佐賀燒肉谷 (大鴻輝(荃灣)中心) (已結業)

17/10 去佐賀dinner Book 左6:00 荃灣大鴻輝佐賀人唔算太多，三個人揀咗個 C餐食先來一盤牛肉加封門柳（必叫）有多種飲品免費飲品供應，少量軟雪糕好像加$38啤酒或清酒任飲，如果社交平台讚like可以送 Movenpick 雪糕。總括食物不錯$368可以接受但海鮮似乎一般，其他小食及熟食都唔錯座位也闊落，服務員10分醒目。清理食物碟十分有效率，另外食物是自己掃描order 及上菜也快，沒有漏單。讃

朋友收到傳單，先知荃灣大鴻輝開咗間新嘅日式燒肉店放題店 - 佐賀燒肉谷 荃灣大鴻輝出名難等Lift，好彩佢地係1/F, 搭扶手電梯就OK!，繁忙時間可以慳好多時間。 放題有5個選擇A-E，價錢由$248 - $438 個人就推薦E餐，因為可以食靚啲既牛同海鮮之餘，仲有ASHAHI生啤同埋SAKE任飲! 真係飲兩杯都抵返晒啦。 玩法係一開始 比個精選牛PLATTER 加少量海鮮，等你試下邊款牛最岩好味。 當然之後再無限追加你鐘意既牛。 牛既質素的確唔錯，而且蝦都新鮮，青口都係值得追加系列。 自選食品清單入面，仲有好多隠世美食： 個人最欣賞個巨形生蠔(真係有手掌咁大)，同埋带子，記得唔好OVERCOOK 封門柳係呢度既SIGNATURE，店員會好細心幫你燒埋，仲超細心問你鐘意食生D定熟D! 放題熟食都有唔少選擇，個人最推薦呢個關東煮蘿蔔，勁入味蘿蔔超鮮甜。 雪糕YOGHURT 機，簡直係大人小朋友欣物，自己吱再放配料，整到成棵聖誕樹咁。 另外一個要加許位係佢個場既SETTING，唔似得某大型燒肉連所店咁。 呢到D位好闊， 坐得好舒服。加上每人一個隔油網，真係超細心！ 依家用呢張COUPON

今天放假，又不是週末週日的日子，估計行山人士較少，早上與太座去荃灣行針山一帶，回程返到荃灣市中心，已是日落西山，筋疲力竭，而且饑腸寸斷得連一頭牛也可以吃掉，何不找間館子歇腳，填飽肚子才回家？來到食肆林立的沙咀道，我們盤算了一會，認為吃燒肉放題可以奉旨「再坐一會」，有120分鐘不會被驅趕，況且我們體力上實在消耗太多，食欲倍增。來到這一帶的商場，做燒肉放題的食肆也有好幾間，有政府消費券的資助，一於食好尐，選了這間供應質素好一點的日本佐賀牛。食肆面積頗大，也許不是週末，食客只得五至六成滿，有很多卡座，座位非常寬闊，檯中放了燒烤爐，侍應詳細介紹了餐牌上各款燒肉放題，豐儉由人，我們點了SRF極黑和牛小排及極上海鮮放題，還包20分鐘任飲生啤及日本清酒。點餐是要用手機先登入QR code，會顯示了各種肉類，海鮮，蔬菜，甜品，醬汁等，揀選款式和數量按掣便成，之後若再添加，只需再登入，操作簡易。此外，餐廳亦設有自助沙律吧，熱食，甜品，飲品雪櫃等，我們也取了些沙律和咖喱魚蛋等，將胃口打開，特別喜歡有數款沙律醬汁可供選擇，醒胃怡神。率先送上是南瓜蓉，一小碟打得綿滑的南瓜蓉，伴了半塊麥芽酥餅，以脆酥餅墊著吃，

最近的 9月份最後一個星期日， 一行3 人遊荃灣；早上，她們先遊荃灣大帽山川龍，我在下午才 join，好姊妹帶路遊荃灣光板田村二段壁畫村！ 由於她們住得遠，建議一起提早食晚飯！ 為方便大家，找一找荃灣市中心一帶找地方醫肚吧！近年來，聽朋友講才得知荃灣眾安街改名為的大鴻輝(荃灣)中心，有多間餐廳林立！  況且，又近小巴站！火鍋、放題、日本菜...一應俱全！反正，我們好似未試過日式燒肉，見到1 樓有間日式燒肉店 <佐賀燒肉谷>！ 就選擇這間啦！我們一行3 人一起入座，點餐後開始計時！這裡比我預期大而深，卡位座位闊落，空間感充裕；牆上畫的可愛公仔，不知道是否食肉獸！除了打破沉悶的框框之外，作為影相打卡背景一流！桌上備有餐具、口罩套、餐紙、濕紙巾及烤肉用具...等，相當週到！我個人幾 Like 碟子上放置一個小金屬架的安排及設計！還有，店員為我們開爐前要加水！ 原來其設計同時可吸油煙，幸好！食完這餐烤肉，身上也沒有一大陣肉香氣！醬汁 (左至右)：燒肉汁 配豬肉韓式辣味噌 配牛肉味付鹽醬 配雞肉及海鮮餐牌：（5:00pm前或9:00pm後入座，另減$40）A) 厚切豚肉放題：多達

Beef short ribs + seafood yakiniku buffet$368/位好味指數：😋😋😋😋😋抵食指數：💲💲💲💲環境舒適：😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：高質燒肉放題。先來一盤砌得美美的牛。盤內6格分別有牛舌、精選牛肋肉、霜降一口牛、極上牛小排、牛翼板。喜歡有加名牌，讓食客知道所吃的是什麼部位。牛肉呈鮮紅色，肉質不韌。多款牛肉，最愛是壺漬封門柳，醃得好好味。餐廳有自助區。在自助區有新鮮爽脆的沙律菜、超多款飲品（多得像便利店般）、熱食及軟雪糕供自取。另要讚一下細心位，就是碟上那個網，可放剛燒好的肉在上面，隔一隔油。這是在其他燒肉店較少見的。

老公想吃燒肉，但老實說好吃的又要等勁耐誤打誤撞下search到呢間燒肉就膽粗粗去食估唔到有驚喜，因為首先個好處係，唔使等已經可以入去再加上啲位好闊落做咗人呀爸呀媽就係咁你總係想搵啲坐得舒服我係佢樓下已經收到張佢地嘅leaflet寫住二人同行就送佐賀和牛所以我一嚟都幾厚臉皮問係咪有，侍應都幾大方話係啊, 有啊~ 即係都唔會黑哂面咁，喂，服務真係算唔錯。由於我老公請，咁我揀最貴嘅SRF極黑和牛小排嗰個餐，貪佢開哂１２４品嚟食係餐前最鬼鍾意佢地個碟，好鬼貼心咁有個隔油架係個碟度，食燒肉我都想隔下油，掠一掠啲油架嘛~  呢個真係想俾十個like ! 其實佢地出面都仲有啲飯啊、魚旦啊、沙律啊、雪糕啊 係出面張枱，但其實你淨係食嗰124品都真係已經夠，quota真係唔好放係呢啲地方。燒之前我地點咗啲蔬菜啊~ 南瓜沙律嚟佐一佐個胃，真係唔錯啊!!! 南瓜mix咗少少蛋沙律，真係幾開胃。啲蔬菜係新鮮到我之後再多點了一round ~ 除左呢排咁壯觀嘅雪櫃，我個餐已經包咗啤酒同清酒任飲，但我呢個洗錢嘅女人係唔心熄嘅。所以就order咗$24一枝嘅梅酒，店方除咗斟好俾你，仲會俾枝梳打水俾你咁正。第一樣燒肉嚟

同屋企人行完街，到咗食飯時間係時候要搵嘢食！行到嚟大鴻輝成幢都係嘢食真係唔知點揀，見到呢間燒肉店個環境幾寬躺乾淨仲要唔駛等！！屋企人一致贊成👍🏻就Gogogo!一路行都見到有其他和食，沙律，雪糕同埋一排飲品櫃😍😍😍正呀！店員向我哋介紹餐牌，價錢由200中至到400中。見到400中嗰隻有蠔，又有啤酒同清酒任飲就揀呢隻啦😋😋而且仲可以食耐少少！首先嚟嘅係封門柳，噴曬煙咁出場🤣店員怕我地唔識燒幫我地燒埋😋封門柳係無乜脂肪既，所以肉味超濃又夠淋身！之後黎既牛肉階梯😍勁靚，勁呃like!每一級嘅牛肉都有標記返佢哋嘅名，等我哋知道我哋食緊嘅係邊一款牛肉！個人就比較中意SRF既極黑和牛小牛排，一燒佢既油花既香味出晒黎，入口軟熟，油花味香口, 重複叫咗好多次🥰。仲有我最鍾意嘅牛舌，果個爽口既感覺好正！鍾意肉味濃嘅朋友其實牛板腱都好正！而家做緊優惠我哋叫呢個餐再加多$98就可以有150g既A5佐賀和牛。😍又係噴曬煙出場，好靚呀白色多過紅色，雪花一點點！店員話每邊燒30秒就可以食，但個人意見覺得可以燒耐少少，因為都幾厚身。又係爆晒油花，爆既肉汁咁，但係呢個唔係任食🤣另外仲有海鮮，極度推介佢嘅蝦同珍寶生蠔！

這天，ICE結伴同行，去荃灣川龍瑞記嘆茶，繼而再去荃灣光板田村二段壁畫村打卡。難得聚在一起，好姐妹提議預早替小妹慶生，去大擦一頓！落車後，牛魔王I說小巴站附近新開了一間燒肉店- 「佐賀燒肉谷」。餐廳提供100分鐘任食燒肉放題，當中最大賣點是日本佐賀農場直送的佐賀和牛。除了牛，還有海鮮、豚肉、蔬菜、其他燒物和小食等，絕對適合不同喜好的人一起燒吓燒吓！見友人介紹得極為起勁，雙眼發光，小妹雖非好牛之士，也決定前往一試。餐廳空間感極強，座位頗為闊落大，燈光明亮，啱晒喜歡影相的我們。牆上繪有色彩斑斕的得意卡通圖案，賞心悅目，教人胃口大增。餐廳除了主打佐賀和牛，還提供A至E的5款套餐放題，豐儉由人，任君選擇。套餐A$208/成人已經可以食到超過50款燒肉、海鮮及熟食，最貴套餐E$458/成人更可以食到超過100款美食，大胃王絕對不能錯過！所有套餐均包括場內沙津、小食及汽水無限暢飲。套餐E更包括任飲生啤及清酒，而其他套餐則可加$38升級享用。 經過一番商議和掙扎後，在A至E餐中，我們最終選擇了套餐D - 澳洲和牛板腱配升級海鮮放題$418/成人， 可任吃116款食物。新張期間，凡惠顧放題套餐D/E，

有人話好想食燒肉於是就上網搵下邊間好啦搵到呢間近近地，任食好多種牛牛之餘，仲可以試下SRF極黑和牛小排，仲有豬、雞、羊、海鮮可以任食牛牛控可以食牛，海鮮控又可以食海鮮卡位好闊落，坐得好舒服飲品任飲而且好多野揀，熱飲例如茶、咖啡、奶茶果d都有，Frozen yogurt都可以任食前菜有沙律、魚蛋、炸物等等，仲有豆腐花、甜品，全部都任食架 揀左最高級既E餐，可以專享120分鐘任食，豬、雞、牛、羊、海鮮任點，仲可以任飲清酒啤酒添用QR code落單好方便食燒肉梗係要飲啤酒啦！一開始黎左個南瓜沙律，甜甜地都幾好味出面任攞既沙律菜都好新鮮然後就到牛牛海鮮拼盤啦有5款牛，款款都好新鮮牛牛控表示最期待既係SRF極黑和牛小排呀然後仲有海鮮，有青口、魚、蝦、墨口，試岩鐘意食邊樣一陣就可以encore仲有呢個煙燻壺漬封門柳，脂肪唔多但肉味濃，好大塊！牛牛控表示，牛脷入口軟滑彈牙；封門柳醬油惹味，爽口又香牛油味澳洲和牛原塊板腱，放上爐，數十下就差唔多，medium rare 少少紅最好食，入口即溶軟綿綿除左牛牛吸引，羊架都好香羊味，不過都幾大件仲有佐賀帝皇黑豚肋漬都好唔錯，有咬口又唔韌，好惹味海鮮都有好多選

約了朋友在荃灣交收，適逢中午，當然一起午餐，他推介這間燒肉店，聽聞水準不錯；又有優恵，一於去試試真偽。壁上的Q版小恐龍是店舖的吉祥物，與地上投影出的恐龍爪相映成趣。職員衣服背後也畫有小可愛。午市限時優惠：二人同行，一人半價；四人同行，更是一人免費，非常划算；套餐分A、B、C、D、E 五款，價錢由最平的A餐$268至最貴的E餐$458；還有特價午餐供應，最平由$88起，任君選擇；選用E餐更會額外增加20分鐘，即係120分鐘。我們選擇了D餐$418，因有他至愛的醬油煙燻壺漬封門柳及我至愛的大量海鮮及豚肉；吃燒肉當然要配啤酒，只要再多加$38/位，就可任飲啤酒及清酒，咁唔洗考慮啦。主食未到，就先吃點「頭盤」吧；餐廳設有自助沙律吧及數款小食，更有大量冰凍飲品；一於「食住等」。這裡的燒烤網是一次性的即棄品，疫情期間，大家就用得更安心了；記得在燒之前在網面塗上一層油，可防止食物粘在網上。幾喜歡這個小小的個人網，可見店方著重細節，照顧到客人的需要，抵讚。首先上場的前菜是麥芽糖餅南瓜蓉，餅上塗上一層厚厚的麥芽糖，酥脆味甜；配上香滑的南瓜蓉同吃，又真係幾唔錯喎。封門柳為牛的橫隔膜肌肉，每隻牛只有一條，非

我已經很久沒有寫食評了，只會遇到一些好好食或好難食的，才會落筆。今日十一國慶日，又是政府派發消費卷的一天，本想歎番餐靚和牛，誰知二人食了一千七百幾元都食唔到好野！呢間餐廳打正名堂食佐賀和牛，一般有去過日本或食過好野既人，都知日本和牛有幾好食。我不計成本，充滿期待，每人先order了一set 最貴的套餐$408/位，之後再加多$688，order了一盤佐賀和牛。先說那個最貴既set E, 有美國牛，澳洲和牛（只有牛板腱），及SRF和牛，以上的牛味和質感都一般，但總算食得下，其餘雞翼及豬腩肉，海鮮及熱食，全部都係一般般，Standard 味道，唔好有什麼特別要求及期望。但其實我最期待的，當然是那佐賀和牛啦！一盤滿滿佐賀和牛船終於送上來，擺位及樣子不錯，裡面放了一款某個部位的和牛特別多片，另有一口和牛放在一旁，另有一份只有4片及一份只有2片的，但沒有任何標記各是什麼部位，上菜時也沒有介紹。我一開始就食最多片的那部位，一食就知大鑊，牛無牛味，仲要咬唔爛，D筋多過乜。唯有再試一口和牛，但和牛太瘦無雪花，就好似食緊瘦肉一樣。之後再試好似好矜貴的那4片和2片，今次咬得爛，但不是入囗即溶，而且牛味欠奉

大鴻輝新開嘅燒肉放題，想試好耐！今晚齊人即刻開佢波啦唔洗講嘢！！價錢如圖，我覺得都OK嘅，燒肉價，最緊要係睇下啲肉咩質素。個人覺得C餐性價比最高，D&E就錦上花啦，鍾意飲兩杯酒E餐，ASAHI任飲！新開，環境好新好整齊乾淨。用QR code落單，冇漏過單，上菜快，讚！無論叫咩餐，都會送呢個頭盤，有齊晒啲肉，好食可以隨時encore。（當然睇下你叫咩餐啦）呢隻最高級SRF極黑和牛小排，講真，呢個真係最好味，燒起上嚟啲油脂真係不得了，豪少少叫E餐就有得無限享受喇～澳州和牛，呢個係D餐嘅肉，個人覺得佢嘅牛味比極黑和牛小排濃啲，口感就冇咁入口即溶，朋友就話呢隻仲正過E餐。呢度用明火燒，立即加分！但個網就有啲輕飄飄，有時痴肉嘅話夾起佢會連個網都夾起埋。燒起啲網紋真係會令人覺得特別好食㗎！推介叫一個大蔥，燒燒佢，用牛卷住嚟食，好味到升天～煙燻封門柳，真係必叫，C餐已經可以食到架喇，呢個超值得encore，原條咁上，燒到咁上下先剪短佢，封住啲肉汁。醃得幾好嘅，唔算太過甜。除咗肉，佢哋仲有好多嘢食，海鮮、蔬菜、熟食如烏冬、沙律、冷面等等，鰻魚要自己燒，燒完好好味喎原來！清清地食下胡麻冷豆腐同蟹柳冷烏冬

北區食肆選擇不多，就算開到成行成市的壽司店，都要走到落大埔，唉！早前一家人落荃灣逛街，其中一個節目當然係醫肚，單是一幢荃灣中心，已經食肆林立，花多眼亂。算來對上一次食烤肉都已經係超過一年前既事，老遠傳來烤肉的香味，的確是一種無形的誘惑，二話不說已經作出選擇。近年烤肉店開得越來越多，平平地百零二百蚊可以落樓，貴既動輒過千，豐儉由人。基本上佐賀燒肉以放題為主，套餐分為「A、B、C、D、E」五款，所包含的肉類各有不同，大家可按自己須要決定。食烤肉當然要配杯啤酒，又或是Sake，家陣只須另加$35，就可以Free Flow，女士們亦可以另加$28，來一杯梳打梅子酒（但只可加一次）。今次選了「SRF 極黑和牛小排配直上海鮮放題」（120分鐘暢食）（小童或長者$408 / 成人$458）先發牛肉選了「煙燻壺漬封門柳」，為了鎖住肉汁一定要原條燒，肉質鬆軟而有嚼口，即時要追加，但要快，因為數量有限啊！論到質素最好一定是佐賀和牛（150g），近日做推廣，但凡惠顧D/E餐，每兩位便送上一份（優惠期去到11月30日）；雪花白的油脂分佈平均，燒起來引發陣陣火光，入口滿是油香，超正，若果嫌份量不夠，大可多花$6