來多碗車仔麵 (民裕街)

营业中

休息中

本來開係觀塘車仔麵在紅磡重開左！不過有小小難搵路，要跟著google map 先找到。睇睇餐牌，5餸先至$43！學生👨🏻‍🎓仲有紙包飲品送。見好多人夜晚過來買剩餸，$8一個餸，加餸好抵呢！同細佬每人點5個餸，即係總共有成10個餸咁多😍姐姐推介下試左招牌辣魷魚🦑，花菇（必食！真係好大舊同好感很好👌🏻！），陳記章魚丸🐙（真係有章魚粒🥰），咖哩魚蛋，牛筋丸 （好彈牙），豬大腸（好乾淨呢），牛腩，豬紅，好甜的蘿蔔😋同2份韮菜（因為我地2個都係鐘意呢個菜😬😬個麵底試左懶健康的波菜麵😂個湯底無味精，細佬勁到湯底都飲哂

最近重回車仔麵懷抱。有日早左放工，又未到上堂，經過紅磡內街見到佢幾光猛就走左入黎休息兼醫肚。食車仔麵最邪惡係見到咩都想食，結果就叫到成碗嘢去親車仔麵舖都會點豬腸同蘿蔔，呢間豬腸巧乾淨，唔好有臭味同佢整得爽口；蘿蔔揀得好靚 好清甜好少可車仔麵有小食，忍唔住點台灣黑椒腸同溏心蛋。 隻蛋醃得有啲甜甜地，入面蛋黃少少流，好滿足但美中不足係我眼大睇過龍！我見唔到佢有波菜麵！！！！！下次我要再食呢個。光猛 好坐 闊落仲要有畫睇🤣🤣向後望見到呢幅，當鯉遇上章魚🤣🤣但呢幅我最鍾意，食飽坐多陣可以望下佢。(呢度姨姨好好，你食完坐都唔會趕你走。)呢度值得黎，佢唔多味精，食完唔渴口，好！重！要！。會encore😍😋

我一直係車仔麵fans ,知道「來多碗」開新店無理由唔試啦（仲要係我屋企附近），新店係红磡廣場附近，都好易揾，店內装修都係一貫作風簡潔清雅，坐得舒服。全店姐姐都笑臉迎人，好nice ,唔粗魯今日遲左食晏所以好肚餓，咩都想食於是叫左米線、沙爹鱿魚惹味又爽脆，豬腸有滷味又唔韌，牛腩入味又瘦、豬皮我就鐘意再淋D，居然衣家仲有通菜，湯底自然不會死咸，加腩汁、辣椒油，原來亮點係秘制辣椒油，有香味，辣度足，起左劃龍點晴作用。成碗變左加大碼😅唔知點解又食得曬喎!😂食完行去搭過海巴士，隧道口例牌塞車，去到西環落車，前前後後都2hrs 有多，都唔覺口乾口渴，ok啦

話說今日要出紅磡一帶做野,收工又係在紅磡工廠區一帶,行過發現呢一帶的食店都換了幾間,行行下見肚餓,我就同同事醫肚先。於是大家就決定去食好耐無食過的車仔面,間舖頭個名好有趣,叫來多碗。原來唔經唔覺,呢間舖已經係第幾間的分店。舖頭門面簡潔乾淨,一入去就係點面點餸區,大家可以如常咁叫你想食嘅麵,之後點送之後再揀特製嘅辣醬呀或者蔥花咁等等,呢次見到有菠菜面咁所以就試下菠菜麵啦,呢次我點了4個餸,一面4餸就$38,都唔算太貴。最緊要係耐唔耐食一食車仔面回味一下以前讀書時代的日子。有各式唔同的粉面其實都幾花多眼亂,樣樣都想食,攪到自己有選擇困難。店內有一幅香港懷舊油晝。波菜面,面質同油面差不多,幾有咬口,食落幾得意。豬腸肥美滑溜,洗得夠乾淨,又整得好入味。金錢肚爽口。仲有辣魷魚都好好味。耐唔耐食一次車仔面,零舍夠滋味。

今日咁啱收工要去紅磡工廠區拿雙十一集運,行過工廠區果頭,見到新開咗間叫來多碗車仔麵,印像中來多碗宜家都有幾間分店,終於係紅磡開多一間分店,見個肚有啲餓,於是同太太商量入去。食車仔麵最緊要平,靚,正,快,同好食。 作為繁忙的都市人,食車仔麵最緊要快同抵食。食果時已經7時半,入面唔係好太人,入去可以立即點餸。三餸麵都係$32,四餸麵就$38,加多幾蚊就有嘢飲,價錢喺呢區嚟講都唔算貴,佢嘅車仔麵個湯底都唔錯,而且佢的餸味道都唔錯。 蘿蔔又淋又入味,金錢肚又彈牙,湯底夠入味,是我以前返學食車仔麵嘅味道,夠曬地道。呢間舖入面,原來都花咗啲心思在裝修方面, 有3d畫啦,又有一啲香港傳統嘅油畫,大家食的時候可以慢慢欣賞。

昨天晚上經過紅磡，剛好到了晚飯時間，看見來多碗車仔麵門口的餐牌寫一麵兩餸都只是$26， 一於入去試下啦！ 雖然只是一間小店，但舖內的環境乾淨整齊，價錢還相當平民化。 首先到門口落單，選擇自己喜歡的麵和餸，之後再搵位坐低， 店員很快就會送上美味的車仔麵。我點了四餸都只是$37，有魚蛋，豬大腸，魷魚，豬紅，油麵，還加了少少秘製辣醬，將辣醬混在湯一起， 感覺特別惹味！ 魚蛋彈牙，豬大腸入味， 魷魚爽口，豬紅質地不會太淋。另外一碗車仔麵點了雞翼，豬大腸，魷魚。墨魚丸，蝦條，醬爆丸。 所有的餸都好入味，最喜愛醬爆丸大大粒，一啖咬落去還有湯留出來。餐廳亦提供很多不同種類的飲料，罐裝飲品，紙包飲品，茶餐廳飲品，還有我最愛的豆漿啊！ 欣賞豆漿有獨立包裝，飲唔曬仲方便拎走， 味道亦不算太甜有豆香。整體來說這間車仔麵餐廳真是幾好，環境光猛整齊，店員親切有禮，食物質素也很好。 現在很多車仔麵店舖的價錢都幾貴，我曾經食過一個餸都要五，六十蚊一碗。 所以來多碗車仔麵算是一間性價比高的車仔麵店，價錢平民化，食物的份量和質素也唔錯，下次經過紅磡一定會再幫襯的！

再次光顧呢間車仔麵啦 依間車仔麵價錢公道，環境衛生夠乾淨，廚房一目了然 客人夠哂放心 ！！ 👏🏻 一麵四個餸 $37 菠菜麵 +$3呢個菠菜麵好好食 煮到五會好淋 食到小小菠菜味 而且菠菜含豐富嘅維他命 對於食肥膩野黎講罪惡感立刻減小 主打 - 玻璃魷魚🦑用秘製醬汁煮成既魷魚 吸晒醬汁嘅精華配埋魷魚爽口嘅質感 ！ 不愧為主打 必點。手打牛丸呢粒牛丸 睇落普普通通，但系好食牛肉味重 咬開仲有汁架 ！！豆卜 未食已經知呢粒豆卜 吸晒滷水汁又黑又軟 有幾好食 🙈 凍檸檬茶 $9 呢間好環保♻️ 個杯可以循環再用㗎 👍🏼檸檬茶冇苦澀味 飲落茶味唔會太濃好順口 ！豆漿 $6鮮豆漿 突然想飲淡淡豆味 ！！

<傳統車仔麵>繼文記，榮記 ，呢間車仔麵都係數一數二嘅其中一間有名傳統車仔麵， 最大嘅特色係呢間車仔麵，畀其他店鋪更加嘅現代化， 室內裝修加入設計嘅成分。<招牌食物>1. 菠菜麵 （+3hkd）2. 水晶辣魷魚3. 鮮味蘿蔔4. 咖哩魚蛋<好多人食>平時呢間車仔麵通常排曬長龍，今日特登揀咗收工時間過嚟食，六點鐘，冇咁多人避開人群食晚餐。 叫咗44蚊5餸，再加六蚊豆漿， 食到飽一飽都係50蚊埋單， 今日老闆仲送左韭菜比我< 一面六餸一豆漿>菠菜麵，腐皮 ，韭菜 ，辣魷魚，巨型花菇， 咖哩魚蛋， 鮮甜蘿蔔 < 秘製醬汁 >可以同服務員講你想要幾多次羹< 點解中午會咁多人嚟食 >明白曬， 紅磡區，26蚊，低消費，包飲品，食得飽點會唔多人呢？

當日工作關係經過紅磡辦事,好肚餓。想找一些經濟又實惠的食物。覺得這間餐廳環境方面, 環境比較整潔有卡位,亦有雅座,牆上貼滿以熟能詳的車仔麵美食,加上一幅很大的油畫,涉及香港故事。天花板又有比較舊式嘅吊掛風扇，好有一種懷古風。我選咗韭菜生菜再加魷魚 及冬菇。首先冬菇好有味道，跟媽咪煮的冬菇一樣。韭菜好新鮮，本身男人應該食多些。車仔麵色澤油潤得好吸引，而且材料易煮得好入味。魷魚爽口唔再講，加上凍檸茶都唔過40蚊。最主要係，環境清幽而且乾淨。我會再來食一次。😘😘😊😊😊

紅磡新開張既車仔麵，呢間觀塘食過唔錯所以今日係紅磡午餐都要試下。大概在12:30左右已到， 叫左幾樣餸， 亞姐都好好人。叫左米粉，羅白， 魷魚 ，豆卜，豬大腸， 牛腩 ，牛百葉， 豬皮 ，魚旦 白、綠色水餃。各樣都入味， 但水餃皮有D硬，可能煮定 ，皮乾咗D 。湯+牛腩汁和自製辣醬好好味，尤其是辣醬好惹味又唔算太辣。 都有飲幾口， 到現在口還未好乾，即少味精。新開張唔係好多人，其他兩間要排隊呢間唔使排就又得食，又好味，下次可以番兜。

今日喺附近做嘢，見到呢間車仔面，見佢都有少少人排隊，應該都唔錯，就行入去食下。排隊叫嘢食本身以為要自己拎過去，點知啲阿姐好好人幫我拎埋我去，服務態度仲幾好，會介紹你有咩好食。店舖環境唔錯，牆身好懷舊，好靚，可以影吓相打下卡。食物質素超好，特別魷魚好入味，如果食得辣一定要食佢哋嘅秘製辣椒，包你好興奮。

第一次試呢間車仔麵入到去店員態度很好，有禮貌(有笑容)，碰巧有客人漏低左藍牙耳筒，店員都好落力幫手搵叫左個四餸麵+杯凍檸茶豬腸-夠入味，唔會太彈牙好難咬豬紅- 唔會一夾就散曬，不錯咖哩魷魚-唔覺有咖哩味，一般蘿蔔-好入味，好清甜，唔會有渣，好好味另外，佢地既秘製辣醬，一定要試一試，唔食辣既我，對覺得好味道(食左頭皮有麻麻的)

呢間可能係呢頭裝修最靚嘅車仔麵檔！佢吸引到我係因為牆上的壁畫，價錢又唔貴，所以就試吓啦今次叫左豆卜、蘿蔔同魷魚三個餸加瀨粉豆卜浸滿濃濃既「好似滷水味既汁」蘿蔔都好入味，仲好甜呢度整既魷魚真係要讚下，超級爽口彈牙瀨粉都好入味，不過剪得太碎$32

來多碗⋯⋯我每每在紅磡工作過後，都會嚟整番碗，因為畢竟香港越來越少好食嘅車仔麵了，喜歡這裡嘅車仔麵外，還喜歡他們的服務態度，店員都很有禮貌的因為曾經在港島區，為了吃某某的出名車仔麵，吃得我擔驚受怕他們的蘿蔔真係可以比美銅鑼灣那X記，另外魷魚🦑、花冬菇都是我必叫的項目。重點係他們的秘製醬汁，唔係太辣，啱晒我口味，這裡的價錢相當合理，有時見到一些車仔麵賣到佰幾蚊一碗，真係嚇得我驚驚哋⋯⋯但這裡價錢合理，值得推介

唔怕同大家講，小弟都稱得上係車仔麵達人，鍾意食的程度係曾經一個月內每天都吃車仔麵！我每次見到車仔麵都想食，最喜歡車仔麵每次食都配搭不同的麵、湯底同餸。可能我恨我的人生冇車仔麵咁多姿多彩吧。下午餐時間咁啱經過呢間來多碗，就等我試試佢！一行到門口就比佢大大張的menu吸引，唔止係因為佢夠多餸，而係因為，兩餸只係＄25！？實在太難以置信了，燈油火蠟都係錢呀，難道呢間鋪冇諗住賺錢，只求打個和？？？？？？唔講咁多我一個箭步走入鋪內，搵個位擺低d野就揀餸。環境光鮮企理，講真呀有幾多間車仔麵會睇造咁整齊乾淨先得架。鋪內仲有不少壁畫，相信老細都係對藝術有一定追求的人！咁呢度就係自助形式，去到講要咩餸咩麵咩湯就ok。煮完碗麵個店員姐姐就推介要加辣汁，講真唔加辣都談唔上係一碗完整的車仔麵啦！之後直接比錢，個店員仲會幫你拎碗麵添。我就叫左個豬大腸＋豆卜粗麵仲以為25蚊麵底同餸實好少，但估唔到都幾足料，開始擔心個老細圍唔到皮了。豆卜不過不失，而豬腸彈牙又入味，加左推介的辣汁之後湯底非常好味。呢個價錢仲有呢個味道同份量，呀叔我都收貨了。食食下見下附近幾張枱都叫左辣魷魚，可惜我已經好飽，唔係我真係會來多碗的！