來多碗車仔麵 (民裕街)

营业中

休息中

紅磡大多數的美食，遊歷此區各色其色應有盡有。特別在夜間的時分，走到各區四周也看到車仔麵店，「車仔麵」是香港的地標之一吧！無論你在何時何分肚餓的時候，總有一間在你附近。途徑此地小妹的肚子又再響起，「來多碗」有一種回到七十年代的舊香港的格局。沒有什麼的餐牌，卻帶你走到從前一樣，叫餸叫麵而坐便可以。食物的種類繁多包括：豬皮、蘿蔔、豬紅、魚蛋等基本食材外，還有豬手、午餐肉、漢堡扒、響鈴及魚餅，也是隨時代的變遷而增加。 自選麵底也是多元化，但意想不到是菠菜麵吧！一湯五餸只需要$43，可算是價廉物美。車仔麵的湯底並不需要太濃郁，只要材料烹煮美味便能夠技勝一籌。咖喱魚蛋彈牙而嚼勁，豬手也是出色不會太腍軟，滿滿骨膠原在口腔中盤旋美味。蘿蔔相當入味而帶爽口，也是車仔麵必吃之物。另外冬菇也是大大粒沒有吝嗇之物，更有花紋可見不是普通貨色。另外近期車仔麵更有新元化引入「台灣麻辣鴨血」試食價$15，更有自製的甜品「楊枝金露」$15，認真甜品是限量供應確有原因，打開後非常足料滿有芒果香，甜度恰到好處，柚子帶口感滿足。隨著時代的變遷，舊式的車仔麵也需要多元化，留著客人的心不只是食物的美味、店主的改良及引入新元化，希

今早經過紅磡，少見咁早開嘅車仔麵，一於入去品嚐一下，地方乾淨企理，款式唔算少，有我至愛嘅豬腸同魷魚，即刻叫咗個三餸+油麵都係31蚊，味道算得上中上，非一般嘅嗱喳麵，翻食指數90以上

之前聽朋友介紹紅磡開咗間車仔麵幾好食，個個都推薦，我就梗係唔執輸都去試吓啦！🤤我叫咗牛腩，豬腸，魷魚，再加多杯凍檸茶＄40。啲牛腩炆得幾入味，確實係幾好食👍🏻，不過D豬腸就剪得有啲太碎，同觀塘嗰間總店比起，觀塘嗰間D豬腸剪得冇咁碎，比較有口感。我本身係一個唔係幾食得辣嘅人，所以D魷魚對於我來講，有啲辣，不過佢辣得嚟又幾爽口幾好食，睇嚟下次再食佢哋D魷魚之前，要訓練下自己食辣啦！😂下次再來食

在紅磡佛光街天橋底同馬頭圍道交界，都唔係咁易搵到，周圍有好多工廠大廈！紅磡分店？唔通其他地方都有？好多套餐選擇，又可以獨立叫。弊傢火，全部必食推介我都好想食！我嘅選擇有甜心蘿蔔，秘製牛腩，魷魚，響鈴同埋豬大腸。鍾意食大辣嘅朋友就要加多啲佢嘅秘製醬汁，鍾意食小辣嘅朋友我都建議你食多啲呢隻秘製醬汁，唔鍾意食辣嘅朋友點都要試吓佢個秘製醬汁。（重要嘅說話要講三次）佢個甜心蘿蔔真係好深色，因為煮咗好耐，好入味，好清甜多水。牛腩用上傳統碎腩，唔會太肥，佢都比幾多我。魷魚好爽口，屬正常。豬大腸肥膏唔會好多，睇得出佢用咗好多時間去處理。最後點解我會叫大家一定要落佢個秘製醬汁呢，因為我個響鈴浸住啲湯黎食，真係好好味！估唔到車仔麵舖都有賣楊枝甘露，細細碗，超級多料，仲要唔係好甜，食完飯唔想周街搵甜品食，真係一流，推介！

之前經過見到呢間車仔麵已經想試吓，今日終於有時間同朋友一齊去食。我就叫咗唔辣魚蛋，蘿蔔，牛腩，同佢地最出名嘅魷魚，再加多罐可樂，夾埋都係$45。一份蘿蔔有四舊，每舊都又大又甜幾好食👍🏻，牛腩應該燜咗好耐好入味，D魷魚辣得嚟又爽口唔會黏牙夠哂惹味🤤

“Car” noodles is one of the most traditional food in Hong Kong. I personally like eating “Car” noodles because you get to choose as many side dishes and the type of noodles that you like. I chose egg noodles, curry fish ball, beef brisket, pork intestines, white radish, gailan veggie, and wish beef brisket soup base. All side dishes were delicious.Overall, I’ll rate this restaurant 4/5. And will definitely come again!

I was drawn here by the spicy ducks blood, by that I mean the duck blood captivated me here.You can also literally draw blood, not using a pen but using a needle, ie phlebotomy if you get the right vein!It turns out that this is the second branch and it is bigger and better.There are more choices at this branch whereas the KwunTong one is more traditional.This noodle joint is famous for the spoon of chili sauce which I thought tasted like the sauce you find in Taiwanese noodles that you mix toge

今天和同事黃昏相约到紅磡試由官塘殺出来的車仔麵，好記得兒時的車仔麵就是在木頭車上熱氣騰腾的野味小吃。回想小時間，媽媽只許吃魚旦，其他食品一概免問，但那時就有感一個麵和一串鱼旦同一價錢，為何只許吃鱼旦，但现在不是那么容易有好吃的鱼旦呢！。现在就可以大吃特吃，區區有不同，家家有特色，今天吃了比较有特色的波菜麵，鱿魚，蘿白都好吃，鱼旦就可能我们晚了，有点欠弹牙、、、辣汁有特色，要赞的是沒有猜到有的楊枝金露，夠多柚子同芒果，又一个富足的晚上

觀塘著名車仔麵店一次都無食過，宜家竟然進駐紅磡，講到咁威威，梗係要試下啦。夜晚OT完行過去大概八點，入到去阿姐叫我買完先搵位坐。我先岳高頭望住個水牌，選擇款式都係基本野，但一時三刻未諗唔到食乜，點知阿姐話好多都無啦，用湯殻敲敲爐邊，「淨返呢度，要唔要菜呀」。我都費事諗，總之要左先。眼見格仔爐裏面既食物款式同量都只淨返少少，我都係是但嗌，最後要左蘿蔔、唔辣魚蛋、豬紅、豬大腸。仲想要豬皮，點知賣晒。而唔辣魚蛋只淨返兩粒，阿姐唯有將多兩粒咖哩魚蛋放入清湯撈一撈黎湊數😂一食就係味道熟悉既港式車記味，有返左屋企既感覺。食飽9點未到，已經淨返我一個食客，店員都執起晒D野準備打烊 😅 所以想多款式揀，應該早D去。

睇到網上有 Media 報導，佢係官塘 30 年老店的分店，今日搵時間去試吓。一踏入間鋪，個裝修好企理，印象唔錯，但食客只有小貓三四隻，相信是新開鋪關係。當點了餸後，發現全個廚房班底都係普通話交流，心知不秒。雖然車仔麵只要前期準備功夫做足，煮熟個面，夾起相關餸菜就起得貨，唔太考功夫。但一間新店，主打香港地道美食，竟然廚房冇本地人把關，真係幾意外。當個麵上到台，見到咁嘅價錢咁嘅份量，心諗唔通物價又通脹左咁多。$40 3 餸一麵加杯凍檸茶，在同區算係貴了。唯一分別係好坐啲裝修靚啲，唔似大部分鋪頭得罐裝汽水選擇。大部份餸冇隔離鋪咁好食，個蝦卷一咬入口，粉過粉皮...以貴接近一倍價錢，份量同隔離行仔鋪份量相約，相信都幾難吸引附近寫字樓客。依家明白，就算網上強勁宣傳，在午飯時間人流都係冷清清的原因了。

夜晚同一班朋友食飯經過見到一間新開的車仔麵門面整理簡約 不錯入到去店員好親切有禮先點食物 有好多選擇有我中意食的蘿蔔同牛腩但遲左黎 豬紅已經賣晒 下次要早點黎食材配料都好豐富同足料牛腩 好多又入味 食得出炆左長時間制作蘿蔔好甜好入味又夠軟 好少面店做到的另外叫左杯咖啡溝可樂 味道好特別 我個人好中意個秘製辣醬好香好濃縮又夠辣 正喜歡辣的朋友都一定中意！呀！坐低見到牆上貼住觀塘都有一間原來係老字號 唔怪得咁出色而且價錢又唔貴 親民價

2餸25親民價，九餸$67合理。環境服務味道💯滿分，吃完再打包一份。堂食味道更好，打包最好要分湯，時間久了也不影響口感。打包盒很結實也能入微波爐加熱，好滿意。

總括： 湯底夠味，但３送既份量唔夠飽加分位： 個透明膠碗好穩實，唔擔心外賣倒瀉．鋪頭整體感覺好乾淨．中選原因：於附近工作食暈哂～自己鐘意試新野～同事亦推介個湯汁～服務： 唔錯啦，全部人員都有禮貌食物：份量真係非常之美中不足了，最愛食雞亦．豬紅～！湯底好夠味．款式多樣，都係一般車仔面類內容．飲品： 門邊有多款飲品供加錢揀選是次我無加飲品～環境：場內見到用漫畫風格畫左Ｄ特式立體畫～都算吸引～亦有靠牆疏化位選擇～

本來要減吃點知經過一個車仔麵食又受不了引誘田就因為見到人地碗麵上面的菜那顏色實在令人- 即在下我 本人忍不住想要價錢幾可以25$ 兩餸已達目的可以叫到青菜原來只是菜心但綠油油以為芥蘭很引睛加滷豬肉自家製椒鹽辣醬5 分鐘後現正式試試相當適合油面是我食車仔麵的唯一選擇經過5分鐘味道不林不軟很專業再加上青菜已經浸林是我的喜好再看看本店本頭是觀塘古老面感覺良好自忖：中國人面家對淥油菜的工作已達化境！果真如此⋯⋯來多碗吧⋯⋯你是面家我也是食家二十分鐘後我的油面。唯一不足舊滷肉不入流又硬又不滑一流的是菜油面加獨特辣醬👌⋯⋯半小時後我的菜心幾乎比永年好

  對客唔公平, 份量小唔抵食呢間車仔新開左一個月, 每日返工都經過但一直未食, 因有同事食左...話食空氣咁結果我唔聽佢講, 試左真係.....奶野兩餸麵$25 牛肚魚蛋米線加辣拿呢張相係未食之前影架!! 未食已經見到份量少到咁!!!其實一直食開後面呀叔個間車仔麵(都係唔好食架啦!!!但人地個價定得合理, 呢款麵應該只係4+4+6=$14), 貴左成十蚊有多, 咁唔出奇既, 人地開正係大街, 鋪頭又裝修到靚一靚, 走中檔車仔麵鋪路線咁排隊叫麵, 叫餸, 俾錢一條龍, 仲有人安排你要坐邊.. 揀位話唔俾!!!咁問題黎喇!! D米線淋到, 有無搞錯呀, 我80歲呀婆食個碗米線都無咁淋啦!!真係好淋呀........一PAT PAT咁呀!!味道方面, 湯底其實比平價個間好味少少,但 唔係話佢好食呀!!!只係得個咸字~~ LUNCH返黎一直覺得好好口渴!!唔知佢落左幾多味精呀魚蛋有四粒無特別, 牛肚幾好食彈牙, 咁但係, 25蚊我唔係買幾舊牛肚掛?!?!???????隔離有個女人舉手話米線好淋食唔落, 我都同時講話我個碗都係好淋~~個女負責人主動話煮多碗俾佢, 我想睇下佢會點處理啦, 結果佢