佳佳甜品

营业中

休息中

佳佳甜品，一直都好想試。平時每次夜晚經過都好多人排隊。難得平日放假，就約埋朋友下午去睇下洗唔洗排隊，果然一去到就即刻有位喇，終於有機會食到。腐竹薏米白果腐竹煲到溶化了入糖水，好香豆味，薏米煲得好淋有咬口，白果甘香沒有苦澀味，與糖水一齊食香甜又好味杏仁露上枱時已聞到好香的杏仁味道，食落杏仁味香濃，質感不稠不稀、好滑，甜而不膩這裏的糖水味道好又足料，價錢合理，環境寬敞舒適，下次都會再來幫襯，期待下次再試其他糖水

行開附近口痕，咁啱見到佳佳甜品，想幫襯下米芝蓮門口有餐牌，可惜芒果紫米露同楊枝甘露賣哂，似無芒果。我㨂好就想入去買外賣🥡門口排咗兩條隊，一條堂食，另一條外賣🥡，想排隊既時候，有個阿伯企喺門口，唔知佢排邊條隊，問咗佢唔係排隊我就走入去叫椰香紫米露加湯丸外賣，$32+$8湯丸+$1外賣🥡，等咗10分鐘就有，參觀埋入面外賣🥡包裝都靚仔🤵‍♂️，但比想像中細碗打開好香，係椰香，好足料好傑，入面除咗湯丸仲有小小丸子🍡增加口感，紫米露正，湯丸好軟綿綿，正😄

🇭🇰佳佳甜品·呢間我地上年已經食過架啦 不過因為上年晚市無得堂食 所以我哋係外賣既 今年咁啱去佐敦呢邊就決定排隊食佢 不過我覺得佢好似無咁好味左🫢🫢·濃薑番薯糖水$26 l 芝麻糊拼核桃露$29 l 湯圓+$8佢個番薯糖水一樣都係咁濃薑味 雖然真係超級驅寒 不過我自己覺得真係有啲薑到好辣 最後我地都飲唔曬成碗🤣而且佢今次啲蕃薯唔係好甜 傷心🍠反而佢既湯圓幾好食 個皮好薄 而且個芝麻餡好香😍😍之後佢個芝麻糊拼核桃露就正正常常啦 都唔錯既 但係都係湯圓好食啲😂·#rbyeat#rby甜品飲品#rby佐敦·📍佐敦寧波街29號地舖

因為有事入咗醫院， 好想甜一甜 ，於是叫我老公喺附近糖水舖買啲糖水俾我食啦，知道佳佳甜品係好出名，一於試一試。包裝好響應環保，係用紙既 又美觀，又唔會容易倒瀉， 值得一讚！椰汁紫米露淨係睇個顏色都知道佢夠足料 ，紫米又夠林唔會好難咬，加埋椰汁真係好香 😋下次要堂食試埋其他野先😗

無邊一次係唔洗排隊的佳佳甜品，以為今次夜啲嚟會少人啲，外賣同堂食的人龍都係一樣，大約8-9組人左右。等咗10-15分鐘左右，已經可以入得，都算快了。之前成日都係叫外賣，難得今次堂食，除了薑汁湯丸糖水外，都想叫多一樣熱門冰花燉雞蛋。薑汁湯丸糖水，薑汁味保持到，都係好重味，正👍冰花燉雞蛋，一般，沒有驚喜。堂食，一坐底，點了單，轉個頭兩個甜品都已經好快送到嚟，好快效率。唔知道，但比較平時食開的外賣，個薑汁湯丸糖水係無外賣個種超熱的感覺，都是熱的同埋滿足的濃薑汁味。

不約而同 身邊有兩個人 同時間推介呢間中式糖水舖油麻地食完飯 見仲有時間 就散步過去朝聖一下果然人頭湧湧 排隊等入座既人 排左兩個鋪位外賣條隊都有十零人🤪🤪🤪好彩流動得好快 排左十零分鐘就入得喇😎收銀後掛滿哂餐廳既威水史🏆🏅🥇🎖️🏵️解釋左要排隊既原因🤪⏩️濃薑番薯🍠糖水 💰26名符其實既濃薑 唔洗哄埋都聞到薑既辣味番薯全部都大大舊 番薯甜得黎都帶有薑既辣 完全感受到糖水係 食道落到胃既過程🤡天氣凍既時候 呢碗野將會係極品⏩️紅豆🫘沙拼糯米麥粥 💰26紅豆沙比例較多 麥米煙韌 為紅豆沙添加左不同既口感😋兩碗糖水 都係唔會太甜 有家既感覺🏠

ขออนุญาตรีวิวเป็นภาษาไทยนะคะ สำหรับเพื่อนๆคนไทยที่มาเที่ยวฮ่องกงค่ะ อร่อย รสชาติเข้มข้น จีหม่าหวู่คือดีมาก ใครที่รักงาดำห้ามพลาดเมนูนี้นะคะ คิวทานที่ร้านค่อนข้างยาว และนานค่ะ แนะนำซื้อกลับบ้านนะคะ รอไม่นาน แล้วหาที่ยืนทานหน้าร้านก็ได้ค่ะ

佐敦食完晚飯，朋友話附近有一間老字號甜品店， 9點左右去到，好長龍，起碼超過30人排隊。老字號， 1979年。營業到凌晨3:30 ，果然適合「夜鬼」難得嚟到，只好乖乖排隊。神奇地， 10分鐘唔夠就已經有位，果然係非常有速度。餐牌背後寫上故事，香港有一間分店，台北有三間分店。朋友推介：補腦合桃糊加湯圓$37合桃露很滑，湯圓煙靭，芝麻餡香甜。過程非常有速度，人流匆匆，無論係外賣定係堂食，都非常快。如果經過，又有時間可以等的話，不妨一試。

連續超過5年獲得xx林獎項加持仲頂得住嘅傳統中式糖水店，價錢咁多年黎都仲係算親民，而未到都keep到水準。以糖水舖黎講，真係好鬼犀利～以我食咗咁多年黎講，每次嚟到都仲係見到門口大排長龍👍🏻今次冇排隊，外賣好了🌱濃薑番薯糖水係「最夠薑」推薦！可以話係鎮店之寶！一般外面糖水舖啲話薑味，講到幾勁都係唔係好夠味。但係呢碗薑汁試過之後，就會明白係特別「薑」味濃，而且夠辛香～尤其是冬天食完之後，非常暖身～ 其實番薯都整得好好，大大舊嘅番薯，整舊都好淋好易咬，而且番薯都好甜～ 如果唔鍾意食番薯嘅話，可以選擇加湯圓～🌱蓮子紅豆沙(加湯丸)紅豆雖然未煮到起沙，但咁樣仲岩我口味。配埋蓮子同埋芝麻餡湯丸，好好味🌱白果薏米腐竹腐竹煮到溶晒入個糖水，味道夠濃郁而且有啲黏口感覺，甜度適中，白果同薏米都夠淋

話說呢日食完晚飯之後，有啲意猶未盡，好想食下甜品，喺佐敦其實都有好多唔同嘅甜品舖，有中式有西式，但係如果講到出名嘅，都算係呢間啦，因為每晚嚟到都見到佢大排長龍，每次都冇辦法可以坐低堂食，都要嗌外賣，但係嗌外賣又唔使等好耐，都幾有效率，佢甜品款式又唔算好多，價錢亦都幾大眾化，好多都係廿幾蚊就有交易，有啲食材貴啲就三十幾蚊，今次我哋就嗌咗一個紅豆沙配芋蓉，坦白講紅豆沙有少少稀，麻麻哋，不過好在芋蓉食落就唔係好滯，整體配合都算可以，另外嗌咗一個春蛋燉雪耳，呢個就真係唔錯啦，一嚟個賣相靚，二來個雪耳糖水飲落好清香，好清甜，感覺非常之好。

開心甜品時間🫕•蓮子紅豆沙加湯圓紅豆沙煮得好起沙 而且甜度唔太甜 岩哂我口味加埋足料蓮子同好煙韌既大粒湯丸煙韌外皮加埋芝湯丸 好好食🧡完美既糖水環節劃上句號🫶🏻🫶🏻🫶🏻

佐敦一間必食的老字號餐廳一定就是佳佳甜品，經連續拿了好幾年米芝蓮的推薦，經過佐敦梗係要試吓。每次經過都大排長龍。芝麻糊加合桃露芝麻味非常香濃，配上合桃香味，兩者味道非常配合。合桃露加杏仁露，令一種特別配搭杏仁露香氣逼人。木瓜燉雪耳木瓜非常多，雪耳非常爽口，而且甜度適中。

難得可以行去佐敦，諗住食糖水雄，點知冇開🥲唯有轉去食佳佳甜品啦，唔太清楚呢間同土瓜灣果間有咩關係，不過食嘅嘢差唔多一樣但係我人生第一次食個熱燉蛋係冰火咁！咁耐冇食燉蛋，竟然食到一間唔滑，冰糖又唔勻，燉蛋明顯冇過篩，入面一個個窿，某啲位先食到甜味，仲要冰火嘅 🤦🏻‍♀️上面凍下面暖！咩玩法？土瓜灣佳佳二姐真係好食太多～其他三碗友人一樣話唔凍唔熱🤷🏻‍♀️我理解唔到天氣凍都唔會係咁掛？Blacklisted 呢間唔會再食

今日返工突然好想食d 中式糖水，就諗起老字號嘅佳佳甜品，專登外賣返嚟食！佢地有哂咁多款中式糖水，任均選擇！價錢都好親民，平均$30內就搞掂～而我就揀咗楊枝甘露，真係有芒果果肉，真材實料！

嗌咗糖水外賣返屋企，今晚好凍所以嗌左濃薑番薯糖水（$25）+3粒湯丸（$7）！首先個「濃薑」真係冇講錯，超勁嘅薑味令到喉嚨有啲辣，但係好好味，飲完暖笠笠！之後個番薯一督就散，夠林糯，可惜好細碗😂最後啲湯圓就真係太細粒喇！仲要個皮比較厚，嗰啲餡勁少，不過就勝在個皮係好煙韌，幾好食，如果湯圓大粒返一倍就完美喇！朋友嗌咗木瓜雪耳，睇落都幾滋潤，同埋黑芝麻糊，好杰身！下次有機會經過會試吓傳統甜品點真係買少見少，雖然來來去去都係果幾樣，但係其實好難整得好食支持支持