佛羅倫斯牛肚包

营业中

休息中

成日喺唔同嘅渠道都见到好多人推荐呢间嘢嘅牛肚包，但系成日都唔记得去买嚟食。今日终于过嘅时候扚起心肝去咗外卖，因为间舖头真系好细同埋生意超级无敌好。喺门口已经闻到啲青酱同埋蕃茄嘅香味，瞬间就觉得好肚饿，买咗蕃茄牛肚，同埋传统牛肚包，同埋一个蔬菜嘅薄饼。Pizza嚟讲，因为全部都系菜不过不失，但系牛肚包同埋牛肚配饭真系好出色，咩都唔会太过于浓烈，啱啱好，牛肚好腍一咬就已经散开喺口中，配埋啲新鲜蕃茄嘅自然酸酸甜甜味道极度开胃，本身以为个饭系白饭，原来个饭系青酱饭，好邪恶，但系好好味。希望呢啲咁有心思嘅小店可以越早越好长做长有咁我就可以成日都有得食！