來多客

营业中

休息中

價錢普通，海南鮮滑雞飯好差，不是第一次叫這個飯，但係今次餐廳俾客人的肉全是雞胸，雞翼，雞完全無味，已經轉左白飯，因為菜飯好油，呢間餐廳唯一係坐得比較舒服，但係食物零分😤

蕃茄醬淋到成碟飯都係，唔想食，加碗白飯要收12蚊，塊雞扒好大陣雪味，好難吃，甜品落單講要熱嘅，上來係凍嘅，明明間舖頭無乜人，但寫單嗰個服務員問多一句都好唔耐煩，態度好差。

拎8人飛完全唔理，有4人＆6人枱唔識執位，不斷放2人坐4人枱，4人坐6人枱，重要係全部係之後取飛，跟住拎兩張4人飛立刻有位，都叫唔到8人，樓面唔識執位就搵人培訓下啦⋯⋯

大熱天時，無咩胃口及食慾。隨便在街上閒逛，見到餐廳樓底夠高又開揚，座位闊落，決定試試。從午餐內選了湯飯，嚟到後，有驚喜。一般坊間湯飯都勁胡椒，想必去凍肉雪味，但此家沒有胡椒味(起碼食唔出)，湯飯內餸量十足，滿滿一碗，十分滿足。加上冷氣夠大，暑氣全消。值得一讚， 好 ！

星期四我準備在「鑽石山」「鳳德商場」購買外賣自取晚餐「咖喱牛腩飯」食品之前，嘗試經過「鳳德商場」行人天橋通道，前往「蒲崗村道」對岸的「環鳳街」，找間一般「鳳凰村」的港式茶餐廳食店享用下午茶。這間位於「鳳凰村」的港式茶餐廳食店實際名稱，叫做「來多客」，我之前也曾經在「深水埗」，光顧過一間名稱很相似的港式茶餐廳，餐廳的名稱叫做「來多客餐廳」。事實上「來多客餐廳」跟「來多客」都有名稱相似，味道也十分相似的食品和飲品，例如「水果乳酸」飲品，我就曾經在兩間餐廳裡面遇見過了。今次我跟上次在「深水埗」「來多客餐廳」一樣，同樣選擇了享用「水蜜桃乳酸」飲品，不過今次發現「來多客」「水蜜桃乳酸」飲品味道，偏向比較重「乳酸」裡面的酸味，相反不是太能夠喝到飲品裡面的「水蜜桃」甜味。至於「來多客」食品方面，今次我選擇了享用，享用「來多客」下午茶時段裡面的「東灜白湯拉麵」食品，「來多客」的所有「東灜白湯拉麵」食品實際價錢，大概在五十六元至六十二元之間，食材以豬肉、鴨肉、海鮮為主。我選擇了享用「豬軟骨拉麵」，「豬軟骨拉麵」的主角「豬軟骨」實際製成品色澤偏向比較白，感覺不像曾經利用醬油，或其他調味料醃漬「豬軟骨」和慢

見到呢間門，門面覺得好大陸諗咗一陣，不過見到佢有咁多選擇，就畀個機會佢啦，點知都幾有驚喜喎Lunch已經有7個餐，最有驚喜係佢餐飲唔係平時得平時嘅咖啡奶茶，仲有糖水揀呀我就叫咗個凍綠豆沙，都唔錯，唔太甜我幾鐘意，而且唔會凍到冰咁。至於正餐我就叫咗xo 醬乾炒雞絲河，可能即炒關係，我等到同事碟炒飯差唔多食晒先到不過一嚟到，已經聞到陣陣嘅xo 醬香，望落去真係炒得幾乾身，唔會痴埋一舊舊，又唔會油淋淋，幾好食！有驚喜呀。

昨日（1/10/2020）來這餐廳下午茶，下午茶餐牌一有多款選擇，點了二份下午茶餐T4法蘭西多士及T43楊州炒飯西多士內有足料花生醬，好味楊州炒飯，份量不似下午茶，超大份量，餡料足，蝦，火腿，叉燒及蛋很多，炒得剛好，粒粒飯分明，味道亦很好味，原本點奶茶，細看餐牌，原來可點糖水，有凍西米露，馬來咋喳，椰汁黑糯米，海帶綠豆沙，除西米露外，其餘的糖水可選凍或熱。以T4法蘭西多士，只需$32，配椰汁黑糯米，不用加錢，真是抵，糖水店一碗糖水，都要二十餘元，再講，糖水有水準，不太甜，好食。

今朝決定同家人行獅子山，行山之前當然要食飽早餐先出發啦。我哋經過來多客，見唔使等位就入咗去。來多客有個好處，差唔多全部都係卡位，減少同其他顧客有密切接觸，空間感十足。白菜豬肉水餃米線$36- 米線份量好多，有三粒餃子，仲送咗好多椰菜，我叫咗炒雙蛋，原來炒蛋唔係滑蛋，不過都好大份，食到最後都食淨少少米線，餃子就正常水準。香煎豬扒公仔麵$36- 太陽蛋同午餐肉煎得好靚，豬扒醃得入味，可惜比湯浸淋晒，如果用碟另上應該會更加好味。$36茶餐廳早餐連埋飲品食得夠飽，唔錯！

鮮茄蛋花肉片泡飯 $50好中意食暖笠笠嘅野呢度個湯飯不過不失 湯底唔會話好重味精嘅不過就啲飯用隔夜飯 好多痴埋左一舊但我自己係食飯都偏中意食硬飯 所以接受到同埋都幾大兜 算係咁

在屋企附近吃個晚飯，平時星期一至日晚上萊多客門口總站滿了等枱的人，現在晚上真的很少人出街食飯。見我有帶住小朋友即時送上兒童餐具，服務態度真係好好好。萊多客最特別就是餐飲轉糖水，可轉 椰汁西米露/椰汁黑糯米/ 馬來喳咋/海帶綠豆沙，樣樣都試過曬， 樣樣冷熱都好味，因為佢好多餐都有餐湯，所以我多數都轉糖水。日式雜錦湯烏冬- 阿女指定要食烏冬，雜錦包含鴨胸，椰菜，叉燒， 基本半隻半熟溫泉蛋木耳，粟米粒，紅蘿蔔絲，木魚，包食得飽。皇牌百搭鐵板扒餐 黑椒雞扒 大件，好食， 雞肉滑，唔太肥吉列豬扒好脆口，易咬，好似食炸魚柳鐵板送上時，掛住影相， 等到淋黑椒汁時無左＜沙＞一聲，而且黑椒汁份量都唔係好夠。

因為原先想去嘅餐廳太多人，所以諗住喺旁邊求其搵一間食得飽個肚就ok，但係估唔到呢一間餐廳啲嘢食質素都ok喎👍比我想像中好，而且嗰啲咖哩牛腩真係煮得好入味👍唯一就係人流太多，服務員太少，基本上嚟嚟去去都係得嗰三兩個人，根本招呼唔曬咁多個顧客。所以淨係落單都等咗好耐，好在啲嘢食嚟到都唔失禮而且員工態度都可以接受所以整體嚟講呢一間都係算高質嘅茶餐廳。我唔係住開嗰頭，但如果嚟到肚餓呢一間餐廳我都覺得可以係一個選擇。特別係而家嘅茶餐廳做啲嘢出嚟唔hea真係好難得, 所以值得推介畀大家。

來多客下午茶供應時間係14:00 至 18:30，我同朋去6點幾去到仲有下午茶叫當然叫下午茶黎食啦，一黎食平D，二黎來多客下午茶都算多選擇。每款下午茶均配熬茶啡/凍椰汁西米露/馬來咋喳/椰汁黑糯米/海帶綠豆沙 (凍飲+$2)店內係卡位設計，坐得舒服唔會逼。環境清潔整齊『楊洲炒飯』+凍檸茶 $47炒飯足料，蝦大大隻，飯炒得粒粒分明。唔油。『干炒牛河』++熱咖啡 $45牛河較為油，但好香，足料咖啡，香濃 (糖自已加)總體黎講雖然係下午茶，但係都好大碟，抵食食飽7點幾就黎8點，晚餐唔駛食lu 真係好飽。

星期六下晝去來多客餐廳食下午茶餐，全部都幾平，區內餐廳唔夠佢鬥，環境舒適，最抵食係個糖水糖水幾好味，特別係椰汁黑糯米同馬來咋喳都唔錯，下次要試埋佢其他茶餐，睇落都唔錯！

夜麻麻唔知食咩好又住喺附近好似都冇乜特別食開粉面又一般般，食依間好少叫香茅豬扒飯食落口香茅味好重唔油膩仲要宵夜時間有得優惠泊車又方便黃大仙區數一數二抵食之選另外是食咗個香茅公司飯都唔錯

今晚喺黃大仙附近逛成日覺得呢到好多連鎖餐廳😂但係男朋友車我去咗呢間茶餐廳可以話係喜出望外🤪✨🤘天氣凍想食個港式鐵板餐見到門口menu 有就即刻衝入去！！嗯，衝入去！出返嚟⋯⋯估唔到小小一間好似好普通嘅茶餐廳要等下不過等咗一張檯就入得啦😀👍叫咗一個鐵板餐🥰係煎蛋同豬柳配薯菜加洋蔥汁雙蛋煎得唔錯個黃動L動L咁好過癮篤穿佢同鐵板燒多陣sa 一聲好動聽💆‍♀️薯菜唔止有薯😛仲有菜而且份量都唔少😍🤪👍洋蔥汁有洋蔥粒覺得製作好認真😂😂😂仲有兩舊菠蘿仔啊！漏講舊扒啊！塊豬柳一隻手掌咁大🙋‍♀️唔算話特別出色正正常常一塊肉囉🙃🙂反而係奶茶真係出色啦茶底好特別可以一戰👏隨餐仲有兩片蒜蓉包同羅宋湯包有兩片真係好抵食😭仲要好食唔係hea 烤羅宋湯就⋯⋯冇咩特別😂埋單六十令七十蚊，中位價錢😃性價比算係唔錯☃️☃️☃️