來多客

营业中

休息中

是日經已晚上十一點左右，剛睇完戲，未食晚飯。見呢間嘢好似收一點，總之就未收可以唔使俾人趕住要Last order啦，所以就入去試下。餐牌同一般茶餐廳一樣咩都有，好多選擇，唔知係咪新裝修，都幾乾淨企理。同友人兩個人，無咩胃口，又有選擇困難症，所以求其揀佢張好似係宵夜套餐餐牌嘅嘢黎食。友人食日式叉燒烏冬，我無試食，所以唔知好唔好食。凍檸茶。我食吉列豬扒沙律，凍檸茶，豬扒都幾細塊，吉列豬扒當然要配他他醬／沙律醬食至好味啦，要自己開口叫侍應攞，佢至入廚房攞俾你，不過佢個醬好似有溝一啲紫菜粉嘅嘢，因為有一點點紫菜顏色嘅粉粒，不過唔多食到佢啲味。可能係宵夜套餐嘅關係，所以似下午茶咁嘅份量囉，不過價錢唔算平，只能怨物價貴，出街食嘢唔化算

自佢開業以來，我都偶有去幫襯呢間野o尋日就叫咗:1. 海南雞飯套餐:海南雞 - 煮得剛剛好，剛剛好熟，無變老到，味道都不錯油菜 - 只得一種菜揀(即係無得揀)，o尋日就係生菜，份量小咗啲囉雞油飯 - 睇落仲以為白飯，食落又有雞油味，問題係飯身超硬超乾 (胃病人士不宜食用)熱咖啡 - 係呢間最大賣點之一 (我個人認為)，應該係用捷x即磨咖啡整，不過整出幾好味 (好過大xx、尾深、乜咖啡...)2. 菠蘿雞絮炒飯 - 飯底炒得幾好食，不過我就嫌菠蘿香唔夠香口 (我估計係因為佢係用平價罐頭菠蘿)，如果用新鮮菠蘿會好好多囉跟餐要咗個渣咋 (呢間野第二個最大賣點，就係可以要糖水唔要野飲)3. 油菜(額外再叫多碟): 跟餐加埋額外再叫先等於1/4個生菜...真係少到呢 (我習慣晚餐食1斤菜芯+半斤肉)

喺慈雲山做完嘢,又到lunch時間,唔知食乜好,見到呢間好似唔錯,就入去...一入去,睇個餐牌,瀨嘢,入咗間"高檔"茶記,價錢十分...無計,坐低咗,即時走好衰仔,就睇下你有幾靶炮...叫咗個越式什錦飯,有雞翼,扎肉,豬頸肉...份量...飯唔算多,料...偏少,味道...偏鹹,加埋杯餐飲(凍飲),盛惠$46...環境算坐得舒服,坐到差啲瞓著...服務都ok,無人騷擾你...但咁嘅價錢,真係無下次...

朋友走到人生的最後階段，跟太太到聖母醫院探望她，願主祝福她一路好走！離開醫院後，有點餓意，皆因尚未午餐，這地區，不熟路，沒有心水店，就在附近一帶找食店，碰碰運氣罷！途經環鳳街遇上這新店，被門面彩色閃爍的招牌吸引著，結果，我倆就選擇了這裡用餐。兩個人要了番茄斑片泡飯及日式牛肉炒烏冬，烏冬另配上有馬來喳咋。番茄斑片泡飯，斑片，雖然是雪藏貨色，鮮味欠奉，但比一般龍脷柳肉質較實而有咬口，除了斑片外，還有不少番茄，番茄未有煮得過爛，仍然帶著鮮番茄的形態，湯中亦散發出番茄的清香，不多不少的湯，剛剛蓋過飯面，當中的泡飯，飯粒沒有泡得過腍，軟硬適中，仍有嚼感，加上酸甜的湯同吃，開胃可口。日式牛肉炒烏冬，其貌不揚的賣相，每條烏冬黏著深色的醬油，炒得比較乾身，烏冬質地軟腍入味，牛肉有疏打醃過的腍口，但其中有些肉質又比較韌，難咬爛？也許是帶筋肉的部位較韌！日式魚片有點腍腍的口感，整體味道由日式醬油主宰了，味道始終比賣相好。馬來喳咋，雖然名稱為馬來喳咋，但不知是否正宗馬來的製法！賣相並不美，份量亦不多，糖水的稠度適中，材料有紅豆、紅腰豆、綠豆及芋頭等等，味道充滿椰汁奶香，各種豆粒夠腍，還有香軟粉口的芋頭粒，恰