來多客

营业中

休息中

今晚收工遲左, 所以唔打算煮飯喇, 一家3口就落左樓下茶餐廳用膳, 呢間餐廳都係我地經常開餐既地方, 晚上有小菜套餐, 套餐包括小菜一碟, 例湯, 白飯, 茶或湯水,我地今就點左3個小菜套餐 : 漁香茄子煲, 韭王蝦仁炒滑蛋及XO蘭花炒班片, 基本上XO蘭花炒班片係我必叫的, 我最鍾意佢炒既班片好好味, 我又喜歡食西蘭花, 但其他兩款都係首次選擇, 韭王蝦仁炒滑蛋味道比較淡, 蝦仁又只得兩三隻, 至於漁香茄子煲就係最差, 我覺得肉碎較小, 獻汁太多, 我自己就唔會再叫喇！

正當大部份人選擇外遊的時候,留港食瞓玩是最好不過! 因為平日的來多客餐廳難得地等少過10枱! 今日好快有位,我選了咖喱豬軟骨飯,沒想過色香味都可以達到高水準, 馬上使我聯想起平日餐廳門外的人龍,香港這塊福地嘅人果然把口都嘴刁過人,最後,連咖啡或茶都可改甜品,我選了馬來咋喳,又一驚喜!

早前係呢頭見客，食左個lunch。蕃茄雞絲火腿炒意粉：想不到味道會偏甜，而意粉質感有彈牙，口感十分好，應該係即時出水煮，呢點值得一贊！亦有洋葱，火腿絲，雞絲，新鮮蕃煮, 好丰富，香味幾出，但份量就多左dd，下次我要叫佢少d意粉先得！

黎到黃大仙，淨係識得去食小籠包，但今日休息，所以就是但搵間野食算數！一間要排隊既茶餐廳，吸引左我地一家5口入去！叫左4個餐，海南雞真係要讚一讚！$56響出面都叫平，仲包糖水！雞好滑，根本就唔洗點野，都好好食！其他果d都係普通野，都不值一提！最後，野飲唔要可以㨂糖水，講真，好過出面十幾廿蚊碗既！我叫左綠豆沙，足料！喳咋仲係一絶！下似仲可以試下個黑糯米！

OT放工, 咩都唔好諗, 最緊要快, 就去附近的來多客叫左個快餐會豬排飯, 個汁都已經好淡, 一條腸仔開二, 塊豬排仲要勁薄, 雜菜仲要勁乾食唔到... 呢個快餐我前後用左5分鐘唔夠, 食左一半都無就決定棄飯... 番屋企煮公仔面名副其實, 快餐係用來迫你快D走

晚上十时食晚反，經过很多次都未有幫襯，決定試一下，发現此店已易手多次，装修改为新派茶記，較衛生，奌了黑椒铁板牛扒魚柳，跟红湯及蒜包，湯料很多但不夠浓及熱，包就完全不熱及硬的，牛扒被梳打拿过的味道，魚柳不香脆，黑椒汁很淺色不夠香，唯薯菜最出色，香脆熱辣辣，另咖里牛肉反的咖哩同牛肉感覺完全唔friend,咖喱与牛肉是分开煮的，没牛肉味的咖厘，是次没奌小炒類，不能就次定断此店出品，可以俾多次机会試厨房的炒功。

Met boyfriend here as he likes this cha chan teng near where he lives. Or more like he just wanted dessert with his cha chan teng food.來多客 does have an English name. It's called Laiduoke which is the direct Cantonese pinyin. Or as boyfriend jokingly pointed out: Laid You OK?It's a typical cha chan teng serving typical cha chan teng meals but you have the option of choosing a drink or Chinese dessert with your set meal.Fried Pork Chop with Salad ($36). As it was afternoon tea time, I had this. I

同朋友一齊下單，佢食飽我碟「乾」炒叉燒意都未到。等了又等，見到隔離台遲過我地來叫既炒牛河都唻埋，忍唔住問下侍應，佢竟然答我炒野要耐點，咁隔離台個碟係咩呀！？我明廚房可能會想等多幾碟一齊炒，但都唔係等到咁囉我覺得！好喇，入正題，碟野終於唻喇、一見到即時心裡媽媽聲，個餐牌明明寫乾炒噶，點解我碟野係濕噶！好想走入廚房問下佢到底有無食過乾炒既粉麵係點！？朋友話不如叫佢換，之但係大家都會擔心被加料囉。所以，算數無下次！唔明既係點解呢間野係晚上都經常要等位，可能食扒餐都叫ok既，咖啡還可以、但炒粉麵？絕對唔合格！

食下午茶有糖水送？都係第一次見、又幾得意喎。豬扒包：香和脆、肉厚、分量ok。切開兩份方便吃。黑糯米：熱和不太甜、分量也算大。幾好、幾好。26元這個餐幾抵食不過用糖水代飲品都幾口喝、下次都係叫返杯嘢飲好D。

在慈雲山這一帶又最近教會的，算是一班師奶們最喜歡行的雙鳳街了~ 這裡附近除了有華園、梅園，就是這間轉了許多手的來多客，這裡最大的賣點是下午茶能到6點半啊~!!! 另一個賣點是，坐在這裡很舒適，每位顧客與顧客之間也有適當的空間~ 我叫左個香茅雞翼湯河，以下午茶嚟講，我覺得河粉個份量好足夠，而且每一條河粉也正正常常，沒有斷開，而且粗幼度也適中。而香茅雞翼方面，個人認為太燶，不過唔似得平時啲茶餐廳咁呃人，少少香茅味就扮香茅雞翼，佢幾乎每一隻都見到佢痴住少少香茅~ 香茅味濃，係炸得太透.... 熱氣左啲囉~ 不過老實講，咁嘅價錢俾我由6點幾食到7點幾，晚餐嚟講抵到爛啊!!!!

一次宵夜，一次晚飯，綜合兩次光顧意見：環境：卡位寬敞、舒適，夠冷氣服務：晚飯時段兩位年青侍應態度良好、熱心；宵夜時段幾位中年侍應態度略遜食物：款式超多，有4-5個餐牌，有扒餐、越式、咖哩、泡飯、炒粉麵、日式湯麵等，套餐可選飲品或糖水，糖水也有幾款可選，晚飯散叫加配飲品或糖水半價，飲品也很多款式價錢：合理，舉例鐵板餐有兩件扒、飯/意粉/薯菜、羅宋湯、蒜茸包、飲品，盛惠$52越式公司飯：份量足，有香茅雞翼一隻、香茅豬扒一件、豬頸肉三片、扎肉數片，有越式風味羅宋湯豬扒公仔麵：有新意，羅宋湯底非常美味，豬扒和公仔麵質素一般，可接受凍椰汁渣咋：足料，多渣，甜度剛好，惟不夠凍西多士：有花生醬饀，有誠意海鮮泡飯：夏日冇胃口之選，味道OK

十時多來到來多客，店內顧客頗多，但願意「搭枱」的話就無需等候。看到宵夜套餐的餐牌，選擇多，又包飲品或甜品，價錢經濟，所以我們點了兩個。我吃了乾炒叉燒意粉和椰汁黑糯米($38)，份量多，可是意粉內有太多芽菜，令整體質感很奇怪。叉燒偏瘦，意粉比較碎，但味道尚可。椰汁黑糯米出乎意料地好，椰汁香，黑糯米夠多夠腍，好！ 朋友吃了秘製豬柳扒包($26)，單看賣相感覺好像有點乾，實際上入口麵包尚算軟，而豬扒也不會很嚡，煎得頗香脆。加$2喝了凍檸茶，不過不失。

呢間店開了不算久，應不足五年，我幾like呢度環境，全部都是卡位坐得舒服可以hea久一點，捉晒食客like坐卡位的習慣，有音樂播放，如有埋電視會更好。講返食物同價錢，如幾年前來呢度食，你可能會覺得好貴，但今時今日，物價高漲 ，茶餐廳食個早餐都接近三十元的時候，呢度午餐同下午茶接近四十元，可以接受和不驚訝了。食過很多次呢個餐黒椒雞扒火腿飯是最抵食和好味，汁調得好正，雞扒大塊不鞋囗，仲有薯條，食完又飽肚，連杯飲品都是三十八元到，記住叫多汁，我會叫埋多飯添，厸我經驗待應唔會咋型的。

自己想轉校，所以周圍去穩學校，要怪就怪自己唔好采，派得唔好。穩完學校，覺得好肚餓，所以就去穩野食，行行下，就見到呢間野裝修好好，環境亦都比較舒適，所以就入去是，點知賴左野。我要左個西式据扒早餐，我要左牛扒餐，29蚊 送餐包一個，而我就要做個蘋果沙律。上菜果時我已經覺得奇怪，點解明明話送餐包，但系會送左個三文治包，不過我都算啦。到食牛扒ge時候，一食落去，已經感覺系好重味精，而且有好多鬆肉粉。我媽咪叫過個沙爹牛肉湯粉，25蚊，都系錦。我地兩個食完之後，都要不停飲水。我勸大家到呢間店果時要三思，千期唔好被距ge豪華裝修呃到！

本以為街坊食店, 原來這間是分店 看餐牌已覺昂貴, 這是第1次來. 什扒飯淋上了汁已看不到是那類扒 (牛同雞)牛肉好淋, 不過感覺醃了好久, 唔新鮮那種.雞扒皮還脆, 肉也嫩.米粒又乾又硬, 後悔沒有點意粉. 海鮮焗飯份量很多.有兩件青口, 蟹柳, 炸魚柳, 帶子, 魷魚. 配上濃濃芝士醬, 飯也炒了底, 好好味.而且好熱, 熱的才好吃!套餐可選飲品或糖水. 喳咋當然沒有媽媽的好吃, 花生很多我不愛.煲得好粉, 有d kick喉. 西米露西米冇幾粒, 都是椰汁.下次會叫回飲料or叫單品算.