佳文魚生店

营业中

休息中

今次寫一段食評,係我阿姨強烈要求我去寫,希望唔好再有人受害.話說4月14號中午食Lunch時間,我同阿姨同埋佢同事三個人去咗呢一間野到食,佢地諗住係OpenRice到見都有唔錯嘰評語,以為實無死啦,點知一連串嘰惡夢就咁發生.由於我阿姨食素嘰關係,所以佢只係問一問個沙律有冇蟹籽(我阿姨不嬲都好有禮貌),個老闆就話無,但係佢嘰大肚老婆就話有.我阿姨一班人就睇佢地做棟篤笑,經過一輪咀混戰之後,都頭黎都係為咗個沙律有冇蟹籽,十分匪夷所思.之後老闆惱羞成怒話”我地唔整啦”!!! 有冇搞錯啊,我以為我聽錯. 之後我阿姨微笑一下點其他野食. (以下係我同阿姨真實經歷.如你對下列新奇刺激事物有意見,請搵佳文老闆)後來我地叫咗個帶子壽司,海膽壽司,青瓜卷,青瓜手卷,黃羅白手卷,雜菜烏冬&海鮮烏冬. 我黎解釋一下咩叫物有所不值: 首先個海膽壽司唔新鮮,顏色已經變暗;帶子壽司竟然咁干身,完全咬唔開,如果你想挑戰你嘰牙力,我首推帶子壽司比你; 青瓜卷,青瓜手卷&黃羅白手卷,好明顯條青瓜放咗一段日子,我等一次食到唔爽嘰青瓜.加上紫菜又咬唔開;雜菜烏冬&海鮮烏冬,首先我要問下大家咩叫烏冬?烏冬應該係圓面嘰截面直徑

呢間真係禾桿冚珍珠....外形真係好清湯腩...我第一次入去, 諗住同個日本狂迷fiend食個afternoon tea, 睇完menu都真係嚇一嚇....不過當我食第一件壽司, 又比佢嚇多嚇... 乜咁似我係銀座既壽司鋪食既野既?跟住就不停咁再嗌野啦... 卒之兩個人一人食左五舊水...其實真係唔平既... 不過係呢度食到既野, 我就要去到日本先再有機會食到... 雖然比唔上築地魚市場裡面既野, 不過一般東京既壽司吧都係咁上下... 唔係作大, 我第一次去既時候就係armarm係日本番黎. 講真, 係香港好難係第度食到咁好既sashimi.. 唔係酒店就有架, 淨係唔會比件乾爭爭凍冰冰既toro你就已經值回票價啦.... 而且唔好怕吧頭師父sell野, 佢d推介真係好得... 有次比佢sell到我食108一隻既牡丹蝦... 食完兩隻卒之叫多兩隻...雖然熟野好一般, 不過入到去都係留番個肚食sashimi啦...

我之前去過一次, 係朋友請食午飯, 從來未試過食午飯, 每人HK$300-, 都唔覺得飽, 亦從來未去過一間日本餐廳貴得嚟, 打電話去仲要未講完就比人cut咗條綫, 事原係我幫老闆訂枱, 講左時間, 日期, 人數後, 要求坐的位置時, 就有一個男接綫員(佢可能係老闆)講啦, 我一日有噤多客, 個個都有要求坐邊, 我咪好唔得閒,之後佢就cut左我綫, 我覺得啲服務奇差加奇貴, 就算係好食, 我都唔會再去.

我有日上網睇到,講到有d明星仔去呢間野食野,咁當然好奇心思思睇下係咪有好野食架啦!d網話一人平圴係$300蚊.咁當然合理啦(如果係好野的話),之後咪約埋我女朋友去囉,嘩!起初去到搵,搵極都搵唔到,成條春園街都冇日本野,食牛腩面就有兩間,跟住去到真係嚇一跳,唔同你講你都可能已為又係牛腩面,入到去d樓面又串,個師傅狂sell野比你,樣樣野都話新鮮,一睇Menu真係嚇親你.TORO$400/客甜蝦$90/客大蝦$180/客池魚$180/條針魚$90/條碟魚(類似左口魚)$300/條飛魚$120/條吞拿魚$90/客青柳$200/客三文魚腩$90/客三文魚頭$120/份油金魚頭$180/份三文魚壽c$35/客慢魚壽c$30/客x子沙律$45/客seke仔260ml一枝$130!! 我最後叫左2個壽c set $220x2 飲埋seke$130+可樂$30=咁就600 2位喇-.-!! 你話4個人食餐好過唔過$2000?!我可以話比你知!一定過硬!!比得$2000我點解唔去酒店到食呀!比酒店分分鐘都係$1500!

貴到死黑肉all toro $400/6件飲埋枝sake 食小小壽c 2個人都成過千

好貴，用呢一個價錢食D噤o既壽司．．．．．．我向東京用迴轉壽司價錢好食過拒．．．．．附近同樣quality　o既　原味，只係四／五份一價錢

早有聽過佳文大名,但始終未曾試過.今次友人提議到此,為壽桃週延續,我當然贊成.1.帶子刺身(4粒)-鮮甜,肥美.2.拖羅刺身-色澤鮮,肥美,有油香.3.劍魚刺身-新鮮.友人勁愛,本人一般.(魚類刺身大概有五片,中等厚度.)4.牡丹蝦刺身(4隻) + 炸蝦頭-刺身鮮甜,蝦頭香口.5.牛油炒蟶子-好鮮嫩,又有淡淡牛油味,可食不停口.6.鰻魚壽司(2件)-鰻魚肥美大件,燒得有少少脆.美中不足是飯身略為鬆散.7.炒雜菜-其實只是椰菜+金菇.一般.8.海膽炒飯-足料.多海膽,多蔥.不錯.只可惜已經太飽.裝修簡樸小店.服務殷實.不錯.

14 April 2007 (Sat) - 午飯因家姐不在港，未來姐夫代替家姐請我食餐生日飯，帶我黎呢間佢想帶我去好耐既魚生店！只係一個晏晝，就已經食得好豪，叫咗Toro 刺身($400六件)，帆立貝壽司，三文魚籽壽司，赤貝壽司，三文魚壽司，油甘魚壽司，個waitress再介紹我哋食個毛蟹，我咁大個女都未食過，咪試下囉！Toro 刺身好大件，好正好肥美；其他所有既壽司都好新鮮，好甘甜，超級大件！毛蟹個樣唔係太靚，真係好多毛，但係真係好鮮呀！！好正，我以前未食過，都鍾意，又唔猩！然後老板娘問我哋想將個蟹拑點整，要湯，烏冬定拉麵，好在揀咗麵豉湯，因為啲蟹肉咁多，再加個湯己經飽到上心口，真係好彩冇揀烏冬，唔係一定食唔晒！呢度既壽司喺香港地都算數一數二，因為香港刺身壽司既水準其實真係麻麻，呢度係一絕，不過就一定貴！不過想食鮮甜肥美既sashimi，係要付出代價架啦！！　=)

佳文雖然門面相當一般,不過它的魚生真的很新鮮!相比之前去左尖沙咀壽司廣度食仲好Ｄ!雖然壽司廣都唔差,不過真的有D貴!叫左一個魚生SET一個壽司SET.埋單要成八佰幾!去佳文度食,D野又新鮮,相對價錢又無咁貴!真係好好多!

經常途經春園街,有一魚生店(注意,不是日本菜,是魚生店!!),從前在收音機聽過林曉峰大讚特讚此處師傳的厲害,當時佳文尚在灣仔道近天樂里.及後搬至此,曾在外觀望,此店用了大量磨砂貼紙將全店封着,差不多有六尺高,我沒有六尺高,衹好挺高腳尖加上門外窄小的石階往内窺看.裝修相當地道;地道不是"和式",是港式的地道.天花晰白光管映照着蒼白的内隴.牆身裱貼着我婆婆房間同年代的牆紙.大部份食客枱上的飲品,居然是一支支的可樂,玉泉及波子汽水.入口放棄任何門類物體,改用後現代的透明厚膠布代之,六尺之下仍裱貼着磨砂貼紙.入口左側放置鄭中基推介的可口可樂-膠箱六個作裝璜;入內幫襯的衝動轉化成回家淥麵的動力.後一些日子,坐在她對面的祥利飯店(现已搬往三角街)近街卡位吃飯,給門外雄渾的引擘聲嚇至飯碗差點拿不穩.一輛法拉利F40就正正泊在佳文的門前,懶理車成三十度角,車尾拋出呎半,將本來已非常狹窄的春園街變作電單車通道,一雙男女奪車門而出,三步夾兩的衝入店内,狹道行人皆為之側目.他的衝動隨時代價不菲.內裡有着黑洞的神秘及引力呢?心己動;腳未動.理智最後失手的原因是一星期後,一輛有司機的勞斯萊斯泊正門前,好奇驅使我

我地一行4人早一日已book 好lunch 去食, 點知佢地居然俾bar 枱我地, 仲要係3個位4人坐, 個老闆娘仲話我地冇話要咩枱, 又話Sammi都係成日坐bar 枱, 大佬呀, 你又唔係迴轉壽司, 人地book 位都係想大家坐埋一齊食下傾下o者, 一張bar枱叫人點傾呀, 最終大家一齊拉隊走人!!!!!

去佳文食野, 個人認為真係好睇時間... 夜晚近零晨d野係最好, 因為果個時間最多明星去撐場, 自然d野唔可以失禮啦! ^^果次我同以前男朋友及2個佢既fds好夜去食, 由於我唔係咁好日本野, 我只係食左d普通野.. 不過, 佢地d野真係得喎! 好新鮮! 不過由於我果時岩岩同果個男朋友分手, 所以冇咩心機食太多.. 佢同佢d fds 就係咁叫海膽, 睇落都好新鮮, 佢地係咁話好食! 不過我唔食, 唔知佢好唔好食.. ~_~

友人是灣仔OL, 經常向我推薦佳文魚生, 話魚生新鮮抵食, 但老闆很串嘴, 見過有人想買魚生外買但被老闆一口拒絕, 因為會唔新鮮云云..... 心想咁老闆咁有性格, 食物質素當然有番咁上下, 但一試之下卻有被搵笨的感覺一個人點了壽司拼盆共8件, $120, 算中上價了, 但壽司卻是其貌不揚. 飯是散的, 只有少少醋味, 我一咬舊壽司便散了. 蟹子壽司的紫菜咬不開, 要用扯的, 讓我食得勁狼狽!!!!! 那個老闆還要站在壽司吧內望住我, 令我好尷尬. 劍魚有雪味, 三文魚有手指印, 令魚肉中間穿了個洞, 吞拿魚捲好明顯是頭頭尾尾.....令人氣憤的是, 鄰枱OL的壽司是正正常常的, 老闆是歧視生客嗎? 真傷心. 不會再去了.

I\'ve visited this restaurant a couple of times and I have to say all were memorable. The service is cordial and efficient. The food is fresh and the portions are generous. And the boss does give away complimentary dishes from time to time.Their uni, toro, hamachi, botan shrimps, akagai are always delicious and fresh. Their sakis, though not exquisite, serve my appetite quite alright along with the sushis. It is somewhat unfair to compare it to the likes of Sushi Hiro, Koshu or Ten-Jaku (which

我幾年前去過一次，已經覺得又貴又唔好食服務又唔好。今次諗住俾多次機會佢啦，點知仲換來一肚氣。我哋兩個人叫咗四碟魚生，池魚、象拔蚌同赤貝只係一般，但嗰碟400蚊嘅拖羅就差到不得了。d拖羅根本未解凍，咬落去有冰，又不停出血水，同有一大笪瘀色。我攞住碟只係食咗兩件仲有四件同成碟血水嘅冰拖羅同佳文個師傅講d拖羅有冰同出血水，佢話佢專登俾舊凍d嘅我(咁都得？新鮮嘅魚生係唔駛雪到咁凍個喎？!)。我話d魚生唔得，問佢有冇得換。個師傅好唔志在咁話佢d拖羅舊舊都係咁凍，而且貨都唔夠賣。咁算啦，我哋本來諗住食多幾碟，但係d嘢又貴又難食服務又奇差，我哋即刻止蝕離場俾錢走人。我以後都唔會嚟，亦會叫我d朋友唔好嚟。