發現都有午市平價之選，叫佐個拼盤有牛豬雞腸仔，其他飲品沙律，紫菜飯可以出去自助吧任拎，蕃茄仔好大粒好正，燒肉都好食😋，但份量實在太少，冇滿足感，百零蚊一位，雖然平，下午茶食下ok, 但下次我寧願俾多啲錢食返燒肉任食會開心啲

今日突然間想食燒肉，去到大鴻輝樓下有好幾個人派傳單，睇完決定食呢間「燒肉谷」。環境乾淨闊落，坐得好舒服，又唔會有成陣油煙味，冷氣亦夠，唔會燒到又熱又興。食物方面，師傅醃肉醃得好好食😋唔會好油膩，食左好多肉但都唔會好滯，海鮮同肉都好好食😋特別要推介個燒蠔，個汁調較得好好食，本身我唔係好鍾意食蠔，但都忍唔住燒左好多隻。服務方面，侍應們都好好，有禮貌亦會留意我地需唔需要換爐網，收碟都收得好快，唔會好多野堆係枱面。

食肉獸既我一向都好鍾意食燒肉🥩🥩大鴻輝呢間燒肉係之前朋友帶過黎食晏就，雖然平平地但完全唔夠喉！！今晚決定食豪D💪🏻一於食放題食儘佢！佢有分ABCDE餐，因為我地主要想食牛肉，所以叫佐D餐(澳洲和牛板腱放題)，包116品，$418一位。一入到餐廳，職員就俾佐啲醬同QR Code我地，用QR落單真係好方便！我地一開始就諗住叫好多好多既牛肉，不過係落緊單既時候，職員就上佐個頭盤！哇🤩好靚！！即刻毫不猶豫放落去燒，心急得濟唔記得睇啲肉係咩名😂搞到完全唔知自己燒緊邊款牛😂😂凈係知好好味🤤牛味濃🤤又嫩口🤤食得好開心！可惜嗌完一輪後已經飽飽地😢其他海鮮啊豬肉啊雞肉我地都無乜點食到，因為主要都係想食牛肉🤣另外自助吧嗰度，佢個飯都算幾好食👍🏻蕃茄仔好正，又大粒又Juicy🤤熟食都冇拎到，因為費時太膩🤣最後仲食埋杯乳酪雪糕！當然都好好味！100分鐘時間充足，食完啱啱好夠鐘，走得！

之前去旺角食過同一間見呢邊少人就book叫左佢第二貴果個餐黎到d肉又梅又un落去茶記食碟乾炒牛河d牛隨時仲靚出黎d肉核突都算 仲要勁難食唯一正常既野係氣水員工又黑口黑面 求其掉上枱就算第一次難食到上黎寫野 千其唔好黎呀

平時嚟到大鴻輝，淨係識去打邊爐，但係夏日熱辣辣，對啲鍋物真係提不起興趣。是日友人帶路响大門口電梯一上，發掘到呢間未食過嘅燒肉，見佢餐牌有齊豬牛羊雞海鮮蔬菜所以唔駛猶豫決定試試佢！入座後侍應先介紹了一輪Menu，最後我們選了Lv 4。等候上菜期間，梗係巡視下自助區和飲品櫃啦。熟食以炸物為主，不過不失；飲品區相對較有驚喜，除咗一般放題必備嘅罐裝飲品，熱飲竟然仲有一部即磨咖啡機，款式比某連鎖日式西餐用開果部還要多。等咗唔駛十分鐘就嚟第一輪，首先係餐廳發板既九宮格牛肉盤和煙燻壺漬封門柳。侍應哥哥熟手地先燒個封門柳比我地享用，好juicy，原味食都好正，想講下佢有隻蕃茄柚子醬好開胃！跟住自己落手燒個九宮格，個人偏好特上肩胛翼板同埋牛舌👍做完一輪牛魔王，就開始海鮮放題，大讚清酒蜆同廣島蠔，配上錫紙兜燒非常方便，另外大海蝦肉質彈牙，亦都係encore之選！最後甜品除左有自助雪糕機同迷你蛋糕仔，我哋仲試咗椰汁流心球同重口味既榴槤炸彈，兩者都非常香脆，值得一試。總括而言，呢間都算係我近來最好嘅一次燒肉體驗，有機會要同一大棚親朋戚友再嚟食過

出咗消費券當然要去食好嘢慶祝，公司附近的大鴻輝中心內有好多餐廳，搭扶手電梯見到一間專食日式燒肉放題嘅佐賀燒肉谷，一班同事都未食過於是決定一齊試吓新嘢。放題有五款，選了中價嘅特上牛品海鮮放題，一坐低店員即送上一盤六款牛肉，見有唔同部位，牛味濃郁，燒起上嚟油脂頗香；之後再送上煙燻壺漬封門柳，見枱牌有簡單介紹，原來選用美國Prime Rib ，油香四溢，肉質嫩滑又夠juicy! 必食推介👍 另外特別一提係日本赤雞雞爽肉，爽口嫰滑，仲重複叫咗幾碟添😌 另外亦有帶子、多春魚、螺等海鮮供應，質素不俗！熟食種類都唔少，紫菜飯、烏冬、牛腩蘿蔔、炸春卷、餃子、味噌湯等！最令人驚喜係椰汁波波及榴蓮波波，兩款都係香脆流心！抵讚👍飲品有大量中國茶、汽水及果汁等供應，亦有咖啡機提供即磨咖啡及朱古力，任君選擇。甜品有豆腐花、乳酪雪糕等不過太飽無食，但見同事食得津津有味！值得一提雖然係燒烤，不過唔覺得好大油煙味，抽風系統有料到。埋單每人大約$400，食物及服務相當不俗，牛角終於有對手了!

超鍾意食日本燒肉，近近地揀咗荃灣佐賀燒肉谷，夜晚有ABCDE餐，我哋揀咗D餐😋😋首先環境感覺好舒服唔會太迫，落單用手機嘟QR code就可以 非常方便上菜速度快👍🏼👍🏼首先嚟咗封門柳，由職員代燒，燒得啱啱好外脆內軟，非常juicy ，之後再encore每枱都會上1 set 牛肉，有埋每款肉類嘅名，方便你之後想再試可以落單，我本人最鍾意嘅就係「安格斯牛小排」，牛味非常濃厚，最啱鐘意食牛嘅我，忍唔住encore 再 encore 食得多肉類都食下海鮮調劑下，大蝦🍤真係有名你叫非常大隻，彈牙、爽口，估唔到海鮮都有驚喜🥳🥳派咗消費券再嚟食多次✌🏼✌🏼✌🏼

燒肉好出色再，仲有冰凍嘅生啤配搭，口感一流，除咗燒肉以外海鮮都有驚喜，超大海蝦、扇貝、蠔、法國田螺，感覺新鮮口感唔錯。紫菜飯要添食。員工服務態度都唔錯！好有返咗鄉下嘅感覺！超讚👍🏼👍🏼

優質燒肉放題好耐無食燒肉，咁岩去荃灣行街就即刻諗起去佐賀燒肉放題，因為驚食飯時多人排隊所以就提早6點鐘入座😋去到門口店員已經俾個menu 我地，問我地想要邊個Lv既燒肉，總共有5個Lv我地就揀左Lv4一入到店內就見到幾個大雪櫃放滿飲品，飲品選擇非常多，仲有其他熟食同沙律提供。入座後唔夠10分鐘頭盤已經送到，頭盤總共有9款不同牛既部位，顏色亦相當唔錯，個人最喜歡牛肋骨肉同極上牛小排另外都叫左唔同部位既豬同雞，五花腩同雞爽肉十分出色必點👍🏻除左牛、豬同雞之外仲有唔同嘅海鮮可以叫，有蝦、魷魚、蜆肉同螺等等，味道亦相當唔錯甜品選擇不多但有燒肉放題必有既乳酪雪糕😋

早兩日朋友推薦話去呢間食燒肉 見到個地址特登早啲去 仲諗住要預時間等𨋢 點知原來佢一入商場直接塔扶手電梯上一層就到 👍🏻 慳返唔少時間一入到去 就見到全部都係好闊落既卡位 六個人一枱都好鬆動我地就叫左個level 4 冇耐就直接上左個九宮格盤 每款牛都有名牌介紹 咁就唔洗驚食到好食既都唔識叫返🤣食完啲牛就叫左啲海鮮試下 原隻魷魚筒 大過隻手掌✋🏻啲魷魚鬚燒完好香口 🤤小食就有大路野雞軟骨 甜蕃薯個啲 算係正常發揮但係如果中意食榴連 就一定要試佢個榴連炸彈！本身我好怕食榴連製品 通常都香精味 死甜不過佢呢個一咬落去 好似啲榴連肉直接爆出黎咁 雖然已經好飽 但係都忍唔住Encore 左兩次🫢

很差的經驗,我們兩個人每次只可以order10片肉,肉質可以但無驚喜,大約兩吋X兩吋咁大,所為醃過的肉只是把醬料塗在表面,一点味也沒有,全晚最好食的是咖哩牛腩,可惜晚餐時段一片牛腩也沒有只有咖哩汁跟薯仔,站家如果不捨得比客人吃,就不要開放題店,真的比安平燒肉差很多,連漢和韓國燒烤也不如,兩個字揾苯

約咗朋友响大鴻輝等，早到咗，搭扶手電梯上去八下。一上到去見到佐賀燒肉谷，埋去望下個餐牌，都幾吸引。於是朋友嚟齊後，就拉埋佢哋入去試下。未食過，於是揀中間Level試，Lv3特上牛品海鮮放題。入座坐低，職員就話會有頭盤上，於是去雪櫃揀咗嘢飲先。雪櫃嘅嘢飲都有十幾款，另外仲有咖啡機。另外仲有沙律菜同埋一啲熟食，例如炸餃子🥟同春卷。拎完嘢飲返埋枱，頭盤就到了，一個6格木盤裝住6款牛肉🥩，同埋一個罌裝住主打嘅煙燻壺漬封門柳。封門柳不愧為主打，有嚼勁有肉汁，牛味又夠濃郁，好好食😋，其餘嘅6款肉都唔錯。另外自助落單仲叫咗其他嘢，有赤雞肉、熊本豚肉、海鮮、熟食等等。赤雞肉好食，肉質好彈，好有驚喜🤩！帆立貝同黃金螺都鮮甜，估唔到海鮮都咁有水準。椰汁流心球都幾好味，椰汁味夠香，有少少西米响入面，外層都夠軟糯。食飽之後都仲要食返個甜品，有雪糕機、豆腐花，同埋有啲凍糕。揀咗乳酪雪糕食，酸酸地幾好味😋整餐飯食得好滿足呀！